Zodin Multi-level car parking lungphum

13 July, 2018 (Zirtawpni) chhun dar 12:00 khan Canteen kuala Zodin Cinema Hall \hin hmun chu Zodin Multi-Level Car Parking Cum Utility Centre atan UD&PA Minister, Pu Zodintluanga'n a lungphum a phum.

He Lungphum inkhawm hi Dr.C. Vanlalramsanga, Secretary, UD&PA-in a kaihruai a. Er. Laldinsanga Hnamte, Asst. Engineer, UD&PA-in Technical report pe in, a hman \angkai dan turte sawiin, motor parking hi Robotic Car Parking-a kalpui tum a nih thu te, a vaiin motor 200 zet dah a nih theih dawn bakah Auditorium floor hnihah a awm tur thute a sawi. 

Minister Zodintluanga'n thusawiin Dawrpui vengchhunga he thil lo awm tur hi khawtlang tana hlu leh \ha tak, Zoram hmel thar lanna a ni dawn a, Dawrpui khawtlang mipui leh khawtlang hruaituten hnathawh hun chhunga
min vilpui leh min enkawlpui kan ngai dawn a ti a; A bul a\anga a tawp thleng min \awiawm kan beisei a ti.

Tunah hian Geology & Mining Dept lamin a leilung an zir mek a, hna hi thawh \an thuai tum a ni. Dawrpui khawtlang (Vengchhung) in sorkar hmun pawimawh kan la chang zel hi a lawmawm a, mipuite pawhin theihtawpin i \awiawm zel ang u. 

He hun hmanpui tur hian Local Council leh YMA-te sawm an ni a.  Local Council a\angin Pi Zosangzuali, Pu Kapchhunga Pachuau leh Pu K. Lalhmachhuana te an tel.