Mizo Hnam Ro Chawisang Pawl

('DAWRPUI VENG CHANCHIN-1991') : Mizo Hnam Ro Chawisang Pawl hi, kum 1975 January ni 4 khan Dawrpui Veng chhungah, "Jail Veng leh Upper Bazar Nun Siam Ṭha Pawl," tia lo din a ni. A lo dinna chhan chu, Veng chhunga zu zuarte, hmeichhe buanchaklote leh sualna kawng hrang hrang lo pung chhote tireh tur leh, Mizo nun ṭha leh tlawmngaihnate humhalha, a ṭul ang zela khawtlang hruaitute thawhpuia, theih ang anga hma la turin a ni. 

He tlawmngai pawl kaihruaitu hmasate chu:

President         : Pu Unionthanga

        Vice-President         : Tv. K. Rothanga

Secretary         : Tv. Lalbiakkima

Asstt. Secretary : Nl. Rengpuii

Treasurer         : Pu Lianchhawna

Fin. Secretary         : Nl. Vanhlupuii

He pawl hian theihtawp chhuahin Veng chhung thenfai hna kawng hrang hrangin a thawk a. Khawtlang hmasawnna chi dang - tuikhur siam te, khawlai kawng step siam te, electric ban siam te leh kawng dang te,

sawrkar ṭanpuinain a lo thawk ṭhin tawh a ni. 

Kum 1977 January ni 28 aṭang khan, hming thar, "MIZO HNAM RO CHAWISANG PAWL," tia thlak a lo ni ta a ni.

Chuta an hruaitu hmasate chu heng mite hi an ni :

President : Pu Sailothanga 

Vice-President : Pu P.C. Thandanga

Secretary : Tv. K. Rothanga

Joint Secretary : Tv. Lalbiakkima

Treasurer : Pu R. Satliana

Fin. Secretary      : Pu Laldailova Pachuau

He tlawmngai pawl hi vawiin thlengin tluang takin a la kal zel a. I.G. Prisons Office bulah CHILDREN PARK (Pass No. Misc. 26 of 1989) a nei. Building ṭha zawk nei turin hma an la mek a ni. Vantlang mamawh - ṭhutthleng, bel, no, thleng, mizawnna leh kuangsiamna hmanraw chi kim (mistiri tools) a nei bawk. Heng bungruate hi Dawrpui V/C huam chhunga mite tan a ṭul ang anga hman theih reng a ni.

He pawl hian Constitution zulzuiin, Mizo nun mawi leh ṭhate humhalh chung zela Veng leh ram tana thawk zel turin hma lam panin ke a pen mek zel a ni. Dawrpui huam chhunga mi tu pawh he pawlah hian member nih theih vek a ni.