Dawrpui Kohhran din dan
DAWRPUI VENG CHANCHIN 1991 :
Kum 1918 aṭang hian, Kohhran tiin invuah lo mah se, an lo ding ṭanin inkhawmnate pawh awmze neiin an nei ṭan a ni. Kohhran anga mumal deuhva an inphuahna chu, 1919 January ni 11 niin a lang. Dawrpui Kohhran Jubilee pawh, 1944 January ni 11 khan an lo lawm tawh a ni.
(2) Biak In a awm tan : Kum 1920 chuan Pu Chhotelal Seth-a Bawng In chu an chei ṭha a, an phiat fai a, inkhawm nan Biak Inah an hmang ṭan ta a. Zirna In (Sikul) hran a awm lo bawka, Sikulah an hmang nghal bawk. Bawng Ina inkhawm reng chu ṭha an ti ta lo va; Biak In sak an rel ta a. Pu L. Chawimawia Inhmun, Saron Venga
mi-ah hian Biak In an sa ta a. Kum 1922 khan Biak In thar chu an hawng a, hlim takin an luah ta a ni. Biak In tak tak an neih hma kha chuan Kohhran ang tak tak pawh an la ni pha chiah lo va, tuna Biak In an lo neih takah chuan Kohhrana pawm an lo ni ta a, "Dawrpui Kohhran," tih an lo ni ta a ni.Upa Laihnuna chu 1922 khan Upa-a nemngheh a ni a, Pu Thangvunga chu 1923 khan nemngheh a ni leh a, Pu Pachhunga pawh 1924 khan Upa-a nemngheh a lo ni leh a, Rev. Thanga chu 1926 a\ang khan Dawrpui Pastor a lo ni ta bawk.
(3) Biak In thar : Upa Laihnuna te, Upa Thangvunga te, Upa Pachhunga te leh Rev. Thanga leh mi dang \hahnemngaite'n Biak In \ha deuh, hmun \ha leh rem zawka din an duh hle a. Pu Mena hovin an bei zel a. Perry Sap chu Bawrhsap a nih laiin, tuna Dawrpui Biak In hmun hi an hmu ta a ni. Zu zawrhna leh Rakzu thlawrna hmun a ni a; chutianga Setana Workshop lo ni tawh chu Pathianin a hming lamna hmun atan a lo buatsaih ta a ni. A mak thin hle mai! A tirah chuan a zawl zau vak lo va. Kohhranhote'n hnatlangin chhunah leh zanahte an lai a. Nasa taka an thawh hnu chuan, Biak In sak theihna zawl zau \ha tak a lo awm thei ta a ni.
Pu Mena hian \hahnem a ngai hle a, sapramah kut a zu dawh a, £ 400/- lai a rawn hawn a ni. Tunlai ni sela, cheng \hahnem tham tak a ni awm e. Hetih hun lai atan chuan hlu tham tak a ni. Hemi zinga £300/-hi Abrystwyth khuaa Tabernacle Kohhran pek a ni a, £ 100/- dang chu London-a Welsh Presbyterian Kohhran Jewin an tih Naupangho rawn pek a ni. Heng hriatrengna hi, Dawrpui Biak In Pulpit hnung lamah hmuh theihin a la awm a ni.
Kum 1928-ah Pu Mena awm lai hian Biak In sak hi \an a ni a. A sa tur hian Missionary Sap Engineer Pu Niara a lo chhuak hlauh mai a. Ani ruahman leh remruatna hmang chuan sak a ni ta a ni. Kum 2 lai sak a ni a. Hetih hun lai chuan Mizorama Biak In lian leh \ha ber pawl a ni. Kum 1931 June ni 28 khan, zaipawl mawi tak nen ropui taka hawn a ni. Kohhran a lo \hang zel a, mihring lawi khawm an lo pung zel a, Biak In chuan a lo dawng zo ta mang lo va. Tichuan, Biak In chu zauh leh siam \hat a lo ni chho ta zel a, tunah chuan a hmel pawh nasa takin a lo danglam ta a ni. Biak In hnung lam Vestry hi 1956-a sak zawm a ni.
(4) Upa leh Pastor-te : Dawrpui Kohhran Upate, thlan an nih kum leh an hun chhung hetiang a ni : (as on 2022 Aug)
1) Upa Laihnuna 1922-1975
2) Upa Thangvunga 1923-1964
3) Upa Pachhunga 1924-1958
4) Upa Rochhunga 1948-1949
5) Upa K.T. Dawla 1948-1974
6) Upa Satthuama 1952-1965 (Veng dangah insawn)
7) Upa Lalchungnunga 1963 - 1992
8)Upa Lalhmingthanga 1964-1977
9) Upa Lalsanga 1964-1992
10) Upa Rokamlova 1970-2020
11) Upa Lalrinliana 1972-1978
12) Upa Rohmingthanga 1978-2005
13) Upa Lalbiaktluanga 1979-
14) Upa Tlangchhunga 1983-1992
15) Upa R. Biakhluna 1983-1992
16) Upa Dr. Lalchungnunga 1987-1992
17) Upa Mankunga 1990-201418) Upa C. Lalkima 1990-199219) Upa Dr. R Lalzauva 1993-20) Upa R. Zodingliana 1993-21) Upa R. Englaia 1994-202022) Upa Zosangzuala 1994-23) Upa Dr. C. Zarzoliana 2003-24) Upa F. Lalfakzuala 2003-25) Upa Lalthlanga 2012-26) Upa Lalbiakdika 2016-27) Upa Lalthanhawla 2016-
Upa Thathrima, Mission Veng a\angin 1924 khan a lo pêm phei a. Amah hi Mission Venga Upaa thlan tlin a ni a, Dawrpuia Upa dangte nen rawng an bawl ho \an chauh va, Dawrpui Kohhrana Upaa thlan tlin a nih hma-in, 1925 khan a boral ta hlauh a ni.
Mihring an lo pun angin Kohhran member-te pawh an lo pung chho ve zel a. Tichuan, 1926 a\ang khan, awptu Pastor an lo nei ve ta a. Rev. Thanga chu a hmasa ber atan Dawrpui Pastor-ah an rawn dah ta a ni. Pastor naupang tê ni mah se, a thlaraumiin, a inpekna a thuk em em a. Pathian pawhin a rawngbawlna nasa takin a chawimawi a ni. Kum 33 chhung zet Dawrpui Kohhran a enkawl a, a rawngbawlna pawh a hlawhtling hle a ni. Dawrpui Kohhran a chhuahsan dawna amah an thlahnaah chuan, "Dawrpui Pastor-a thih ka tum a; he leiah chauh pawh a ni lo, Vanram thlengin Dawrpui Pastor nih ka tum a ni,” tiin a sawi a ni. Hemi hnu hian, 1962-67 chhung khan Dawrpui Kohhranah a lo awm leh a, Dawrpui Pastor-a \ang rei ber a ni. Dawrpui Pastor-te, an indawt dan leh an hun chhungte hetiang a ni : (as on 2022 Aug)
1) Rev. Thanga 1926-1958
2) Rev. Saiaithanga 1958-1962
3) Rev. Thanga 1962-1967
4) Rev. Thansiama 1968-1969
5) Rev. C. Ronghinga 1969-1973
6) Rev. R. Lianbuanga 1973-1985
7) Rev. Lalchhuanliana 1986-19888) Rev. R. Lalthanmawia 1990-19919) Rev. K. Lalzuala 1992-199610) Rev. Lal Rinmawia 199711) Rev. Challianngura 1998-200012) Rev. H. Zalawma 2001-200313) Rev. Mangchhuana Sailo 200414) Rev. Rualkhuma 2005-200715) Rev. Vanlalchhunga 200816) Rev. R. Vanlalnghaka 2009-201317) Rev. C. Zorammawia 2014-201518) Rev. R. Lalchangliana 2016-201919) Rev. F. Lalhmingthanga 2020-
Kum 1974 leh 1989 hian, Venghlui Pastor Rev. Lalthanga leh Rev. Lalruma-te'n an hmui a ni.
(5) Missionary, Dawrpui Bialtu : Tun hmaa Welsh Missionary-te chu pahnih an ni deuh ber \hin a. A junior zawk apiang hian Dawrpui Kohhran hi an rawn enkawl deuh bik \hin a ni. Chu vangin, Dawrpui Mission Sap an ti mai \hin a ni. Dawrpui Mission Sapte chu, a indawtin hetiang hi an ni :
1) Sandi Sap (F.J. Sandy) 1923 hma lam
2) Rev. E.L. Mendus, B.A. 1923-1926 (ani hi 1944 thleng a awm)
3) Rev. G. Jones 1927-1928 (Haflong-ah sawn a ni)
4) Rev. W.H. William 1928-1932
5) Rev. D. Edwards, B.A. 1933-1937 (1942 thleng a awm)
6) Rev. Samuel Davies, B.A. 1937-1942 (thlarau-mi tak a ni)
7) Rev. Basil Jones, B.A., B.D. 1942-1944 (Education a enkawl ber)
8) Rev. J.M. Lloyd, B.A., B.D. 1945-1949 (Mizo High School tuna Gov't Higher Secondary School lo ni ta Headmaster-in 1949 thleng a thawk)
(6) Sande Sikul leh Zaipawl : Dawrpui Kohhranah hian, 1928 a\angin Sande Sikul neih \an a ni a, puitling leh naupangte \hen hrang lovin, a huhova neih vek a ni. Kum 1935 a\angin, Puitling leh Naupang Department-a \hen a ni. Upa K.T. Dawla chuan 1935 a\angin naupang lam a kaihruai a, 1962 thlengin a kaihruai a ni; Pu Rualkhuma'n a \anpui reng \hin. Kum 1962 khan Senior Department hi siam a lo ni ve leh ta bawk.
Kum 1926 khan Zaipawl neih a ni tawh a. Hetih laia kaihruaitu chu Pu Thanghrima (Zirtirtu hmasa ber) leh Pu Dara-te an ni. Kum 1927 lamah Pu Rokunga leh Pu Kevichusa-te'n Zaipawl an kaihruai ve leh a ni. Hun pawimawha han zai tur ZAIPAWL chu awm bawk \hin mah se, 1939 hma lam kha chuan, Kohhran Zaipawl ti-a vuah tlak din a ni lem lo niin a lang. Heng hun lai hian Pu Lalsiama chu hla lama Kohhran kaihruaitu a ni \hin. Kum 1939 khan Pu Leta (Pastor Nikhama nau) chu hla lama hruaitu niin, KOHHRAN ZAIPAWL ti-a vuah tlak din a lo ni ta a ni. Pu Leta hnu-ah hian Pu Challeta'n Zaipawl chu a kaihruai ve leh a. Kum 10 zet a kaihhruai hnu-ah Pu Vanmawia’n a kaihruai ve leh a. Kum 1966 vel a\ang khan Pu Hrangzika'n zaipawl leh inkhawm hla hruaina chu a rawn chang ve leh a. Hemi hnu-ah hian, Pu C.L. Thanga leh mi dangte'n an kaihruai ta zel a ni. Kum 1941 leh 1942-te khan, ropui takin Krismas Carol te an lo nei tawh \hin a ni.
(7) Finance Committee : Kohhran a lo \hangin sum pawh a lo pung zel a. Fel zawka pawisa khawih theih nan mawhphurtu neih \ulna a lo awm ta a. Ni 4.6.1962 khan, Pu Lalchungnunga (Upa ni ta) In-a Kohhran Committee chuan, Finance Committee din a rel ta a ni. Finance Committee chu din a ni ta a. Tun thlengin sum leh pai lama hmanraw \angkai tak a ni chho ta a ni. Kohhran Upa leh Pastor hna pawh nasa takin a chhawk zâng a ni.
(8) Ramthar Committee : Dawrpui Kohhran chu Pathian hruainain a lo ngelnghet zel a. Kohhran insawhnghehna leh rawngbawlna pangngai mai chu tawk ti lovin, Ramthar Rawngbawlna lam a lo hawi ta a. Kum. 1986 a\ang khan RAMTHAR COMMITTEE din a lo ni ta a ni. He Committee hian Thawhlawm Bawm hran RAMTHAR SPECIAL-te siamin, Ramthar tan chak tak leh phûr takin hma a la chho ta a ni.
(9) Fa paruk a hring : Kum 1920 vela Bawng In phiat faia inkhawm lai te ngaihtuah chuan, tuna Dawrpui Kohhran chu a ropui ta ngei mai. Pathianin a kaihhruaizia a lang chiang hle a ni. Khawtlang nun kaihhruaina kawngah leh Chanchin |ha rawngbawlna kawnga Pathian hruainaa a hnathawh ropuizia hi sawi sen a ni lo vang. Fa \ha tak tak hringin, Dawrpui Kohhran a\ang hian Kohhran lian pui pui 6 a lo piang chhuak tawh a ni. A fa hrin tawhte chu hengte hi an ni :
1) Dawrpui Vengthar Kohhran Kum 1955-ah
2) Chanmari Kohhran Kum 1957-ah
3) Chhinga Veng Kohhran Kum 1962-ah
4) Electric Veng Kohhran Kum 1965-ah
5) Saron Veng Kohhran Kum 1966-ah
6) Zarkawt Kohhran Kum 1992-ah
(10) Kohhran Hmeichhiate Rawngbawina : Dawrpui Kohhranah hian Kohhran Hmeichhiate rawngbawlna hi sawi hmaih chi a ni lo vang. Kum 1962 a\ang khan, Dawrpui Kohhran Kohhran Hmeichhe Committee a lo ding \an tawh a. Committee Member hmasate chu :- Pi Neihi, Pi Laichani leh Pi Daii-te an ni. Pi Daii hi thlan ngai lova Pathian thlan, tiin Committee-ah dah a ni a; a \hiante pahnih hi thlan an ni. An pathum hian Hmeichhe Inkhawm leh Buhfai\hamte bul an tum a, an lo \an chho a ni. Hetih lai hian, Bible Women Pi Khuangi hian Dawrpui a rawn bial hlauh mai a, nasa takin Kohhran Hmeichhe rawngbawlna chuan hma a sawn phah a ni.
Kohhran Hmeichhiate chu an lo pung ve zel a. Inthlanthatnate an nei a, a chunga kan sawite bakah hian, Pi Sai\huami leh Pi Sibuti an thlan belh leh a. Tichuan, Committee Member panga neiin an lo ngelnghet lehzual ta a ni. Buhfai\ham leh inkhawm bakah, kawng hrang hrangin \an an la a. Inkhawmpui changte hian thingpuite zuarin sum an tuak \hin a, kawng tam takah Kohhranpui pawh an thuam mawiin an tiphuisui a ni. An sum dehchhuah chuan, Biak In Dar atan, Darkhuang leh Dar (pawhrik) an lei a. Pulpit hmaa dawhkan khuhna puan dum an tah bawk.
Kum 1952 khan Committee-ah Pi Malsawmi a lo tel ve leh a, an phûr phahin an phuisui phah hle. Kum 1960-ah Pite Malsawmi, Laichani, Rozingi, Lalliani, Challiani leh Chhingkungi-te thlan thar an ni leh a. Hemi a\ang hian, tunlai Kohhran Hmeichhia, phuisui zawkin a lo \hang chho ta zel a ni.
Khawngaihna In : He Khawngaihna In hi a lo awm chhoh dan hetiang hi a ni: Kum 1965 vel kha a ni ta âwm e, 'Pi Lawmi,' an tih mai, mianglo a awm a. Pi Lalliani (Mrs. Lalhmingthanga (L)-te Inah a awm \hin a. Pi Lalliani hi a fanu-ah a ngai tlat mai a, a ngainain an Inah hian a cheng chawt mai a. Pi Lawmi hi kawl a khirh hle a. Naupangte a hua a, an awmpui hmeichhe dangte a haw bawk si a, an buaipui viau \hin a ni. In saksaka enkawl mai \ha-in an hre ta a. Pu Ch. Saprawnga, CEM a nih laiin, Pi Lalliani chuan tuna New Market bula KHAWNGAIHNA IN hmunah hian In sak a va dil a, a lo phalsak a, Pi Lawmi awmna tur chu an sa ta a ni.
Hun a lo kal zel a, Pi Lalliani chuan Dawrpui Kohhran Hmeichhiate a hlan ta a. Kohhran Hmeichhiate chuan an chhunzawm chho zel a, 1986 khan RCC Building, room 3 neiin an sa ta a, KHAWNGAIHNA IN tiin an vuah ta a ni. He Inah hian Pi Lawmi bakah, Pi Rohmingliani (Kutbûli) te, Pi Zawngruaii te leh Pi Hmingliani te an enkawl a. An mamawh pein, he In hi awmna atan an hmantir a ni. Pi Lawmi chu 1984 khan a thi a. Pi Rohmingliani leh Pi Hmingliani-te an thi tawh bawk. Tunah hian Pi Zawngruaii a la awm a, a chawm nan thla tin Rs. 200.00 an pe a ni.
(11) Kristian Thalai Pawl, Dawrpui Branch : Kum 1954 September 23-26-a KṬP General Conference hmasa ber Mission Venga neihin, Kohhran tinah K|P Branch din tura a lo rel angin; November, 1954 khan Dawrpui Biak Inah KṬP, DAWRPUI branch chu din \an a ni ta a ni. An hruaitu hmasa berte chu heng mite hi an ni :
Chairman : Tv. Vanlalkunga (Zarkawt)
Vice-Chairman : Pu Darthankima (Chhinga Veng).
(Tunah Chanmari Kohhran Upa)
Secretary : Tv. K.L. Hawla (Saron Veng)
Asstt. Secretary : Nl. Thankhumi (Chhinga Veng)
Treasurer : Nl. Rinkimi (Saron Veng)
Heng bakah hian Committee Member 8 an awm bawk a ni. Tin, heta Veng hrang hrangte hi hetih hun lai hi chuan Dawrpui Kohhran vek an la ni.
Dawrpui Branch KṬP hnatlang neih hmasak ber chu Biak In Ceiling hnawih var a ni a. Zan lam K|P inkhawm chu Thawh\an zan, Ninga zan leh Zirtawp zan remchangah neih \hin a ni. KṬP |awngtai Inkhawm neih \an hun leh \an dan a hriat theih tawh chiah loh nain, 1957 June thla vel kha ni awma hriat a ni. Hemi kum June thla hian, Pathianni tlaiah Nl. Zosangi (Mrs. Dr. R.K. Nghakliana) te, Nl. Engzami te leh \hian \henkhat an inkawm khawm a, \awng\airualna te an nei \hin a. Chuta \ang chuan, Pathianni tlai apianga neih an lo rel chhuak ta a ni.
Source : Dawrpui Veng Chanchin published by Dawrpui YMA 1991
Ziaktute - Pu Bualhranga & PC Lianhmingthanga
0 comments »
Leave your response!
Han sawi ve teh le.