Dawrpui Joint Committee hmalaknain a vawi khat nan Chapchar Kût kan hman zan -13 March, 2026 (Zirtawpni) khan Basketball Court, Piputlangah khawtlang huapin zan dar 7:30-a ṭanin hlim takin 'Dawrpui Chapchar Kût Zan' hman a ni.

Programme hi Pu K. Lalchhuanawma, Chairman, Local Council-in kaihruaiin Pi Venus Lalremruati'n mawi leh thiam takin mipui zaiin a awi a; MUP aiawhin Pu K. Liantuala'n Chapchar Kût chungchang fiah takin mipui kalkhawmte hmaah a sawi a ni.

Session hnihna chu Ch.Sect aṭangin Tv. H. Lalropuia leh Nl. V.L. Malsawmtluangi ten hneh takin an host a. Mit leh beng tlei tak² item - Hlado Chham, Cheraw, Khuallam, Arial band, Local Council band, MHIP Costume parade, Vanapa Sec band, AB/CD YMA chhang, Mix Sect band, Dr. Chawnglungmuana leh a ṭhiante, Maurawkela Gang, Vanlalsailova te rawn chein mipui kal kan ṭhahnem bawk a, nuam kan ti tlangin kan khamlo hle a, zan te a rei deuh dawn tak avangin item ṭhenkhatte erawhchu tih hmanlote a awm a ni.

Hemi zan hian refreshment tui tak a kal zawng²te tana buatsaih chu tui kan ti tlangin kan khamlo hle a ni.