Hriat hlawh lo val rual
03 October, 2010
8
comments
Mizote hi hnamdangte laka kan danglam riauna pakhat chu tlawmngaihna leh inlainatna avanga mitthi kan sawngbawl dan hi a ni. Khawtlangah chhiat tawk an awm reng rengin a khawtlangin kan mawhphurhna-ah ngaiin kan buaipui thin a, thlan pawh tlangval tlawmngai te’n an lai mai thin a ni.Khawvel thang zelah mi zawng zawng kan buai em em tawh a, midang chu sawi loh mahni hna chauh buaipui tur pawhin kan indaih thei meuh tawh lo a nih ber hi!! Mi thahnemngai te’n kan hnam zia kan paih loh nan leh rethei pachhiate tana malsawmna la nih chhunzawm tumin kan chin dan thin “Thlanlaih” chu hun harsa tak karah an la kalpui hram hram a ni. Kan hnam nuna bet tlat thlanlaih kan la kalpui hram hram theih chhan hi Mizo tlangval, midangte tana inpe phal, mahni chan tur lam ngaihtuah duh tlat lo kan la neih vang chauh a ni.
Veng tam berah hian han en vang vang la, tlangval tlawmngai, chhiat tawk an awma thlanlaih ngei tum engemaw zat kan la nei theuh mai. Khawtlang hruaitute tan chuan heng mite hi an hlu ngawtin a rinawm. Heng tlangval tlawmngaite hi an hman vang leh tihtur neih loh vanga thlanlai hman bik an ni reng reng lova,
khawtlang tana an inpekna avang zawka hetiang ti thei hi an ni. A tlangpuiin hman em em ho hi thlan lai kal taima lo an ni duh zawk mai lo maw?
Heng kan tlangval chhuanawm tak takte bak hi kan hnam nun chawi nungtu an awm chuang dawn em ni? Anni hi chawimawi an phu ang tawkin kan chawimawi reng em? Khawtlangin chhiat kan tawh hian tute nge thlan lai dawn tih hi kan ngaihtuahna-ah a lut ngai reng reng em ? Tuma hriat lohvin thlanmual lamah ngawi rengin an liam a, hah taka thlan an laih zawh hnuah ngawi reng bawkin an haw leh mai thin. Mitthi chhungte tumahin tute nge kan hmangaihte thlan tha tak maia min laihsaktute tih kan ngaihtuah tawh chuang lo . Tu khaw khain tutenge an nih hriat kan zu tum lova, inhriattir lah an duh hek lo. Heng ‘Hriat hlawh lo Val rualte’ hian chawimawi an phut hauh lova, khawtlang erawhin kan khawtlang min thlamuantute hi kan hriat chhuah fo thin a, chawimawi nachang kan hriat zel pawh a that a rinawm. Kan chawimawi thiam poh leh kan khawtlangin hma kan sawn anga, kan khawtlang a thlamuang dawn tihna a ni si a.
Veng tam berah hian han en vang vang la, tlangval tlawmngai, chhiat tawk an awma thlanlaih ngei tum engemaw zat kan la nei theuh mai. Khawtlang hruaitute tan chuan heng mite hi an hlu ngawtin a rinawm. Heng tlangval tlawmngaite hi an hman vang leh tihtur neih loh vanga thlanlai hman bik an ni reng reng lova,
khawtlang tana an inpekna avang zawka hetiang ti thei hi an ni. A tlangpuiin hman em em ho hi thlan lai kal taima lo an ni duh zawk mai lo maw?
Heng kan tlangval chhuanawm tak takte bak hi kan hnam nun chawi nungtu an awm chuang dawn em ni? Anni hi chawimawi an phu ang tawkin kan chawimawi reng em? Khawtlangin chhiat kan tawh hian tute nge thlan lai dawn tih hi kan ngaihtuahna-ah a lut ngai reng reng em ? Tuma hriat lohvin thlanmual lamah ngawi rengin an liam a, hah taka thlan an laih zawh hnuah ngawi reng bawkin an haw leh mai thin. Mitthi chhungte tumahin tute nge kan hmangaihte thlan tha tak maia min laihsaktute tih kan ngaihtuah tawh chuang lo . Tu khaw khain tutenge an nih hriat kan zu tum lova, inhriattir lah an duh hek lo. Heng ‘Hriat hlawh lo Val rualte’ hian chawimawi an phut hauh lova, khawtlang erawhin kan khawtlang min thlamuantute hi kan hriat chhuah fo thin a, chawimawi nachang kan hriat zel pawh a that a rinawm. Kan chawimawi thiam poh leh kan khawtlangin hma kan sawn anga, kan khawtlang a thlamuang dawn tihna a ni si a.
Tunlai chu engtizia nge maw ni tehreng ni, Thlan laih chungchang thu hlir mai kan comment tak chu ka ti deuh a. A ngaih pawihmawhawm rual rualin thlanlaih chauh lo pawh hi pawimawh dang a awm tho tih lai hi hre tel ta mai mai ila. In senghawi, zualko, Lumen, kuang siam, thlan vur, thingpui lum/sem, khawhar In len, riahpui. heng zawng zawng hi chhiat tawkte chunga kan tih tur, hlamchhiah theih chuang miah loh pawimawh em em vek tho an ni tih hre tel ta ila a tha awm mange.
Sawhchiar ei i la sawi tel lo Zkima
Sawhchiar ei tur hi chuan tlawmngai tura insawm ngai vakin ka hle lo tlat Maikal
Kan thlanlai thin thalai rualte hi han fak chiam chakawm mahse kan ngam thin loh ani. Helaiah hian fakna thu lo hlan ve molh2 mai teh ang.
Hrim2ah khotlangah poh langsar ve, mhni thenawmte thih poha zan baka lan tum ngai miah lo kan awm tlat te, thalai mitthi vuinaa kal kan tih tur nia hre ta lemlo te, etc. etc. kan han awm tlat mai hi a mak khop mai!!
Chhuna tih tur nei em em lo tan tlaivar hi chu (a nuam zawng pohin han sawi duh ila cuan) ala tih theih mai, zan top zana han lan leh te poh ala tih leh theih mai...hei baka kan che chhuak lo ltk hi chu in enchian deuh chu a ngai ani, kei a ziaktu ngei tel hian...
keipoh ka ti thin khilaia Zkima sawi zing a mi in senghawi lai tak khi, khawhar in tawp zana in senghawi hian thalai abik in mipa kan bo duak thin mai hi chu a zialo lam deuh a ni, tin Pu Asanga sawi thalai mitthi vui na a kal kan tum lo ta hi keipoh a ruk taka ka lo vei ve a ni, mitthi vui na ah hian thalai kan vang pharh thin mai, a chang chuan chhun lam ah hian Nula thingpui sem tur han in zawn chawp rap2 chang te pawh kan ngah ta mai... thlanlaih ah chauh hian i in fuih thar lo ang u
Dik khawp mai, mitthi vuina ah hian thalai kan tlem tih chu a chiang reng. Kuang zawn chhuah a lo ngaia, thla la turin. Kan vang leh tlat thin, hemi hun tak hi mualpho palh hlauhawm tak a ni. Tan i la zel teh ang u.
thenawm bulhnai thalai te hian hetiang hun ah hian bengvar i chhuah hram2 thin ila a va thra dawn em
Hriat hloh lo chung poh a thil tha ti tu te chu an ni choimoi phu ni... mi hriat don avang chauh a thok tu chu mi diklo zia a ni ngei ang.....hoh u i t zel ang u...in in pekna a fakawm thlot e thlan lai thin te u....