Larry leh Rosie (Sangi) te chu 29th December, 2008 (Thawhtanni) zing dar 8 khan Dawrpui Kohhran Fellowship Hall-ah Pastor Vanlalchhunga'n kut a suih tir ta. Biak Inah hian mo lawmna thingpui in a ni a, chawhnu dar 2 atangin Tourist Lodge, Chaltlangah Reception hman a ni.

Damlo : Pu Lalrintluanga, Churh Square chu Cancer natna avanga hem zawh a nih hnuin inlamah a in enkawl mek
* Pu Roliana, New Market pawh damlohna avangin Care Hospital ah enkawl mek a ni.
THILPEK : Vanapa Section chuan Branch YMA ah Kuangsiamna hmanrua Thingnawh mamna khawl China siam tha tak, man to tak a pe a Branch YMA an chungah a lawm hle.
Bungkawn a mawi : Bazar Bungkawn pawh chei zawh a ni tawhin thlalakpuitu an tam hle hnatlanga chhuak thinte an fakawmin an chungah Branch YMA a lawm hle.
MHIP : Dawrpui West Group MHIP-te pawhin Dec 30, 2008 (Thawhlehni) hian ruai nen kumhlui thlahna hun hman an tum mek bawk.

Zoram hmun hrang hrangah Krismas hlim takin boruak muanawm tak hnuaiah hman a niin, kan vengah pawh he hun hlimawm tak hi kan vengchhunga kohhran hrang hrangten hmangin mahni Biakin-ah theuh thupui neiin hman a niin thingpui ruai nen lawm a ni hlawm a, a tuk 26 December khan Ruai an theh hlawmin kohhran hrang hrangah zaikhawm thawm pawh a tha hle a, kan venga Kohhran lian ber Presbyterian Kohhran chuan Nu leh pa Zaikhawmna leh Thalai Zaikhawmna a hranpa in an siam a, a tu ve ve zawk pawh zaikhawm an tha in an hlim hle.

Kan hriat theuh angin MLA Election- 2008 chu zawhfel a ni ta a, Congress Party chuan hneh takin chakna an chang a, hetih lai hian keini Dawrpui Veng pawhin Ex-MLA lo ni tawh Pu John Rotluangliana chu Congress ticket- a thlan tlin leh niin Dy. Speaker nihna chelh tura tih a ni a, hemi vang chauh pawh nilovin, amah hi Dawrpui Branch YMA O.B hmasa berte zing a mi a nihna angin amah chawimawina hun chu Dec 26, 2008 khan Branch YMA OB te chuan an nei a, he hunah hian Certificate hlan a ni.

Dawrpui veng hi tunah chuan Khawhar lenpui kan tha thei ta fu a, tan lak zui zel erawh a tul tho mai. Khawhar lenpui tur pahnih kan neih hian tanlak a ngai lehzual a ni. A nihna takah chuan khawhar lenpui hi kan zavaia tihturah dahin theihtawp chhuah theuh ila chuan khawhar a rualin pathum pawh nei ila lenglo khawpa leng tur hi kan awm hrim hrim a ni.

Khawhar lenpui hi a titur bik kan awm chuang lova, mizo kan nih chuan kan tihtur vek a ni. Amaherawhchu kan tul dan leh hun kan neih dan a inchen lo hle anga, hmanlo tih vanga khawhar lenpui loh ngawt chu a dik bawk silo.
Remchang insiama len ve tum hram chu a dik a ni. Khawhar lenpui thang chuan lang tam leh lang ngai reng reng lo Dawrpui venga cheng ve te pawh rilru mitthlain a chhui zut zut thei a, hengho hi YMA hian leng ve thin turin sawmna sem dawn sela dawng ngei tur chu kan awm chiang mai le. In ngaihtuah chiang ila tan i la thar leh teh ang u.
Mihlun tih ringawt pawh khawtlang tana a thawh peih chuanloh chuan chapo pui tlak a ni lo. Tun dinhmuna khawtlang tana thawk peih leh thahnem ngaite hi khawtlang tana mitha chu an ni mai e. Kan khawtlang a lo mawia, a nawm theihna tur chuan kan zavaia kan tan tlan hi a tul a ni. Thiam zawng leh theih zawng kan nei theuh chu thawhkhawm ila, kan khawhar lenpui hian hma a sawn zel ang.

Dawrpui Branch KTP-te chuan Naupiang chibai buk nan heng home/hospital hrang hrangahte hian Dec. ni 21 & 23 te khan thilpek an hlan. (i) Old Age Home (ii) Gan Sabra (iii) Protective Home (iv) Presbyterian Hospital (v) Hospice (vi) Hmangaihna In (vii) Hermon Children's Home (viii) TNT (ix) Damna In.

Dawrpui Kohhran Naupang Sunday School chuan Dec. ni19 & 20 khan Agape Centre, Durtlang-ah leh Biak In compound-ah Christmas Festival programme hlimawm tak an hmang.

Nizan (ie. 18 Dec., 2008) khan Dawrpui Branch KTP chuan kum tina an lo tih thin tawh angin kumin chhunga Dawrpui Kohhran member Chatuan Ram pantate chhungkaw 15 hnenah carol leh Krismas Chibai bukna neiin member 50 vel an thawk chhuak a. Group 2-a inthenin atawpna chu a hohovin Pi Chuauhnuni (L) m/o Dr. Lalrindiki Fanai te inah an hmang ho a, thingpui leh a hmeh tui tak an lo buatsaih sak bawk a ni.