Second Hand Smoker

[ 30 October, 2010 | 10 comments ]

Tunlaia an uar leh dan hial an siam tak Vaihlozial - mei zuk that loh zia leh lei chawi theihna khawp hial a lo ni ta hi a lawmawm hle. Kan naupan ve deuh lai chuan khawhar in, inneih mo lawmna inchhung chep tak takah mei hi an zu khu luih luih mai thin a, a chang phei chuan inchhung zawng zawng hi meikhuin a khat thei hial thin. Kan changkang chho zel a, tunah chuan mei zu duh chu pawnah chhuakin an zu mai a. Tunah phei chuan Aizawl veng tinah inchhung puipunna reng rengah mei zu an awm ngai ta lo niin ka hria a, thingtlang lamah pawh mei zu khu luih luih an vang ve tawh hle a, puipunna-ah hian a tha lo hle a ni.
Second hand smoker kan tih hi nu, nau pai laiin mei a zuk chuan a naute khan a lo zu ve zel ang hi a ni. Mi zinga i vaihlo zuk kha i han pak chhuah chiah khan a khu kha a original a ni tawh lo a, nicotine tel lo mah se amah kha Carbon -te, Carbon-monoxide-te leh Oxygen pai lo meikhu kha a ni miau a, i bula miin a lo hip luh ve reng khan a mei zu ang deuh thovin chuap a ti buai a ni. Asthma nei leh awmna nei deuh phei

Dawrpui & Khatla KTP Joint Service

[ 27 October, 2010 | 19 comments ]

Khatla Branch KTP-te chuan October ni 25 (Thawhtan) zan khan Dawrpui Branch KTP te an rawn tlawh a, programme hlimawm tak leh hlawkthlak tak an hmang ho. 2008 khan Dawrpui Branch-te hian Khatla Branch-te rawngbawlnaa an chak leh zualna tur anih beiseiin an va tlawh tawh bawk a, hun tha tak hman ho ani.




YMA Gen. Conf 2010 thlalak

[ 26 October, 2010 | 19 comments ]

Dawrpui Branch member-te thlalak hrang hrang-



CONFERENCE REPORT
YMA General Conference 2010, Lunglei khawpui-a neih chu tluang taka zawh fel a ni ta. Kumin hian kum

Dawrpui Branch Zaipawl-65th YMA Gen Conf 2010

[ 22 October, 2010 | 9 comments ]


20th Oct, 2010 zan rem ani.

Tawng

| 6 comments ]

Mihringte hi kan tawng a kan inbe thei a. Hemi ri rawn chhuahtirtu hi eng dang vak a ni bik lova, kan hrawk kawrawng 1 inchs vela zaua intanna ka chhung tawpah hian a awm a, chumi kawngah chuan hrui (Duar) pahnih a inthlung a. Chhemthei, mau kawrawng hmawrah rubber band a kawrawng lai zawn velah insi lovin bat la, han pawt la a ri tang tang mai ang. Chutiang chiah chuan Vocal Chord kan tih mai, he hrui pahnih hi kan tawng apiangin a inkhak ri a, a inkhak nat dan azirin ri a siam ta a, chu chu thluakah an thawn phei a, thluaka computer folder an va hawng a, hmangaihna lam aw nem a nih chuan chu Folder-ah chuan an thawn a, thinrim tawng chu thinrim tawng dahna folder-ah an pe phei a, an nin eng nen nge inmil tih an lo en zung zung a, an hmuh veleh a ri tichhuaktu Folder lamah an thawn leh a, awmze neiin

Branch KTP News (October 2010)

[ 16 October, 2010 | 13 comments ]

1] August Faith Promise - Rs. 50, 830
2] September Faith Promise - Rs. 40, 090
3] Jumble Sale : Inrinni (16 Oct) khan zing kar atangin Branch inhlawhna Jumble Sale zawrh a ni.
4] Khatla Branch nena intlawh : 25th October (Thawhtan) zan hian Khatla Branch ten an rawn tlawh dawn a. 2008 khan Dawrpui hian an va tlawh tawh bawk a ni.
5] Zephania Group Nite : 18 October (Thawhtan) zan khian Zephania Group Nite an hmang ang. Thla tir khan Joela Group Nite ropui takin an lo hmang tawh bawk a ni.
6] Dawrpui Branch KTP Rising Day : November ni 8, 2010 (Thawhtanni) khi an Branch din champha anih angin ropui taka lawm leh an tum a. Hemi denchhen hian Group hrang hrangte intihsiakna neih tur a ni ang.
Programme neih dan tur tlangpui
1 Nov. (Thawhtan) - Debate & Worship Dance
5 Nov. (Zirtawp) - Solo & Short Play
6 Nov. (Inrinni) - Blood Donation Camp (Presby Hospital, Durtlang)
8 Nov (Thawhtan) RISING DAY - Beat Contest & Fancy Dress
Heng bakah hian Essay, Banner insiamsiak leh Photography intihsiakna neih ani ang.

Mitna Hri

| 8 comments ]

Tunlai hian mitna hri a leng tan mek a, hei hi a awm tirtu chu virus chikhat a ni a. In kai chhawn a awl em em a, eng damdawi mah a ngeih lo bawk. Viral Infection (Virus hrik) vanga na reng reng chu damdawi pe la ni 7-ah a dam anga, engmah pe lo la kar khatah a dam ang. Hetiang tho hian hritlang pawh hi a ni hlawm a, a rei tawh avanga reh theilo khawpa awmna benvawnte pawh a awm thei. Heng hi chu mahni taksa chak loh vangte a ni tlangpui.
Kan hriat tur chu eng tlang hri leng pawh, mitna, kawthalo, mitliam, Typhoid, etc. a awm lai chuan kut sil ngun hi a pawimawh em em tih hriat tur a ni a, kut kan sil tlem lutuk hi natna kan kai tam chhan pakhat a ni. Ei leh inte fimkhur bik hun lai a ni tih hriat tur. Tin, hetiang tunlaia tlang hrileng mit-na te ang hi mahni duh duh leh, inti hre ve ho chawh hmang mai kan awm thin. A bikin Steroid (Betnesol eye drop) hi hman loh hram hram tur, a hnu zelah mit a ti chhe duh. Leina (Pawisa) nei lo tan phei chuan, tui chhuan so dah vawha darkar tina thlawr emaw sil tur a ni. Mit na hi nuai loh hram hram tur, inkai chhawn a awl em em a, mahni inthiar fihlim hi a tha ber. Towel/Romol te a bika neiha midang nena inchiahpiah lutuk loh tum hram hram a tha. Ni 7 lek a ni bawk a, tawrh ve deuh a ngai thin. A na nasa viau a nih chuan mit Doctor hnena

Joey weds Yisel

[ 15 October, 2010 | 6 comments ]

Joey Zorinsanga s/o B. Lalkungi leh Yisel Amaro (South America) te chu October ni 9 khan an Missionary-na hmun Nisshin Christ Center, Japan-ah an innei ta. He inneihna hi U.S.A atanga Spanish Pastor pakhat Pedro-a leh Rev. Dr. Joseph Kim (Christ Bible Seminary, Vice-president) ten an officiate a ni. Kum tawp lam hian Aizawl-a an chenna hmunah lawm leh an tum bawk a ni.
Yisel hi tunah JAPAN PRESBYTERIAN MISSIONS hnuai International Christian Academy of Nagoya-ah zirtirtu a ni a. Kum 4 a awmna ani tawh a. An biakin (All Nations Fellowship) history-ah hian inneih hmasa ber an ni bawk.

Lars Weds Oney

[ 12 October, 2010 | 20 comments ]

Lalrinsanga s/o Roliana leh Oney Lalmuankimi d/o Hrangkhuma MPS, Dinthar Vengthlang te chu October ni 12 (Thawhlehni) chawhnu dar 1:00 khan Dawrpui Presbyterian Kohhran Biak inah an innei ta.
Lalrinsanga hi MA (Pol. Sc.) niin Dawrpui Kohhran NPSS Junior Deptt. Zirtirtu, Branch KTP Committee & Joela Group Leader ani a. Thutak Hriattirtu Team-ah telin hmun hrang hrangah rawngbawlin a fehchhuak bawk thin. Branch YMA-ah Executive Committee member ni mekin YMA Sports Sub Committee Secretary a ni bawk a. Infiamna lamah pawh tui hlein Aizawl East Zone Football Association-ah Finance Secretary ni lai mek a ni.
Oney hi zirna lamah BA niin Presbyterian English Medium School, Dawrpui Vengtharah zirtirtu hna a thawk mek a. NPSS Intermediate zirtirtu niin Dinthar Vengthlang KTP Jeremia Group Treasurer leh Kohhran Child Evangelism Junior Group-ah zirtirtu a ni bawk.

Branch YMA Rising Day Vawi 22-na

[ 11 October, 2010 | 15 comments ]

Dawrpui Branch YMA Rising Day Vawi 22-na chu 8th Oct., 2010(Friday) zan dar 7:00 khan Dawrpui School Hall-ah ropui taka lawm a ni a. Rising Day lawmna hi Section hrang hrang atanga zaithiamte inelna atan a hman a ni a. Branch President Pu Rosangliana’n thusawina hun hmangin infuihna thu -YMA member zawng zawngte chu chhiatni thatnia thawkchhuak tlang vek tur leh kan mawhprurhna theuh hlen chhuak tur kan nih thu a sawi a ni. Fuihna thusawi zawh hian zaia inelna tan a ni a, kan veng thalai zaithiam tak tak ten kalkhawmte an han awi chu a ropui ngei mai! Solo competition zawh a nih hnu hian Band Competition tan veleh nghal a ni a, pui rem rem tak a ni. Hetiang hi result chu ani e :-
Solo( U-14) : 1st - Ruthi V.L. Niengmawii d/o R. Lalramliana, Vanapa Section
2nd - K. Lalrinnungi d/o K.Zothantluanga. Taitesena Section
3rd - C. Lalrinzuali d/o C. Denghmingliana, Vanapa Section
Solo(Open) : 1st - Remlalnghaka c/o Zosanglura, Vanapa Section 2nd - Rebek VL Remruatfeli d/o Lalramliana, Vanapa Section
3rd - F. Lalremtluangi d/o F. Lalnunpuia.Chawngbawla Section
Band : 1st - Avenue West, Chawngbawla Section
2nd - The Last Minute, Taitesena Section
3rd - G.L.T.R., Vanapa Section
Band Competition bikah hian mimal tihthat dan hetiang hi a ni.
Best Vocal : Sarah Rinkimi Ralte, Avenue West, Chawngbawla Section
Best Rythm : Saiduhzuala, Avenue West, Chawngbawla Section
Best Lead Guiter: Dave Ralte, Avenue West, Chawngbawla Section
Best Bassist : Freddy Lalramnghaka, Last Minute, Taitesena Section
Best Drummer : Eric Vanlalngaihsaka, Last Minute, Taitesena Section

Conference ang aw!!?

| 19 comments ]

Dam taka awm chuan YMA General Conference 2010 pawh kan lo thleng leh dawn ta reng mai. Nikum khan Mizoram hmar lam Darlawn khawpui-ah kham lo takin kan hmang zova. Kumin chu Mizoram chhim lam, Mizoram khawpui ber dawttu Lunglei khawpuiah aw ni ang!! Lunglei kalna chance hi a tam lo, tun hi chance tha tak a ni, member nula tlangvalte i kal theuh teh ang u. Kumin chu Item ropui tak kan nei dawn lehnghal, he lam hmuhnawm tak hi Live Music a remin 20th Oct zanah Pandal chhungah ngei kan entir dawn a, hla dang pakhat pawh kan veng zaithiam lar te’n arrangement mawi tak siamin an sa dawn bawk. Tun tum Conference kal lo chu ‘Lenlai Chan” an ni mai ang tih a hlauhawm hle, a khaw nawtin thawk phei ila ni mai lawm! A tul chuan Bus sawm pawh kan hire mai ang chu. Kum dang ang bawkin hmun khatah kan thleng khawm dawn lehnghal a, inchhir leh lo turin nula tlangvalte i kal theuh ang u.
-Zkima

Pi Lalrimawii kan chan ta

[ 10 October, 2010 | 2 comments ]

Pi Lalrimawii hi kum 1959 khan Pu Pianherha leh Pi Hauchhingpuite fa 9 zingah Khawruhlian khuaah a lo piang a. Zirna lamah Class IX thleng a zir. July 29, 1982 khan V.L. Ruala nen hian inneiin fapa 1 leh fanu 3 an nei a, an hun tam zawk hi a pasal Pu Ruala Missionary-na hmun Manipur-ah an hmang a ni ber a, an fate pawh Manipur-a pianga seilian an ni. Pathian ram zau nan thahnemngai tak leh theihtawp chhuahin a pasal rawngbawlna hi a tawiawm tlat a, an thawhrimna hi vawiin thleng hian ala lang zel a ni.
Amah hi mi hrisel tha tak a ni thin a, 1998 khan Guwahati-ah a mit zai a ni a, Dec 2003 khan a Hnute zai a ni leh a. Engemaw neuh neuh hrisel lohna in a tlakbuak chho ve ta reng a. Kumin Feb 15, 2010 khan Doctor Ramdinpuia’an, “A thisen sang tihniam leh a thisen mamawh kan pek theih nan Durtlang lamah lo chho

Hriat hlawh lo val rual

[ 03 October, 2010 | 8 comments ]

Mizote hi hnamdangte laka kan danglam riauna pakhat chu tlawmngaihna leh inlainatna avanga mitthi kan sawngbawl dan hi a ni. Khawtlangah chhiat tawk an awm reng rengin a khawtlangin kan mawhphurhna-ah ngaiin kan buaipui thin a, thlan pawh tlangval tlawmngai te’n an lai mai thin a ni.
Khawvel thang zelah mi zawng zawng kan buai em em tawh a, midang chu sawi loh mahni hna chauh buaipui tur pawhin kan indaih thei meuh tawh lo a nih ber hi!! Mi thahnemngai te’n kan hnam zia kan paih loh nan leh rethei pachhiate tana malsawmna la nih chhunzawm tumin kan chin dan thin “Thlanlaih” chu hun harsa tak karah an la kalpui hram hram a ni. Kan hnam nuna bet tlat thlanlaih kan la kalpui hram hram theih chhan hi Mizo tlangval, midangte tana inpe phal, mahni chan tur lam ngaihtuah duh tlat lo kan la neih vang chauh a ni.
Veng tam berah hian han en vang vang la, tlangval tlawmngai, chhiat tawk an awma thlanlaih ngei tum engemaw zat kan la nei theuh mai. Khawtlang hruaitute tan chuan heng mite hi an hlu ngawtin a rinawm. Heng tlangval tlawmngaite hi an hman vang leh tihtur neih loh vanga thlanlai hman bik an ni reng reng lova,

Ke-in kal mai ila

| 10 comments ]

Tunlai chu hawina lam apiangah Lirthei, Motor, Two wheeler kawng dungah a khat khup reng mai a. Chhun lai phei chuan Motor hi a jam reng a ni ber mai. Ka rilruin hetianga kal lova thut reng ai chuan engatinge ke-a kan kal mai loh hlawm? A lehlamah chuan ke-a kalna pawh hi a jam chu a ni ve ber mai. Chanmari leh Khatla inkar hi chu ke pawhin kal ila rei a ngai lova, taksa tan hriselna a ni zawk bawk. Motor jam-a thut reng ai chuan ke-a kal hi i tum teh ang u. Motor neih vanga mahni kalna tur hmun (Bul) khera Motor dah tumte hi thil tul lem lo, mipui tibuaitu a ni tihte hria ila. Phai ramah pawh kein thui tak tak kal ngaiin Motor Park a ngai tih chu hre sa vek kan niin ka ring. Bazar Bungkawn atanga Kulikawn hi kal chak pangngaiin darkar chanve kal a ni.
Curfew rei ber an tih lai khan Bazar Bungkawn atangin dar 6-ah kan kal a, Kulikawna CRPF Duty ten dar 6 leh a chanve Curfew dar rik chiahah hian min lo tih din an tum hman tep a, kan kal pel hman chiah thin a ni. Tunah chuan khang hun lai nen chuan tehkhin chi a ni tawh lo naa, Aizawl khaw chhung hi eng zawng pawhin kal ila, darkar khatah chuan kan tum kan thleng tho ang. Kal thei, na neilo chu kal i tum hram hram tawh teh ang u.
Chutih laiin a thenin Motor ka rui an ti a, Motor chuang theilo rui thin tan chuan Vertidom mum khat leh Zenetac 300 mum khat motor chuan hma darkar chanve-ah ei la i rui lo mai ang. Zin tur tan phei chuan ei ngei ngei tur a ni a, nileng kalah phei chuan chhunah pawh ei leh mai tur. Tin, Motor ruih a luak a chhuah hian pumpui hi a in sawr khawm a, a rawn nam chhuak tih hria la. Luak tur nei lova i awm chuan i pumpui kha a insawr thi mai dawn a, thi tlem tal a luak theih a ni. A tha ber chu i luak vak vak reng anih chuan, i luak zawhah luak chhuah tur tui tam tawk in leh la, i ti zel anga hrehawm lutuk lovin i awm thei ang. Ruih theih zawng zawng Vaihlo chenin an khap lai hian Motor ruih hi khap ve theih dan hotute hian an hmu lawm ni!!!
- Dr Thangchungnunga, MS (Ortho)