The Leprosy Mission Choir

[ 31 January, 2009 | 0 comments ]

Dawrpui veng thalai atangin heng mi pathum (3) te hi The Leprosy Mission Choir 2009 member atan lak thar an ni a, kan chhuang takzet a, zaia an rawngbawlna turah duhsakna sang ber kan hlan e.

  1. Nl. Vanlaldiki Sailo (SA)
  2. Tv. Nelson Lalthanpuia (SA)
  3. Tv. Dr. Zothansanga (Pres)

Bial KTP Conf. Vawi 52-na

[ 26 January, 2009 | 5 comments ]

Dawrpui Pastor Bial KTP Conference Vawi 52-na chu tluang takin Zarkawt Kohhran Bial inah zawh fel ani ta a. Thupuiah ‘Kohhran’ tih chu then 4-a thenin Bial OB ten an insawi chhawk a. Inrinni (24 Jan) khan rorelna neiin, agenda 9 awm zinga agenda 3-te chu tum thuhmun anga ngaihin khaikhawm a ni a.
Agenda 7 zinga 5-te chu khawmpui hian a passed a, chungte chu :-
1] Kum 2009 chhung hian Bial huapin Bible Exam neih ni rawh se. (Dawrpui)
2] Bial KTP-in Biak ina awm dan tur (Church ethics) inzirtirna buatsaih rawh se. (Dawrpui)
3] Bial KTP hmingin Ramthar Field tlawh ni rawh se. (Saron)
4] Kum 2009 chhungin Agape Home-a Bial KTP in Basetball court tur kut a thlak tawh hi chhunzawm zel ni rawh se. (Saron, Zarkawt, Bial KTP)
5] Kum 2009 atana Bial KTP budget Rs. 1,55,000/-

Thlalak tam zawk en duh hetah tan click rawh:
Kum 2009-2010 atana Bial OB tur thlan chhuahte chu :-
Leader - Pu Lalrohlua (Saron)
Asst. Leader - Pu Lalhmangaiha (Zarkawt)
Secretary - Pu Lalthlanga (Dawrpui)
Asst. Secretary - Pu H. Lalruatkima (Saron)
Treasurer - Pu Zothlamuana (Zarkawt)
Finance Secy. - Pu Lalbiakdika (Dawrpui)

Dream (Mumang..?)

[ 25 January, 2009 | 1 comments ]

Khawvela hausa ber tia hriatlar thin Bill Gates-a chuan thumal ‘Dream’ a hrilhfiah dan chu- ‘Dream’ chu kan muthilh laia kan thil hmuh hi nilovin min muthilh tir theilo tu hi a ni zawk e a ti.

Doctor leh mithiamte chuan mumang (dream) kan neih chuan kan la muhil lo a ni an ti bawk. Nangpawh i thil lo ‘dream’ thinte kha muhil chunga hmuh i tum nge hlawhtlin phahnan i hmang dawn?

I Hre Tawh Em?

| 2 comments ]

* Remsangpuii, Khatla chuan April 2, 1974 atang khan Driving licence a nei a, Mizo hmeichhe zinga Driving licence nei hmasaber a ni.

* Mizo, mahni puala motor nei hmasaber chu Pachhunga leh Hmingliana, Dawrpui Veng te an ni.

* Mizo zinga Mechanic hmasaber chu Vanbuka, Dawrpui Veng a ni.

* Darmawii chu kum 1944 khan Pope in mal a sawm a, mizo zinga Pope malsawmna dawng hmasaber a ni.

* S. Lianngaia chu November 19, 1980 khan a kal (kidney) thlak a ni a, mizo zinga kal (kidney) thlak hmasakber a ni.

* Lamsuaka leh Chala te chu Ralleng thi zuar pahnih an suama an thah avangin kum 1900 khan Jail hlui (tuna Jail Veng leilawn bul) ah khaihlum an ni a, mizo zinga khaihlum hmasakber an ni.

* James Lalsangpuia lehkhabu ziak ‘Ka Suangtuah Ram’ tih chu kum 1994 khan tihchhuah a ni a, hetih lai hian a ziaktu hi kum 12 mi a ni a, mizo zinga lehkhabu ziaktu naupangber a ni.

TUALCHHUNG NEWS (25 Jan, 09)

| 0 comments ]

Damlo :
* Pi K. Zothanpuii W/o Lalbiakkima (L) Jail veng chu in check up turin naktuk Thawhtanni hian Kolkata ah a kal dawn.
* Pi PC. Lalhliri W/o R. Dotinaia Jail veng chu Mumbai-ah hlawtling taka zai a nih hnuin a lo haw leh ta.
Kal dawn :
* Nl. Lalremruati Khiangte D/o Ngurbiaki (L) Jail veng chu hun engemaw chen damlohna leh thihna avanga a chawlh hnuin YWAM hnuaiah Missionary hna zawm leh turin Jan. 29, 2009 hian a kal leh dawn ta.
Pem thar : Heng mi te hi Dawrpui vengah an lo pem lut a, khua leh tui tha tak an nih zui zel kan beisei.
1. Lalkhumtiri, Chanmari atangin
2. C. Vanlallawma, Sialsuk atangin
Puan pe : Pu H. Malsawma, VCP-te chhungkua chuan atula hman atan puan engemawzat Branch YMA an pe.
Branch Aiawh : Electoral Roll Hearing neihnaah kan Branch YMA aiawhin Pu H. Dingluaia, Treasurer chu Jan 22, 2009 (Ningani) khan Dawrpui School- ah a tel.
Vengchhung Duty :
Khawtlang Duty pawh nikum lamte en chuan kan tha thawkhat viau thin a, a lawmawm hle a ni. Kuminah pawh hian hruaitu tharte chuan vengchhung then thianghlim kawngah nasa zawka hmalak dan ngaihtuah nise tih chu an thu hmasa lam a ni.
Vengchhung mi emaw veng pawnlam mi emaw pawh nise hnawksak leh awmeu deuhte chu hruaitute hnenah thlen thin turin khawtlang mipuite an chah nghal bawk a ni.
VC News :
* Tunlai hian VC-ten veng chhung bawlhhlawh leh tuihawk luankawra bawlhhlawh tang an thianfai mek a, karlehah ABC Godown bul luikawr pawh hi thenfai tum a ni.
* Thana kawt, Millenium hungna bula Trailer bul vela bawlhhlawh chhek khawm pawh thenfai mek a ni. Mi thenkhatten In sakna leivung nawi leh Brick-te an lo paih thin a, hetiang hi paih phal a ni lo. A paihtu hria leh hmu chuan khawtlang hruaitute hnenah report zel tur a ni.
* Tun kar khan sum tam tak sengin Street Light leh Mike chhia siam a ni bawk. Thana kawt Step chho en turin Street Light vuah thar a ni bawk.
* Dawrpui Veng chhunga lo awm tur reng rengin Pem Lehkha VC leh YMA hnen ami an rawn nei ngei ngei tur a ni. Pem Lehkha nei pawh VC leh YMA tena an pawm loh chu mi tumahin In luah tir loh tur a ni e. Luah luih tirte chu chhiat that thu-ah Khawtlangin mawh a phur lovang.

MHIP Hruaitu tharte

[ 24 January, 2009 | 0 comments ]

MHP, Dawrpui Branch te chuan Jan 22, 2009 (Ningani) khan Dawrpui School Hall- ah kum 2009 chhung atana an hruaitu tur an thlang a, heng mite hi an ni.
  • President - Pi Lalthakimi
  • Vice President - Pi Zosangzuali
  • Secretary - Pi Lalrengpuii
  • Asst. Secretary - Pi Tlangthankhumi
  • Treasurer - Pi Vanlalhriati
  • Fin. Secretary - Pi Tlanghmingthangi

THIL BÂWK

[ 22 January, 2009 | 0 comments ]

- Dr. Thangchungnunga, M.S. (Ortho)
Tunah chuan kan changkang tawh viau a, lehkhabu atangte in kan in chhiar chho ve zela. Medical thilah chuan hre ve riai ruau hi an hlauhawm, natna kai mai/nei mai tur emaw anga in ngaia, rilru hah an tam hle.

Hei vang hian thil bawk zawng zawng hi a hlauhawm lo a. A bawkna laia zir te in awmzia a nei vek a. Chutih laia cancer nei a inhria emaw nei mai thei anga in ngai rilru hah, kum 10 hnu velah cancer thei ngang lo pawh ka hria.

Chuvang chuan thil taksa a bawk nghawng leh khabe hnuai leh hnute te chu ngaihven a tul a ni. Ngaihsak loh lutuk pawh a dik chuang lova. Thil bawk tih takah chuan heng - khuavang chhianchhiahte, singsihlip te ang hi tih reh tum lo, tih chingpen te hi cancer-ah a inlet duh bawk a, chuvangin kan taksa a thil bawk hi chu mahni rilrua a hlauhawm leh hlauhawm loh chu common sense in a hriat theih, Pathian hian kan taksa enkawl dan tur hi chu kan rilruah hian a lo dah vek sa tawh a, kan changkan ang zel hian kan rilru leh taksa a changkân a ngai a ni.

Rilru a cancer a i inhriat tlat chuan i taksa (thluak) khan cancer na lai tur a zawng char char a, an cancer nge nge thin. A pawimawh ber chu, zuk leh hmuam ciggarette, vaihlo, khaini, sahdah leh kuhva te hi kan nghei a hun ta. Kohhran a rawngbawltu te phei chu an fihlim ngei tur a ni. Hemi tur hian tan ila sauh sauh ang u.

Pastor R. Vanlalnghaka dahngheh

[ 19 January, 2009 | 0 comments ]

Nimin 18th January, 2008 kha Mizoram Presbyterian Kohhran hmun hrang hrangah Pastor/Pro. Pastor lawmluhna (Induction Service) chawhnu inkhawmah neih a ni a. Dawrpui Bial-ah pawh term 5 (kum 5) awm turin Thenzawl Pastor Bial atangin Rev.R. Vanlalnghaka chu Dawrpui Kohhran Biak inah Rev. H. Zalawma'n a dahnghet. Pastor thar hian nupui leh fanu 2 a nei a, 15th Jan., atang khan Quarter an rawn luah tan tawh a ni.

Mizoram Presbyterian Kohhran hmun hrang hranga Pastor/Pro. Pastor lawmluh tur zat :-
1) Pastor Bial thar vawng tur - 29
2) Pro. Pastor - 20
3) Mashihi Sangati Pastor (Non-Mizo) - 5
Thlalak tam zawk en duh tan - Hetah click rawh (Camera Rca)

Dawrpui Kohhran Hnatlang

[ 18 January, 2009 | 0 comments ]

Dawrpui Kohhran Sunday School chung chhun hnatlang

Nl. Sangteii an Chawimawi

[ 17 January, 2009 | 1 comments ]

Nl. Lalrinsangi d/o Lalsangliana Jail Veng (T. Sect) chu khawtlang leh Kohhrana tlawmngai taka a thawhna leh a inpekna ropui an tih em avangin MHIP - Jail Veng/Upper Bazar Group-te chuan Chawimawina Thuziak (frame) leh Rs. 1,000/- an hlan.

MHIP, Jail Veng/Upper Bazar Group-te'n kan veng nula tlawmngai leh fel nia an hriat Chawimawina chang an hria hi a ropui a, an fakawm ngawt mai. Mi tumahin an thik phak loh khawpa Kohhran leh khawtlanga mi tlawmngai fal a ni reng a ni. Hetiang dawng thei tur hian thalai zawng zawngten tan thar i han la teh ang u. Chawimawi phu Chawimawi hi i hreh lo ang u.

Branch YMA Section Hruaitute

| 0 comments ]

Kum 2009 chhung atana Section hrang hrang Leader leh Secretary tur ahnuaia mi ang hian ruat an ni.
Anni hian Section huamchhunga an thawhpui turte chu Branch Executive Committee- ah an thlan ang.
Chawngbawla Section
Leader - Pu P.C Zohmingthanga
Secretary - Pu David Remruat Coylam
Taitesena Section
Leader - Pu Remsiama
Secretary - Pu H. Lalchhanhima
Vanapa Section
Leader - Pu Lianzama Pachuau
Secretary - Pu Lalnunmawia
Section hmalakna te a chak lehzual theihnan Section huamchhung theuha member- te tawiawmna an ngen nghal e.

MHCHP Hruaitute

| 0 comments ]

Mizo Hnamro Chawisang Pawl (MHCHP), Dawrpui te chuan Jan 15, 2009 (Ningani) zan khan kum 2009 chhung atana an hruaitu tur an thlang a, heng mite hi an ni.
  • President - Dr. SR Zonunthara
  • Vice President - Pu Lalhmuakliana
  • Gen. Secretary - Pu Lalrinliana
  • Secretary - Pu H. Lalchhandama
  • Treasurer - Pu R. Lalrinmawia (RMA)
  • Fin. Secretary - Pu Lalsangliana

Septicaemia

| 0 comments ]

Tunlai hian T.V-ah te, kalkhawmnaah te, mithi an thihchhan ‘Septicaemia’ tia ziah leh sawi a tam mai a. Hei hi kan hmang hlen ang tih a hlauhawm hle. Natna a ni lova, ‘Septic’ leh ‘aemia’ thumalte hi Latin tawng atanga lak an ni a, ‘Septic’ tih chu natna tihna a ni a, ‘aemia’ chu thisen tihna a ni mai a. Mizo tawng chuan ‘thisen a natna hrik/natna kalkual/awm khat tlat’ tihna a ni. Eng natna/hrik nge tih a sawi lo.

Miin Septicaemia a neih avangin hritlang te, pneumonia te, Kal infection te, thluaka khawsikpui lut te, vun leh taksa a pan/hnai rawn la vak te, heng arngeng, khawihli te/pui chi hrang hrangte pawh hi hetiang Septicaemia avanga lo awm hi an ni ber a. Chuvangin a taksa khan immunity/resistance a neih that loh chuan kan sawi tak ang khan, pneumonia, rilphir na, tonsil na, thluaka khawsikpui lut (Meningitis) kan tih ang te hi a rawn siam ta thin a ni. A nihna takah chuan thihchhanah ‘Sepicaemia’ tih a nih chuan accident vanga thi a ni lo tih bak sawifiah a neilo.

Tin, T.V-ah te kan hmu fo a, tar/upa tawh kum 80-90 chin tar thi kan tih ang ho hi ‘tar thi’ tia ziah ve mai a tha, ‘Awmlai’ te an han tikual vel a. Awmlai chu mitthi/thi tep thlengin a huam a. Chuvang reng chuan a ni, Pu Rokunga pawhin ‘Awmlai vei leh lusun fate...’ tia a lo phuah daih tawh ni. Tar thi tih hi a lang ropui zawk reng rengin ka hria, a dam rei hle a ni tih, zawh kher ngai lovin a chiangsa a, tlan pah pawhin a thihchhan leh a kum awm vel a rin theih mai a ni.
Kan tawng hi a dik sa tih dikloh hi hlauh hle a tha, a dik tak awmsa ‘nimin zan’ kan ti tlat thin te hi ‘nizan’ han tih mai thin te hi a changkang lo em ni?
- Dr. Thangchungnunga, M.S. (Ortho)

Tv. Lalruatfela kan then ta

| 0 comments ]

Tv. Lalruatfela hi Pu Siamliana leh Pi Rosemi te fapa a ni a, Feb 3, 1994 khan lo piangin a pa hian 1991 khan alo boral san tawh a. Primary School hi Thingsulthliah ah kal thinin, a pa boral hnu hian Pu H. Malsawma hnenah a khawsa ve ta a. Dawrpui Middle School-ah zir zawmin. Thingsulthliah-ah bawk a nu hnenah a khawsa leh a. Kum 2004 khan vanduaithlak takin a nu hian a boral san leh ta a ni.

Ruihtheih thil avangin harsatna nasa tak a tawk a, a taksa pawh a tichhe nasa hle a ni. Pu H. Malsawma hnenah bawk let lehin a natnate pawh uluk takin enkawl a ni a, in lamah a tul apiang a thawk ve mai a. Thlanlaihte pawh a ti ve hram hram thin. Rescue Home leh AMRO-ah te enkawl a ni a, a that tawh viau laiin hun engemaw chen atang khan ruihtheih thilin a tibuai leh a, a natna dam tawha ngaih alo chhuak leh a. TB, Thisen sang, Thawhah, Lungna leh Mitliam ten a tlabuak a, Jan 12, 2009 dar 10:15 khan boralin a tukah vuiliam a ni.

2009 Branch YMA OB

| 0 comments ]

Kum 2009 Dawrpui Branch YMA Office Bearer atana thlan chhuah mi 6-te chuan an post tur dt.16 Jan, 2008 (Zirtawpni) khan an insiam fel ta a, hetiangin :-

President - Pu Chhawnkima Pachuau
Vice President - Pu Rosangliana
Secretary - Pu Vanlalbika
Assistant Secretary - Pu VR.Hmachhuana
Treasurer - Pu H.Dingluaia
Financial Secretary - Pu Lalrammuana

AIDS (Acquired Immune Deficiency Syndrome)

[ 16 January, 2009 | 2 comments ]

- Dr. Thangchungnunga, M.S. (Ortho)
Tunah chuan kan changkang tial tial a, naupang te te pawhin Internet hmangin engkim an en mai thei tawh a. A that rualin a that lohna tam tak a awm ve thin. Immune Dificiency hi natna chi hrang hrang kan do/tihhlum theihna tura, thin (liver) -in a siam a ni a. Mawl takin sawi ila, thin hi kan taksa pumpuiah chuan Defence Centre (Pentagon) a ni ber a. Sipai tha leh ralthuam tha ber ber nen a, englai pawh a thawk chhunzawm nghal thei a in ready reng a dah an ni. Kan hriat thiam theih nan T.B venna in kan inchiu a, kan chiu hi T.B hrik tho a ni a, a luh velah taksa in a hlauhawm tih a lo hre nghal a, eng ang a tam pawh lo lut se, do zo tur sipai a siam ta teuh mai a.

Darkar 24 chhung hian India ram angah chuan T.B hrik sang tel hip lut reng anga ngaih kan ni. An lo luh veleh thluak in Thin hnenah T.B hrik an luh a, a rang thei anga hna rawn thawk chhuak turin President Final Order an hmu nghal a. Thin atang chuan F-16, Tomahawk, Apache, Black Hawk rang taka an chhuah ang mai hian an chhuak nghal a. chuap/thisena T.B hrik awm reng reng chu an tihlum nghal zung zung mai a, misual an man ve lo, mahse natna hrik chi hrang a tam em avangin hritlang chi (Virus) pawh sipai tam tak awm mahse lo relhru an awm ve thin a. Heng hian hritlang leh awmnate kan neih phah ve zauh zauh thin a ni. Heng sipai ho hi zu te, drugs te, thil hrang hranga kan tih chhiat/thuanawp chuan an che thei lo thin. Chuvangin, HIV, AIDS a thi te hi TB, Phneumonia, Kawthalo in an thi ber a ni. Sipai a neih loh vang a ni. AIDS ang tho hi a tam mai. Hepetitis B, C te,Cicroshis (Thin sawng) te an awm dan a inang deuh vek a ni.

Warrant tel lovin mi an check thei em?

[ 14 January, 2009 | 0 comments ]

Zawhna : Police leh Excise te hian engemaw rinhlelh thu-ah Warrant tel lovin mi an check thei em?
Chhanna : Warrant tel lova check tur che chuan thil engemaw i tih sual a an rin kha warrant telloa Dan-in check a phal chi a ni tur a ni.
Entirnan : Zu chungchang lo sawi dawn ila, Mizo Liquor Total Prohibition Act, 1995 Sec. 50 (1) chuan Police Excise Officer S.I aia hniam lote chuan Information (hriattirna) an dawn atang leh anmahni in hriatna chiang tak (personal knowledge) neiin Zu (liquor) siamna, hmanrua leh hmunte chu chhunah emaw zanah emaw an check (dap) theiin kawngkhar hial pawh an ti chhe thiang a. Chumi bakah chumi chu Sec. 50 (1)(C) in a phal angin an taksa an dapin an man thei. Sec. 51 of MLTP Act-in a sawi angin khing Sec.50 (1) -a tarlante tan khian Warrant a ngai ve lo a ni.
Chutichuan Dan in a sawi angin thil thenkhat chu rinhlelh thu ah Warrant tello pawhin a dap (check) theih kan ni a, dan tlangpuiin ‘ Cognizable offence’ kan tih ang chi ah hian Warrant tello in Police Officer ten an man thei.

Branch YMA hruaitu thlan zo fel

[ 10 January, 2009 | 0 comments ]

Dawrpui Branch YMA kum 2009 chhunga hruaitu turte chu 8th January 2009 zan khan member ten tluang takin kan thlang fel ta. Official Nomination 15 leh Floor Nomination 3 te atanga thlan chhuahte chu heng mi te hi an ni.
  • Pu Vanlalbika - Vanapa Section
  • Pu Lalrammuana - Chawngbawla Section
  • Pu Rosangliana - Taitesena Section
  • Pu H.Dingluaia - Chawngbawla Section
  • Pu VR.Hmachhuana - Chawngbawla Section
  • Pu Chhawnkima Pachuau -Vanapa Section
Heng thlan tharte leh Kum 2008 a hruaitute chuan tun kar chhung hian Charge an inhlan anga, hruaitu tharte hian an nihna tur an in siam felin Executive Committee Member turte an ruat nghal bawk ang.
Kumin kan inthlan boruak a tha thawkhat a, inthlan buaipui tute an fakawm em em a, engkim felfai takin an kalpui thei a, a lawmawm hle a ni.

Tualchhung Chanchin (11Jan'09)

| 1 comments ]

Damlo : Lalhmangaihzuali d/o Ngurbuanga, Dawrpui South chu Pneumonia natna avangin Green Wood hospital ah enkawl mek a ni.
Boral : * Pi Hmingthangi W/o Lalkhama IAS (Rtd), Zarkawt chu Jan 3, 2009 (Inrinni) khan an chenna in, Babutlang- ah TB vangin a boral. Amah hi Pi Zothansangi, Tresurer MHIP, Dawrpui Branch nu a ni.
*Pu Lalduhawma Zadeng, New Market nau Lalzawmliana (Mazawma) chu Jan 5, 2009 khan Heart Attack vangin Shiilong- ah a boral.
*Pi V.L Muani, New Market fanu Jenny Lalnuntluangi chu an chenna, Khatla vengah Thin thalo avangin Jan 7, 2009 khan a boral
Zin : Pu Lalthlanga chu CKTP programme- in Chawngtlai Branch KTP Golden Jubilee hmanpuiin a thang mek a, kan veng zaithiam pahnih Dr. Zothansanga leh Nl. Lalruathlui ten an tawiawm a ni.
Inthlang : Jan 10, 2009 (Inrinni) khan MUP Dawrpui Unit te chuan Dawrpui School Hall-ah inthlanna an nei a, hetiang hi result a ni:-
President - V. Lalliana
Vice President - B. Darchhinga
Treasurer - Rev. H. Zalawma
(OB post dang chu a tlingte hian 14 Jan hian an ruat belh leh a, hetiangin -)
Secretary - Zadingluaia
Asst. Secy. - V. Lalawia
Financial Secy. - Rev. Lalzara

Duty : Duty pawh chhunzawm zel a la ni a, krismas vuakveta thil chharte pawh a lamtu awmlo chu kawl mek a ni a, a thente chu pek kir leh an ni tawh.
MHIP Thuthar : Dawrpui Branch MHIP te chuan Krismas leh kumthar denchhenin vengchhung mi harsa zual leh Civil Hospital- a damlo harsa zualte hnenah tanpuina a pe a. Kum 80 chunglam te hnenah Card leh thilpek a pe bawk. Heng tanpuina leh thilpek atana an senso zawng zawng chu Rs. 22,000/- a ni.
Dawrpui School : Govt. English Medium P/S Dawrpui chu Model School atan dahthar a ni ta a, naupang mamawh- free text book bakah a dang zawng zawng school uniform te nen vek 50% chu SSA in a rawn tumsak dawn a ni. School luh ni Jan 13, 2008- ah text book hi sem tura peihfel vek a ni tawh a ni. Hetianga Dawrpui school- in hmelthar a hmu ta hi a lawmawm hle a ni.

VC News (11Jan'09)

| 39 comments ]

*Jan 7, 2009 khan Dawrpui VC-te chuan vengchhung an fangkual a, vantlang kawng dala thil zuar leh foothpath-a bungraw dahte chu ti tawhlo turin an hriattir a. Thuawih lova tiluite chu an chungah action lak a ni ang.
*Chhungtinte mahni inkawt zawl leh kawngpuia bawlhhlawhte phiatfai theuh tura ngen leh hriattir an ni.
*Dawrpui School thlang Zun in bang, motor- in a sutchhiat pawh VC hmalakna in siamthat leh tawh a ni bawk.
*Civil Hospital bawlhhlawh paihdan chungchang pawh thuneitu lamte sawipui an ni tawh bawk.

Boruak Inthlak

| 0 comments ]

- Dr. Thangchungnunga, M.S. (Ortho)
Hunpui lian tak tak, boruak inthlak (Weather) hian kan taksa hi a control nasa em em a ni tih kan hre awm e. Chuvang chuan Vai ho phei chuan, kan Lei hi Nu (Mother Earth) an ti a, ni khatah vawi khat tal ke lawngin lei an rap thin. Kei ni pawh hi min control vek a, chuvangin heng thlasik leh thal inthen dawn tep, thal leh fur lai leh thlasik inthen lai vel hian kan taksa hi a danglam nasa a, resistance te a tlem phah a, ruhseh a zual a, Asthma a zual a, a nei lovin an neih thar phah thin. Hmeichhia nise an period te a buai phah viau thei bawk. Chuvangin heng hunpui inthlak hrang hrang hun lai hian inven uluk a tha. Ruhseh te pawh a zual dawn tih hriat a, lo in ralrin ve deuh tur a ni.
Tin, lirthei kan ngah tawh em em a, nau pai thar tir te te Two wheeler leh motor-ah te kan chuang vak vak a, nau pai tan thla khat thla hnih chhung hi fimkhur a ngai zual em em a, nau chhiat a awl hle a ni. Kan kawngte hi nau chhiatna siam thei tawk chauhin a biboh a, hetianga sawt det deta tlan hi naute insiam tirin a huat ber a ni. Chuvangin nau pai thla tir lam hi chu ke a kal tam i tum ang u. Kan fit a ngai bawk si nen. Hunpui inthlak (Weather change) lai te hi nau chhiat a awl bik tih hriat tur.

2008 Branch YMA Report tlangpui

| 0 comments ]

1. YMA Member zat - 1582

2. Executive Committee Member zat - 33
3. Committee neih zat - Vawi 9
4. Section zat - 3 (Vanapa, Taitesena, Chawngbawla)
5. Pu Zothanliana hriatreng nan Computer Set Pi thangliani tumin lei a ni.
6. Central YMA buatsaih Tournament hrang hrangah tel ve a ni.
7. Bazar Bungkawn-a YMA building chu RCC a sak zawh fel a ni a, a hnuai dawra hmangin a chung chu Information Centre atana hman nghal a ni.
8. Central YMA buatsaih YMA Chanchinbu tha intihsiaknaah kan chanchinbu hi tel vein 8-na kan ni.
9. Mizoram pum huap YMA Branch Zaipawl Intihsiakah tel vein Top 10-ah kan lang pha.
10. YMA General Conference Serchhip-a neihah kan branch aiawhin member 41 kan kal a, Zaipawl tha tak kan nei.
11. October ni 4 khan Branch Rising Day chu Ruai nen ropui taka hman a ni.
12. Kum 2008 chhungin kan veng mi 18 ten chatuan ram min pan san a, ruang thawnchhuah 6 a awm bawk.