Dawrpui Contact Sports fighter-te National Submission Grappling khel turin feh chhuak

An event kalna tur hming hi GRIND a ni a, July 28-a khelh tur a ni. Cash award a awm dawn a, India rama grappler ṭhate inlanna hun tur a ni. Grappling bakah fitness tournament hrang hrang a awm nghal ang. Heng fighter paruk te hi Dawrpui Contact Sports (DCS) member an ni a;  DCS President Pu Lalhlimpuia Khiangte chuan DCS aiawhin duhsakna a hlan a, DCS hian a sponsor nghal a ni. Uluk takin DCS training center SPES Gym, Dawrpuiah MISMA technical chairman Samuel Lalrozama leh coach Zorellianate hnuaiah training an nei a ni.

MISMA President Pu Lalṭhakima pawhin sponsor te chungah lawm thu a sawi bakah BJJ hi MMA nena inkaihhnhawih tlat a nih angin grappling leh MMA lama Mizoram mai ni lova India ram aiawha khel thei zel tura taima turin a fuih a, MISMA chuan hma lakpui zel a tum thu a sawi.