Kum 2010 chu a lo tawp dawn ta a, hausa leh rethei pawh neih zawng zawnga thawmhnaw thar leh duhzawng lei hun, harsa leh hah taka kan khawlsa kha hmangin hlim takin kan inpuahchah mek a. Hetih hun lai tak hian rilru fim put a ngai. Kan mamawh dik tak kan lei em? tih hi. Hmanna tur nei vak lova Bike leh Scooter inleisak te hi hlim taka ‘Mas’ hman tum laia mittui nena hman tirtu tam ber a ni. Kan fate pawh chhung inkhawm uluk taka kan neih naa sawi thin tur. Chhungkuaa naupang zinga thu sawi hi te lua a awm lo. Nundan mawite, Biak In leh a vela naupang au leh tlankual te, inkhawm laia naupang lo tei sek te, mi ina thil khawih mai mai te ching lo tura sawi tam a ngai a ni. Kan kal laite, kan thut laite, kan mut laite pawh hian sawi reng tur a ni. Naupang hian kan tawng leh kan awm dan, kam mitmeng thleng hian min zir a, min chhiara min byheart thin a ni tih hriat tur. Kum 5 hnuai lamah thil tha tha i hriat zawng zawng hrilh tum la, nundan tha leh mawi entir ang che.

Tualchhung chanchinbu hrang hrangah Burma mi avanga Mizoramin sualna leh harsatna hrang hrang kan tawrh chungchang a lang chamchi a, kan Governor meuh pawhin ngaimawhin ramdangmi na na na chu khuahkhirh dan kawng awm se a duh thu a sawi lang ta hial a nih kha. Hetih lai hian kan Kohhhran hruaitu lam chuan kan unaute an nih thu an chhakchhuak ve thung.

Burma mite avanga kan tawrh nasat dan leh kan rilru put hmang thlenga sawi danglam a nih dan lah tun kan hai lo. Kan tual zawlah min rawka, naupang kum tling lo an pawngsual a, min la that zui lehnghal. Zaidawh takin kan tuar hram hram a, amaherawhchu, zaidawh hian chin tawk a neih ve a ngai a ni. A thu hrimin zohnahthlak unaute tih avanga kan tualzawla chah chhuah kher hi kan ba lo. Ram dan a awm a, international boundary a awm bawk a, chumi piah lama mite chu kan unaute an ni chung pawh hi Foreigner an ni tih hi kan chian a ngai a ni. Sap ram USA, Australia etc amite pawh an lo kal fo a hetiang hian an cham hlen chuang lo.
Kan kohhran lam pawhin heng mite hi thlaraua kan unaute an nih pawhin a ko lut zawng leh a huikhawm zawng chuan hma la lo hram hram tawh ila a tha ang. Ramin a tuar thei a, hnamin a boral phah thei bawk. Zohnahthlak hrang hrang hi khawvel hmun hrang hrangah an awm ve nek nuk tawh chungin Ram danin a phut miau avangin India rama lo lut tur chuan dan zawm ngai ang zawng zawng an zawm ve ngei hi a tha ber mai.

Mihring te hi kan lo pianchhuah hian nihna nghet tak kan nei sa a. Chu chu chapona leh duhamna leh mahni chauh inhmangaihna. Hei hi naute-ah pawh alo lang vat thin. An kal thei tan a, intithei takin an kal a, thil han pe ila laklet an phal tawh bawk lo a, hetiang hian kan rilru hi a in duang sa a. Kan lo thanglian zel a, thil chiang chho em em mai chu thlalak (album) han en la, i tel lohna chu i en rei vak peih lovang. T.V-ah pawh mahni lanna kan en chak ber a. Kan rilru hi a hmasial sa hrim hrim niin a lang.

Chuvangin he rilru chhe lailet der, Kristaa awm bawk silo hi engtin nge kan tih dik ang? Sakhuana lam atangin ngaiah kan nei tawh a, khawlai velah zir tur awm bawk silo. Hei hian tun lai kan khawvel nunzia chu a rawn pho lang ta a. Ramdangah nise indo leh in rikrap-na lo chu hriat tur a awm meuh lo.
Kan ram zim te, ar hmaitiat lekah pawh ruang chhar, kum tling lo pawngsual, thah, rukruk te a tam em em a. Heng hi a bul ber chu kan rilru kalphung hi a dik tawh lo lutuk a ni ber mai! Mahni tawkah kan chapo em em theuh a. Zu rui thu reng pawh han chhuih la, “Nanga chhuih tur ka ni lo, tunge i nih bik,” an la ti chhar chhar tho mai a ni. Mahni infak leh intihlanmawi a, a chhe lai zep tlat a, intihlar tum kan ni. Kum a lo tam deuh

Nula hleitling tak niin College chu phai lamah a kal ta a, Elphinstone College Mumbai-ah te kalin BA erawh Union Christian College, Barapani atangin a zo a ni. Lehkha thiam thei tak a nih avangin Health Department hnuaia UDC hna ruak a dil ve a, a ti tha pawl tak a nih avangin he hna atan hian lak a ni, a boral thleng hian chu hna chu a vuan ta zel a ni. Fapa pakhat a nei a, tunah hian a pasal nen Seventh Day tlangah an cheng meka ni. A pasal hi hrisellohna avanga Guwahati-ah a farnute hnena a awm mek laiin Zunthlum natna avangin 29th Nov 2010 khan a boral, a ruang hi a nu Pi Lalsangdeli Fanai inah tlaivar pui a nih hnuah Dawrpui Thlanmualah vuliam a ni ta a ni.

Khawvelah hian mi tam takin thil ropui tak tak an lo ti tawh thin a, an la ti mek zel bawk a. Hlawhtlinna ropui tak tak lo khum tawhte hi han chhut chian chuan tih tak tak rilru pu-a bei ngat ngat thinte an ni chawk a ni.
Mizote zingah pawh hian tih tak taka bei thin kan awm laiin a tam zawk hi chu pal liam mai mai thin kan ni tih a chiang khawp mai. Khawvel thang zelah mihring kan pung tial tial a, eizawnna pawh a harsa tial tial kan ti thin. Kan thalai tam takte lehkhathiam hna hmu lo kan inti a, lehkhathiam hnathawh tur a vang kan tih em avangin hna min pe turin Sawrkar kan phut a, Sawrkarin hna an siam ta cheng a, a hmu turin kan inbuatsaih tha leh peih si lo. Hemi hian a entir chiang tak mai chu ‘kan thalaite hian tih tak takna an nei lo a ni’ tih hi a ni. Tunlai hian Mizoram Public Service Commission chuan hna chi hrang hrang, Asst Soil Conservation Officer, Asst. Engineer/SDO, Programme etc hna 30 chuang lai atan Combined Competitive Examination a buatsaih mek a, Exam tura form fill-up chu mi 3,000 chuang zet an awm. Admit Card lak chuah hunah engemaw zat chuan an la chhuak ngam lo phawt a, exam tak taka thu peih chu 1,000 chuang awrh chauh an ni ta mai. Hetih rual hian exam laia bansan mi engemaw zat an awm ziah bawk. Heng hna hrang hrang lak turte hi cheng 20,000/- chuang hlawh theihna vek leh Group ‘B’ Officer

Rualbanlo tih hian tawng mawi tak, mi anglo sawina a ni a. Tunlaiah chuan India sawrkar hian a ngaipawimawh em em a, dan hial a siam ta a, PWD Act (Person With Disability) a ni a. He dan hian rualbanlote chanvo ve tur a siam sak nasa hle a, State tinah hman mek a ni bawk a ni.
    Mahse rualbanlo, piangsual, mi ang lo, han tih hian awmze hrang an nei deuh thluah a. Rualbanlo chu- mi tih theih ang ti thei lo, a chhan engvang pawh nise sawina a ni a. Piangsual erawhchu piantirh atanga rualbanlo sa, taksa diklo, ke phir, ke/kut tawi te, lulianpui te an ni thei a. Mi anglo kan tih erawh chuan a rualbanlohna chu rilru lam buaina, mi â kan tih hi a kawk bawk a.

    A enga pawh chu nise sawrkar chuan a nasat dan a zirin chanvo a siam sak a, 40% chung lam dik lohna a nih chuan sawrkar duhsakna a dawng thei a ni.
    Heng, kawng hnuailam zeng, taksa chanve zeng, ban/ke chauh zeng, naupan laia Polio (zenghri) avanga

Pu J. Thanzuala, kum 68 Bara Bazar (Mana & Sons) chu Heart Attack avangin Nov 17, 2010 (Nilaini) khan Kolkata-ah a thi a, Zirtawpni khan a ruang hi an in rawn thlenpui niin, a tuk Nov 20 khan Pastor R. Vanlalnghaka'n Dawrpui Thlanmualah a vuiliam.
A chanchin : Pu J Thanzuala hi Pu Mana(Salmankunga) leh Pi Tahkhawli te fa 7 zinga a naupang ber dawttu niin May 26, 1942 khan N. Khawdungsei-ah a lo piang a. A naupan tet atanga naupang hrisel leh nu leh pa thuawih thei tak a ni. Sumdawnna avanga khaw hrang hranga an pem kual hnuah Vaitin khua-ah an in bengbel ta a. Sawleng khua-ah pawl 9 zirin pawl 10 chu Shillong lamah a zir a ni. Sumdawn lamah hian a

Mizo hian Pumpuina, Thin thip, Kawpuar, Pum ti teuh toh, chawei tuilo mah se tlem ei a, Puar deuh anga lang si, a chang leh ek tui hnang deuh, kel ek anga mum leh sak te kan nei tam em em a, heng ho zawng zawng hi mitin deuh thaw in kan vei a, a chang phei chuan irh thur, thin thip vung vung leh dar leh dar inkara na chhuak deuhte pawh a awm thei a.

Heng ho hi kan hriselna a tha tawklo tih entirna a ni bera, thin thip leh na, ti nghial nghual, luak chhuak lek lek ho hi chu, a pumpui thuah chuan puma acid (HCL) tam lutuk vang ani ber a, a then phei chu a rawn luang let a, awm chhung thleng dawn dawnin a thip ve thin.
Acid tam vang anih si chuan, acid tih tlem chu a damdawi ani mai a, acid ti tam tu kan hriat a ngai a, heng, kuhva ei, vaihlo zuk, thil thial neuh neuh tiranga leh khawchhak thil kan ei nasa lutuk, chawei mumal lo lutuk te hi a chhan tam ber chu an ni fo a.
A chhan pakhat pawimawh deuh chu, mit (Gall bladder) tha lo emaw lungte awm emaw nei reng reng

Dawrpui Branch KTP-te chuan an Branch din champha vawi 55-na chu Zan 3 thum Intihsiakna chi hrang hrang nen hlim takin an hmang a. Hemi denchhen hian Presbyterian Hospital, Durtlang-a hman tur atan Thisen Unit 56 an pe a, chung zinga 12-te chu hmeichhe pek a ni. November ni 1, 5 & 8 -te khan Debate, Worship Dance, Solo, Short Play, Essay, Photography, Banner, Fancy Dress leh Beat Contest hmangin intihsiakna an nei a, Joela Group chu Best Group a ni.

Pi Thuamkungi (K-80) w/o Ch.Aikima, Bara Bazar chu Thawhah avangin November ni 6 (Inrinni) zan dar 9 khan an chhenna inah a boral a. A tuk November ni 7 (Pathianni) chhun dar 12 khan Pastor R. Vanlalngahka'n Dawrpui Thlanmualah a vuiliam.
A chanchin : Pi Thuamkungi hi Pu Keisuala leh Pi Khawtinkhawli te fa pathumna niin, kum 1930, December ni 18-ah Tlangpui khuaah a lo piang a, kum 1950, March ni 15-ah Pu Ch.Aikima nen Kulikawna Salvation Army Biakin-ah an innei a. Hemi tum hian a rualin nupa tuak sarih an innei nghe nghe a. An nupa hian Salvation Army officer niin an inneih hlim atangin rawngbawlnaah inhmang zuiin, Thiltlang leh Hmarchaltlangah te rawngawlin an awm kual a. An fa hmasaber nausen laia an hloh bak an fate chu hengte

Rilru hah kan tih mai, Depression Sapin an tih hi khawpuiah hian a tam bik a. Tin, social (Vantlang) hriselna a that leh that loh enna ber chu mahni intihlum (Suicide) an tam em, rukru an tam em, pawngsual a hluar em, zu ngawl vei an tam em, drugs ngawl vei an tam em? tih te hi Vantlang hriselna (Social Health) enna ber a ni. Tuna kan dinhmun en hi chuan inawkhlum kan ngah em em a, pawngsual kan ngah bawk a, ngawlvei kan ngah bawk a. Tunhma a awm ngai lo, kum 70 chung lam inawkhlum pawh an tam ta mai.

Hei hian kan vantlang hriselna (Mental health) rilru lam hrisel leh sel loh a ti lang a. Hetiang a tam chuan rinawmlohna corruption pawh a keng tel ngei ngei thin. Chuvangin, kan vantlang rilru hriselna chu a hniam hle tih i hre thei mai ang.

A bul berah chuan chhungkua a ni. Chhungkua atanga tan a ngai a, chhungkuaa Pathian biakna neih te, thu tha inhrilh te, kan inchhungah hah tak leh dik taka kan thawhchhuah ni lo pawisa kan hmang tur a ni lo, chaw ei huna haw kim vek te, tulna tak tak awm lem loa second hand thin mai mai te chin loh a tha. Tin, naupang te thu tha hrilh a, pawisa te hi duat tur, hah taka kan thawhchhuah a nih avangin zut mar a dah that hliau hliau tur. Mahse pawisa neih tam duhna rilru dik lo deuh lak luhna ang chi chu tih loh tur tih te mahni chhungkuaah sawi zin a tha.

November 3, 2010 (Wed)-a Aizawl Municipal Council 2010 intlan chu Mizorama a vawi khatna atan tluang taka zawh fel ani ta a. Result hi tukin (ie.4Nov) zing dar 9 atang khan chhiar tan niin Ward 1-in rorellai INC leh ZNP inkawpten majority an chang hram a ni. Ward No.9-ah hian Dawrpui, Chhinga Veng, Saron leh Tuithiangte an awm a ni.



Ward No. 9 result :
Zosangzuala (INC) - 2685
PC Lalruatsanga (MPC) - 2859 diff (-174)
A pumpui Result : INC = 5. ZNP = 5. MNF = 5. MPC = 4
INC & ZNP = 10
MNF & MPC = 9

Tunlaia an uar leh dan hial an siam tak Vaihlozial - mei zuk that loh zia leh lei chawi theihna khawp hial a lo ni ta hi a lawmawm hle. Kan naupan ve deuh lai chuan khawhar in, inneih mo lawmna inchhung chep tak takah mei hi an zu khu luih luih mai thin a, a chang phei chuan inchhung zawng zawng hi meikhuin a khat thei hial thin. Kan changkang chho zel a, tunah chuan mei zu duh chu pawnah chhuakin an zu mai a. Tunah phei chuan Aizawl veng tinah inchhung puipunna reng rengah mei zu an awm ngai ta lo niin ka hria a, thingtlang lamah pawh mei zu khu luih luih an vang ve tawh hle a, puipunna-ah hian a tha lo hle a ni.

Second hand smoker kan tih hi nu, nau pai laiin mei a zuk chuan a naute khan a lo zu ve zel ang hi a ni. Mi zinga i vaihlo zuk kha i han pak chhuah chiah khan a khu kha a original a ni tawh lo a, nicotine tel lo mah se amah kha Carbon -te, Carbon-monoxide-te leh Oxygen pai lo meikhu kha a ni miau a, i bula miin a lo hip luh ve reng khan a mei zu ang deuh thovin chuap a ti buai a ni. Asthma nei leh awmna nei deuh phei

Khatla Branch KTP-te chuan October ni 25 (Thawhtan) zan khan Dawrpui Branch KTP te an rawn tlawh a, programme hlimawm tak leh hlawkthlak tak an hmang ho. 2008 khan Dawrpui Branch-te hian Khatla Branch-te rawngbawlnaa an chak leh zualna tur anih beiseiin an va tlawh tawh bawk a, hun tha tak hman ho ani.

YMA General Conference 2010, Lunglei khawpui-a neih chu tluang taka zawh fel a ni ta. Kumin hian kum

Mihringte hi kan tawng a kan inbe thei a. Hemi ri rawn chhuahtirtu hi eng dang vak a ni bik lova, kan hrawk kawrawng 1 inchs vela zaua intanna ka chhung tawpah hian a awm a, chumi kawngah chuan hrui (Duar) pahnih a inthlung a. Chhemthei, mau kawrawng hmawrah rubber band a kawrawng lai zawn velah insi lovin bat la, han pawt la a ri tang tang mai ang. Chutiang chiah chuan Vocal Chord kan tih mai, he hrui pahnih hi kan tawng apiangin a inkhak ri a, a inkhak nat dan azirin ri a siam ta a, chu chu thluakah an thawn phei a, thluaka computer folder an va hawng a, hmangaihna lam aw nem a nih chuan chu Folder-ah chuan an thawn a, thinrim tawng chu thinrim tawng dahna folder-ah an pe phei a, an nin eng nen nge inmil tih an lo en zung zung a, an hmuh veleh a ri tichhuaktu Folder lamah an thawn leh a, awmze neiin

3] Jumble Sale : Inrinni (16 Oct) khan zing kar atangin Branch inhlawhna Jumble Sale zawrh a ni.

4] Khatla Branch nena intlawh : 25th October (Thawhtan) zan hian Khatla Branch ten an rawn tlawh dawn a. 2008 khan Dawrpui hian an va tlawh tawh bawk a ni.

5] Zephania Group Nite : 18 October (Thawhtan) zan khian Zephania Group Nite an hmang ang. Thla tir khan Joela Group Nite ropui takin an lo hmang tawh bawk a ni.

6] Dawrpui Branch KTP Rising Day : November ni 8, 2010 (Thawhtanni) khi an Branch din champha anih angin ropui taka lawm leh an tum a. Hemi denchhen hian Group hrang hrangte intihsiakna neih tur a ni ang.

Tunlai hian mitna hri a leng tan mek a, hei hi a awm tirtu chu virus chikhat a ni a. In kai chhawn a awl em em a, eng damdawi mah a ngeih lo bawk. Viral Infection (Virus hrik) vanga na reng reng chu damdawi pe la ni 7-ah a dam anga, engmah pe lo la kar khatah a dam ang. Hetiang tho hian hritlang pawh hi a ni hlawm a, a rei tawh avanga reh theilo khawpa awmna benvawnte pawh a awm thei. Heng hi chu mahni taksa chak loh vangte a ni tlangpui.

Kan hriat tur chu eng tlang hri leng pawh, mitna, kawthalo, mitliam, Typhoid, etc. a awm lai chuan kut sil ngun hi a pawimawh em em tih hriat tur a ni a, kut kan sil tlem lutuk hi natna kan kai tam chhan pakhat a ni. Ei leh inte fimkhur bik hun lai a ni tih hriat tur. Tin, hetiang tunlaia tlang hrileng mit-na te ang hi mahni duh duh leh, inti hre ve ho chawh hmang mai kan awm thin. A bikin Steroid (Betnesol eye drop) hi hman loh hram hram tur, a hnu zelah mit a ti chhe duh. Leina (Pawisa) nei lo tan phei chuan, tui chhuan so dah vawha darkar tina thlawr emaw sil tur a ni. Mit na hi nuai loh hram hram tur, inkai chhawn a awl em em a, mahni inthiar fihlim hi a tha ber. Towel/Romol te a bika neiha midang nena inchiahpiah lutuk loh tum hram hram a tha. Ni 7 lek a ni bawk a, tawrh ve deuh a ngai thin. A na nasa viau a nih chuan mit Doctor hnena

Joey Zorinsanga s/o B. Lalkungi leh Yisel Amaro (South America) te chu October ni 9 khan an Missionary-na hmun Nisshin Christ Center, Japan-ah an innei ta. He inneihna hi U.S.A atanga Spanish Pastor pakhat Pedro-a leh Rev. Dr. Joseph Kim (Christ Bible Seminary, Vice-president) ten an officiate a ni. Kum tawp lam hian Aizawl-a an chenna hmunah lawm leh an tum bawk a ni.

Yisel hi tunah JAPAN PRESBYTERIAN MISSIONS hnuai International Christian Academy of Nagoya-ah zirtirtu a ni a. Kum 4 a awmna ani tawh a. An biakin (All Nations Fellowship) history-ah hian inneih hmasa ber an ni bawk.

Lalrinsanga s/o Roliana leh Oney Lalmuankimi d/o Hrangkhuma MPS, Dinthar Vengthlang te chu October ni 12 (Thawhlehni) chawhnu dar 1:00 khan Dawrpui Presbyterian Kohhran Biak inah an innei ta.
Lalrinsanga hi MA (Pol. Sc.) niin Dawrpui Kohhran NPSS Junior Deptt. Zirtirtu, Branch KTP Committee & Joela Group Leader ani a. Thutak Hriattirtu Team-ah telin hmun hrang hrangah rawngbawlin a fehchhuak bawk thin. Branch YMA-ah Executive Committee member ni mekin YMA Sports Sub Committee Secretary a ni bawk a. Infiamna lamah pawh tui hlein Aizawl East Zone Football Association-ah Finance Secretary ni lai mek a ni.
Oney hi zirna lamah BA niin Presbyterian English Medium School, Dawrpui Vengtharah zirtirtu hna a thawk mek a. NPSS Intermediate zirtirtu niin Dinthar Vengthlang KTP Jeremia Group Treasurer leh Kohhran Child Evangelism Junior Group-ah zirtirtu a ni bawk.

2nd - K. Lalrinnungi d/o K.Zothantluanga. Taitesena Section
3rd - C. Lalrinzuali d/o C. Denghmingliana, Vanapa Section
Solo(Open) : 1st - Remlalnghaka c/o Zosanglura, Vanapa Section 2nd - Rebek VL Remruatfeli d/o Lalramliana, Vanapa Section
3rd - F. Lalremtluangi d/o F. Lalnunpuia.Chawngbawla Section
Band : 1st - Avenue West, Chawngbawla Section
2nd - The Last Minute, Taitesena Section
3rd - G.L.T.R., Vanapa Section
Best Vocal : Sarah Rinkimi Ralte, Avenue West, Chawngbawla Section
Best Rythm : Saiduhzuala, Avenue West, Chawngbawla Section
Best Lead Guiter: Dave Ralte, Avenue West, Chawngbawla Section
Best Bassist : Freddy Lalramnghaka, Last Minute, Taitesena Section
Best Drummer : Eric Vanlalngaihsaka, Last Minute, Taitesena Section

Pi Lalrimawii hi kum 1959 khan Pu Pianherha leh Pi Hauchhingpuite fa 9 zingah Khawruhlian khuaah a lo piang a. Zirna lamah Class IX thleng a zir. July 29, 1982 khan V.L. Ruala nen hian inneiin fapa 1 leh fanu 3 an nei a, an hun tam zawk hi a pasal Pu Ruala Missionary-na hmun Manipur-ah an hmang a ni ber a, an fate pawh Manipur-a pianga seilian an ni. Pathian ram zau nan thahnemngai tak leh theihtawp chhuahin a pasal rawngbawlna hi a tawiawm tlat a, an thawhrimna hi vawiin thleng hian ala lang zel a ni.
Amah hi mi hrisel tha tak a ni thin a, 1998 khan Guwahati-ah a mit zai a ni a, Dec 2003 khan a Hnute zai a ni leh a. Engemaw neuh neuh hrisel lohna in a tlakbuak chho ve ta reng a. Kumin Feb 15, 2010 khan Doctor Ramdinpuia’an, “A thisen sang tihniam leh a thisen mamawh kan pek theih nan Durtlang lamah lo chho

Mizote hi hnamdangte laka kan danglam riauna pakhat chu tlawmngaihna leh inlainatna avanga mitthi kan sawngbawl dan hi a ni. Khawtlangah chhiat tawk an awm reng rengin a khawtlangin kan mawhphurhna-ah ngaiin kan buaipui thin a, thlan pawh tlangval tlawmngai te’n an lai mai thin a ni.

Khawvel thang zelah mi zawng zawng kan buai em em tawh a, midang chu sawi loh mahni hna chauh buaipui tur pawhin kan indaih thei meuh tawh lo a nih ber hi!! Mi thahnemngai te’n kan hnam zia kan paih loh nan leh rethei pachhiate tana malsawmna la nih chhunzawm tumin kan chin dan thin “Thlanlaih” chu hun harsa tak karah an la kalpui hram hram a ni. Kan hnam nuna bet tlat thlanlaih kan la kalpui hram hram theih chhan hi Mizo tlangval, midangte tana inpe phal, mahni chan tur lam ngaihtuah duh tlat lo kan la neih vang chauh a ni.
Veng tam berah hian han en vang vang la, tlangval tlawmngai, chhiat tawk an awma thlanlaih ngei tum engemaw zat kan la nei theuh mai. Khawtlang hruaitute tan chuan heng mite hi an hlu ngawtin a rinawm. Heng tlangval tlawmngaite hi an hman vang leh tihtur neih loh vanga thlanlai hman bik an ni reng reng lova,

Tunlai chu hawina lam apiangah Lirthei, Motor, Two wheeler kawng dungah a khat khup reng mai a. Chhun lai phei chuan Motor hi a jam reng a ni ber mai. Ka rilruin hetianga kal lova thut reng ai chuan engatinge ke-a kan kal mai loh hlawm? A lehlamah chuan ke-a kalna pawh hi a jam chu a ni ve ber mai. Chanmari leh Khatla inkar hi chu ke pawhin kal ila rei a ngai lova, taksa tan hriselna a ni zawk bawk. Motor jam-a thut reng ai chuan ke-a kal hi i tum teh ang u. Motor neih vanga mahni kalna tur hmun (Bul) khera Motor dah tumte hi thil tul lem lo, mipui tibuaitu a ni tihte hria ila. Phai ramah pawh kein thui tak tak kal ngaiin Motor Park a ngai tih chu hre sa vek kan niin ka ring. Bazar Bungkawn atanga Kulikawn hi kal chak pangngaiin darkar chanve kal a ni.

Curfew rei ber an tih lai khan Bazar Bungkawn atangin dar 6-ah kan kal a, Kulikawna CRPF Duty ten dar 6 leh a chanve Curfew dar rik chiahah hian min lo tih din an tum hman tep a, kan kal pel hman chiah thin a ni. Tunah chuan khang hun lai nen chuan tehkhin chi a ni tawh lo naa, Aizawl khaw chhung hi eng zawng pawhin kal ila, darkar khatah chuan kan tum kan thleng tho ang. Kal thei, na neilo chu kal i tum hram hram tawh teh ang u.
Chutih laiin a thenin Motor ka rui an ti a, Motor chuang theilo rui thin tan chuan Vertidom mum khat leh Zenetac 300 mum khat motor chuan hma darkar chanve-ah ei la i rui lo mai ang. Zin tur tan phei chuan ei ngei ngei tur a ni a, nileng kalah phei chuan chhunah pawh ei leh mai tur. Tin, Motor ruih a luak a chhuah hian pumpui hi a in sawr khawm a, a rawn nam chhuak tih hria la. Luak tur nei lova i awm chuan i pumpui kha a insawr thi mai dawn a, thi tlem tal a luak theih a ni. A tha ber chu i luak vak vak reng anih chuan, i luak zawhah luak chhuah tur tui tam tawk in leh la, i ti zel anga hrehawm lutuk lovin i awm thei ang. Ruih theih zawng zawng Vaihlo chenin an khap lai hian Motor ruih hi khap ve theih dan hotute hian an hmu lawm ni!!!