TUNLAI TUALCHHUNG CHANCHIN (30Nov.'08)

[ 30 November, 2008 | 0 comments ]

Passed : Nl. Rongurliani d/o R. Zodingliana (Upa) New Market, Presbyterian Hospital, Durtlanga Staff Nurse thawk mek chuan CMC Vellore atangin B.Sc. (Nuring) Ist Class-ah a passed.
Boral : Pu P.C. Lianhmingthanga (51) Thana OC chu Septicemia natna avangin Nov 27, 2008 zan khan Aizawl Civil Hospital-ah a boral. Amah hi Dawrpui veng Thana Qtr.-a a hnathawk paha awm a ni a, chhungkua ang erawh chuan an awm lo.
* Pu C. Lalpianga, Chanmari chu Nov 28, 2008 (Zirtawpni) khan Septicemia natna avangin a boral. Amah hi Pu Thansiama (Tuaia) Bara Bazar (Pi Thangliani Colony) makpa a ni.
Damlo : Dr. Lalrohlua Delhi-a a ril zai chu enkawl mek zel a ni.
* Pu Vanthangpuia, Church Sqr.te pafa poh Damdawi in atangin an chhuak toh e.
* Lalhmachhuani d/o Pu Vanlalbika, Branch YMA Secy. chu Tonsil zai avangin Grace Hospital- ah enkawl mek a ni.

MPF : DAWRPUI LOCAL FORUM NEWS

| 0 comments ]

Mizoram People Forum, Dawrpui chuan a theih tawk tawkah hma la in, Information Office an hawng a, Duty turin member-te an inchhawk bakah MHIP Dawrpui Branch ten nitin mi 5 an rawn ruat bawk a. Pathian hnena inhlanna hunte nei thinin, hlim takin Office an nghak thin. Inthlanna atana Campaign ilo-ah Complaint a awm hranpa lo a, boruak tha leh muanawm tak hnuaiah kan inthlan ngei theih nana MPF hmalakna hi a lawmawm em em a ni.
Kohhran leh tlawmngai pawl hrang hrangte hnenah Fund an dil anga pek an nih avangin lawmthu pawh an sawi nawn leh a ni. Dec 2, 2008 Thawhlehni Inthlannni hian MHIP leh YMA-te puihbawmna in voters te no lo zawn sak leh tul dang buaipui ngaite an buaipui leh ang. Inthlan dang anga Party tin ten dawhkan an hun thin kha tun tumah hian MPF hian a kengkawh dawn a ni. Kohhran zawng zawng tel lo mahse, Kohhran leh tlawmngai pawl hrang hrangte telna MPF alo awm hian muanawm leh dik taka inthlanna kan nei dawn anih hmel a, a lomawm em em a ni.
Dec 2, 2008 (Thawhlehni) Inthlanni hian member ruat bik awm lova Duty vek tur a ni ang.

BUNGKAWN CHEI ANI DAWN

| 0 comments ]

Krismas alo hnai leh ta a, kumdang ang bawkin Bazar Bungkawn chu mawi taka chei leh nise tih an rel a. Hetiang hian Decoration Sub. Committee siam a ni:-

  • Chairman : Pu Rosangliana, Vice. President, Branch YMA
  • Vice. Chairman : Pu Zoremmawia
  • Secretary : Pu H. Dingluaia
  • Treasurer : Pu Vanlalchungnunga
Member-te :
1. Branch YMA O.B. zawng zawng leh Section Leader-te
2. Pi Baby Zosangzuali (MHIP) 3. Pi Lalrengpuii (MHIP)
4. Pu Zadingluaia (MUP) 5. Rev. H. Zalawma (MUP)
6. Pu K. Rothanga (VCM) 7. Pu R. Lianchhawna (VCM)
8. Pu Lalduhawma Zadeng

JOINT PLATFORM CAMPAIGN

[ 22 November, 2008 | 0 comments ]

Mizoram People Forum, Aizawl East -II Constituency Forum ruahmanna angin Nov 21, 2008 (Zirtawpni) zan khan Dawrpui School Hall-ah Local Forum : Dawrpui buatsaihin Joint Platform Campaign hlawhtling taka neih a ni. Beisei angin mipui an kal tha em em lo na a, a kal chhunte an puitling tlang a, boruak nuam tak hnuaiah MLA Candidate ten thu an sawi a, zawhna (Common Question) 6 an chhang bawk. Mipui kalkhawmte chuan an vote tur chu an rilru-ah an dah theuh tura ngaih a ni.
East -II bialah hian heng mite hi Candidate an ni :-
1. H. Vanlalauva : MNF
2. J.F. Rothangliana : LJD
3. Lalsawta : INC
4. V. Laichhinga : UDA

Tin, MPF Local Forum ten hma an lakna tura Fund an dil angin hetiang hian pawisa an dawng a, an lawm hle a ni :-
1. MUP Dawrpui Unit ------------ Rs.2,000/-
2. MHIP Dawrpui Branch------- Rs. 2.000/-
3. Dawrpui V.C ------------------- Rs. 1,000/-
4. YMA Dawrpui Branch -------- Rs. 2,000/-
5. Kohhran Presby. Dawrpui ----Rs. 5,000/-

CYMA INTHLAN THUCHAH 2008

| 0 comments ]

Inthlan thuchah hi ngaipawimawh a, zawm ngei turin Zoram mipui leh political party tinte CYMA chuan a ngen a ni.
1. Kan ram rorelna hi mipui siam a ni a, a chhiat a thatah mawhphurtu kan ni tih hriain, khua leh tui dik takte chuan vote i thlak ang u.
2. Zohnahthlak zingah chibing/ sakhaw bing inthliar hrang zawng a chetna hi CYMA chuan tha a ti lova. Kan hmaa Inthlanna kan neih turah pawh chutiang zawnga hma la lo tur leh chibing/sakhaw bing puala Candidate siam lo turin Political party leh mipuite kan ngen a ni.
3. Inthlan hun puan a nih hnuah leh party hrang hrang ten Candidate an puan hnuah chuan Political Party emaw, Candidate-in khawtlang Ruai siam hi tha kan ti lova, tumahin khawtlang huap Ruai siam loh nise.
4. Candidate turte hi ram hruaitu turte an nih vangin Zu ruih hmangte, Eiruk chingte leh nungchang thlahdahte chu Political Party ten Candidate atan vawrh chhuah loh nise. Hetiang mi Candidate zingah an lo awm palh a nih pawhin vote loh ngam nise.
5. Naupang kumtling lo leh thil kalphung hre pha lote, Inthlan boruaka hnuhluh loh leh hmanrua a hman loh nise.
6. Political Party Manifesto-ah a taka tih puiltin theih ngei tur tarlan nise.
7. Inthlanna muanawm, boruak tha tak hnuaia kan neih theihna turin thlangtu mipuite leh mawhphurhtu zawng zawngte theihtawp chhuah a, tanla turin kan ngen a ni.
8. Hel pawl hmanruaa hman leh ralthuam chelekna reng reng kan duh lova, mitinin kan chhia leh tha hriatna thiang tak hmanga vote kan thlak theih nan Sum leh Therhlo dang hmanga vote lei leh hralh hi tih loh nise, mipui, pawl hrang hrang leh Kohhrante pawhin Party leh Candidate- te sum leh thildang dil loh nise.
Hetiang hi Central YMA chuan Inthlan Thuchah duan chhuah chu a ni a, sawifiah leh chuan a ngai awm love. Mipui ten rilru fimin, kan ram hruaitu tur hi thlang ila, kan ram a chhiat a thata mawhphurtu kan nih hria in, Pathian hnena tawngtai chungin mitin i inbuatsaih zel ang u.

TUALCHHUNG NEWS (Dawrpui News 23 Nov'08)

| 0 comments ]

** Ruangchhuak : Pu Sanghmingliana Ratu(Pu Sangchhunga Salvation Army DC nau) chu Nov 15,'08 (Inrinni) khan Accident-in a boral a. A ruang hi atuk Nov 16, 2008(Pathianni)khan thlahliam a ni.YMA chuan Kuang a tumsak a,puanin a tuam bok.
** Boral : Pi Rosiami Kum 92 (Pi Lalrinthangi New Market U) chu Nov 16, 2008 (Pathianni) khan Thisensang avangin an khua Lenchimah a boral.
** Thilpek Ropui : Pi Mary Lalengpari w/o Col. John Zama SM, Canteen Sqr. chuan a nu- Pi Brigid Darziki hriatrengna atan YMA Dawrpui Branch hnenah Steel bowls 100 an pe.
Pu F. Lalengmawia, Zion Street te chhung pawhin an nu- Pi Brigid Darziki hriatrengna atan bawk Kuang siamna atana mamawh Mistiri bungrua an pe bawk a. Kan lawm em em a ni.
DAMLO-TE :
* Pu Vanthangpuia, Church Sqr. (VC Member) chu Thisen sang etc. avangin CARE Hospital-ah enkawl mek a ni. Hetih mek lai hian a fapa Lalramnghaka pawh Kulikawn Hospital-ah enkawl mek a ni bawk.
* Pu Ziakkima Pachuau, kan News Editor pawh tunlai hian a damsam meuh lo a, in lamah a inenkawl mek.
* Dr. Lalrohlua, Canteen Sqr. chu Kolkata-ah enkawl mek a ni.
* Nl. C. Laldawngliani, Bara Bazar chu Kolkata, AMRI Hospital-ah enkawl mek a ni.

PICNIC ROPUI

| 0 comments ]

Nov 24, 2008 (ThawhTanni) hian Vanapa Section chuan J.L. Picnic Spot-ah Section Picnic Ropui a nei dawn. A thei apiang Section huam chhunga puilting, naupang zawng zawng tel vek tura sawm leh hriattir kan ni. Hemi ni atan hian mahni motor/bike keng thei ten ken ni se a lawmawm hle ang.
*Kal hun : Zing dar 9:00
*Innghahkhawmna tur : Dawrpui Sikul
*Mi pakhatin Buhfai No 1(khat) ken nise.
*Fatu turte chu zing dar 7:30-ah chhuah tur a ni ang.
He Picnic-ah hian Branch YMA OB zawng zawng, Section OB zawng zawng leh Dawrpui News Editorial Board Member zawng zawngte chu a bik taka sawm an ni.
Ruihhlo laka fihlim lo leh in thunun zolo turte chu kal buai loh law law tur a ni.

MPF : DAWRPUI LOCAL FORUM OFFICE HAWN ANI

| 0 comments ]

MPF Local Forum : Dawrpui chuan Nov 22, 2008 (Inrinni) chawhnu dar 1:00 khan Upper Bazar-a VC House hmang hawhin Information Office chu Pastor Vanlalchhunga’n a hawng ta.

MPF Local Forum member nitin Duty inchhawk dan tur hetiang a ni :-
Nov 24, 2008 (Mon) :
1] Rev H. Lalzara 2] Pu P.C.Lianhrima 3]Pu Zoremmawia
Nov 25, 2008 (Tue) :
1] Upa Dr. R. Lalzauva 2] Dr. R. Tlangkunga 3] Pi Zothansangi
Nov 26, 2008 (Wed) :
1] Rev. Rualkhuma 2] Upa Zosangzuala 3]Pu Chhawnkima Pachuau
Nov 27, 2008 (Thu) :
1] Pu Lalhmingliana 2] Pu Bualhranga 3] Pu M. Thanmawia
Nov 28, 2008 (Fri) :
1] Rev. H. Zalawma 2] Pu Rochungnunga 3] Pu Kapchhunga Pachuau
Nov 29, 2008 (Sat) :
1] Pu Rosangliana (Masanaga) 2] Pi Lalrengpuii 3] Tv. F. Lalremruata
Dec 1, 2008 (Mon) :
1] Pu H. Dingluaia 2] Pu Vanlalchungnunga 3] Pu R. Dotinaia
*** Heng bakah hian YMA Dawrpui Branch member-te atangin nitin mi 5 zel rawn inruat tura ngen an ni. Dec 2, 2008 (Thawhlehni)Inthlanni hian member ruat bik awm lova Duty vek tur a ni e.

AIZAWL CENTRAL AREA : MASIHI SANGATI MEET VAWI 4-NA

[ 17 November, 2008 | 0 comments ]

Aizawl Central Area, Masihi Sangati (Non-Mizo) Meet Vawi 4-na chu tluang takin Dawrpui Presbyterian Kohhran Biak Inah November ni 14 - 16 , 2008 chhung khan neih a ni a. Inkhawm boruak a nuam a, Speaker Rev. David Lalramliana Ralte in tha takin Pathian thu a sawi thin a ni.

Zirtawp zan khan Branch/Kohhran hrang hrangten report an pe a, Inrinni tlaiah Kohhran hrang hrangten mahni veng chhunga hnamdang ringlote sawm kualin Dawrpui Kohhranah Ruai buatsaih sak ani a. Zanah Inkhawm an chhim tir nghal bawk a. Councelling class-ah thenkhat awm an awm nual reng bawk a ni.

Pathianniah nilenga inkhawmna neiin zanah ui tak chungin khawmpui tiak ani ta ani.

TUNLAI TUALCHHUNG CHANCHIN

[ 15 November, 2008 | 0 comments ]

1. PEM : Dawrpui News Editor Pu Ziakkima Pachuau-te chhung chu Dawrpui West atangin Upper Bazar Taitesena Section-ah an insawn fel ta.

2. BORAL :
(i) Pi Baby Zosangzuali, Tresurer MHIP u, Pu Zothanmawia Chanmari, chu Nov 13, 2008 (Ningani) zan khan Internal Bleeding vangin a boral a. Nov 14, 2008 khan vuiliam a ni.
(ii) Thianga (83), Pu J. Damhuala, Jail Veng unaupa (a u) chu Nov 12, 2008 (Nilaini) khan Cancer natna avangin an khua Vaitinah a boral.

3. DAMLO :
(i) Pu C. Thangkima, Bazar Bungkawn chu Zangkak natna avangin Bethesda Hospital-ah enkawl mek a ni.
(ii) Ruby Zothankimi w/o Lalrinsanga, Zion Street chu a kawngna avangin phai lamah enkawl mek a ni.
(iii) Lalzuia, (Pu Lalhmuakliana pa) Jail Veng chu tunlai hian a damsam lova, a pawnchhuak peih meuh lo.
(iv) Lianthanga, New Market chu Kal (Kidney) natna avangin Greenwood Hospital-ah enkawl mek a ni.
(v) Pu Lalrintluanga, Church Square chu a Cancer enkawl mek zel a ni a. Tunlai hian Zemabawk Cancer Centre-ah hem mek a ni.

CCC VAWI 58-NA (2009 Thupui atan Khawtlang Nun Siamthat)

| 0 comments ]

Central Co-Ordination Committee Vawi 58-na chu Nov 12, 2008 (Nilaini) khan Central YMA Hall-ah neih a ni a, member 140 zet an kal. He Committee hi Pu J.H. Zoremthanga, CYMA President-in a kaihruai a. Gen. Secretary hnen atangin report ngaihthlak a ni a.
63rd YMA Gen Conference an thlirlet bawk. Thlirletna atanga thil lianzual deuh deuh thenkhatte :-
1. CEC member-te an thlenna tura ruatah an thleng lo hi a tha lo.
2. Zaipawl leh malzai a tam lutuk
3. Sound System a tha tawk lo.
4. Zai aiin thusawi lam tam tawh zawk se.
5. Programme tarlan anga kal nise.
6. Kekawrtlawn ha Pandal-a luh phalloh a nih dawn chuan hma deuha inhriattir tawh nise.
7. Lehlanga Item nei turte hi Programme-ah telh tawh loh nise.
8. Palaite rualkhai deuha thlenna siam nise .
9. Conference thlengtute inkhawm ngai pawimawh tura inzirtir nise.
10. Traffic ruahmanna a tha tawk lo.
Gen. Conference thurel bawhzui dan tur hetiang hian ruahmanna an siam bawk :-
1. “Mizo nun ze mawi uar zawka inzirtir nise” tih chu CEC -in kaihhruaina lo siam se tih a ni.
2. ‘YMA Danpui/ YMA Constitution siam that ngaite ennawn ni rawh se’ tih chu CEC-in ruahhmanna lo siam se, tih a ni.
3. Aizawl DC hnen atanga ngenna 2008 General Election Polling Party-te YMA in lo buaipui tura ngenna chu kumdangah pawh kan lo tih thin tawh a nih angin a theih ang anga lo buaipui nise tih a ni.
4. Political Party leh Chibing Political Party te thawhpui chungchang sawiho a ni a. Political Party lamin Chibing Political Party te nen a thuthlung an lo siam a, an intiamkamna thuthlungte chu SUT leh tura ngen nise an ti.

VENGCHHUNG DUTY NEWS

| 2 comments ]

Dawrpui khawtlang duty chu kalpui zel a ni a, tunkar 12 & 13 & 14 November pawh khan tlai leh zanah Duty neih a niin Zu leh Mi awm tha duhlo engemawzat man a ni.
R.Zothanpuia, Chawlhhmun hnen atangin Zu fun 14 man sak a ni a, Lalpekthara Tuikual ‘D’ chu Zu fun 15 man sak a ni a, Lalkhumtiri, Tuikual North pawh Zu fun man sak a ni bawk.
Tunhnai khan Lalramthara, N. Market chu Duty lema changin, rui chung leh nghalin mi a lo check vel lai chu man a ni a, thuneitute hnenah hlan nghal a ni.
Veng mi pawh nise, vengchhunga buaina siam reng reng chu dim an ni bik dawn lo tih chu Duty- te thuchhuak a ni.

VANAPA SECTION HRIATTIRNA

| 0 comments ]

Vanapa Section chuan a hnuaia hmun leh hun tarlan ang hian Picnic ropui leh hlimawm tak a nei dawn.
A hmun : J.L. Picnic Spot, Sihhmui.
A hun : Nov 24, 2008

Kal turte chu zing dar 9:00-ah Dawrpui School kawtah kim vek tur a ni. Tin, kal tumte chuan mi pakhat tan buhfai No. 1 theuh ken tur a ni. Ruihtheih thila insum thei lo turte chu kal loh law law tur a ni ang.

Sd/-
Secretary
Vanapa Section

CENTRAL Y.M.A. SUB. COMMITTEE-AH RUAT THAR

| 0 comments ]

November 4, 2008-a CEC Meeting chuan kum 2008-2009 chhung atana Central YMA Committee peng hrang hranga hruaitu turte an ruat thar a, heng ahnuaia mite hi kan Branch aiawh a ruat tharte an ni.
1. Pu Lalrammuana : A ni hi Disaster Management Committee-ah Chairman a ni dawn. Tin, CEC member a ni nghal bawk.
2. Pu Lalhlimpuia Khiangte : Legal Committee Member atana ruat thar a ni.
3. Tv. Lalrinawma (Lalroma) : Recreation Committee Member atana ruat a ni.

MIZORAM PEOPLE FORUM

| 1 comments ]

Inthlan a hnai ta hle a, party tin ten Campaign an ngawrh tan ta hle. Hetih mek lai hian Inthlanna felfai leh thianghlim, dik a awm theih nana Zoram puma hmalatu MPF pawhin theihtawp a chhuah zel a ni.
Nov 10, 2008 Thawhtanni khan Aizawl East II Constituency huam chhunga Political Party hrang hrang Candidate-te leh MPF ten inkhawmhona hun tha tak - Chhinga Veng Community Hall (MPF Office) ah an nei. An thurel leh sawiho thenkhatte :-
1. Banner tar chungchang : Kan Bial chhunga Candidate tana tha leh tangkai tura ngaiin Party Banner tar nise la, vengkhatin Party malin pathum (3) aia tam lo tar tur a ni. Hengte hi inthlan zawh veleh senghawi leh nghal tur a ni a. Poster erawh chu tar loh tur a ni.
2. Bio-Data etc. thehluh chungchang : Candidate-te Bio-data leh party atanga lehkha semdarh turte chu Nov 15, 2008 (Inrinni) aia tlai lovah MPF Office-ah thehluh tur a ni.
3. House to House Campaign chungchang : Hqrs. leh Constituency Forum atang kan rel tawh angin Candidate hoa in tin luhchilha Campaign leh therhlo hum tel hi tih loh tur a ni.
Hengte hi kan za vaia tana tha a nih avangin Party tin ten i zawm hram hram ang u.

A hnuaia hmun leh hun tarlan ang hian MPF, Local Forum : Dawrpui chuan Committee pawimawh tak koh a ni a, Member zawng zawng ten i ngaipawimawh ang u.
A hmun : Pu Rosangliana(Masanga ) te In, Jail Veng
A hun : Nov 18, 2008 (Thawhlehni) Zan dar 7:00

Sd/- Secretary

PU J. ROZAMA (71) A BORAL

[ 06 November, 2008 | 1 comments ]

Zanin (ie. 6 Nov.,'08) Ningani zan dar 7 khan Pu J. Rozama (Pu RS Thanga pu) Kum 71, Dawrpui West chu Asthma avangin a boral a, naktuk dar 12-ah Dawrpui thlanmualah vui liam ani ang.

Amah hi tlangval ala ni a, mi pangngai phak lohna tlem nei ani a. Pu RS Thangate inah hian a cheng a, Biak in ngaina mi tak ani a, Biak in a thlen theih tawh lohna pawh rei tawh tak ani, hetia a lo boral ta mai hi a lainatawm hle ani.

PI BRIGID DARZIKI A BORAL (1931-2008)

[ 03 November, 2008 | 0 comments ]

Dt. 2 November, 2008 (Pathianni) tlai dar 2 vel khan Pi Brigid Darziki w/o J. Challuta, Zion Street chu pumna avangin a boral a, vawiin (ie. 3rd November) chhun dar 12:00-ah Roman Catholic danin vui a ni ang.

Pi Darziki hi a zawna kum 10 Branch YMA OB ni thei Chawimawina pawh lo dawng tawh Pu Michael Lalengmawia nu a ni. A fate leh a tute eng emo zat a kalsan a ni.