Thau Lutuk

[ 22 May, 2011 | 2 comments ]

Tunlai chu naupang te te thau deuh deuh hmuh tur an tam ta hle mai a. Thau lutuk hi vanduai thil avanga harmone (kan taksa control-tu) chikhat tam vang pawh in a awm thei a. Mahse a tam zawk 90% hi chu kan ei leh in ti nasa lutuk hi a ni ber in a lang a.
Tun hma, Mizorama thil tui leh tha a tam hma kha chuan thau em em an awm ngai lova. Tunah chuan mi nazawng pawh kan Overweight (Thau lutuk) ta deuh vek mai a. Hei hi a chhan ni bera lang chu, thil thar a lo tam a, ei tur tha leh thlumte a lo tam ta a. Exercise lakna tur awm bawk silo hi kan buaina ber niin a lang. Pumpui hi savun ip, kan thil ei lo dawh khawmtu a ni ve mai a. Naupan lai atanga ei tam, puar taka ei teuh i ching a nih chuan savun ip nana na chu a puar lian ve zel, tunhmaa naupang savaveh leh ram hnuaia kalna ang kha a awm ta si lova, I pumpui tihrawl pawh kha a fit bik loa, chuvang chuan a ip lian na na na chu puar tur chuan thun hnem a ngai a. Hei hi kan thau zualna pakhat chu a ni a. Vawi khat thau tawh chuan tih reh leh mai mai theih a ni tawh lo.
Chuvangin kan chaw ei dan hi fimkhur deuh ila, puar khat hi a awm ve hi, heath hian ei tawp thei ila, ril a tam hun dawn a, chu pawh chu chhunah tlem ei leh mai tur a ni a, ni khatah vawi li pawh ei la, I ei tlem chuan a

Fur pui thleng turah hian...

| 1 comments ]

May thla kan chuangkai a, ruahtui a tla leh tan ta. Hemi hun tak hi ei leh in lamah pawh fimkhur a tul hun lai tak a ni a, heng hunah hian natna, abikin kawthalo a tam bik em em a, mi tinte i fimkhur ang u.
Tin, chhung tinte kan hriat atana pawimawh em em chu, kan chenna in sir tawn tawn leh chhak leh thlang lamte, tui luanna a tha tawk em tih enfiah hun lai tak a ni. Kan ram lei hi a ngheh loh em avang hian furpui alo thlen hian lei min, chhiatna lo thleng sawi tur leh hmuh tur a tam thin tih kan hriat vek kha, chhung tinte i fimkhur theuh ang u.
Tin, kan in chung atanga tui khawh thla (Dithlifarfem) a tha tawk em? vantlang tan a hnawksak em? kawnga kalte tan hnawksak a ni em? thenawm khawvengte leh midangte harsatna siamsaktu kan ni em tih inenfiah theuh ang u.
Tin, hemi ruahtui tlak hun alo then hian mi thenkhat remchanga hmanga Septic Tank sah ching kan awm thin, hriselna atan pawha thalo em em mai a nih avangin chhung tin ten i tilo ngam ang u.

Iron tlachham

[ 14 May, 2011 | 2 comments ]

Mizote hi kan changkang ve viau tawh na a, hriselna lamah hi chuan kan la hniam deuh niin a lang. Kohhran Upa leh Zirtirtu, a sehhlum zo chauh emaw tih mai tura ha leh ka sen hiam huam kan la ngah mai, sim ve hret hret a hun ta.
Iron hi taksa hian a mamawh em em a, a tawk a hmuh loh chuan taksain a tuar a, an dang bei a, thaw te a hah hma a, an chaklo thin. A lanna awlsam ber chu, ke leh kut tin hi a sei ve hman lova, a ram em em a, a bung emaw a tliak zel a, anih loh leh a inrin ruak a, a nasa phei chu tin (Nails) hi a khuar duk thei thin. (Tin pangngai chu a pum deuh a nih hi).
Hetianga i awm anih chuan Iron i tlachham tihna a ni a, Iron tlakchham nachhan chu tam tak a awm thei ang. Tin, i tin a that loh viau khan a chhan dang pawh a awm ve thei tho tih hriat tur. Mahse a tam ber hi chu kan kuhva ei nasa lutuk hi a ni ber mai. Kan kuhva ei a chinai leh kan pum a Acid a han in chawhpawlh hian

Pu Romuana kan chan ta

[ 05 May, 2011 | 2 comments ]

Pu Romuana, Jail Veng h/o Lalengzami (Maengi) chu 4 May, 2011 (9:15pm) khan a hnathawhna hmun Bungtlang South-ah Malaria PF avangin a boral a. A ruang hi vawiin tlai khan an chenna hmun rawn thlenpuii niin tlai dar 5:00 khan Bialtu Pastor Rev. R. Vanlalnghaka'n Dawrpui thlanmualah a vui liam a. A nupui leh fate 3 (John Lalruatsanga, Janet Lalrinsangi, Freddy Lalruatfela) a kalsan a ni.
Pu Romuana hi Dawrpui Branch YMA Executive Committee member leh Thlanmual Committee member ni lai mek ani a. Kohhran lamah Intermediate Deptt zirtirtu, Finance Committee, Ramthar Committee, Property Committee leh Nilai Zan thupui hawngtu ni mek lai a ni.

Ha Na

| 3 comments ]

Ha na hi kan tam em em mai a, nei lo aram pawh hi kan awmlo emaw tih mai tur a ni. Ha hi hahlam (Tla leh mai tur)l hi kum khat an han nih chuan hahmai tha tak tak an nei mai a, mahse nu leh pa kan la changkang lo deuh a, naupangte hi an ha nawh saka zirtir thin tur a ni. A bikin (A tlem berah) zing leh zan mut dawnah nawh thin tur a ni. Thil thlum Chocolate, kurtai, sweet leh ha kara tang duh chi ei reng reng chuan ha nawh vat tur, heng hi naupang te atanga zirtir an ngai. Brush hman dan te hi a hmawr zum lam hian hahni chhun lo zawnga ken tur a ni. Tam takin an ha that nan ti a Calcium lo mawl pek ta chiam te pawh an awm a, Calcium ringawt hian ha a ti tha lova, taksa pum pui, a bikin thin (Liver) te, a chak that loh chuan ha tana pawimawh Florine te, Baron te taksain a hip thei lova, ha a muat hma thin. Kum 6 atangin ha tak tak chu alo to tan leh a, hei hi chu enkawl ngun hle a ngai tawh a ni, dam chhung atana hman tur anih tawh avangin. Kan ka chhung hi natna hrik sang telin a khat a, thil thlum leh sa te hi natna inthlah pun awlsamna ber a ni. Chuvangin sa hmeh te leh ha kara tang awmte a awm chuan kher chhuaha tihfai zung zung tur. Tul lem lova ha kher vak vak erawh a tha a tha lem lo. A chhan chu ha leh ha inkar a tizau tam a, bawlhhlawh

Mistiri hlawh Rs. 300

| 2 comments ]

Central YMA Executive Committee chuan May 1, 2011 atanga hman tan turin hnamdang Mistiri hlawh Rs. 300/- leh Helper hlawh Rs. 150/- an ruahman. Ruahman a nih chhan chu hnamdang Mistiri te hian an duh zat zat an inchhiar thin avanga mipuiten harsatna an tawh thin vang a ni.
He ruahmanna siam anih avang hian in sa lai mek ten harsatna pawh an tawk mai thei a, mizote that tlanna tur a ni tih hriaa hrethiam turin mipuite min ngen bawk. Central YMA
chuan he ruahmanna anga hnamdang Mistiri leh helper te chhawr vek turin mipui, kohhran, pawl leh mimal tin te min ngen a ni.

Mitthi Thing Rs. 20

| 7 comments ]

Kan hriat theuh angin veng chhungah chhiat kan tawhin, chhung tinte hnenah Mitthi thing Rs.10/- YMA chuan a khawn thin a. Hei hi YMA zan tawpah khawhar chhungte hnenah hlan thin a ni. Hemi chungchang hi Executive Meeting chuan ngun taka a ngaihtuahin, tunlai thil man sang zelah, thingpui bawlhlo man pawh a sang ta viau mai a, Rs.10/- kan khawn hian chhiattawk chhungte hian thingpui bawlhlo manah an chawi belh fo ta mai a. In tina Rs.10/- kan khawn hian a daih ta lo tihna a nih chu. Chuvang chuan tun atang chuan In tinah Rs. 20/- a khawn tawh ni rawh se, tiin a rel a. Hei hi chhung tinte kan in hriattir a ni e.