,

Dawrpui Biak In Thar hawn a ni

[ 11 November, 2018 | 0 comments ]

 Pathian hruaina leh enkawlna a zarah Dawrpui Kohhran chuan Kum 100-a tling ta a. Hetih rual hian  Biak In  thar tha tak Pathianin min pe bawk a. Chu Biak in chu Centenary kum ngeiah hawn a ni ta bawk a ni.  Ni 21.10. 2018 (Pathianni) zing dar 10:00 khan Synod Moderator Rev. F. Lalrinnunga chuan Biak in thar a hawng a; Hawnna inkhawmah hian Centenary Zaipawlpuiin “Aw Kawngte u,” an sa a, Kohhran Zaipawlin Biak in thar hlanna, “Aw Jaa” an sa bawk. Kohhran mipui kan thahnem hle. 

, ,

Dawrpui Kohhranin kum 100 a tling ta

| 0 comments ]

DAWRPUI KOHHRAN CHANCHIN : Kum 1918 a din Dawrpui Kohhran chuan kumin (12018) hian a Kum 100-na (Centenary) a hmang mek a, Kum 1920-ah Pu Chhotelal Seth-a Bawng inah an inkhawm ṭhin, hetih lai hian Dawrpui-ah mi tlemte an awm a, Chhinga Vengah in 10 vel an awm bawk. Hetih laia Aizawl chu Kulikawn a\anga Chanmari hi a ni ber a, Mizo in dik tak chu hetih lai hian 1000 pawh an la tling lo.
Pathian kaihhruaina leh awmpuina a zarah tluang takin Kohhran chu a kal ve zel a, Aizawl Hmar lam zawng zawng tih mai tur chu kum 1955 thleng khan Dawrpui Kohhranah hian an lawi ṭhin a. Veng hrang hrangah mi an lo pung ve zel a, Biak in hran neih a lo ngai ve ta zel a, kum 25 a vei meuh chuan Dawrpui Kohhran aṭangin heng Kohhrante hi a lo piang ta hlawm a ni :-
1. Chanmari - 1955
2. Armed Veng - 1957
3. Dawrpui Vengthar - 1958
4. Chhinga Veng -1961 5. Tuikual -1961
6. Saron Veng -1967
7. AR (Assam Rifles) - 1969
8. Zarkawt - 1992
Kohhran Hmeichhia, K|P, ngelnghet takin a ding chho a, Naupangte Sunday School bakah an hawihai tur ven nan Children For Christ din chhoh a ni a, tlema a lian leh zual deuh, KṬP a la tel rual chiah lo, kaihhruai ngai tak si te tan Youth Group a hnuah Junior KṬP lo ni ta pawh din chhoh zel a ni. Tunhnai kum 5 vel kal ta aṭang khan Kohhran Pavalai Pawl din chhoh a ni leh ta bawk.
Dawrpui Kohhran hi Kohhran ding hmasa pawl a nih bakah Biak in (a hlui) hi Zosap Missionary Pu Mena (Rev. E.L. Mendus) hoa sak a nih avang hian ngaihlut a hlawh a, tunhma deuh phei kha chuan Inkhawmpui zawng

Damlo leh a kalpuitu hriattur

[ 09 November, 2018 | 0 comments ]

- Dr. Thangchungnunga, MS (Ortho)
He thu hi kan ziak zing in kan chhuah hnem viau tawh na a, tuman an zawm \ha duh lo hi chu a mak ngawt mai. Pakhatnaah chuan, X-Ray rawn lak lawk hi, a tam ber chu kan duh lai tak leh a lan dan tur nilo hi an ni deuh vek a. He thil hi chu a X-Ray zungzam hlauhawmna nen a hran pawh in ka ziak tawh a. In entir phawt a, a ngaih leh X-Ray chu tih choh tur.
A pahnihna-ah chuan; A hma a an lo in enkawl tawhna, khawihmun ami pawh, a awm zawng zawng ken vek \hin tur. Tam takin hei chu kan entir tur nen a in zawmna a awmlo, tiin leh ken loh hrim hrim tum hi an tam ta lutuk a. He thil pawimawhna hi chu, ruh lam a ni emaw, pum, cancer, eng natna pawh nise, kan taksa hi a in zawm kual

YMA Rorel Inkhawm 2018

| 0 comments ]

19 October 2018, Zirtawpni khan Young Mizo Association Rorel Inkhawm Vawi 2-na chu tluang takin Vanapa Hall-ah neih a ni a. 10:30am - 4:00pm hi Rorel inkhawm a ni. Rorel hi Pu Vanlalruata, President in kaihruaiin heng a hnuai a Thurelte hi pawm a ni:
I. YMA KHAWIH:
1. Mizoram a kohhran hrang hrangte nen ram leh hnam humhalhna kawngah thawhhona leh inpumkhatna \ha zawk kan neih theih nan hma lak ni rawh se.
2. Thingtlang lama zirna a lo \hat zawk theih nan hmalak ni rawh se.
3. Mizo hnam incheina hi dan anga humhalh a nih theih nan hmalak ni rawh se.
4. Mizo\awng humhalh kawngah hmalak ni rawh se.
5. Zu leh ruihhlo do kawngah tun ai a nasa leh chak zawka Branch tin ten hmalak a nih theih nan Central YMA in hma la rawh se.
6. Sawrkar a\anga Development Fund hna te \ha taka thawh a nih theih nan hmalak ni rawh se.
7. Mipui ten Ration Buhfai leh Gas buk dik leh tling kan lak theih nan hmalak ni rawh se.
II. SAWRKAR KHAWIH:
1. Mizo hmeichhia ten hnamdang (Non Mizo) pasal a an neihin Schedule Tribe Status hlihsakna tur “Social Custom Bill” Mizoram Legislative Assembly-a pass a nih theih nan Central YMA-in hma la rawh se.
2. National Rregister of Citizens (NRC) hi Mizoramah kalpui ni ve rawh se.
3. Champhai a\anga Tahan (Myanmar) Bus Service tir turin Sawrkar-in hma la rawh se.
Kum 2018-2019 Kumpuan atan ‘Ram leh Hnam Humhalh’ tih chu pawm a ni.
Tlai chawhlui kilhona CYMA Hall, Tuikhuahtlangah neih a ni a, zan dar 7-ah Zan Inkhawm hun hman a ni a. Lemchan leh Zai mi hrang hrang hnen a\anga ngaihthlak niin Chawimawina hun hman a ni bawk.
Kan veng a\anga Ushers panga ruatten an mawhphurhna an hlen thei vek a, CYMA  in min ngen angin thingpui lum leh sanitation hna chu \ha takin kan tlingtla thei a ni. Hun chep tak kara tlawmngaia Branch aiawh a hnatlang a rawn chhuak zawng zawngte chungah Branch Executive Committee chuan lawmthu a sawi e. Kan branch a\anga rorel palai tel te chu heng mi te hi an ni: Dr S.R. Zonunthara (President); Pu Lalrammuana (Vice President, CEC); Pu Lianzama Pachuau (Secretary); Lalruatfela Chhangte (Asst Secretary); Pu Lal\hakima (Treasurer); Pu Vanlalbika (Executive Committee Member)

Hlauh loh hlauhawm-X Ray

| 0 comments ]

- Dr. Thangchungnunga, MS (Ortho)
X-Ray chungchang hi ka ziak fo tawh na a, duh aiin mipui hian a hlauhawmna hi kan la pawh fuh chiah loin ka hria a, ka’n ziak nawn leh a ni. Tunlai, vawiin thleng pawh hian, damlo lo kal, inti rem hre chawp a, X-Ray kan rawn la lawk a, ti hi nitin ka clinic a rawn inentir zingah hian an la awm reng mai a. A man a to chu thu dang nise, kan duh lai tak leh duh dan a lak a lo ni thin lo lehnghal a.
Hetih rual hian, ortho doctor thiam pangngai tak tan chuan natna za a sawmkua pakua hi chu damlo uluk tak a en in a hriat theih vek a. Record ngai hrim hrim leh damlo in an hmuh ve reng reng duh vang a tih ngai te pawh a

MUP Dan pui siam ṭhat

| 0 comments ]

MUP General Assembly vawi 46-na in a rel angin heng a hnuaia tarlan te hi siam ṭhat a ni :-
1. MUP member ni turin kum 50 ni ṭhin chu kum 60 a ni tawh ang.Tin, Associate member ni turin kum 50 chin a ni tawh ang.
2. MUP UNIT tih zawng zawngte MUP BRANCH tih a thlak a ni bawk.
3. 'HotuMin' tih hi 'Hruaitu Hlun' tiha thlak a ni.
4. Puipa thlante term Branch-ah chuan a zawnin nihna ngaiah ṭum 3 term thlan nawn theih an ni.
5. Inthlan Dan :
(a) Puipate - President, Vice President,General Secretary, Assistant General Secretary, Treasurer leh Financial Secretary post-te chu thlan (elected) an ni tawh bawk ang. Heng Sr.Adviser-te hi Elected OB-te in an ruat ang.
(b) Post by Post emaw, mi 6 thlan chhuah emaw chu Executive Committee thu a ni ang.
PAWL MEMBER NIH DAN
1. Annual Member : Cheng 10 pein Annual Member kum 1 atan a nih theih.
2. Life Member : Ṭum 1-ah cheng 100 pein dam chhung member a nih theih. Kum tin fee pek ngai tawh lo ang.
3. Patron Member : Ṭum 1-ah cheng 200 pein Patron member a nih theih. Kum tin fee pek ngai tawh lo ang.
4. Chief Patron Member : Ṭum 1-a cheng 500 pekin Chief  Patron member a nih theih. Kum tin fee pek a ngai tawh lo ang.
Inkhawmpui  Lian  Palai
Branch President leh Secretary emaw an kal theih loha an aiawhin Branchin midang a tir thei.

Dawrpui mizia leh rilru

| 0 comments ]

- Vanhmingliana
(Dawrpui Mizia leh rilru inerna leh itsikna awm miah lo kha ava ngaihawm em!)
Khua leh Vengte hi a awm hmasa leh lo kaihhruai dana zir te hi a ni duh khawp mai. Rilru te deuh leh zim deuh in veng an lo vawn \hin dan leh mi zau, thil phal leh khawtlang tana inhuam tak lo kaihruaina hi chu an zia ang zelah a lang zui tlangpui.
Dawrpui hi a mi cheng hmasa Pu Pachhunga, Pu Buangthanga, Pu Lalrinliana, Pu Saikaia, Pu Lalhema te niin an ni hi mi hausa leh dawrkai hmasa an ni a. Khawtlang thil tih ni khuaa midangte tana inphal, mahse nihna chu duh lem si lo te an ni a. Tin, Veng inthurual pa hote ringawt pawh lemchang drama leh Carol Party-te insiama mi

CADC ṭhiah phut kawngzawh

| 0 comments ]

October ni 10, 2018 chawhma dar 11 khan Mizoram pumah danlova din Chakma Autonomous District Council Dan hmanga ṭhiah  anih theih nana Mizo mipui kan inlungrualzia lantirna kawngzawh neih ani a. Aizawl leh Sub Hqr YMA ṭhuthmun bakah Group YMA-ten mahni area ṭheuhah kawngzawh hi YMA-in a huaihawt bawk a ni. 
Aizawl khawpui chhunga kawngzawh hi Sikulpuikawn-ah leh Chanmari kawnah innghahkhawm a ni a. Heta ṭang hian Vanapa Hall kawt pan a ni. He kawngzawhah hian Dawrpui aṭangin mi ṭhahnem tak an tel.

Under 10 Football Tournament

| 0 comments ]

Aizawl East II Constituency Under-10 Football Tournament, Aizawl FC buatsaih, 2nd October aṭanga Chite Field-a neihah kan veng naupangte pawh tel vein Armed South leh Chite lakah kan vanduai hlauh mai a. Kan veng naupangte hi an khel a hmuhnawm viau thu a hmuna entute’n an sawi a, theihna pawh an neisang viau a ni. Hetiang ang naupang kan nei hian Football-ah Dawrpui veng hma a eng hle tih a chiang a ni. Theihtawp chhuaha inkhel chhunzawm zel se a ṭha hle ang.

Hriselna nge Pawisa-Ei leh In?

| 0 comments ]

- Dr.Thangchungnunga.MS.(Ortho)
Kan veng, Dawrpui hi han ti bik deuh teh ang, kan nunphung hi ka thlir vel hian thil tam tak ka ngaihtuah phah a. Chhunah chuan Dawrpui mi dik tak let hnih zen zawn kan phu luih luih a, Zanah leh inkhawmnaah chuan kan tlem leh hle lawi si a. Floating population an tih hian nitin min bawh bet a. Chutih laiin sumdawng lam chi leh dawrkai lam kan ni deuh vek bawk a.
Ka ngaihtuahna ti buai \hin chu, sum, pawisa dehchhuah leh duh thal a ei leh in hi kan hnapui ber a ni deuh riau in ka hria a. Hei hian kan chhungkua, mimal nun leh rilru put hmang leh, a pawimawh ber, hriselna lam hi kan

MUP Picnic 2018

| 0 comments ]

Kumin 1st Oct, ‘Khawvel Upate Ni’ chu Dawrpui Branch MUP-te pawhin hlim leh lawm takin Changel Resort (Sihhmui-ah) bus 2 leh motot te 2-in an kal a, member 46 leh driver-te nen an vaiin 52 an ni.
A hmun thlen veleh Branch President kaihhruainain hunserh hman a ni a, Pi Thangkungi (Dawrpui S)-in Bible chhiara ṭawngṭaina hun a hmang a,Vice President Pu VLT Muana kaihhruainain kumin chhunga an member chatuan ram pantate hming chhiar chhuakin a sun nan minute 1 ngawi rengin an ding a ni.
Hla sak hona leh kan intihsiakna mi tur hla zirna nei chhunzawm lehin an phur tlangin an hlim hle a. Chhunah Pu Labiaktluanga (Upa) leh Pu K Liantuala te kaihhriainain intihhlimna neih a ni a, item hrang hrangte neih niin nu hovin inkawibah neiin, an hmuhnawmin an thiam hle. Lawmman hlu tak takte an dawng hlawm a, an lawm hle a ni. Khua a lum hle chungin tuman an insawiselna leh harsatna nei an awm lo. 
Motor te thawh tute Pu Hmingliana (Zofa) leh Pi Thangliani te chungah lawm thu an sawi a. Khua a lum bawka Swimming Pool-a chen ho pawh nuam an ti hle. Zanriah kil hona an neih zawhin hlim takin in lam an rawn haw leh ta  ni.

Secretary, M.U.P. Dawrpui Branch

Dawrpui YMA Rising Day Vawi 30-na

[ 07 November, 2018 | 0 comments ]

2018 October ni 4 zan dar 7:30 khan Dawrpui Multipurpose Building Auditorium-ah ropui takin YMA Dawrpui Branch Rising Day vawi 30-na chu lawm a ni a. Items leh chanvo neituten an ti hlawhtling thei vek a, kan mi sawm CYMA President, Pu Vanallruata chu CEC leh SRS lam a\angin mi parukin an rawn \awiawm thei bawk. Kan hosts - Tv. Samson V.L. Hmangaiha leh Nl. Christina Lalrinthari ten zangkhai takin min kaihruai a, CYMA President hian thu sawiin, Dr. S.R. Zonunthara, Branch President hnen a\angin fuihna thu \ha tak kan ngaithla bawk. Section tin band-te leh Nl. DJ Lalvenhimi te, Sihphir lam a\angin Lalhmunmawii leh H.K. Lalnunthara ten chheih lam leh Hminga Hmar ten kan sawmna an rawn ti hlawhtling thei vek a, member-ten nuam kan ti hle. Refreshment buaipui tura ruatten eitur tui tak min hlui bawk a, Ushering pawh mumal taka kalpui a ni. 
Sports Result puan a ni a, kumin chhunga kan Sports result chu hetiang hi a ni a, 2018 Sports Champion chu Chawngbawla Section-te an ni:-
1st - Chawngbawl Section (G 10 ; S 7 ; B5)
2nd - Taitesena Section (G   8 ; S 12 ; B4)
3rd - Vanapa Section (G   7 ; S  5 ; B10) 

Dawrpui Multipurpose Centre Hawn a ni

| 1 comments ]

Oct ni 4,2018 tlai dar 3:30 khan Pu Lal Thanhawla, Chief Minister chuan Dawrpui Multipurpose Centre chu a hawng ta. Pu Lalthangpuia Sailo in inkhawm a kaihruai a, Baby Malsawmtluangi’n hla mawi tak min ngaihthlak tir a, YMA ten Cheraw min entir bawk a ni. Bialtu Minister Lalsawta'n thusawiin, he hmun leh building alo awm theihna hi Congress sorkar a  nilo thei lo a. Dawrpui khawtlang in Civil Hospital-a mitthi, buaipuitu nei lo leh thingtlang lama chhuah pui tur an lo buaipui \hin avanga helai hi lo ding a ni. A building ruahmanaah pawh a tel ta a ni. Dodalna nasa tak karah alo puitling ta hi a lawmawm a em em a ni. Hall neih theih na atan a hmalatu zawng zawng ten dimdawi tak leh uluk takin i enkawl zel ang u a ti.
Vanlalmalsawmkima leh Nl K Lalrinnungi  te thiam takin an zai a, Chief Guest, Pu Lal Thanhawla'n thu sawi leh in, tih tak zeta thil kan tih chuan thil hi a lo theih zel a ni. Dawrpui khawtlang leh YMA in mi baihvai, chhungkhat laina hnai neilo mitthi ruang in buaipui \hin tih sorkarin a hria a, bialtu MLA hmalakna zarah liau liau a ni. Aizawl khawpuiin parking a mamawh belh zel a, chumi atan helai hmun lo awm hi a \ha hle a ni. Tlawmngai pawl te hmathlir a ropui a, mite tana malsawmna dik tak a ni. Mizoram pumpui tana \angkai tur kan hawng thei hi kan lawm hle a ni. Fai taka vawng a, khawtlang leh ram tana enkawl zel turin kan hlan e tiin a sawi.
Board Chairman, Pu Lalrammuana'n thiam taka thu sawiin April ni 17, 2009-a khawtlangin hma kan lak \anna a\anga vawiin a lo hlawhtling ta hi kan lawm hle a ni, a ti. Hruaitu hmasa berte hming list chhiar chhuak hmasain, hruaitu hmasa khawvel chhuah san tawhte hming lam rik chuan mipuite rilru a khawih hle. DMC lo pianchhuah dan leh khawtlang mipuiin hmalakna hrang hrang a sawilang a, Minister-te, Pu Lalsawta (Bialtu MLA), Pu Zodintluanga, Pu Lalthanzara, Pu John Rotluangliana (Veng pa) te chungah lawmthu a sawi a, PWD, Sports, UD&PA etc chungah lawmthu a sawi bawk. Programme zawh dawn lamah Lalrinnungi, Khatla solo thiam tak kan ngaithla a, Upa Zosangzualan \awng\aiin kalkhawmte min \in ta a ni.

PANCREATITIS

[ 11 October, 2018 | 5 comments ]

- Dr.Thangchungnunga.MS.(Ortho)
Pancreatitis hi mizo ṭawng in kan nei chiah lo niin a lang a. Kan ṭawng anga kan hman mai loh chuan sawifiah dawn in  a sei lutuk si a. He natna hi a na in thih na ni hnih khat lek a thlentu a ni ber. Tunhma deuh kha chuan zu in nasa ho-ah a awm bik ṭhin a hriat a ni. Tunah erawh chuan zu in lem lo pawhin an vei ta nual mai a. A enkawlna lah hi eng teh ual a awm bawk silo.
Amah pancreas hi kan pumpui hmawr tawp kual lai kara awm a ni a. Amah hi, insulin, leh enzymes (chaw ei a, ṭul  lo awm te chak taka lo eiraltu motor acid ang mai a chak ani ti ila a

BS-a hriatrengna Jersey

| 0 comments ]

Pu C. Lalsawivela, Jail Veng te chhungkua chuan an Fapa C. Lalbiaksanga (Bsa) hriatreng nan Taitesena Section-te chu Football Jersey mawi tak mai min pe a, kan lawm hle, Bsa hi Dawrpui veng football tan a mi ṭangkai tak niin Lammual-a grass phah anih hnu ah zan a football khelh hmasak ber ah kan veng team te chu CYMA Football Tournament-ah a enkawlna hnuaiah chakna kan chang a ni. T-Section Commitee chuan an chhungkua chungah thinglung takin lawmthu an sawi a ni.

Pu A. Rothanga hriatrengna khuang

| 0 comments ]

Pu A. Rothanga, Dawrpui Branch Y.M.A. Ex-President, 17 August, 2018-a boralta hriatreng nan a nupui Pi Vanhliri leh a tu leh fa ten Y.M.A.-in kan mamawh êm êm Khuang set ṭha tak mai Dawrpui Branch YMA hnenah min pe a. An chhungkaw chungah Dawrpui Branch Y.M.A. chuan lawmthu a sawi mawlh mawlh e.

Dawrpui Khawtlang Duty

| 0 comments ]

-Vanhmingliana (Taua)
Dawrpui veng hi Mizoram capital Aizawl a sumdawnna hmunpui ber a ni a. Zoram khawtin aṭanga pan khawmtu pawh ngah ber a ni. Chumi a nih avang tak chuan he veng hi enkawl leh ven ngai bik a nihna chhan chu tlawhtu, lut leh chhuak an tam bik vang a ni ber.
Veng dangte angin a cheng leh awm ngai ngawt awm ni ila chuan duty tih angreng hi a ngai hauh lovang, Dawrpui a chengte hi misual leh ven ngai kan ni hauh lo. Kan sawi tak ang khan vengchhung alo ṭawp tak em avangin khawtlang ngaihtuahtu ber Branch YMA chuan khawtlang lo him leh lo thianghlim zawk nan ni 5 September 2018 tlai dar 3 khan vengchhung a Welfare hruaitute ko khawmin khawtlang duty a ṭul dan leh

Aizawl Bazar Corps zaithiam ber

[ 25 September, 2018 | 0 comments ]

India Eastern Territory S.A.Y. Zaipawl intihsiak 2018 'Let there be Praise' -ah corps S.A.Y. 23 telin first round hi zan thum 3-ah ṭhen ani a, Top 10 thlan niin top 10-te hian intihsiak lehin Top 3 result siam a ni leh a, Aizawl Bazar Corps chu zaipawl thiam ber niin Lawmman Pakhatna an dawng a ni.
1st - Aizawl Bazar Corps
2nd - Aizawl Tlangnuam Corps
3rd - Chanmari West Corps

Dawrpui Contact Sports (DCS) che ṭha

| 0 comments ]

AIMMAA (All India Mixed Martial Arts Association) National Championship,Thyagaraj Sports Complex, INA, New Delhi-ah 20th-23rd September,2018-a Mizoram aiawha khel turin Mizoram State MMA Association fighter 15 leh hruaitu 5 te September ni 17 khan an feh chhuak. Fighter tam zawk (12) hi Dawrpui Contact Sports (DCS) member an ni a, DCS hian a sponsor nghal bawk. DCS bakah mimal leh pawl anga sponsor-tu tam tak an awm a, MISMA pawhin pawisa faiin cheng 20,000 a pai a ni. He National hi 2018 World Championship selection tur a ni a, National Ranking neih nghal  tur a ni. Ni 22 - 23 September 2018 hian Fighter dangten an khel ve leh ang.
Dawrpui Contact Sports (DCS) aiawha khelte an che ṭha hle. Medal an lak dan chu hetiang hi a ni.
1. Lalmuanawma, Under-7, Gold Medal
2. Ian Lalremruata, Under -11, Gold Medal 
3. C. Lalrinpuia, Adult, Bronze Medal

Dawrpui Biak In thar luah (8 Sept, 2018)

[ 14 September, 2018 | 0 comments ]

8 Sept, 2018 (Inrinni) zan khan Dawrpui Presbyterian Kohhran chuan Biak in thar an luah lut ta a, Oct-ah hawnna erawh neih tum a ni. Kumin hi Dawrpui Kohhran kum 100-na anih angin kumtluanin Centenary Programme hrang hrang kal pui a ni.

PICTURES-Dawrpui Biak In Thar Hawn 2018

Zun kawng (Tuihâwk luankawr)

| 0 comments ]

-  Dr.Thangchungnunga, M.S. (Ortho)
Hmanlai deuh aṭang tawhin tun hun thlengin, zun kawng hnai la, thia zung, zun-in, zun zawnga serh thip, kan la ngah reng mai hi, a basic principle kan hriat loh vang a ni berin ka hria. Kan kal (Kidney) aṭanga kan serh hmawr thleng hi tui hawk luankawr a ni mai a. Kan thil ei hi pumpuiin a lo chawkkawi a, ril lamah mahni duhzawng thlang turin, thin (Liver) in fel takin a lo thliar hrang vek ṭhin a ni.
Hetia a lo ṭhen fela taksa hnathawktu hrang hrangin an duh an hman zawhah, hman tlakloh paih tur an thliar leh a. Ruai kan ṭheh a, tuiril lam chi zawng zawng tinah kan dah hrang a. A hrawmhraw, plastic leh hnah, disposable

NCZ Welfare 3rd Rising day Lawm

[ 03 September, 2018 | 0 comments ]

Dt.25.8.2018 (Inrinni) khan Millions Resort, Lawipu-ah NCZ Welfare Dawrpui chuan a dincham vawi 3-na chu ropui takin an lawm a, NCZ Welfare dincham hi a dintirh aṭangin kumtin an lo lawm tawh ṭhin a, kumin pawh hian an phur hle, Picnic-naah hian Bus leh Motor te engemawzat nen an thawk chhuak ani. Thlen hlimah hunserh neih a ni a, Upa Lalbiaktluanga’n hunserh hi a hmang a. Nilengin intihhlimna naupang aṭanga puitling thlengin neih a ni a, an hlimin an phur tlang hle,  chanvo hrang hrang neitute te an fakawm hle bawk. 
Tlailamah hunserh neih ani leh a Pu Vanlalbika Chairman, NCZ in he hun hi a kairuai a, Upa Lalbiaktluanga’n hunserh ṭawngṭaina a nei leh a, hetah hian Vanapa Section Dawrpui YMA-ten lawmpuina thilpek an hlan bawk, NCZ lucky coupon vawr hunte neiin tlai lamah ruai mi 150 velin an ṭheh thei ani, he huna lokal zawng zawngte chungah leh mahni mawhphurhna ṭheuh tlin taka thawktute chungah an hruaituten lawmthu an sawi mawlh mawlh e.   
       NCZ Welfare-te hian an area-ah faina kawngah hmasawnna alo awm theihna atan nasa takin ṭan an la ṭhin a, an area-a dawrkai leh Bazar-a chawhmeh zuarte leh chhungtin ten faina kawnga hma an sawn theihna atan lehkha thuziakte sem ṭhinin an area hmun tamtakah faina thuziak Sign Board pawh an tar ani. Hei bakah faina hnatlangte nei ṭhinin, Mike horn hmangin an area dawrkaite hnenah faina chungchang zirtirin an au ṭhin bawk, an area hmun hrang hrangah bawlhhlawh bawm lian (Plastic) an hunga. Nikum khan Aizawl Municipal area chhunga faina kawnga ṭan la nasa berte zingah telin pawisa leh thuziak Citation an lo la tawh bawk. An area-ah ruihhlo dona kawngah ṭan nasa takin an la a, duty-te nei ṭhinin an ṭangrual hle. 

Mizoramah a vawi 1 nan Paver block phah a ni

| 0 comments ]

P.W.D, Traffic leh Khawtlang Hruaitute thawhhona leh duhsakna zarah Mizorama a vawikhat nan leh a enchhin nan main Road-ah Paver Block hman chhin a ni a. Hetiang Paver Block hi Ram dangah pawh an hmang mek a, a hlawhtling hle tih thu hriat a ni.  
A buaipui leh senso hi a hautaka amaherawhchu achhiat hnuah maintenance hi a hautak lo tura ngaih a ni. Tunah (Aug 2018) hian Pu V. Lalliana in leh M.U.P Chawlhbuk, Dawrpui inkarah phah mek a ni.






Ni eng (Sunlight)

| 0 comments ]

-  Dr.Thangchungnunga, M.S. (Ortho)
Ni eng ṭhain taksa a em hian Vitamin D kan hmuhna bul pui ber a ni a, kan ei leh in a\ang hi chuan kan mamawh anga tam hmuh a harsa hle.
Hman deuh kha chuan nu-in Vit D a tlakchham vangin naupang natna Richets an tih mai, awm chhan ber kha a ni an ti a. Tunah chuan Vit D tlachham tam ber chu ni eng hnuaia awm ngai mang lo, Office kal, dawr leh lei hnuaia hna thawkte, ni en \hat lohna hmuna awm rengte hi an ni tlangpui a. Naupang aiin puitlingin Vit D kan

,

Hriselna leh Thianghlimnaa Ṭhang zelin

| 0 comments ]

- Vanhmingliana
Khawvelah finna leh thiamna a pung zel angin invawn thianghlimna leh hriselna pawh a pung ve zel tur a ni a. Nitinin hriatna leh finna lamah chuan hmasawn zelin, hlimna tharte nei thei zelin kan taksa leh rilru tumruhna nen kan inkhuahkhirh ve tlat tur a ni. Harsa lo t>a kan zawm theih tur chi thil tlemte i’n sawi teh ang :
1. PERSONAL  HYGIENE : 
Hei hian hriselna kawnga mahni kan invenna tur leh natna kai theih laka kan fihlim theihna kawng min kawh hmuh a;
i) Ei tur sil:
Tunlai chu Mizoram ah pawh thei chi hrang hrang kan ngah ve lai tak a ni a. Mimir pawhin kan ei tam a rinawm. A chhunga awm thei thianghlim tak kha a pawn a fai si loh chuan chemical tûr hlauhawm takah a lo chang anga,

DSST Principal thar-Prof. Dr. R. Lalthantluanga

[ 18 August, 2018 | 0 comments ]

Ni 17 August, 2018 khan Dawrpui School of Science & Technology chuan Principal thar kan nei ta. Principal kal chhuak, Dr. S. Hom. Choudhury chuan hrisellohna avanga a hna a chawlhsan hnuin hun engemaw chen Principal thar tur hi zawn a ni a. Dawrpui School Managing Board-in ngun tak leh uluk taka a zawn hnuin Prof. Dr. R. Lalthantluanga, Zarkawt hi sawm a rawt ta a. Ani hian zirna lama ṭhahnem a ngaih êm avangin kan Veng School-a thawh chu alo duh ve hlauh mai a. Board chu a lawm hle a, Dawrpui School of Science & Technology pawhin hetiang mi tawnhriat ngah tak leh mi thiam tak Principal a nei thei hi bung thar duhawm tak a kai ngei rin a ni. 
Ni 17 August 2018 khan Pu Tluanga hian a hna hi zawmin Dawrpui School Managing Board Office Bearers-te leh zirtirtu-te nen inhmelhriatna hun an hmang.
Prof. Dr. R. Lalthantluanga hi Biochemistry Professor ṭhin a ni a. Mizoram University-ah Vice Chancellor lo ni tawhin, Mizo zinga Indian Universities-a Vice Chancellor ni hmasa ber a ni. North Eastern Hill University (NEHU) Biochemistry Department-ah Head of  Department, Professor leh Founding Faculty lo ni tawhin, Dean of School of Life Sciences leh Pro-Vice Chancellor hna te alo chelh tawh a ni.

Chaw ei

| 0 comments ]

Dr.Thangchungnunga, M.S.(Ortho)
Mizo te hi tun hma atang tawh in kan hmuh ang ang, a hunlai ami  chaw leh chawhmeh kan ei a ni ber a. Kan hriat ve phak chinah pawh, tunlaia an sawi, balanced diet, chaw tha hi kan rilruah a la awm lem lo. Chutih rualin kan dam khawchhuak ve zel chu a ni mai a. Mahse tunlaia kan hriat thiam tawh loh, Mit malh (night blindness) te kha kan awm nual mai reng a. Zun leh ek thiarna tha a la awm bawk lo nen, rulhut sei chi (Ascariasis) pai lo leh e chhuak lo aram kan awm meuh lo a la nih kha. Kan taksa pawh a te in a tawi a, mawng

Nuna rochun thil

[ 12 August, 2018 | 0 comments ]

- Vanhmingliana (Taua)
“Leia sûlrûl leh tuiêkin a ei chhiatnaah, rûkruten an reh pawha an rûknaah hian
in tan ro te khâwl khawm suh u” Matt 6:19.
Lal Isua Krista thusawi hi han ngaihtuah vang vang ila a sawi tum awmzia tak hi ‘Khawvel hi hmangaih suh u’ ti te pawhin kan dah thei tho mai thei. A thil sawi hi a ril lutuk a kan chhiar zawh rual rualin kan theihnghilh leh nghal \hin, duhamnaa khat khawvela cheng kan nih miau avangin.
Amah Lal Isua ngei kha a thihin thil hlu engmah a hnuchhiah lova. A kawr haklai neih ang chhun chhun kha kraws bula sipai \hu te khan an insem vel a! Isua’n engnge rochun thil min hnuchhiah? Thurochhiah, bank account, in leh ram, engmah! Mahse thil ropui ber zawk “Nunna”, sawi hleih theih loh khawp a nun thianghlim,

Sangha

[ 06 August, 2018 | 0 comments ]

- Dr.Thangchungnunga, M.S.(Ortho)
Tunlai chu sangha buaiin ram tin kan buai a ni ber awm e. Sangha hian makna tak a nei a. Pathianin khawvela a thil siam, mihring ten sualna vawr tawp an thlen khan, a thin a rim ta êm êm a. Genesis 6:17-ah chuan, ‘Tin, ngai teh, keimah ngeiin tisa zawng zawng, nunna thaw pai reng reng chu van hnuai ata tiboral turin leiah hian tui ka ti let dawn a ni; leia thil tinreng awm hi an thi vek ang,’ tih a ni a. Sangha pawh nunna thaw pai tho an ni a, mahse tui a lo len khan an tan thihna a ni ve lova, an ram a zau ting mai a ni zawk. Hei vang hian a ni mai lo maw? Khawvel hnam tin hi

Dawrpui Thlanmual kan hman lai hi

[ 28 July, 2018 | 0 comments ]

- Zorama, Dawrpui, New Market
Dawrpui Thlanmual kan hman lai hi kum 108 lai kan lo hmang ta reng mai a. Dawrpui Thlanmual hi a tirah chuan a tlangdung chauh kan hmang \hin a, a hmang \hintute chu Zarkawt, Electric (Tuitu Veng), Saron Veng, Chhinga Veng te an ni. Ka hriat theih chinah chuan Tuithiang Veng leh Armed Veng an la awmlo a. Chung hunlai pawh in Dawrpui Thlanmual tih vek a ni. Hun alo kal zel a, Zarkawt leh Electric (Tuitu Veng) ten thlanmual hran an lo nei ta a. Dawrpui, Chhinga Veng, Saron Veng ten kan lo hmang ta a ni.
Kum 1966 March thlaah ram alo buai a zokhaw lam aṭangin Aizawlah mi an lo pem lut zel a. Inhmun lo ram an nei zel si a, khawtlang hruaitu ten Dawrpui Thlanmual zauh a ngai an ti a, tuna a chuan hnuai kan tih hi ram ngaw

Rangkachak leh Lunghlu Aia Hlu-Hmingṭha

| 0 comments ]

- Vanhmingliana (Taua)
Mihring te siamtu Pathian hian keini aiin kan ṭhatna tur hi a lo hrechiang khawp mai a. Kan thlan zawk tur thil ṭha te, malsawmna leh hmuingilna kan la dawn zawk tur thlang tur tein min lo fuih ṭhin a. Keini erawh chuan rilru duhâmna nen, hausak thut châkna nen kan bawh ruak ruak ṭhin a, a tawp chu mualphona mai niin hmingchhe takin kan tâwp fo. Mahni hming chher ṭhat kan tum luatnaah te hian thil tam tak bawhpelhin a tawpah mi huat te pawh kan hlawh leh mai ṭhin. Kan Pathian thu chuan, “Sum tam tak aiin hmingṭhat hi thlan zawk tur a ni” (Thuf 22:1) Tin, hming ṭha neih dan thuruk pawh min pe a, “ I kutin tih tur a hmuh apiang chu theihtawpin ti rawh” (Thuh 9:10) tiin min lo fuih bawk a.
Mizote hi hnam naupang kan nihna kil tinah hmuh tur a awm a. Mi in min ring ta maw tih veleh rinawm tak leh tlo taka nung tura inpêk ahnêkin hotute bum dan tur kan ngaihtuah chhuak nghal a, a tirah lang lo mahse a tawpah

,

Dawrpui Contact Sports fighter-te National Submission Grappling khel turin feh chhuak

[ 27 July, 2018 | 0 comments ]

Mizoram State Mixed Martial Arts Association (MISMA) tirhin mi paruk chuan 26/07/18 khan Mizoram aiawha National Pro Submission Grappling Championship (Brazilian Jiu-Jitsu no gi event) khel turin Lengpui Airport aṭangin Kolkata an pan.

An event kalna tur hming hi GRIND a ni a, July 28-a khelh tur a ni. Cash award a awm dawn a, India rama grappler ṭhate inlanna hun tur a ni. Grappling bakah fitness tournament hrang hrang a awm nghal ang. Heng fighter paruk te hi Dawrpui Contact Sports (DCS) member an ni a;  DCS President Pu Lalhlimpuia Khiangte chuan DCS aiawhin duhsakna a hlan a, DCS hian a sponsor nghal a ni. Uluk takin DCS training center SPES Gym, Dawrpuiah MISMA technical chairman Samuel Lalrozama leh coach Zorellianate hnuaiah training an nei a ni.

MISMA President Pu Lalṭhakima pawhin sponsor te chungah lawm thu a sawi bakah BJJ hi MMA nena inkaihhnhawih tlat a nih angin grappling leh MMA lama Mizoram mai ni lova India ram aiawha khel thei zel tura taima turin a fuih a, MISMA chuan hma lakpui zel a tum thu a sawi.

 MISMA fighter-te:
1. Lalduhawma Fanai, Lunglei Chanmari.
2. Clement Lalrinpuia, Mission veng/ Champhai vengthlang
3. Lalruatsanga, Kanan/ JNV Thingsulthliah school
4. Zothansanga Hlawndo, Ramhlun South
5. Lalhriathlua, Chhiahtlang
6. V.L.Sangzela, College veng/ Chhingchhip

Presbyterian Kohhran Dawrpui Bial KTP Half Yearly Meet 34-na

[ 23 July, 2018 | 0 comments ]

Presbyterian Kohhran Dawrpui Bial KTP Half Yearly Meet 34-na 21-22 July, 2018-a neih chu tluang taka zawh ani.
Half Yearly Meet ah hian Hla leh Bible thu hmanga intihsiakna neih ani. Intihsiaknaah hian, Beramno talh tawh a tih hla hman ani a, Bible Quiz atan hian Mika bu leh Peter I leh Peter II bu te hman ani.
He meet ah hian Dawrpui Branch KTP, Zarkawt Branch KTP, Saron Branch KTP leh Assam Rifles Branch KTP te an tel (Assam Rifles Branch te hi Dawrpui Branch KTP ah an bet ani).

Results te chu hetiang hi ani :-
Hla -
Gold -Zarkawt Branch KTP
Silver- Dawrpui Branch KTP
Bronze -Saron Branch KTP

Quiz --
Gold -Zarkawt Branch KTP
Silver- Saron Branch KTP
Bronze -Dawrpui Branch KTP

Overall Result
1-na Zarkawt Branch KTP
2-na Dawrpui Branch KTP
3-na Saron Branch KTP

Zodin Multi-level car parking lungphum

[ 14 July, 2018 | 0 comments ]

13 July, 2018 (Zirtawpni) chhun dar 12:00 khan Canteen kuala Zodin Cinema Hall \hin hmun chu Zodin Multi-Level Car Parking Cum Utility Centre atan UD&PA Minister, Pu Zodintluanga'n a lungphum a phum.
He Lungphum inkhawm hi Dr.C. Vanlalramsanga, Secretary, UD&PA-in a kaihruai a. Er. Laldinsanga Hnamte, Asst. Engineer, UD&PA-in Technical report pe in, a hman \angkai dan turte sawiin, motor parking hi Robotic Car Parking-a kalpui tum a nih thu te, a vaiin motor 200 zet dah a nih theih dawn bakah Auditorium floor hnihah a awm tur thute a sawi. 
Minister Zodintluanga'n thusawiin Dawrpui vengchhunga he thil lo awm tur hi khawtlang tana hlu leh \ha tak, Zoram hmel thar lanna a ni dawn a, Dawrpui khawtlang mipui leh khawtlang hruaituten hnathawh hun chhunga

Formalin

| 0 comments ]

- Dr. Thangchungnunga, M.S.(Ortho)
Formalin hi Formaldehyde (CH20) a ni a. Tunhma kha chuan insecticide, natna hrik leh rannung tih hlum nan an hmang nasa a. A hmanna dang leh chu, tisa, entir nan, sava, sanghar te man a, a thise a chiu luh chuan a lo char khawng vek thei \hin a. Ransa a dam lai ang chiaha a lan theih nante an chiu \hin. Thil \awih thei rei tak dah \hat ngaiah te an hmang \hin. An nun lai ngeia chiu chuan, an taksa pumpuiah thisenin a sem darh vek a, a chhe thei ta lo a ni. A thih hnua chiu chu a rim chhiat mai loh nan a tawk lek. Tun hma phei kha chuan bawng hnuteahte pawh an lo telh \hin a ni.
Formalin hi amah tak hi chu gas boruak a ni a, a rimchhia in  a ur ana a, mittui  tla phungin mi a tawk thei a ni. Gas a nih avangin hman theih tur in tui 40% nen an pawlh ta a, he gas hi tui nen alo in kawp thei hlauh a, a tui in

SORKAR SUMBAWM LAMIN MULTIPURPOSE AN TLAWH

| 0 comments ]

 Ni 12 June, 2018 (Ningani) zing khan Dawrpui Multipurpose Centre sak mek chu Pu Lalnunmawia Chuaungo, IAS, Principal Secretary to the Govt. of Mizoram, Finance Department chuan a hmunah a rawn tlawh a. Pi Zosangzuali, Chairman, Dawrpui LC, Pu Chhawnkima Pachuau, Vice Chairman MCMB, Pu MS Dawngliana, Com. Mem, MCMB leh Pu Kapchhunga Pachuau, Secretary, MCMB/LC Treasurer ten an lo dawngsawng a ni. 
Fin. Secy hi Addl. Secy, Jt. Secy, Principal Advisor - Finance, CE, PWD, Director leh Under Secretary Sports & Youth Services ten an \awiawm a  ni. A building chipchiar taka enho a ni a. Tunah hian a sakna sum 2nd Installment release a ni tawh a, hna hi thawh zawh thuai thuai kan nghakhlel tlang hle a ni.
Tin, basement parking, a chung Basketball Court tur pawh 2nd Phase-a kalpui m>k a ni a, peih thuai beisei a ni. Hemi building chawmtu tur Transformer pawh file kal tir mek a ni a, a zo ngei tur khawl \ha kan dawn tur thu Fin. Secy hian sawi.
Hmasawnna kan hmu zel a, sorkar mi pawimawh tak tak ten min phurpui >m >m hi a lawmawm a, khawtlang mipuite pawhin lungrual taka he Multipurpose Centre hi kan nghahchhuah leh kan ngaihchan a ngai hle a ni.

MHIP Day 2018

[ 07 July, 2018 | 0 comments ]

 Dawrpui Branch M.H.I.P-te chuan MHIP Day Vawi 44-na (6th July, 2018) chu D.G. PARK Falkland-ah ropui takin an hmang a. Hunserh hi Pi Zosangkimi (W/o Pastor R. Lalchangliana) chuan a hmang a,  President, MHIP Gen.Hqtrs Day Thuchah Secretary-in a chhiar chhuak a, hlim takin nilenga hun hman ani a, mi 210 laiin ruai hi an ṭheh ani. Intihhlimnaah hian Baby pool-a tui in hleuh siak leh Swimming Competition (mahse  hleuh awihloh)  te chuan boruak a siam hle a, nilenga intihhlimna neiin tlaiah Ruai tuihnai tak an kil.
DG PARK-ah hian Bus 2 leh  mimal Motor ṭhahnem tawk takin kal a, a hmun man lova hmantirtu Pu Rochungnunga te nupa, Med Qtr. chungah Dawrpui Branch MHIP-te an lawm hle a ni.
MHIP DAY 44-na pualin Ṭawngṭai Bethel Camping Centre-ah Buhfai bag 10, Dal Bag 2, Alu bag 4, Nutrela bag 4,  Tel ṭin 2 leh Sintex tuizem 2000 litres cap. bakah hian  Cancer Care Foundation-ah Ceiling Fan 2 an pe bawk.


Junk Food

| 0 comments ]

- Dr.Thangchungnunga, M.S.(Ortho)
Junk food hian a huam zau em em mai a. Buai taka siamchawp ai chuan, leia ei mai hi a awlsamin a hahdam a, hetianga eitura an siam a ni reng bawk a. Sawi sen loh, pocket leh \in-a in dah sa, hawna ei mai theih ho hi chu a ni vek mai a ni. A chhiatlohna (preservatives) pawlh ngai ho chi reng reng - burger, pizza, dominos, KFC, hawna ei mai theih chi ho - soda drinks, chips, wai wai, maggie leh a anpui a tam mai, heng ho zawng zawng hi damdawi chi hrang hrang an mamawh dan ang zela pawlh a ni a. Sangha \in leh \ina dah ho reng reng phei hi chu boruak (oxygen) nena a intawh chiah khan a chhiatlohna tur damdawi kha thil dang daihah a insiam ta a. Chuvangin, \in leh bura dah ho reng reng, ei mai theih chi ho hi chu ei zawh nghal vek tur. A ṭhing i ei a nih chuan turah pawh a chang thei a, a nep deuh kawṭhalo te a siam thei bawk a, ei zawh sen loh chu paih mai

Pi Romawii hriatrengna pe

| 0 comments ]

Pu PC. Lianhmingthanga (Valpuia), Vanapa Section, Zion Street te chhungkua chuan an nu Pi Romawii hriatreng nan Dawrpui Branch Y.M.A. -ah Keybord Sustain Pedal YAMAHA an pe.

Hmui hmul meh

[ 01 July, 2018 | 0 comments ]

- Dr.Thangchungnunga, M.S.Ortho
Mipa hi chuan hmuihmul kan met deuh vek a, kan hmuihmul, biang leh khabe vela mi hi a ni ber a. Tuma hmuhpui lem lo a in met vek kan ni tlangpui.
A nei leh hausa deuh chuan sap/vai ho hman shaving cream an tat hmasa phawt a, hei hian vun a ven bakah a hmul meh pawh a ti nuam bik a. Mizo te hi thatchhiat vang nge, kan pipute atanga kan lo tih ngai loh a nih vang tih sawi a har hle. Vai len hnu a hmuihmul ziat choh kan ni si a.
He kan hmuihmul leh biang vel kan ziah dan hi, kan duhthawh lutuk chang a awm a, hmai hmul reng reng hi

Ngaihdamna

| 0 comments ]

- Vanhmingliana (Taua)
Mihring te thinlung hi engngatinge a hlim sârh theih loh? Kan thinlung chhungril a min ti hrehawm tu ber hi engnge ni ang? A pawimawh êm avangin ngun taka ngaihtuah a, a damna tur ngaihtuah chhuah ngei hi a va pawimawh em!
Mihring thinlung hi sum leh pai \hahnem tawk tak a dawn laiin em ni a hlim ber \hin? Ni lo ve, a sual te ngaihdam

Vengchhung hmasawna Bialtu Minister-in a en

| 0 comments ]

Aizawl East - II bialtu, MLA Pu Lalsawta, Fin. Minister chuan a bialchhung khua/veng hrang hrang a tlawh kal zelah a hmawr bawk nan karhmasa Inrinni  23.6.2018 zing khan Dawrpui a rawn tlawh a. Party hruaitute leh khawtlang hruaitu Local Council, YMA, MHIP, MUP leh Dawrpui Multipurpose Centre Committee Office Bearers ten an lo dawngsawng a. Multipurpose Centre-ah hun tawite hmangin Pu Lalsawta chuan thu a sawi a. Thingpui te inho hnuah Dawrpui vengchhunga sorkar hmalakna hnathawh hrang hrangte a hmunah enho a ni a. MLA Fund a\anga sak - YMA Silver Jubilee building, Upper Bazar, MHIP building, Upper Bazar, MUP building-a Committee Room, Jail Veng te a hmunah a en a. Step, Tuiluankawr, Footpath etc. hrang hrang siam tawh leh

Maroa hriatrengna Tea Urn pe

| 0 comments ]

Pu Rochungnunga (Maroa), V.Sect Senior Adviser ni 17 May, 2018 a chatuan ram min panta hriatreng nan Tea Urn pahnih Vanapa Section hnenah a fate pahnih Sarh &Vashni hmingin an hlan.

Mitthi sawngbawl

| 0 comments ]

- Dr.Thangchungnunga, M.S.Ortho
Man thih hian eng vang pawhin thi se, a taksaah bacteria, virus, fungus etc. a za tel  teh meuh an awm a. Heng natna hrikte hian mitthi chu an hai bik lova, an tawmna, kan hmul \ona kua chhung a\angin an lo chhuak ve nghal sup sup a, mitthi taksa, a puan velah leh a bul vel boruakah a hmaa lang lo natna hrik an phu luih luih a ni tih mitthlaa hmuh thiam tur.
Hei hi mitthi khawihtute chuan hnar leh hmui tuamna (mask) hman ngei ngei a ngaihna chhan chu a ni. Kutkawr bun ngei ngei tur, heng natna hrik rawn chhuak tam lutuk hi kutah a kai mai ven nan a ni. In tih tlawmngaih a, ti

Thihna

| 0 comments ]

- Vanhmingliana (Taua)
Kumin kum bul mai a\angin kan veng Dawrpui veng hian chhiat kan tawk zing ta malh malh hle mai. ‘A tawk tawh e’ tiin bân han phar ngawt mahila kan thu pakhat mah a awm bawk si lo. Khawvelah hian mi \ha tak tak te, mi ropui te an thih laiin mi rethei leh mi sual tak tak te pawh an thi tho bawk. Kumin chu kan veng mihlun tak tak pawh kan chân hnem ta hle mai!
Pathian min siam danah chuan Chatuan nunna neia siam kan ni. Mahse, Eden bawhchhiatna avangin mihring ten chu Chatuan nunna chu kan lo chân ta a. Vaivut a\anga lakchhuah, vaivut veka kîr mai tur kan lo ni ta a ni. Kan Pathian thu chuan, “In nunna chu engnge ni? Chhum rei lo te lo lang a, ral leh ta mai \hin ang hi a ni si a” (Jakoba 4:14) tiin a lo sawi a.
Mihring te hi Pathian hlimthlâ (Image) a siam kan lo nih tawh angin chuti maia inthlah liam mai theih a ni lo. Hmangaihna, induhtawnna, inlainatna keimahniah tam tak lo awm ve a\ang hian nasa taka invuina te kan nei a. Thlamuanna tak tak erawh pe thei lo mahila, khawhar inthlamuan turin kan in\awiawm a, ruang te kan intlaivarpui

YM A Day 2018

[ 16 June, 2018 | 0 comments ]

YMA Day Vawi 83-na hlawhtling takin kan hmang thei a. Zingkarah  khaw chhiat avanga hnatlang \hulh a nih hnuin chhun lam programme tluang takin kan hmang thei. Sports Sub-Committee ten items an lo duan lawkte kan nei thei vek a, YMA Chhang lam pawh \hahnem tak rawn thawk chhuakin intihhlimna hun nuam tak an hmang a ni. Zan lamah Section tin a\angin band \ha tak kan nei thei a. Kan veng chhuanvawr The Detentions-te rawn in lar in, mipui lawm hlawh em em Lalruata leh a ṭhianten min ti hlim hle bawk. 
Ushers te, ei leh in min buatsaih sak tute leh stage mawi taka min chei sak tute chungah kan lawm hle a ni. Vengchhung kan thawhpuiten kan sawmna ngai pawimawhin an rawn kal a, YMA Day chibai bukna Local Council in Rs.3,000, MIHP in Rs.5,000 leh MUP ten Rs.4,000 min hlan a, kan lawm hle a ni. 
Kan host zei tak tak Dr. Zothansanga leh Nl. Lalremsiami ten hun hlimawm tak min hmanpui a. Pu Malsawmdawngliana, Pu John Lalthangfala, Tv. R. Malsawmkima, Tv. Lalchhuanliana leh Tv. Jonathan Lalrinfela ten thla min rawn lak sak a, kan lawm hle  a ni.
HSLC leh HSSLC pass tharte Citation hlan an ni a, Pu Roṭhuamliana, (Ex. Branch OB) chuan lawmpuina pen a hlan bawk.
Sialsuk Branch leh Sialsuk South Branch-te chu Y.M.A. Day denchhenin puan 30 ve ve pek an ni bawk.
Tin, kan la hriat ngailoh leh tawn ngailoh Assam Rifles-te chuan YMA Day chibai bukna pangpar leh sweets YMA Day Sport hman laiin min rawn hlan a, kan lawm hle a ni.
SPORTS
Dawrpui School tualah Zing dar 11:00  a\angin Sports item hrang hrang hmanga inelna neih a ni a, Section tinte Medal hmuh tan chu a hnuaia tarlan ang hi a ni.

MEDAL TALLY

Vanapa:         Gold-6 Silver-2 Bronze-5
Chawngbawla: Gold-5 Silver-7 Bronze-1
Taitesena: Gold-3 Silver-6 Bronze-3

Khau Khurh

| 0 comments ]

- Dr.Thangchungnunga, M.S.Ortho
Tunhma, ti ve khanglang ila, buai hma, kum 1966 hma leh a hnu engemaw chen chu khaukhurh hi kan hmang ṭhin a. Khau khurh chu, mitthi thlan laih a, a thuk lam duhtawk a nih hnuah, a bangah kuang leng turin kan ker khuar leh a, lei vungin a chhilh ve loh nan mitthi kha thlan chhung a lang lovin kan nawr lut a, a kher khuar pheiah chuan thing tuai ban rek tiat vel 2 feet  vela sei in si thlapin an tung leh a, an kheng nghet bawk a. Thlan vur pawhin lei kawrawngah leivung dah luh a ni mai a. He thing hman tak hi khaukhurh chu a ni. Tleirawl thlan lai ve pha chiahlo hian kan pu ṭhin a. Kei ngei pawh, khaukhurh tur va pu rawh u, an ti a, a daih zan tur kan pu ṭhin.
Mitthi chu, nula emaw tlangval emaw an nih chuan, lung phek kan pu a, lung awmna a hlat phei chuan hahthlak tham a ni. Thing aiah lungphek hlai chuan an khuh phei ta a. Hei hi nula leh tlangval thi duhsak bikna entirna a ni.
Ka hmuh ve phak chu, kuang siam lem lo in, dap a tel tawp a, hn^nga ṭawn khawm phum a ni. Kuang hmanna hi kum 1960 hmalam phei chuan a la tam lo hlein ka hria. Chunglai kuang chu a kli li ngil tawp, tunlai a zai zuih leh a dar zawn tih len ang hi a ni ve ngai lo ṭhin.
Hei hi khau khurh ka hriat leh hmuh ve dan a ni a, hmun hrang, khaw hrang hrangah a in ang lo nual ṭhin a, kei aia hrechiang in han sawifiah ve teh u.

The Detentions Pahnihna

| 0 comments ]

Inter-Branch YMA Beat Contest 2018, Chanmari Br. YMA buatsaih, June ni 13 (Ningani) zana Final-ah Branch 7-te intihsiakna nei lehin kan Branch Band ‘The Detentions’ te an zai ṭha hle a, an mahni ṭantu thawm pawh a ring hle. Vengchhungah chhiatte tawk neuh neuhin duh angin kan band-te hian zirna hun an nei ṭha lutuk lo na chungin Branch tam tak inelnaah 2-na hial ala ni thei chu a lawmawm hle. He intihsiknaah hian RamhlunNorth Branch YMA Band ‘Pu Kaia Sap Sikul’te chu pakhatna an ni a. Mimal ti ṭha lawmman semnaah kan veng Band aṭangin Pu PB Liansangzuala chu Best Bassist a dawng a ni.
Vocal - P.B. Lianmawia (Atea)
Guitar - Lalhriatzela (Hriata)
Guitar - David Rinsanga
Bass - P.B. Liansangzuala
Drums - Rotluangkima (Tita)

Mi thiam leh chhawr tlak ni turin

[ 13 June, 2018 | 0 comments ]

- Vanhmingliana (Taua)
Hnam pui, hnam fing, ram changkang leh ram awhawm kan tih te hian ziak leh chhiar hi an lo ngai hlu hle ṭhin a, an ram leh hnam tan lungphum pawimawh tak a ni tih hriain an lo humhalhin an lo venghim tlat zel a ni. Sap kan tih mai (English) ho khuan ram an va lak reng reng in a ram leh a chhunga cheng mihring te an thu thu a awm tir mai chu an lo duh tawk ngai hauh lo; ziak leh chhiar thiam lo an nih chuan ziak leh chhiar zirtirin zirna in te din sakin an lo zirtir ṭhin a ni. Engvang nge niang le? A chhan chu ziak leh chhiar, thu leh hla (Literature) hian ram leh hnam tan ro hlu a siam chhuak thei tih an hriat tlat vang a ni. Keini kan Zoram te pawh hi ziak leh chhiar

John-Tea hriatrengna FM pe

| 0 comments ]


Pu Lalthansanga te chhung, Chawngbawla Section (Bara Bazar) te chuan an tupa Tv. John Lalbeiseia (31), June ni 9, 2018 (Inrinni) tlaia boral ta hriatreng nan Dawrpui Branch Y.M.A.-ah Wireless Microphone ṭha tak mai June ni 10 YMA zan tawp zanah min pe a, an chhungkaw chungah thinlung takin Dawrpui Branch Y.M.A. chuan lawmthu a sawi a ni.

A tribute to Marova

[ 03 June, 2018 | 0 comments ]

- Vanhmingliana (Taua)
Tunlai chhanah ‘Tribute’ tih hi kan uar ta viau a, zaithiam mual liam ta te kan ui zui nan chuan kan hmang ngun viau a. Mahse, tun ṭumah chuan Khawtlang, Kohhran leh ram tana mi uihawm Rochungnunga (Marova) zah leh ui nan ka’n hmang ve teh ang.
Thlahtute : Mifingte chuan mi nun an zir leh an chhui hian thlahtute an ngai pawimawh hle ṭhin. A dik a, thlahtute nun ṭha leh chhia hi inthlahchhawn theih anih avangin ngaih pawimawh tur a lo ni reng a ni. 
Pu Pachhunga Hmar, mi tam zawkin kan hriat danin ‘Pachhung Hausaa’ kha a pu a ni a. Pu Pachhunga te nupa felzia, thil phalzia leh Pathiana an nun an nghah nghehzia kha anmahni hretu te’n an sawi zin ber a ni hial ang; an hausak thu aiin an chanchinah a lang zing zawk.  Mi chumchhia, mahnia ei leh bar zawng thei lo, kut tual leichham kan tih ang thleng te khan an khawi dur dur ṭhin a, retheih phah a hnêkin an hausakna a pung tulh tulh a. Pathian nghen chhan tlata nung te hi chu Lalpa’n mal a sawm zel mai.
Tuna Marova in hmalam dâwr chin zawng hi Mizoram a concrete in sak hmasa ber a ni. Ram buai hma 1960

Dulkiar

[ 26 May, 2018 | 0 comments ]

- Dr.Thangchungnunga, M.S.Ortho
Dulkiar hi Aizawl khawlaiah hian hmuh tur an tamin an ni deuh vek zawk awm e. Pian ti mawi lotu a nih mai bakah, taksa fit tawk lo leh hrisel lo entirna pakhat a ni. A hmasa berah chuan ei leh in hi a tawk chin in siam ve tur. Tui tih avanga ei \euh chin hi thil \ha lo tak a ni. Kan pumpui hi savun ip fan thei a ni ve mai a, thun hnem leh a lian tual tual a ni mai. Kan ei tam chuan thukhat a hmanral lehna kan nei si lo a. Kan hnathawh ten a zir bawk si lo, thlan tlakna khawp tih tur a vang hle  a ni.
Heng kan ei a\anga a chuang a liam hi thluakin taksa a tih buai lohna ber hmun tur, kan ril bawh, a hlap kan tih maiah hian a chhek khawm tam ber a. Pumpuia acid lah hian a ti chhe ve si lova. Mit (Bile) hi thau ti ral tu ber a ni a. A tih ral sen loh khawp kan ei \hin a ni.
Khawpuia kan awmdan tlangpui chu, chaw ei kham veleha kuhva ei a, mu zal deuh emaw, \hu awn deuha vaihlo zuk nen kan han chhunzawm hi dulkiar ti zualtu leh hriselna ti hniamtu a ni. Lo in chik ve teh, chaw eikham veleh hi chuan mu zal lo hram ang che. 
Hetiang dulkiar ho tan hian hlauhawm a tam bik a. Cholesterol sang, Stroke, Heart Attack, Zunthlum, BP sang

H.S.S.L.C. 2018 result

| 0 comments ]

HSSLC Result chu Mizoram pumah 17th May, 2018 (Ningani) khan tihchhuah a ni a, Dawrpui Veng aṭanga pass tharte kan han tarlang ang e :-

CHAWNGBAWLA SECTION
1) Lalawmpuia Pachuau S/o Lianmawia Pachuau I (Comm)
2) Isaak Vanlalpeka S/o C. Vanlalsiama I (Sc)
3) Lalrohlui   D/o Lalthlanga I (Arts)
4) Lalrinzuala S/o Lalnunzira II (Comm)
5) Lalchhandami D/o Lalsangliani III (Arts)

TAITESENA SECTION
1) Vanlalthazuala S/o Lalropuii         Distn (Sc)
2) K.Lalnuntlangi D/o K.Zothanglura(L) I (Arts)
3) Lalrinawma S/o R.Chhawnkima I (Arts)
4) Lalhmingmawia S/o Lalthazawnga I (Sc)
5) Birajit Singh S/o B.M Singh II (Arts)
6) Vidai Lalnunhlui   D/o Lalrinthari Sailo        II (Arts)
7) Lalchhuanawma S/o Lalfakawma  III (Arts)
8) Zohmangaihi Lailung D/o L.Siamhnuna III (Arts)

VANAPA SECTION
1) R. Lalhmachhuani D/o Vanlalbika I (Arts)
2) Dorothy Lalrinmawii D/o Vanthangpuia I (Sc)
3) Rammuanpuia S/o C. Rodinthara II (Sc)
4) Lalrinzuali D/o C.Denghmingliana II (Sc)
5) Maria Lalfamkimi D/o Lalduhawma Zadeng II (Com)
6) Grace Lalsangzuali D/o Lalbuatsaiha II (Arts)
7) Aboji Lalremruata S/o Zothansanga (L) I (Com)

Mizoram puma Pass percentage  - 80.49%
Commerce - 91.88%
Science - 86.98%
Arts - 79.21%
Vocational - 63.52%
(C.B.S.E)
CHAWNGBAWLA SECTION
1) 1) Jonathan Lalropuia S/o Lalzuiliana II

Vawksa

| 0 comments ]

- Dr.Thangchungnunga.MS.(Ortho)
Vawksa hi hmanlai, kan pipute hun aṭang tawha sa tui leh pawimawhna ngah tak a ni a. Tunlaiah pawh kan sa tui tih ber chu a la niin a lang. Hmanlai chuan an ei khât a, a ṭhat lohna pawh a lang lem lo a ni ang. Chutih laiin rulhutpui (Tape Worm) an neih phah thung a. Vawk bawl kan tih pawh hi he rulhutpui tui awm khawm hi a ni.
Tunlai ṭhalaite phei chuan vawk bawl tih ṭawngkam pawh an hre tawh meuh lo a nih hi kan Vety. Dept. zarah. Chutih rualin, vawksa thianghlim kan ei a, kan ei tam leh lutuk si a. Thau rau rauah chuan vawksa hi, thau chhe ber, cholesterol ṭha lo tamna a lo ni leh zel a. A tui kan tia kan ei a nih pawhin, ei chintawk hriat a \ha. Kan changkan zarah vawksa thianghlim chu kan ei ngei mai. Mahse, vawk hri len vanga ei duh loh mai aiin ei loh hrim hrim a hlawk zawk. Zu thianghlim deuh pawh a ṭha chuang lo ang hi a ni mai. 
Min ti thautu leh chak lo tu ni thei khawpin kan ei ṭhin a. Cholesterol ṭha lo chi a tam vang hian stroke, heart attack te kan ngahin BP sang, zunthlum ti chhuaktu a ni fo. Ei chin tawk thiam ang u. Isuan ramhuai a hnawhchhuah te kha vawk kawchhungah an lut a, a hnawhchhuah laia vawk te kha dilah an tla hlum vek. Mahse, vawk dangah an lut zel ngei ang. Adama leh Evi thei ei pawh kan la tuar zel a nih hi.

Ka vei zawng

| 0 comments ]

- Ziakkima Pachuau, Br. YMA Exe Comm
Dawrpui News-ah hian hruaitute ngenna avangin thu eng eng emaw thiam lo tak leh insit takin ka lo ziak ve tawh ṭhin a, hmaichhana fakna \awngkam te kan han dawng ve nawlh nawlh a, a lawmawm ṭhin hle mai. 
Chutih rual erawh chuan sawisel ngai pawh tam tak ka ziak tawhin ka ring a, mi rilru tih nat leh mi ṭhenkhat tana ngaihthlak leh chhiar nuam lo ziah pawh ka nei nual tawhin ka ring a, in mi hriatthiamna ka ngen nawn leh e.
Tun tumah pawh hian hruaitu/chanchinbua mawhphurtute ngenna avangin “Ka vei zawng” \henkhat tlema zawng kan ziak leh rawih mai dawn chu a ni a, in rilrem loh zawngte a awm anih chuan hmaichhanah min hau hrep mai dawn nia.
Chhiat  tawhah : Thihna hi a thleng reng a, ala thleng zel dawn bawk. Mizo kan nih nawmna leh thlamuanthlak em em mai chu chhiat tawhah hian a ni. Vengah chhiat tawk an awmin thlamuantu leh lenpuitu i ni ve ngai em? Nge vengte thlamuanna dawngtu chauh i lo ni zawk! Chhiartute i inzawt theuh teh ang u. A negative zawk hi kan

Chhiatni Fund khawn zawh ani ta

| 0 comments ]

Vengchhunga Chhiatni Fund khawn tur tih chu Section hruaitute’n tlawmngaiin in tina khawnin Branch-ah thehluh fel a ni ta a, chhungkaw 525 aṭangin a lo lut a, chhungtinte leh Section hruaitute chungah Dawrpui Branch Y.M.A. chuan lawmthu a sawi tak meuh a ni.
Section tina luh dan :
Vanapa - Rs. 58,720
Chawngbawla - Rs. 78,850
Taitesena - Rs. 50,450
Total - Rs. 1,88,020
Chhiatni Fund khawn dan Branch  Exe. Committee chuan ti danglamin chhungtinte remchan dan azirin thawh theih zat tur thlan tur a siam a, chhungkaw 525 tena kan thawh dan tlangpui chu hetiang hi a ni e :-
Rs. 300 - 193 Rs. 250 - 13
Rs. 200 - 152 Rs. 1500 - 2
Rs. 500 - 139 Rs. 700 - 2
Rs. 1000 - 19         Rs. 2000 / 600 / 400 / 350 / 220 - 1 ṭheuh

Kumpuan hawn leh Infuihtharna 2018

| 0 comments ]

Dawrpui Branch YMA chuan Kumpuan hawnna leh Infuihtharna chu Ni 08.05.2018 Zan dar 7:30 khan ropui taka hman niin veng chhung mite pawh an kal \ha thawkhat hle a. Kumpuan Chairman Pu Lalrammuana chuan hun hmang in Kumpuan hawnna programme \an ani a. Nl. Lalrindiki, Treasurer Vanapa Section chuan Bible chhiara \awng\aiin Kumpuan hawnna programme Pathian hnenah a hlan. Kan branch President-in a kal zawng zawng te lawmna hun hmangin Kumpuan hawng tura kan sawm C.YMA General Secretary Tv. Lalhmachhuana leh CEC sawm pakhat (11) te, veng chhung NGO hrang hrang leh Local council a\anga lo kal te din tirin lawmna thu a sawi, zaihona hun te kan

2018 HSLC Result

[ 08 May, 2018 | 0 comments ]

CHAWNGBAWLA SECTION
1) Ruthi Lalbiaknungi D/o Lalchhandami III
2) Rinhlupuia S/o H. Lalnuntluanga II
3) Timothy Rinawma S/o C. Lalthlamuana I
4) Lalhruaitluanga S/o Chawngsangliana I
5) C. Lalpekhlui D/o Lalmuanzuala (L)     I (L in Sc & SS)
6) Lalrochhana S/o Lalthanpuia I
7) F. Lalnunsangi D/o F. Vanlalhruaii I
8) Hmangaihropuii D/o Zoliana II
9) Zorinpuia C/o Vanlalbuki III
10) H. Vanlalmawia S/o H. Vanhlupuia I
11) Lalnunsiami D/o Ramherliani II
12) Carla Vanlallawmzuali D/o Alex Vanhmingpuia  Distn
13) Lalnunpuii D/o Lalromawia I (L in IT)
14) Rebecca Vanlalmawlsawmi D/o C. Lalbuanga II (L in E)
15) Laldinsangi D/o Laltanpuia (L)   I (L in E, SS)

TAITESENA SECTION
1) V. Malsawmdawngkima   S/o VL Chhandama I

VANAPA SECTION
1) Stephanie Zothanpuii D/o Lalnunmawia Distn (L in E, M, Sc, SS)
2) Ruth Lalzemawii D/o John Hauhnar      Distn (L in M, SS)
3) Amos Lalruatfela S/o Zalawma I
4) Sabastian Lalhmangaiha S/o Jason Lalrintluanga (L)  II
5) Lalrinhlua S/o P.C. Lianpara I
6) Vanlalhlimpuii D/o Vanneia III
CLASS X (C.B.S.E)
CHAWNGBAWLA SECTION
1) Malsawmdawngzeli D/o Lalruatdika Distn. (L in Eng,Maths,SS)
2) Hmingthanpuia C/o Vanlalrengpuia I  (L in Eng,SS)

 VANAPA SECTION
1) Vanchhuangpuii D/o F. Lalfakzuala Distn (L in Socio, Pol.Sc, Geog)
2) Aaron C. Lalrinawma S/o C. Lalrinsanga I (Lin SS)