YMA CONFERENCE VAWI 63-NA A TIAK TA

[ 26 October, 2008 | 0 comments ]

YMA General Conference vawi 63-na Serchhip-a neih chu October 23, 2008 zan khan a tiak ta. Tun tum Conference-ah hian Palai riak lut in report zat chu 4400 vel bawr an ni a, heng bakah hian lehlanga kal mi engemaw zat an awm bawk. Conference boruak a nuam in a thlengtu Serchhip hian an thleng hneh em em a, an inbuatsaihna pawh sawisel tur a awm lo, an fakawm hle.


Kumin Conference-ah hian kan branch atang pawhin kan kal thahnem viau a, a lawmawm khawp mai. Kan Branch aiawha kalte hi an vaiin mi 41 an ni a, mahni hna tul avanga riaklut theilo mi 25 an awm a, mi 16 te chu Conference hun chhung zawngin an awm tluan zak a ni. Kan sawi hmaih hauh loh tur chu Zaipawl tha tak an nei thei kha a ni, kan zaipawl member-te an fakawm tak zet, an tang a, zai pawh an zai tha hle reng a ni. Kan Branch aiawha kal te hi mipa 22 leh hmeichhia 19 an ni.

October 22, 2008 (Nilaini) dar 10:30 AM khan Rorel Inkhawm neih a ni a, Rorel Palaite hi mi 759 an ni. Kum dang anglo takin Agenda hi YMA khawih 2 leh Sorkar khawih 2 chauh a awm a, heng te hi a vaiin rorel palai ten ban pharin lungrual takin an pawm.
1. Mizo nun zemawi uar zawka inzirtir ni se.
2. YMA DANPUI (YMA Constitution)-a siam that ngaite ennawn ni rawh se.
3. Mizoram sorkar hna lak thinah hian a tling leh tlakte chauh lak a nih theih nan Sorkar-ah thlen ni rawh se.
4. Saitluk ramah Airport siam a nih thuai theih nan Mizoram Sorkarah ngen ni rawh se.

Tin, Central YMA Budget 2008-2009 atan Rs. 83,97,400/- Pu Vanlalrema Rokhum, Treasurer CYMA in a pharh chu lungrual taka pawm a ni. Kum 2009 General Conference thlen dil pali zingah Chalfilh Group YMA in thlengin DARLAWN-ah neih tura thlan a ni bawk.

DAWRPUI SCHOOL MANAGEMENT BOARD (2008 - 2010)

| 0 comments ]

Kum 2008 - 2010 chhung atana Dawrpui School Management Board hruaitu turte Joint Committee chuan hetiang hian a siam.

Chairman : Pu Lalhmingliana
Vice Chairman : Pu Chhawnkima Pachuau
Secretary : Pi K. Vanlalhriati
Asst. Secy. : Pu Lalhlimpuia Khiangte
Treasurer : Pu Lalrammuana
Fin. Secretary : Pu Malthantluanga

Adviser : Upa Mankunga

Committee Members:
1. Pi Neihtluangi 2. Dr. Tlangkunga3. Upa Zosangzuala 4. Pu K. Liantuala
5. Dr. Lalrindiki 6. Pu Vanhmingliana7. Dr. SR Zonunthara 8. Pu Lalthansanga
9. Pu Rosangliana (Masanga)10. Pu P.C Lianhmingthanga
Committee Members ni sa te:
1. President leh Secretary, Dawrpui VC
2. President leh Secretary, Dawrpui Br. YMA
3. President leh Secretary, Dawrpui Br. MHIP
4. President leh Secretary, Dawrpui Unit MUP
5. Principal, Dawrpui School of Sc. & Tech.
6. Headmistress, Dawrpui Middle School
7. Headmistress, Dawrpui Primary School
8. Head of Little Star

Kumpuan Huang/ Vengchhung Duty

| 0 comments ]

Khawtlang Duty ngawrh taka chhunzawm zel a ni a. Vengchhung thianghlimna leh sual dona kawngah mitinte ngawrh zawka tanlak kan ngai hle mai.

Tunkar chhung khan Zu leh mi awm tha duhlo mi engemaw zat man anni a, thuneitute hnenah hlan an ni. Tin, a neitu hriatloh zu fun tam tham tak chhar a ni.

Tunlai hian Bazar Bungkawn, Modern School bul velah hian standing- a Zu leh Ganja zuar thin an awm nia hriat a ni a, hetiang mi hria leh hmu kan awm chuan vengchhung hruaitute hriattir thuai thin tur a ni a, tin, hetiang mite hi lo inthiarfihlim thuai tura hriattir an ni bawk.

Tin, vengchhung mi ngei, vengchhunga buaina siam thin leh mi mit tikham zawnga khawsa thin an awm tih report dawn a ni a, sim vat tura hriattir an niin, anmahni pawh hriat an ni a, an sim vat loh chuan veng hruaituten an ko dawn a ni.

Tunlai hian in hmun/lo/ram chhiah khawn lai a ni a, la pelo pe duh tan N. Market thlaithar zawrhna hmunah khuan Revenue Deptt. an awm a, zing dar 10 atanga tlai dar 2 thleng pek theih a ni e.

HLAMZUIH (Lalchawipuia, 37 days)

| 0 comments ]

Lalchawipuia S/o Vanlalsanga, Dawrpui West, ni 37- a upa chu Oct 23, 2008 (Ningani) zan dar 10:40 khan Khawsik vangin a boral a, hemi zan hian Dawrpui thlanmual- ah phum nghal a ni.

SALEM BOARDING-AH CAMP

| 0 comments ]

Dawrpui Kohhran Ramthar Committee bul tumin Salem Boarding-ah “Siam thar lehna Camp” neihpui turin 25 October, 2008 (Inrinni) khan Dawrpui Upa- Upa R. Zodingliana leh Upa Zosangzuala hovin mi 30 vel an zin chhuak a, Nilaini hian an lo haw leh ang. Home Mission North huam chhunga Missionary leh an kawppuite pual Camp a ni a. Speaker atan Pu Lalramliana (Ramtea) ani ang.

Pu ROBERT-A KAN CHAN TA (1961 - 2008)

[ 18 October, 2008 | 0 comments ]

Pu Robert Lalnunmawia s/o PC Thandanga, Jail Veng chu vawiin (ie.18 October, 2008) zing dar 2:00 vel khan an chenna inah 'mit liam' natna avangin a boral. Vawiin vek ni 18 chawhnu dar 1:00-ah hian Rev. H. Zalawma'n a vuiliam ang.

Pu Robert-a hian unau pianpui 3 a nei a. Food and Civil Supply Deptt.-ah Sub. Inspector-in a lut a, tha taka thawk chho in, Inspector -ah kaisang a, a boral thlengin a thawk a ni.

Kum 2001 khan Vanlalhriati chu nupuia neiin fapa 2 an nei. Nupa inhmangaih leh fanau enkawl kawngah pawh inkawprem tak an ni a, chhungkhat laina huikhawm thiam tak a ni.

Aug 2008 thla bul khan Khawsik leh Chawei tui lo in a insawisel tan a. That leh mai inbeiseiin Doctor pawh rawn ngai a ti lo a. Amaherawhchu, that lam a pan theih mai loh avangin Doctor panpui a ni a, Investigation hrang hrang tih a ni a, Damdawi inah admit nghal a ni a, a khawsikte a reh chho bawk a, chhuah pui leh a nih hnuah a mit (eye) alo eng a, Damdawi inah bawk dah leh a ni. A mitliam hi alo nasa hle tawh a, that lam a pan theih tak loh avangin uluk leh duat taka enkawl a ni chungin Oct 18, 2008 zan khan Chatuan Ram alo pan ta a ni.

TLUANGA Weds TENUNI

[ 16 October, 2008 | 5 comments ]


Lalremtluanga (Tluanga) s/o Vanlalhuala (New Market, Mualthanga Colony) chuan October ni 16 (Ningani) chawhnu dar 2:00 khan kumtluana a kawppui atan Lalnunmawii (Tenuni) d/o V. Dokhara, Ramhlun South chu Dawrpui Presbyterian Kohhran Biak Inah Kohhran Dan Thianghlimin 'Tiam tlat e' a tihpui ve leh ta. Inneihtirtu chu Rev. Rualkhuma a ni.

BIAKDIKA Weds DEBBIE

| 4 comments ]

Lalbiakdika (Tea) s/o Zahmingliana (L) chuan October ni 14 chawhnu dar 1:00 (thla bial zan) khan kumtluana a kawppui atan Debbie Lalduhawmi, Armed veng chu Dawrpui Presbyterian Kohhran Biak Inah Rev. H. Zalawma hmaah a inkutsuihpui ta.


Lalbiakdika hi Dawrpui Branch KTP Leader ni mek ani a, Centenary School Dawrpui Church-ah hian Teacher in Debbie nen hian an thawk mek bawk a ni.

A THLAWNIN PLASTIC SURGERY

[ 13 October, 2008 | 0 comments ]

Greenwood Hospital, Aizawl chuan American NGO - The Smile Train nena thawhhona an siam angin Plastic Surgery thiam leh hmingthang ber zing ami Prof. Sashanka Chatterji an chah chhuak a, dang leh hmui kak lama harsatna neite chu engkim (zai man, khum man, damdawi man leh chaw ei man thlengin) a thlawn vekin an zaisak dawn a, Dawrpui Vengchhungah hetiang lama harsatna nei kan awm chuan a hnuaia tarlan hnenah hian in hriattir tur a ni e.

Contact : Dr. LB. Ralte
Phone : (0389) 2341395 / 2341397
E-mail : lbralte@hotmail.com

SURVEY NEI DAWN

| 0 comments ]

Central YMA atanga thu hmuh angin Dawrpui Veng chhungah Survey hrang hrang - Urban Deprived Children, Household Survey leh Adult Illiterate Survey te chu neih tur a ni a, hei hi kan Branch YMA Section hruaituten an kalpui dawn a, mipuite kan lo hriat lawk atan kan han tar lang e.

NON-MIZO TIH HMING THLAK A NI

[ 12 October, 2008 | 0 comments ]

Non-Mizo han tih hian hnam dangte Kohhrana an inhman thu-ah inthlahrunna awmin sawi a ni a. Tin, ringlote a hnar deuh nia hriat a ni bawk. Hengte a nih avang hian Ramthar Board Executive Committee (BEC) 486:21 chuan 'Non-Mizo' tih thin chu Masihi Sangati (Christian Fellowship) tiin alo thlak ta a ni.

Masihi Sangati Area Meet hi 14-16 November, 2008 chhung hian Dawrpui Kohhran Biak Inah neih tura ruahman mek a ni.

SMSGupShup : DAWRPUIYMANews & DawrpuiKTP

[ 10 October, 2008 | 5 comments ]

'SMSGupShup hi SMS huanga vengchhung information atan tih a ni. DAWRPUIYMA leh DawrpuiKTP siam hran ani a. YMA bikah hian thu pawimawh vengchhung mite tana hriattir tur kan neih chuan YMA Secretary Pu Vanlalbika number (9862207007)-ah thawn la tichuan ani'n he GupShup member zawng zawngte rang takin alo hriattir leh mai dawn ani.
He Gup hi la join lo kan awm chuan ahnuaiah hian tih dan a awm a, ilo join ve ngei dawn nia.

Hetiangin :-
JOIN DAWRPUIYMANews emo DawrpuiKTP (space pe leh la i mobile no. type roh) tichuan 567678-ah thawn rawh. (JOIN tih leh DawrpuiKTP inkarah khian space dah ngei ang che)
He Gup hi i duh loh chuan 567678-ah tho LEAVE tih thawn leh mai tur.
Eg. JOIN DawrpuiKTP 9436154896

NPSS 1-NA LAWM NI

[ 09 October, 2008 | 1 comments ]

Dawrpui Kohhran Naupang Sunday School chuan kumina NPSS intihsiaka lawmman Pakhatna an lak chu 9th Oct.,'08 nileng khan Biak inah ropui taka Pathian hnena lawmthu sawina leh a lawmna hun hman ani a. Chawhma leh tlai lamah naupangte intihhlimna chi hrang hrang neihpui an ni a. Chawhnu dar 1-ah Biak In Extension Hall-ah hunserh leh Fellowship programme hman ani bawk a, item a hmuhnawmin mit atlai hle. Thusawi tha tak tak ngaihthlak bawk a ni.
Tlai lam ruaitheh pawh mi an thahnem hle a, chaw pawh chhum belh leh hial ani. Hetianga tam kan pung khawm hi a lawmawm a inpawhna tha tak a thlen bawk a ni.



DTP HNATLANG (15 June, 1988)

[ 08 October, 2008 | 2 comments ]

Kan hriat tawh angin 1988-a Dawrpuia YMA a din hma khan 'Dawrpui Thalai Pawl' (DTP) a awm a, khami kuma YMA a din hma lawk thla 15th June, 1988-a DTP hnatlang thlalak kha a ni a.

Dawrpui School lo lang (TT Board awmna thin) te leh Pu H. Thanmawiate in han ente hian a lunglen thlak hle mai! Pu H. Thanmawiate in thlang chiahah hian 'Vantlang Zun In' a awm thin a, chubakah bawlhhlawh paihna pawh a awm thin bawk a ni.

Upa Rokamlova in lo lang pawh khi tunah chuan a danglam hle toh ani.

Tuna hnatlangah khian mual minliamsan ta te pawh an awm toh nual mai thei bawk a, DTP khan YMA in an hmalak ang zawng zawng kha a vai hma vek a, Dawrpuiah chak takin rei tak chhung kha a ding a ni.

DAWRPUI YMA KUM 20 A TLING TA

[ 05 October, 2008 | 4 comments ]

Kum 1988 a din YMA Dawrpui Branch chu kum 20 a tling ve ta a. Min hruaitu leh awmpuitu hruaitu tha tak tak min pe a, member thahnemngai vawiin thlenga min petu Pathian hnenah lawmthu awm rawh se. He kum 20 chhung hian YMA Dawrpui Branch hian thil tawn tam tak a nei a, lawmna lamte, lawm lohna lamte pawh a awm ang a. Nasa taka hma kan sawn laiin tanlakna thar tur pawh tam tak kan nei bawk ngei ang.

LO INDIN DAN : He Dawrpui YMA lo pianchhuahna tur hian hma nasa taka lak ani a, Dawrpui Thalai Pawl (DTP) ngelnghet tak a awm a, YMA-in a tih tur ang zawng zawng chu DTP hian a ti vek a, khawtlang inlungrualna pawh a tha a khawtlang min khairual tha em em a ni. Hun lo inher danglam zelah Zorama pawl lian leh huvang ngah YMA din ve ngei duhna alo awm a, a chang chuan boruak pawh a rih viau hunte pawh a awm a. Tichuan vantlang mipui kalkhawmten lungrual takin October ni 4, 1988 khan YMA Dawrpui Branch chu din alo ni ve ta a ni.

Hruaitu hmasa berte chu :-
President - Michael Thanmawia
Vice President - K. Rothanga
Secretary - F. Lalfakzuala
Asst. Secretary - Rebecca
Treasurer - John Rotluangliana
Fin. Secy. - R. Zoliana

Hun hmasa lam kan sawi seng lo vang a, a kum 20-na kan thlen kum tak hian lawmna nasa tak a tawng chho mek a - 2007 chhunga Branch YMA Chanchinbu tha thlanah Top 10-ah (8-na) a hauh pha a, Branch YMA Zaipawl Intihsiakah Top 10 a hauh chho leh bawk a. YMA Member-te zing atangin Village Level Badminton Championship-ah Team Champion an hauh bawk a, kan senior Pu Zadingluaia'n 'Tlawmngai Chawimawina' a dawng leh bawk a. Heng zawng zawng hi a YMA a, a hlu a, a zahawm a ni. A kum 20-na kuma thleng awm reng pawh a ni e.

A hmaa kan sawi tawh ang khan Pathianin khaw tha leh boruak tha min pe a, kum 20 lawmna chu Inrinni nileng leh zan khan Dawrpui Skul Hall-ah leh a Compound-ah Intihhlimna chi hrang hrang leh Programme hlimawm taka hman a ni a. Member-te an kal tha a, tlai lam ruai buatsaih pawh chaw chhum belh leh ngai khawpa tamin Vengchhung mipuite kan kalkhawm a (Dar 5:30-ah gate khar tawp ani). Zan lamah programme pawimawh tak hman bawk ani.




PU ZADINGLUAIA CHAWIMAWINA

| 2 comments ]

Pu Zadingluaia (VCM) Secy. MUP Dawrpui Unit chu Social Welfare Deptt.-in Mizoram Upa Pawl te puala 'Tlawmngai/Khawtlang tana inhmangte' hnena chawimawina a siamah Chawimawina Thuziak leh Rs. 1,000/- October ni 1, 2008 khan a dawng.

Pu Zadingluaia hian kum 60 a pel tawh a, mahse tlangval tam tak aiin a la viak tha a, chak pawh ala chak tha a, khawtlang huap chhiatni thulah a bang ngai lova. Thlanlaih, Kuang siam, Thlan vur etc. ah a bang ngailo. Kohhran thilah mi thahnemngai a ni a, thawh tur awmah a pha ngai lo.

Kohhran leh Khawtlang thil reng reng hi mahni ta anga en tlattu leh ta neihtu a ni. Hetiang Chawimawina Ropui a dawng hi a awm a, a phu hliah hliah a ni.

CYMA GEN. CONF.-AH DAWRPUI YMA ZAIPAWL AN ZAI DAWN

| 3 comments ]

CYMA General Conference 2008 lo awm turah kan Branch YMA Zaipawl chu sawm kan nih angin October ni 21, 2008 (Thawhlehni) zan khian zai thei ngei turin inbuatsaihna a kal mek.

He thil hi kan Branch tan chuan thu lawmawm tak ani a, Zaipawl Intihsiak Top 10-a lang Top 5-a tling pha talo zingah keini chiah sawm awmchhun kan ni.

DAWRPUI VENG TELEPHONE DIRECTORY 2008

[ 02 October, 2008 | 2 comments ]

Dawrpui Veng Telephone Directory 2008, Vanapa Section buatsaih chu zanin (ie.2 Oct) Section Meeting-ah khan Section Asst. Secretary Pu Lalnunmawia'n Vengchhung miten tangkai taka an hman theihnan leh Section intuaknan a tlangzarh ta e.

He Directory hi uluk taka buatsaih a ni a, a cover pawh matt printing full colour-a siamtir ani a, karleh Thawhlehni atang khian Vengchhungah zawrh kuala lei theih ani dawn ani.

Pakhat man zel hi Rs. 30 a ni ang. Vengchhung miten tlawmngaia thil tangkai tak ani tih hriaa lo lei theuh turin Section hruaituten min chah a ni.

RISING DAY VAWI 20-NA

[ 01 October, 2008 | 7 comments ]

Branch dang chuan an kum 50-na an lawm tawh laiin keini ve thung erawh chuan kum 20-na kan lawm dawn chuah ala ni a. 'Dawrpui Thalai Pawl' tiin kum eng emaw zat kalpui a ni a 1987 atang khan Central zawmpui neiha YMA din chungchangah vawi tam tak public meeting koh anih hnuah inlungrual takin Dawrpuiah YMA chu din alo ni ve ta a. Tunah hian a din champha vawi 20-na chu ropui taka lawm tumin inbuatsaihna kalpui mek ani.

Chhun : Intihsiakna chi hrang hrang neih ani ang
Tlai : Dar 4 atangin ruai ropui taka threh ani ang.
Section Colour : Vanapa - Red Taitesena - Green Chawngbawla - Blue

Zan Programme
A hmun : Dawrpui School Hall
A hun : October 4, 2008 (Inrinni) 8:00 PM

Chairman : Pu Chhawnkima Pachuau, President
Hunserh : Rev. Rualkhuma
Kaltate sunna : Secretary
Zai hona : Mipui
Opening song : Branch Zaipawl
Chawimawina :
Malzai : Nl. V.L. Hruaitluangi
Thusawi tawi : Pu Lalhmingliana, Senior Adviser
Malzai : Dr. Zothansanga

Quiz : Section tinte inelna neih a ni ang
Quiz Master : Pu V.R. Hmachhuana, Asst. Secy.

Malzai : Nl. Lalruathlui (Hlutei)
Lawmman semna : Rising Day Sports & Quiz
Zaipawl : Branch Zaipawl
Vote of thanks : Pu Malthantluanga, Treasurer
Banna : Chairman kutah
-----------------------------------------------------------
SPORTS ITEM
HALL : Naupang Infiamna (Sec. inelna anilo ang)
1] Spoon Race (Mipa & Hmeichhia) 2] Balloon inrahkehsiak
(Mipa & Hmeichhia)
3] Balloon inhampuahsiak
(Mipa & Hmeichhia) 4] Musical Chair (Mipa & Hmeichhia)
5] Cock Fighting
(Mipa)
KAWTZAWL
1] Volleyball
(Mipa & Hmeichhia) 2] Football (Mipa) 3] Football (Under 15)
4] Kawibah (Hmeichhia) 5] Inhruipawh
(Mipa & Hmeichhia)
6] Sairawkherh perh (Mipa)

QUIZ zawhna awmthei (Zan)
1] Vengchhung history 2] YMA Chanchin 3] Branch & CYMA

SPORTS LAWMMAN :
1st - Rs. 1,000/- 2nd - Rs. 700/- 3rd - Rs. 500/-