CHAPCHAR KÛT LADY KAN NEI

[ 25 April, 2017 | 0 comments ]

Mizo Photographers’ Society : Society pakhat - Mizo Photographers’ Society an awm a. Anni hi Camera Tha tawk tak, an thil tawn leh hmuhte an thla lak sak a, mawi taka chhuah thiam an ni a. Chapchar Kût hmangtu a bikin nulate an inring lai leh inring lo lai pawh an duh an duh an hmet a, Photographers’ Society Facebook page-ah thehkhawmin, an tlangzarh hnuah an mahni ‘page’ zawm (join) tu a duh apiangin nula hmeltha leh hnam incheina ziarang lang theite chu “like” an pe ta a. Chuta tang chuan like-tu ngah 10 (Top ten) an thlang chhuak a, chung top 10-te chu an zirchiang a, an inah ngei kalin an mahni ngei an kawm a, an awmna veng YMA hruaitute pawh a rukin an kawm bawk a; Chumi leh like-tu ngah top 3 thlang lehin chuta \ang chuan “Chapchar Kût Lady” chu an thlang chhuak ta thin a ni.
Dawrpui Nula : Dawrpui-ah hian nula hmelṭha leh fel, chhiatni thatni leh Kohhran thiltihna langsar kan ngah hle a, a lawmawm ngawt mai. Kumin 2017 Chapchar Kût Lady tura Mizo Photographers’ Society-ten an thehkhawm

DAWRPUI-ah Health Clinic

| 0 comments ]

Hunrei tak ata Dawrpui mipuiin kan duh leh beisei, vawi duailo sorkar hotu lam kan dawr thinna “Dawrpui Health Sub-Centre/Clinic” chu kan nei ve ta reng mai! A va lawmawm em! Rokhawlhna dang a awm loh chuan March 2017 thla chawhnu lam hi chuan pangngai taka hawn a ni tawh dawn a ni.

A hmingah buai suh : A thenin Dawrpui Health Sub-Centre kan tia, Health Clinic tur zawk, tih kan awm bawk. Engpawhnise, Dawrpui-ah Health Sub-Centre emaw Health Clinic kan nei dawn tihah hian chiang ila; Sub-Centre hnathawh dan leh Health Clinic hnathawh dan a inang reng a, a enkawltu pawh “Health Worker” tho a

HRIAT VE ATAN

| 0 comments ]

Doctor hian tunhma chuan damdawi an prescribe hian compounding chawh pawlh angai thin a, tunlaiah hetiang a damdawi hrang chawh pawlh kan hriat lar tak- AROMATIC pumpui damdawite kha damdawi chi li vel pawlh a siam ani.
1) Inentir tura doctor room-a luh dawnin mobile phone silent/ken luh loh tur.
2) Doctor ziah anih vang a chhiar theih loh tum ngawt tur ani lo.
3) Rx  kan dah nachhan hi, ‘to the chemist, compound, prepare and explain to the patient’ tihna ani a, a ‘R’ ke a kan cross leh nachhan hi chu ‘in the name of God ‘ tihna ani.
4) Doctor-in damdawi a chawhna lehkhaah Latin tawng kan hman nasat vangin heng hi a awmzia ani :-
OD (Omni Die ): Once a day / Nikhatah vawi khat 
BD (Bis in Die Sumendus/Sumendum) : Twice a day / Nikhat ah vawi hnih
TDS (Ter in Die Sumendus/Sumendum) : Thrice a day / Nikhatah vawithum 
(Ter tih chu tertiary, pathum sawina ani, 8 hourly tih nen a inang)
QID (Quard in Die Sumendus/Sumendum) : 4 times a day/Nikhatah pali (6 hourly)
(Die tih hi day tihna ani a, quart chu pali tihna)
HS (Hora Somni ): At bed time / Mut dawnah tihna.

¤ Nikhat tih hi darkar 24-a chhut tur ani, khaw en lai kher tihna ani lo.
¤ Heng Latin tawng hmang kher loh pawh hian a ziah theih tho mai.
- Dr.Thangchungnunga, M.S.Ortho

CHAPCHAR KÛT 2017

| 0 comments ]

Dawrpui Branch YMA chu Cheraw bu -2 neiin Sarlamkai-ah mi 42 lai kan lam thei bawk a ni. CYMA-in min rawn ngen angin Chapchar Kût-a lam tur Khawmawi Branch YMA (Bawm) member 27-te chu kan lo mikhual a, Ngaihruinan YMA chaw thleng hlui (135 nos) leh hmeichhe lokalte tan puan (9) hlan an ni.







DAWRPUI KHAWTLANGIN FAI LAWMMAN A DAWNG!

| 1 comments ]

Kumtin Faina Hapta hman thin a ni a, chutah chuan “Veng Fai Lawmman” an siam thin a, engtik lai mahin Dawrpui hian chu “Fai Lawmman” chu kan dawn kan inring ngai lo a, kan la dawng bawk hek lo! Mahse, thil theih loh pawh hi a lo theih ve fo tih a lanna chu Feb 16-28, 2017 chhung khan Aizawl Municipal Corporation (AMC) leh North Eastern Development Finance Corporation Ltd. (NEDFi)-te buaipui “Swachhata Pakhwada” hman a ni a.  Faina kawnga intihsiakna chi hnih Commercial Area leh Residential Area-ah thenin, Commercial Area-ah DAWRPUI LOCAL COUNCIL chu Fai ber lawmman pakhatna pek kan ni a, Citation leh Rs. 50,000/- hlan kan ni. Residential Area-ah Laipuitlang chu pakhatna an ni bawk. Form fillup tur an siam a, chuta chhanna leh a hmuna enfiahna atanga tehna hi siam a ni. Khawtlang kan va lawm teh lul em...!
A dawngtu hming hi Dawrpui Local Council tih a ni mai a, a hming tumtu mai a ni. Khawtlang mipui zawng zawng dawn a ni. “Sumdawnna hmunpui kan ni a, kan fai tak tak thei lo, mi chitin chitangin an bawlhhlawh an kalsan a, a hnawk chiah kan hlawh...” kan ti thin a, dik pawh a dik a. Kan VC/LC hmasa ten nasa takin tan an

VUN VAR

| 0 comments ]

He natna hi natna hlauhawm leh inkaichhawn chi chu ani lo na a, mihring hmel a ti danglam nasa in, tam tak tan phei chuan tenawm lamah pawh a kal thei, mahse chutiang ani lo a. Kan vun rawng hi a nihna siamtu tak chu melanin an ti a, chemical / hormone chi khat ani mai a. Negro-te hian black melanin an ngah hle a, sap, European ho erawh in an nei tlem. An var lutuk hi ni sa ah tuipui kamah te an in pho thin a, ni eng a ultra violet ray lo kal tel ve hian an taksa a ti uk ve deuh a. He melanin nei tha sa reng an lo upat a, an vun rawn var ta mai hi enge a chhan tak hi hmuh chhuah fak a la awm lo. Phaiah an zu kal a, engteh ual tih theih an nei lo. Zing ni chhuak a in pho tih te, leh damdawi man tam tak tak an lo chawh a, mahse vawiin thleng hian a tih rehna chu an la hre lo ani. 
Ka sawi duh leh tum tak zawk chu, hetiang vun var nei hi an tenawm lo a, inkaichhawn chi pawh ani lo. Mipui hian kan rilru a ten deuhna kan nei thin hi zawi zawi a kan paih a ngai a, mi dang ang tho a thianghlim an ni tih hi I pawm ang u. Hepatitis B an hriatchhuah tirh pawh khan, kan hlau lutuk a, veng thenkhatah chuan

Chân loh khâna lo chhuak

| 0 comments ]

Aizawl khawpui tana kawng duhawm leh chhenfakawm tak ni reng thin kha, kan zawh ve pha ta si lo! Sipai lane tlem te, a bang lung, a chung rangva a awm zeuh zeuh, sipai chhungkaw chenna tih bak chu Bethlehem, Venghlui ramri thlengin ngaw thla vek a ni a, a nuam em em a ni. Chuta zu zuk in ru leh drugs a lo inchiu an awm lo. Khap miah loh a ni a tumah an kal peih lo. Khap bur ni se chu kal tum talh pawh an lo awm mahna, thil tam tak hi kan khap itawm mai ni te pawhin a lang. Zoram chu 1966 –ah rambuai a puan a lo nih tak avangin sipaiin tlawhpawh an duh ta lova, gate an siam a, kan kal thei lo chu a ni ta reng mai, vawiin ni thlengin, a va pamhmai em!
Tlaizawng : Sipai Quarter Guard saw eng dang atana siam a ni lova, lungin tâng dahna hmun a ni thin ngei mai. MNF man te pawh tam tak tah sawn khung an ni. Anmahni sipai te inhremna hmun a ni ber mai. Chhuahlamah sawn a in tak pan chhohna leh Assam Rifles office leh anmahni sipai tan bik Canteen panna kawngchho saw tun thleng pawn a la awm reng a, saw erawh saw chu mipui vantlang tana hawn a ni ngai lo, an veng deuh tlat thin. A kawngsir tawn tawnah sawn Sap ho bawk tihchhuah kha a ni ngei ang, Tlaizawng kung an phun tlar chho thût mai a, Krismas laia a par vul lai tak tak chuan sap ram emaw tih mai tur hial

CANNED FOOD

| 0 comments ]

Tunhma atang tawh in, tin a dah chi, Mizoin kan hmelhriat hmasak ber ni a lang chu sangha tin hi ani. Tunah chuan, tin kher lo pawh glass bur pawhin ei tur chi hrang an siam tawh a. Hetiang chi ho reng reng hi lei hma in a siam hun en fo a tha, use best before 1 year / 6 months tih te a awm zel ang. Hei hian chhan a nei a, sangha kha chhe thei lo tur a siamna damdawi, preservatives an tih chi an telh thin a, phui takin an char hnan leh ta thin a, hawn leh hma chu a tha tur a ngaih ani a, mahse hman hunt ha ber an tih ang a hman hi a him ber. Hetiang sa tin ho reng reng hi i zu hawn rual chiah hian a chhiat lohna tur a an dah, damdawi leh pawn boruak, oxygen a han in tawh chiah khan chemical, damdawi chi dang a inseam (oxidation) ta a.. An damdawi, a chhiat lohna tur a an dah , leh oxygen in pawlh khan thil tha lo tak, a thenah te phei chuan, tur ang hial a hlauhawm a siam thei a, a chhan chu preservative hi chi khat chauh a awm lo a, chuvang chuan fimkhur a tha. Fimkhur dan tha ber chu, engpawh ei mai theih tur a siam sa tin, bawng tin, vawk tinthlai te pawh ani ang chu, i lei anih pawh