Dawrpui Thlanmual

[ 28 November, 2012 | 7 comments ]


Dawrpui thlanmual thar Mualpui ami kawng laih zauh hna thawh pawh zawh ani ta.

Dawrpui KTP

| 5 comments ]

Central KTP fim insiamsiak atan kan Branch po'n kan phak ve tawk²ah hma kan la mek zel e. (lehkha hi Branch dang aiin kan hmu tlai deuh a, hma lakna poh kar 3 vel chiah ala liam) Tunah hian 40% vel chu peih fel ani tawh ang, hmalakna tur erawh ala tam hle.

via A_es

Medical Science

[ 20 June, 2012 | 5 comments ]


Damdawi lama Medical Science in enkawlna hi tunhma chuan Doctor leh Pharmacist kutah a awm deuh rawt a. Tunah chuan Computer leh Internet-te alo awm ta a, Doctor zir ve lem lo te pawhin engemawzat hriat tur alo awm ta a. A ṭhat viau rualin kan hmang thiam lo deuh ṭhin niin a lang a. Laymen (Doctor ni lo) chuan a hriat tur pawimawh ber chu a damdawi lei a dik em? ni engzat ei tur nge? a expired (thi) em? eng natna atan nge a ei? tih hi hriat chian tur a ni a. A bak Cancer-te leh natna hrang hrang Internet-a en leh chhim ve ṭeuha rilru tihah ta chiam mai hi an tam mai a, MBBS kan zirlai pawhin natna kan han zir chiah chu nitin mai hi kan zir apiang hi neiin kan inhre zel mai a. Kan zirtirtute pawh kan inentir fo reng a ni. Hetiang deuh hian hre ve deuh riai ruai la hrechiang tak tak silo hi enkawl buaithlak tak an ni reng a. Kum nga leh chanve zet han zir hnu erawh chuan a dang ta daih ṭhin.
Thil hriat zau chu a ṭha, mahse ziktluak silo a, mahni rilru tihhrehawm hi a hlauhawm ber a. Cancer inring

Pu Dawiduma kan chan ta

| 5 comments ]


Pu Dawiduma (1937 - 2012) hi Chalrang khuah Pu Nunkhuaia leh Pi Vanhnuaiveli-te fa upa ber atan kum 1937-ah a lo piang a. Khaw khawm avangin hmun hrang hrangah awm kualin ei leh bar an hmuh theihna hmun nia an hriatah an pem kual an pem kual a. Kum 1993-ah Aizawl, Electric Vengah lo lutin, kum 1996 khan an chenna Dawrpui-ah hian an inbeng bel ta a ni.Pu Dawiduma hian pianpui (nau) pathum a nei a,
A nupui Pi Lalbanglovi, Kelkang, Buang khawchhuak nen hian Ni 12.2.1962-ah inneiin Pathian malsawmna fanauah an dawng nasain fa 12 lai an nei a ni. Pu Dawiduma hi mi taima tak leh eng mah thawh hreh nei lo a ni a, a hmaa tih tur awm tawh reng reng chu hreh nei miah loa thawk tawp mai a ni. Upa Pawl ah pawh a theih ang tawkin a inhmang ve thin a, Upa Pawl dawr pawh a tih theih tawkin a inhmang ve thin a, Upa tawka ngaiin a theih ang tawkin a enkawl ve thin a, Chanchin bu “MUP Tlangau” pawh a sem ve ngar ngar a ni. A dam a nih phawt chuan inkhawm hi thulh a duh ngai lo a, Sunday Sikul kai kim lawmman pawh vawi eng emaw zat a dawng tawh a ni. Khawhar In kal

Pi Lalrinpuii kan chan ta

| 17 comments ]


Lalrinpuii hi Pu Nunthanga (L) leh Pi Lalkhawli (L) te inkara an fa pali-na ni turin Nisapuiah kum 1938 April ni 17 khan a lo piang a, an unau hi 13 an ni a.
Zirna lamah chuan Hmeichhe sikul (tuna PC Girls School) -ah bul ṭanin, St.Paul’s High School leh Govt. Higher Secondary School-ah te zir zawmin pawl 11 thleng a zir a. Hemi hnu hian Guwahati-ah GNM a zir leh a. A zir zawh hnu hian sorkarah lutin nurse hna a thawk ta a. Mizoram hmun hrang hrang - Khawlailung, North Vanlaiphai, Saiha leh Civil Hospital, Aizawlah te he hna hi a thawk ta a ni. Staff Nurse aṭang hian Sister-ah kaisangin he hna hi a pension kum 2005 thlengin Aizawl Civil Hospital-ah a thawk a ni.
Kum 2005 atang khan zunthlum natna a nei ani tih hmuh chhuah ani a. Hemi kum hian thla hnih leh a chanve zet damdawiin ah enkawl ngai khawpin he natna hian a tibuai a. In lamah te a theih ang anga

Mizorama Pulpit hmasa ber

[ 08 May, 2012 | 18 comments ]

He dawhkan siam nan hian Lt.Col.John Shakespeare CMG;CIE.DSO-in a nupui thi tawh, sap hmeichhia Mizoram leilung rap hmasa ber hriatreng nan Serkawn Biak ina hman tur atana kum 1928-a a pek a ni. Ruahmantu Dr.Wenger Sap ani a, Mizo Mistiri thiam tak Pu F. Chaltuaia leh Pu Rohnuna ten an siam a ni. Pu Buanga chuan 'Handsome rostrum' a ti kher a ni.

Tin Lut

| 9 comments ]

Kezungpui tin lut hi an tam em em mai a. A na-in khum beh pui tham tak tak a ni si lova, pheikhawk bun leh ama na hi a hrehawm a ni mai a, hnai te hial pawh a siam thei thin. Hei hi zai a nih pawhin a zai dan thiam ngei zai tir a ngai thin. Orthopeadic chan deuh a ni a, tam takin an ke tin an lo pawh chhuah sak ringawt thin a, hetianga tih hi a zai dan tur a ni lova, a sir ve ve (a luhna lai) hi zai thlak a, a rawn tona thlenga zuk tih chhiat a, paih vek a ngai a ni. Anih loh chuan tin thar a lo to a, a ngai te bawkin a awm leh thin. Chuvangin a lai tin zuah tho siin, a sir lehlam ve ve a tona lai kha zuk tihchhiat a ngai ta a ni. Tin an nei dawn tho a, mahse a lut thin lai kha a to ve theih tawh loh chuan a lut tur a awm tawh lova, a dam mai a ni.
Chuvangin hetiang ketin lut i nei anih chuan a thiam ngei pan la i dam thei ang. Vanduai phei chuan natna hrik a lut a, a pun vak thei thin. Hetiang atanga Tetanus veia thi pawh vawikhat chu ka hmu tawh a, ngaihpawimawh a ngai a ni.
Tin, abikin hmeichhia-ah hian kezungpui leh ke ruh inzawmna lai pawng bawk luau hi a tam mai a, a bawk a lian telh telh a, pheikhawk bun a harsa a, a nalh lo bawk. Hetiang hi Metatarsalgia kan ti a, zai dam theih a ni. Hetiang ang nei hrehawm taka lo pu ve reng i nih chuan ruh lam Doctor-te rawn la, an lo siam ngil sak thei ang che. Thil ho te anga lang si, nun tibuai tlat hi chu siam theih anih chuan siam that vat a tha.
- Dr Thangchungnunga, MS (Ortho)

Bial Inkhawmpui 2012

| 5 comments ]

Dawrpui Pastor Bial Inkhawmpui Vawi 87-na chu Dawrpui Kohhran Biak inah 20-22nd April, 2012 khan hman ani a. Thupuiah 'Pathian chibai buk dan dik' (Joh 4:24) hman ani a. Rorel Inrinni nileng khan neih a ni.


Sentut (Measles)

[ 21 April, 2012 | 8 comments ]

Tunlaiah chuan kan changkang ve ta deuh a, Sentut dik tak tun hmaa nasa taka taksa a rawn sen bawl chhuak kha a awm ngai ta meuh lo. Mahse, Sentut awm tirtu ber hi Vurus natna hrik, damdawi awm miah lo a ni. Hritlang te pawh hi a ni tho mai. Damdawi pe la ni sarihah a dam ang a, damdawi engmah pe lo la kar khatah a dam ang.
Hetiang hi a nih avangin Virus hi engzatnge awm pawh Medical Science-ah hian hriat kim a la ni lo. HIV-te pawh Virus chikhat a ni a, hei tak hi treatment a buaithlakna chu a ni. Sentut te hi a la awm reng a, vei an awm zeuh zeuh fova, kan mizo upa ten damdawi tha an lo tih, Saisiak hnah sawra hnawiha a tui intir bawk tur, hei hi a ngeThakpui ih em em ve tho mai. Hritlang emaw Sentut emaw pawh nise, khua asik tel anih chuan Doctor rawn a damdawi ei chu a ngai tho thin. Mahse heng ho hi khua a sik vak lem lova, a sik chuan natna dangin a

Pu Banglova kan chan ta

| 9 comments ]

Pu R. Lianbanglova hi Pu Rualkhuma (L) leh Pi Tlanliani (L) te fa pariat zinga a naupang ber dawttu a ni. October 22, 1950 khan Aizawl Civil Hospital-ah a piang a. Dawrpui Sikul-ah Primary leh Middle zir a, High School erawh chu Republic High School-ah a zir. September 12,1974-ah Pi Vanthangliani, Kulikawn nen an innei a, fa panga an nei. Eizawnna lamah chuan, Public Works Department (PWD)-ah Section Assistant (SA) in a lut a, chumi hnuah Junior Engineer (JE)-ah kaisang lehin tunah hian Building Division, PWD-ah a awm mek a ni. Amah hi hna ngaipawimawh mi niin a that deuh chuan office hi a kal hram hram thin a, mi taima, rintlak leh hotute thu awih thei tak a ni a, rinawm taka a hnate hlen chhuak thin mi a ni bawk.
October 2006, thla atangin chaw a helh thin a, doctor-ah inentir niin, March 2007-ah chawkawng Cancer a

Blanket su

[ 04 April, 2012 | 8 comments ]

Dawrpui Branch KTP-te chuan kumina an Project atana sum tuaknan March ni 30, 2012 (Zirtawpni) zan khan Biak in compound-ah blanket suk hnatlang an nei a, member-te an thawkchhuak thain blanket pawh 300 chuang lai an su a, vengchhunga blanket an suksakte hnenah lawmthu an sawi mawlh mawlh a ni.


Damdawi ei dan

| 5 comments ]

Mizote hi common sense kan nei tha hle a, kan nei lutuk hian mahni ngaihdana thil tih mai kan ching a. A bikin, In sak te, damdawi lam te, zirna nei miah lova mahni ngaihdan thu dik ber anga sawi leh ti hmiah hmiah mai thin kan ni. A thatna tam tak awm mahse a that lohna, thiam thil zir ngai deuh bikah hi chuan mithiamte thu hi ngaihchan thiam a tha hle.
A bikin, damdawi ei chungchangah hian a ni. Khua a sik emaw, pum nuam lo emaw, lu na emaw hlekah mahni hriat hriat, Ampicillin, Tetracycline, Dependal M, Paracetamol te kan ei nghal zel a. Vawihnih khat kan ei a, a lo nuam deuh a, kan ei zawm leh lem hlei lova. Hetiang deuh hian Malaria nia kan rin chuan Chloroquin emaw Quinine mum vawi hnih khat kan ei tir a, khawsik a reh deuh a, kan tawp leh mai thin a, helai tak hi a pawi lai chu a ni. Eng natna pawh chu lo ni se, kan damdawi (Allopathic) mum ho hi chemical (Damdawi hrang hrang remkhawm) a siam vek a ni a, side effect a nei vek

Computer set 7 dawng

| 6 comments ]

IT Education Programme hnuaia NEC sum atanga ZENICS-in Mizoram School 100 hnena Computer set 7 theuh a pek mek zingah kan veng atangin Centenary School, Dawrpui Church chu tel vein March, 2012 (Wed) khan Computer set 7 bakah - Laser printer, dot matrix printer, UPS 4nos leh Xerox te an dawng.

Nausen piangtir

[ 14 March, 2012 | 9 comments ]

Nau an piantirh atanga an bawhvah theih thleng hi an buaipui awmin enkawl dan tlangpui hriat a ngai hle. Nau an han pianga, pawna len chhuahpui ve leh an hritlang a, tam tak chuan an lenpui loh phah thin. Hei tak hi tih dan tur a ni lova, a rang thei ang bera hritlan tir tur, pawn boruak an hip a, an taksa in natna hrik hrang hrang - a bikin Virus a hmel hriat vat a, a do tu tur taksa in a siam vat vat a ngai tih hriat tur. Hritlang mahse a tukah len chhuah pui leh la rei vakloah a reh chho ve mai ang. Natna (Pathian siamsa) hi kan hmang thiam a ngai a ni.
Tin, a pian tirh a, TB vennaa chiu te, thla 3 hnua Triple antigen-DDT, Palio te lak ngei ngei tur a ni a. A lakna record pawh kawl that thlap tur, Plus 2 an zawh emaw hna an thawh dawnah Foreign-a kal a ngaihin neih ngei ngei a ngai thin.
An bawhvah theih chiah hian rulhut leh santen hrik leh thil dang an kai ngei ngei a. Thingtlang naupang phei chuan ar ek rote an lo ei mai mai a. Khawpuiah erawh chuan ni velo mahse an hmuh apiang an ei tih hriat tur. An han din theih chiah hi chuan rulhut hlo leh santen damdawi mamawh lo chu tlem te an ni. An ek a dik theih loh chuan santen chikhat an vei tih a lang sa thei a ni. Fimkhur ang u.
- Dr Thangchungnunga, MS (Ortho)

Bial KTP Conductor Training

[ 10 March, 2012 | 7 comments ]

Dawrpui Bial KTP Inkhawmpui 2012 in a rel angin, Bial chhunga Kohhran Zaipawl Conductor-te leh music lama tui mite tan training hlawhtling takin 8 March, 2012 (Thu) nileng khan Dawrpui Kohhran Committee Room-ah neih a ni a. Resource Person-ah Tv. Manase H. Saphmingthanga, Ramhlun niin hetiang hi member kal dan ani :- Dawrpui - 7, Saron - 8, Zarkawt - 9.
1. Zaipawl kaihhruai a harsat chhan:
i) Zaipawl member-te khawsak phung in an loh vang.
ii) Kum lam inthlauh lutuk vang.
iii) Music leh Solfa kan man tawk loh vang.
iv) Group bik tete a inkawm khawm an awm bik thin vang.
v) Conductor-te lo sawisel reng pawl an awm thin.
vi) Hun kan neih dan leh kan inpekna avang bakah hun kan vawn dan azir a ni thei.
vii) Pathian Thlarau Thianghlim pawlna tel lova kan tih thin vang a ni thei.

2. Conductor mawhphurhna:
i) Mi inpe, mi tui leh talent nei a ni tur a ni.
ii) Mi tum ruh, ngaihdan mumal tak nei a ni tur a ni.
iii) Hla sak dan tur Arrangement fel tak siam thin a ni tur a ni.
iv) Mi invawng fel mi a ni tur a ni.
v) Mi thin nel, ruahmanna leh rorel thiam a ni tur a ni.
vi) Kohhranah mi Active tak a ni tur a ni.
vii) Rimawi lama hriatna nei leh Instrument khawih thiam nei a ni tur a ni.
viii) Aw (Voice) tha leh hmang thiam a ni tur a ni.
ix) Member-te fuih leh chawk phur thiam a ni tur a ni.
x) Member-ten an ngaihsan a ni tur a ni.

KTP General Conference vawi 54-na

| 7 comments ]

Central KTP General Conference vawi 54-na chu Ni 1-4, March chhung khan Thenzawla Lothazawl hmunah neih a ni a, palai riaklut in report zawng zawng chu mi 23,123 an ni. Heng bakah hian lang a kal mi engemawzat an awm a, Pathianni zanah phei chuan mi 35,852 lai an inkhawm a, Pandal chhung bakah pawn lamah mi engemawzat an awm bawk. Conference thlenna hmunin a zir vang nge? Kumin hi CKTP General Conference neih tawhah chuan member kal an thahnem ber tum a ni hial awm e.
Dawrpui Bial chhung Branch hrang hrang atangin hetiang hian member an kal. Dawrpui - 120 vel, Saron 58 leh Zarkawt 39. Tin, kan Bial aiawhin Tv. F. Lalremruata leh Nl. Sailianpuii te (Saron) Duet an nei thei bawk a. Kan bial atangin Tv. R. Lalruatkima, Asst. Secretary, Dawrpui Bial KTP chu CKTP Committee member atan thlan ani ve bawk.
2011 Report-a Dawrpui Bial lannate :
i) Bial Sum thawk chhuak tam ber - Rs. 5,40,641/-
ii) Branch sum thawk chhuak tam ber - Rs. 30,51,447/-
iii) Bial leh Branch hminga Missionary chawm tam ber - 46
iv) Branch sum thawhchhuah belhkhawm member 1 zela chhuta thawkchhuak tam ber - Rs. 2,029/-

Damlo kan/en

| 5 comments ]

Mizote hi a huhova thil ti chi, hmanlai atanga lo ni tawh kan ni a. Awmni khamin thlan laih te, tu emaw lo nei thlo zo theilo khawtlangin an thlawh zawh sak te, zualko kal, thlan laih, damlo kan hmelhriat vak lem loh pawh kan ngei ngei thin kan ni. Khang hun lai kha chuan eizawnna a inang put a, a harsa lem lo. Tunah chuan Computer Age-ah kan awm tawh a, awmni khama thlan laih leh tih dual dual a theih tawh loh. Eizawnna a inang tawh lova, chuvangin tunah pawh veng thenkhatah chuan mitthi In riak tawh lovin, thlan laih pawh hlawhfa an ruai tawh a ni. Keini veng pawhin thinlung damlo takin hlawhfa ruai lo thei lovin kan lo awm ta a, tlawmngaihna a tlahniam ni lovin, kan nitin nunin a zir ta lo zawk a ni tih hi pawm thiam tum mai ila.
Hemi rual hian kan zir tur leh hmabak tam tak kan la nei a, chung zingah chuan damlo kan/en hi kan la thiam lo. A bikin Civil Hospital-ah hian a hun lova in tlawh tum lui tlat hi kan la tam hle a, chutih laiin Durtlang leh Private Hospital dangah tum lui an awm lem si lo. Tin, damlo kan tlawhin, va hmuh a biak kher kan tum thin hi (A bika be ngei ngei tur chu an awm) kan tih danglam a ngai a ni. Ina damlo pawh kan tibuai viau thei a, a mah damlo kha biak leh hnaih vak loh tur an ti anih chuan, a chhungte hnenah ka rawn tlawh ve a, enge a an tih mai hi duh tawk thiam ve a hun hlein a lang. Thawhtanni phei hi chu ‘Nat zual ni’ kan ti tawp mai a, Ward zawng zawng damlo hi an na zual vek thin a, a chhan chu Pathiannia kantu tam lutuk vang a ni ber. Tlawmngaih chhuaha damlo be kher lova intlawh hunte hi hre ve tawh ila, hun vawn dikte hi tlawmngaihna vek a lo ni.
- Dr Thangchungnunga, MS (Ortho)

Pi Hmuaki kan chan ta

[ 08 March, 2012 | 7 comments ]

Pi Zahmuaki hi kum 1950-ah Khuanghlum khuaah a piang a. A pa Khawsela (L), a nu Lalzemi a ni. Pangzawlah sawikhawmin an pem a. Unau 8 niin a upa lama chhiara 4-na a ni. A unau 3 te an boral tawh a ni.
Aizawl-ah kum 1970-a rawn khawsa tan a. Kum 1987-ah Pi Rozingi inhnuai ber luahin kum 1 chhung a khawsa a. Chumi hnuah Pi Thannguri, Zarkawt in luahin a khawsa leh a. Tichuan kum 1989 kum tawp atangin Pi Rozingi hnenah rawn insuan lutin vawiin thleng hian mahni in anga neiin a khawsa ta a ni.
A NAT DAN : Pi Zahmuaki hi nu hrisel leh chak tak niin insawiselna pawh a nei ngai lo a. Kum 2011, August atang khan a insawisel tan a, a bazar kalte hi a chau thei hle a. Ni 28 September, 2011 khan Doctor hnenah entir a ni a, investigation chi hrang hrang tih a nih hnuin chuap cancer a ni tih hmuh chhuah a ni ta a. Cancer a ni tih a inhriat hian a pawm thiam hle a, a chi-ai lo a ni. October thla-ah Nazareth Hospital-ah Chemotherapy vawi 3 a la a, a taksa a chauin a tuar hle a, lak chhunzawm a duh ta lo a. Tichuan

N. Market Building hlui kang

[ 25 February, 2012 | 5 comments ]


Dawrpui New Market building hlui (Sa leh Second Hand etc. zawrhna) chu tukin (ie. 25 Feb, 2012) zing dar 2 pelh hret khan a kang a. Nasa taka thelh mit tum anih hnuah zing dar 3:40 vel khan thelh mit theih hram ani. A kan chhan hi hriat chian la nilo mahse mutia tlaivarin tukri an hal atanga lo intan nia sawi a ni.

Zun kawng hnai nei (UTI)

[ 17 February, 2012 | 8 comments ]

Mizote hi a bikin zun kawng lawng, hnai awm tih vel hi kan ngah em em mai a. A chhan pakhat chu tui kan in tlem lutuk hi a ni ber mai. Zun kawng fai tha tur chuan Kal (Kidney) a fai that a ngai a, tuihawk luankawr ang deuh hi a ni ber. Thil chhia, taksa-in a mamawh loh luan chhuahna a ni a, tuihawk luan kawr pawh tui a tlem chuan bawlhhlawh a tang a, a bal bawk thin a, chumi tifai tur chuan tui tam deuh han leih puat la, a fai duak ang mai hi a ni.
Kan kal (Kidney) hian bawlhhlawh a thlifim a, paih ngai zawng zawng a luang thei chi chu a paih chhuak ta thin a ni. Taksa-ah tui a tlem lutuk chuan a luang tha thei lova, a in thlifim tha thei lo thin a ni. Kan hriat tur chu, kan ek leh zunah hian natna hrik, ek-ah phei chuan Tetanus hrik leh natna hrik dang tam tak a chhuak tel ve reng a. Hei hi Kal-in a thlitfim that loha tui a tlem chuan Phing-ah a inthlah pung ve leh a, chu chuan hnai a siam ta thin a ni. Thingpui no khatah Chini fian ruk vel han pawlh la, a thlum em em anga, i bun chhuah vek hnu-ah pawh a chhung kha han zut la, han liak la, a la thlum em em tho ang hian, kha no khat kha tui litre khatin han pawlh leh la, sil em em ngai lovin a no chhung pawh a fai vek mai dawn a ni. Hetiang thil ho lutuk hi ven harsa pawh a ni lova, tui in tam, tui kan tih

MS-a kan chan ta

| 1 comments ]

Tv. Malsawmdawngliana (K 42) hi May 1, 1970 khan Pu LK. Siama (L) leh Pi Buangi te karah Saipum khua-ah a lo piang a, an unau hi mipa 3 leh hmeichhia 5 an ni.
MS Dawngliana hi kum 1986 khan Mizoram Home guard-ah lut tanin Aizawl-ah post a ni a, hemi hnu kum 1991 khan Mizoram Police MRP ah lut chho lehin, Champhai-ah Post a ni. Kum 2000 khan Aizawl-ah transfer niin, Aizawl PS Quarter-ah hian an chhungkua, a nu leh pa a unaute nen hlim takin an cheng ho a ni. Dawrpui venga an awm chhung hian KTP leh Kohhran-ah te pawh a theih ang tawk tawkin a in hmang ve thin a, Naupang Sunday School-ah te pawh zirtirtu a lo ni tawh thin bawk. Amah hi mi zaidam leh nunnem tak, thian kawm thiam tak leh mi pawi sawi ngai lo leh kawm nuam tak a ni.
Kum 2011 December thla vel atang khan a taksa insawiselna neiin, natna eng eng emaw-in a tlakbuak chho

Sap Upa & Pu Buanga-Mizo Hnam Inchei

[ 11 February, 2012 | 4 comments ]


Rev. F.W. Savidge (Sap Upa) leh Rev. J.H. Lorrain (Pu Buanga)

Tanpui Ngaite Tanpuitu

| 0 comments ]

(Thlirna tlang dang atangin) - Ziakkima Pachuau

Mizote hi YMA din hma atang tawha hnam tlawmngai, mite tanpui an ngaihna lai apianga tanpui duh hnam kan ni thin. Tlawmngaihna leh lek phei hi chu khawvel hnam dangte neih ve miah loh, hnam dang tawng pawha thumal pakhata sawi fiah theih miah loh kan neih bik, a bik taka mizote tana Pathianin min pek a ni a, kan vannei bik ngei mai. Vawiin thlenga tanpui ngaite tanpuitu kan nihna kan la chhunzawm zel thei hi a lawmawm a, paih bo chi leh theihnghilh phal chi a ni lova, chhawm nung zel tur pawh kan ni reng a ni.
Tun hnai maiah vanduaithlak takin Saiha Bazar vengah (Mi awmtha duhlo pakhat thil tih ni ngeia hriat) kangmei a chhuak vak mai a, mi tam takin In leh lo an chan a, an bungrua pawh chuh hman lovin an neih zawng zawng a kang ral a, an va lainatawmin an va khawngaihthlak em! He chhiat tawh thu hria apiang Sorkar leh NGO pawl hrang hrangten mut mawh hnar mawh a nei in, tanpui theih dan kawng hrang hrangin an ngaihtuah nghal chuk chuk a, tunah chuan tanpuina pawh a lut thahnem tawh thawkhat hle tura ngaih a ni. He thu hi Mizorama pawl lian ber Central YMA pawhin alo hriatin Feb 2, 2012 chawhnu khan CEC

Mihringte rohlu ber, Hriselna

| 0 comments ]

He thupui hmang hian thu tam tak kan rawn tarlang tawh a. Tunah chuan NEWSTART kan tih series hnuhnung ber, T-Trust in God (Pathian rin tlatna) tih hian kan rawn titawp tawh ang. Hriselna tur thil chi hrang hrang leh Pathian thilsiam inkaihhnawihna lam chi pawh kan rawn sawi tam tawh a, tunah erawh chuan Amah Pathiana rinna hi a thilsiam mihringte tana damna anih thu a tawp ber atan kan han tiri leh dawn a ni.
Kan sawi tak zawng zawngte zinga kan taksa leh thlarau damna atana pawimawh ber mai chu Pathiana rinna nghah tlatna leh a thu zawmna hi a ni. Hmeichhe thiput hnenah Isuan, “Ka fanu, thlamuang takin awm rawh, i rinna hi i dampui a ni e,” (Matt.9:22) tia a sawi ang khan, damna tak tak leh hriselna tluan tling chu Pathian atanga chhuak a ni a, chu chu rinna nung neih tlatna leh Amah rinchhan tlatna atanga hmuh a ni. Khang hriselna dan (principle) te kha fimkhur taka kan zawm tlat chuan tun aiin kan lo hrisel zawk ang a, kan dam rei zawk bawk ang a, Pathian tan pawh hna kan thawk thei zawk ngei ang.
Kan taksa tichhe thei zuk leh hmuam, ruihhlo chi hrang hrang kan tih thin avangin kan taksa hi a lo

Saihaa kangmei tuarte tanpuina

| 1 comments ]

February 1, 2012 zana Saiha khawpui kangmei tuarte tanpuina atana vengchhunga vehbur khawnah kan neih te uilova sum leh pai lo petu te zawng zawng chungah Dawrpui Branch YMA chuan lawmthu a sawi tak meuh meuh a, midangte tana malsawmna ni chhunzawm zel turin veng mipuite duhsakna sangber kan hlan che u a ni. Heng a hnuaia mi ang hian Section hrang hranga kan pawisa thawhkhawm dan chu a ni.
Chawngbawla Section : Rs. 25,210/-
Taitesena Section : Rs. 14,900/-
Vanapa Section : Rs. 17,075/-
Total : Rs. 57,185/-

Pi Lalbiaki kan chan ta

| 1 comments ]

Pi Lalbiaki (K-90) m/o Pu Rochungnunga (Dawrpui Br. YMA Vice President) Medical Quarter hi November 12, 1922 khan Lungleng khua-ah a lo piang a. A pa hi zirtirtu Kamlova (L) niin, a nu hi Saithangpuii (L) a ni. An unau hi mipa panga leh hmeichhe panga an ni.Kum 1945 ah Rokhuma s/o Thangruma (L) nen an innei a, fapa 2 leh fanu 4 an nei.
Kum 1934-ah pawl 3 a passed a. Hetih hun lai hian thingtlangah pawl 4 zirna a awm loh avangin, ‘Pi Zaii School’ tuna P.C Girls School lo ni ta atang hian kum 1937 khan pawl 6 a zir zo leh a. Lehkha zir chhunzawm zel duh mahse, khang hun lai khan Mizoramah High School zirna a la awm loh avangin a zir chhunzawm thei ta lo. Hemi a nih avang hian apa in Durtlang Damdawi inah Nurse zir turin a dah a. Heng hun lai hian Nurse zir duh hi an tam lo va, kum chuti zat, pawl chuti zat tih pawh a la awm lo. A zir duh a piangin a zir zel a. Ani pawh hian naupang te a nihin a zir a. Dr. Pi Puii hnuaiah zirin kum 1943, Febuary ni 27-ah Nurse leh Midwifery Certificate hlan a ni.
Nurse a zir zawh hian Aizawl Civil Hospital-ah Staff Nurse Post a lo awm lo va, Female Attendant in a thawk

M-a kan chan ta

[ 10 February, 2012 | 4 comments ]

Pu Lalremsanga (M-a) Kum 31 S/o Pu Vanlalthanga(L), Dawrpui West (Pu Pazawna Building) hi February ni 20, 1981-ah Pu T. Vanlalthanga (L) leh Pi Lalhlupuii te inkarah Aizawl Civil Hospital-ah alo pianga, pianpui unau panga a nei. Ni 11 March, 2009 khan Vanlalhriati, Venghlui nen innei in fanu pakhat Vanlalrempuii kum 1 leh thla 7 mi an nei a ni.
Amah hi naupang thuawih thei tak a ni a, zirna lamah pawh tluang taka zir chho in kum 2002 khan pawl 12 tha takin a zo a, 2003 khan tuna a thawhna Civil Hospital-ah hian IV-Grade in a lut a, amah hi hna thiam tak leh taima tak a ni a. Computer lamah thiam na tha tak a neih avangin a hna thawh ber chu Computer Operator hna a ni.
Pu Lalremsanga hi thenrual te tana ngainat awm tak a ni a, pa tawng tam lutuk phei chu a ni lem lova, fiamthu erawh a duhin a chhungte leh a thiante pawh a tihlim thei hle thin a ni. A thiante tan phei chuan engmah ui nei ngai lovin a theih ang tawk tawkin a in phal em em thin a ni.
Ni 16 January 2012 khan a pum nawm loh deuh avangin an in entira, a natna hi Doctor ten Mitliam a ni tih lo hmuchhuakin Damdawi in a admit turin an lo ti a. Mahse, amah hi pa tuarchhel tak anih avangin Damdawi in a awm em chu ngai a ti lova, Doctor-in Damdawi thlakhat ei alo chawha. Mahse, hma a sawn chak lutuk loh avangin ni 8 February 2012 ah Durtlang Damdawi in panpui niin an lo admit a, Doctor leh Nurse ten theihtawp chhuaha lo enkawl nghalin, a that chhuah leh mai kan beisei laiin, ni 10 February 2012 (Friday) zing lam atang khan a natna hian zual lam a pan leh deuha, ICU-ah dah lut nghal a ni a. ICU-a dahluh anih hnu pawh hian that lam pan lovin, chawhnu dar 3:45 khan chatuan ram min lo pansan ta a ni. A chahthlak dawn pawh hian a thlamuang em em a, a nupui hnenah pawh thlamuang tak leh hlim taka awm turin a chah a, a lu ah dawm a tawngtaisak turin a ti a, a nupui chuan a tawngtai saka, thlamuang tak leh hlim takin a thaw a tawp ta a ni.

Result

[ 28 January, 2012 | 3 comments ]

Kum 2011 chu kan hmangral ta der mai a, han hawikir leh mah la tih tawh loh tur thil i hmu teuh ang. Chutih laiin nula tlangval, tleirawlte sualna lama luhna hunpui a ni ber thinin a lang. Zawlaidi in ngai lovin an in tan a, kum alo kal zel a, zu-ah a chhova, drugs nen. Hmeichhia nise inphalrai hun ni berin an hria nge, enge a chhan? Kum 2012 Feb/March ah chuan nau tih tlak tur nitin an awm leh zut mai dawn tih a hriat sa reng mai. Hetianga kan hunpui sual tih tanna a kan hmang tlangpui mai hi eng rilru nge kan put? Kristian ram nisi-ah hian enge a chhan? Nula tlangval zawng zawng an sual lova, a tha tam tak awmte hi a thalo pahnih khat lek awmte hian a ti hmelhem zo thin a ni ber mai. Thil mak tak chu, hlim viau mah ila Krismas vanga piangthar nun danglam ta hi an vang hle. Hei hian kan Krismas awmzia hi kan thinlungah a thleng zo lo a ang hle.
Naute hi a lo insiam hian thla 3 anih chiahin mihring pangngai alo ni a, hemi huna paih hi chu tualthat an ni mai. Chutiang tho chuan Pathian fin zia hi mihringte chhui chhuah sen loh a nih zia chu, serhtan ni 8-naah tihte, kan taksaa thisen tikhaltu, kan in tihpalh pawha thi chhuak a reh ve leh mai na (Clothing factor) hi ni 7 ni hian a insiam famkim a, ni 8-na atangin a thawk tak tak ta a ni. Ni lo sela chuan thi putin kan thi ngei ang. Hengte hi Pathian fin zia kan hmuchhuak leih leih chauh a nih hi. Cloning an thiam a, Beram an clone (Siam) a, khawvel thil ropui hmuhchhuah an tih laiin, Pathianin Eden huanah khan Adama nak ruh atangin Cloning chu a lo ti daih tawh a, tlai khaw hnu-ah kan thiam ve chauh zawk a ni. Pathian atna hi mihringte finna sang ber pawn a phak lo anih hi.
- Dr. Thangchungnunga MS (Ortho)

Pu Zotea kan chan ta

| 1 comments ]

Pu R. Zothansanga (K 59) hi Pu R. Vanlawma leh Pi Lalchhungi te karah a lo piang a, an unau hi pasarih niin, an unau zingah a pathumna a ni. Kum 1980 khan Lallunghnemi Hmar nen inneiin fanu pakhat leh fapa pahnih an nei a, tu pathum a nei bawk.
Amah hi pa tawng tam tih tur ni lo mahse fiamthu duh tak a ni a, fiam dawl tak niin pa hlim thei tak a ni. A nupui fanaute leh a tu leh fate a ngaihtuah em em a, a tute sikul kal pawh a hruai zat zat thin.
Pa zaidam, thenrual huikhawm thiam tak, thu leh hla thiam tak a ni. Kum 1986 atangin ‘Huapzo’ Chanchinbu

Zoramchhana kan chan ta

| 2 comments ]

Pu Zoramchhana (Kum -41) hi Pu R.Dova leh Pi Ngurvapi (L) te inkar ah Kum 1970 khan Darlawnah a piang a, a pianpui unau pakhat Pi Zamveli W/o R.Lalhlunchhunga (L) chauh hi a nei a amah hi a naupan lai atangin naupang thuawih thei leh nungchang tha tak a ni thin a, thenrual kawm thiam tak a ni.
Mizoram Polytechnic Lunglei ah Diploma in Civil Engineering a zir a, a zir zoh hnu hian kum 1996 khan Juniour Engineer in P.H.E. Department ah a lut a, Tuikhuahtlang-ah Post a nih hnu in hmun dang dang ah post leh a ni a, tunah hian Mamit Division Tuidam Section-ah a thih ni thleng hian a thawk ani.
Kum 1995 khan Zoliani D/o H.Lalnghaka nen in neiin fa 3 an nei . A mah hi mi tlawmngai tak leh Hotute hlau

Lalhlima kan chan ta

| 0 comments ]

Pu Lalhlimpuia (38) S/o Lalsangliana, Jail veng chu Jan 8, 2012 (Pathianni) chawhma dar 10:20 khan Mitliam avangin a boral a, hemi zan hian lumen niin a tuk Thawhtanni khan vuiliam a ni.
A chanchin : Pu Lalhlimpuia hi Pu Lalsangliana leh Pi Khawliani te fa hmingkoh ni turin Nov. 10, 1973 khan Civil Hospital, Aizawl ah a lo pianga, Pianpui unau mipa 1 leh hmeichhia 2 a nei.
R.B School, Zarkawt-ah zirna bul a tana, Pawl 9 thleng K.M High School-ah a kal. Lalrinkimi nen inneiin fapa 1 leh fanu 1 an nei a, kum 2011 atang khan an nupa hi an awm hrang ani.
A nun siam that duhin vawi tam tak Camping a lut a, Home-ah te pawh enkawl a ni thin a. Nunthar pawh a

Faka kan chan ta

| 1 comments ]

Tv. K. Lalfakzuala hi April 20, 1975 khan Pu K. Khualluna (L) leh Pi Lalringliani (L) te fa tlum ber niin Civil Hospital, Aizawl-ah a lo piang a, pianpui unau panga neiin, chungte chu:
1. K. Lalhlimpuia (L)
2. K. Thangtinliana (L)
3. K. Lalthakima H/o Lalbiakthangi (Kawk-i)
4. K. Laltanpuii (L)
5. K. Darhmingthanga (Kawla) (L)

A mah hi mi harhvang leh fiamthu duh, thenrual kawm thiam tak niin, mi thilphal, thiante lakah pawh neih ang ang ui lo mi a ni. Faka hian Sports lam pawh a tui thin hle a, Football thiam tak niin, veng tan pawh vawi tam tak a lo khel ve tawh thin.
Kan hriat theuh angin Faka hi ruihtheih thil hian nasa takin a tibuai ve a, amah pawh hian tal chhuah tumin

Pu Lalrinmawia kan chan ta

| 0 comments ]

Pu Lalrinmawia (1967 - 2011) hi Pu Chalthuama leh Pi. Lalthannguri te fapa upa ber a ni a. January ni 21, 1967-ah alo piang a. Unau hmeichhe pakhat leh mipa pathum a nei.
Kum 1985-ah Lalliansangi d/o Lalthanpuia nen in neiin fapa pahnih leh panu pakhat an nei. Pu Lalrinmawia hi February 16, 1994 khan Health Department Driver-ah a lut a. A hna hi a tuiin nuam a ti em em a, a hna kal hlan te hi a nghak hlel em em thin a ni.
Kum 2009 khan tuna a natna Cancer hi hmuhchhuah a ni a. Chemo pawh vawi tamtak khai a ni a, amah pawhin dam lam panin a in hria a. Zemabawka Cancer inhem turte pawh ama motor khalh lai (Deptt. Motor) ngeiin a hruai thin nghe nghe. A cancer natna hi theihtawpin amahin dolet a tum ve thin avangin he cancer natna hian a ti buai lo hle a ni.
A nat chhung hian Damdawi inah vawithum vel lai dahluh a ni a. Amaherawhchu, khumbet a mut a nei ngai