MIZORAM PRESBYTERIAN KOHHRAN

(Presbyterian Church of India)

DAWRPUI, AIZAWL

CHHIATNI THATNI-A BIAK IN HMUNHMA LEH BUNGRUA HMAN DAN

LEH

MENDUS CHAPEL HMAN DAN INKAIHHRUAINA

CHHIATNI THATNI A BIAK IN HMUNHMA LEH BUNGRUA HMAN DAN

(Ref. Kohhran Committee Res. No. VI of 03 March, 2026)

Thuhmahruai:

Dawrpui Kohhran Committee-in Inneih lawmna chungchanga 'Kohhran Hall/Choka/Bungbel, etc. hman dan Inkaihhruaina' ni .05th July, 2011-a siam (Thurel No. 6 of 05.07.2011 chu ni 14.01.2020 (Thawhleh zan)-a Kohhran Committee thukhawm chuan enthat tulin a hria a (Thurel No. 8 of 14.01.2020). Tichuan Kohhran Committee ni 04.02.2020 (Thawhleh zan)-a thukhawm chuan Secretary-te lo duan chu Committee thutkhawm leh huna enthat leh atan dahin (Thurel No. 4 of 04.02.2020) Kohhran Committee ni 03.03.2020 Kohhran (Thawhlehni) zana thukhawm chuan a entha leh a, Centenary Hall, Fellowship Hall, Choka, Kohhran bungbel leh hmanruate leh, Biak In hmun hmate chu Inneihna chungchang leh Chhiatni atan a mamawhtute'n an hman theih tura siamin, a thupui pawh 'Chhiatni Thatni a Biak In Hmunhma leh Bungrua Hman Dan', tia thlakin; hei hi March 2020 atanga hman tan tura tih a ni. (Thurel. No 03 of 03.03.2020)

Hun lo kal zelah he Inkaihhruaina hi siamthat ngaite a awm avangin Kohhran Committee chuan hman nghal turin hetiang hian a lo siam tha leh ta a ni. (Thurel No. VI of 03.03.2026)

I. BIAK IN HAWNGA INNEITE TAN

1.     Inneih lawmna ruai buatsaih a nih chuan hman man 2,000/aia tlem lo Kohhran-ah an pe ang. Hemi bakah hian tui 8,000 litres emaw, a man hu pawisa emaw an pe bawk tur a ni a, eirawngbawl-nan L.P. Gas an intum bawk tur a ni. Pawn lam atanga ei tur siam sa (catering) hmanga ruaitheh a nih chuan tui 4,000 litres emaw, a man hu pawisa emaw Kohhranah an pe ang.

2.     Ruai buatsaih lova thingpui chauh buatsaih a nih chuan hman man 1,000/- aia tlem lo Kohhran-ah an pe ang a, L.P. Gas an intum bawk tur a ni.

3.     An sulhnu thenfai ngai awmte felfai takin an thian fai tur a ni a, bawlhhlawh pawh an paih vek tur a ni.

4.     Innei turte lo chawlhlawk nan leh inneih zawha chawlh nan Chawlhbuk hman theih a ni.

II. BIAK IN HAWNG LOVA INNEITE TAN

1. Inneih lawmna ruai buatsaih phal a ni lo va, thingpui nena lawm a nih chuan hman man 1,000/- aia tlem lo Kohhran-ah an pe ang a, L.P. Gas an intum bawk ang.

2. Kohhran choka-a thingpui lum lo va hmun dang atanga lak a nih chuan man chawi a ngai lo vang a, thingpui semna atana mamawhte an hmang thei ang.

3. An sulhnu thenfai ngai awmte felfai takin an thian fai tur a ni a, bawlhhlawh pawh an paih vek tur a ni.

4. Innei turte lo chawlhlawk nan leh inneih zawha chawlh nan Chawlhbuk hman theih a ni.

III. INNEI TUR MAN HLAN LEH THLAH

1. Dawrpui Kohhran mi leh hmun danga Presbyterian Kohhran mi emaw kan Kohhran-in a pawm Kohhran pawl dang mi emaw Biak In hawnga innei tur an awma, inthlahna hmun atan emaw man inhlanna hmun atan emaw, a pahniha tan emawa an hmang duh anih chuan Kohhran Centenary Hall emaw Fellowship Hall emaw hman theih a ni ang.

 2. Ruai buatsaih a nih chuan hman man 1,000/-aia tlem lo a ni ang a, tui 4,000 litres emaw, a man hu pawisa emaw Kohhran-ah an pe ang a, L.P. Gas an in tum bawk ang. Pawn lam atanga ei tur siamsa (catering) hmanga ruai buatsaih a nih chuan hman man pek a ngai lo vang a, tui 2,000 litres emaw a man hu pawisa emaw Kohhran-ah an pe ang. 

3. Ruai buatsaih lova thingpui chauh sem a nih chuan hman man ** 800/- aia tlem lo Kohhran-ah an pe ang a, L.P. Gas an intum bawk ang.

4. An sulhnu felfai takin an kal san tur a ni a, bawlhhlawh pawh an paih vek tur a ni. Chawlhbuk hman theih a ni.

IV. BUNGBEL TIHCHHIAT LEH TIHBO THU

 Biak In bungbel leh hmanrua hmangtute'n an thil hman an tih chhiat emaw, an tih bo emaw chuan a an pui emaw a man hu pawisa emaw Kohhran-ah an pe ang.

V. AIR CONDITION (AC) CHUNGCHANG

 Kohhran Centenary Hall hmangtute'n AC an hman duh. bawk chuan a chunga sawi tak bakah 1,000/- Kohhran-ah an pek belh ang.

VI. CHHIATNI CHUNGCHANG

 1. Dawrpui Kohhran mi emaw, hmun danga Presbyterian Kohhran mi emaw thi vuina hmun atan Kohhran Centenary Hall emaw Fellowship Hall emaw hman theih a ni a, hman man a awm lo vang

 2. Thingpui lumna leh semna bungbel leh tul dangte a thlawnin hman theih a ni a, disposable cup (no) hman a nih chuan anmahni an intum ang.

 3. Tul bikah chuan Chawlhbuk hman theih a ni.

 4. Mitthi ralna: Kan Kohhran mi leh Centenary School-a thawk leh zirlaite leh an chhungte inralna hmun atan Kohhran Centenary Hall emaw Fellowship Hall emaw hman theih a ni ang. Choka leh thingpui buatsaihna atan bungbel leh hmanruate hman'phal a ni a, disposable cup (no) leh plate (thleng) hman a nih chuan anmahni an intum ang.

VII. LIRTHEI DAH (PARKING) CHUNGCHANG

 1. Biak In kawtah mo hruai lirthej chauh dah phal a ni. 2. Biak in kawtah ruang phur lirthei chauh dah phal a ni. 3. Biak In hmunhma hmangtute'n a remchan dan angin Biak In ground floor-ah lirthei an dah thei ang.

VIII. BIAK IN LEH A VEL VAWN THIANGHLIM CHUNGCHANG

 Biak In leh a hung chhungte hi hmun thianghlim leh serh a nih angin Biak In hungchhunga tih atana mawi lo leh inhmeh lo leh, Kohhran leh Sawrkar duh loh leh phal loh zawng, entirnan: zu, ruihtheih thil, adt. tihna hmun atan hman loh tur a ni. Chuvangin, ruai, thingpui, adt. buaipuitute pawh uluk taka inruat tura ni.

IX. TULBIK THIL CHUNGCHANG

 Biak In hmun hma hman chungchang hi a chunga tarlan bak rel ngai a awm chuan Kohhran Committee-in a ngaihtuah ang.

X. INKAIHHRUAINA DAN ENTHAT CHUNGCHANG

Kohhran Committee-in tul a tih angin he Dan hi enthain, a tidanglam thei ang.

Ni 23 June, 2026 chawhnu dar 12:00 khan Aizawl Press Club ah Dawrpui Joint Committee te chuan Press Conference a ko a. Hemi hunah hian chanchinbu mite nen tuna kan veng chhunga buaina thleng chungchangah inkawmna hun neih a ni a, a hnuaia mi ang hian Joint Committee chuan thuchhuah a siam a ni.  

PRESS RELEASE : Tharum nilovin, Dan angin kan kal dawn

June 16, 2026 (Thawhlehni) zinga Dawrpui Veng chhungah ngei "Chhinga Veng Thalai Pawl" inti te'n Dawrpui mipui zahpah hauh lo a, Poster min tar khum a, aurinna hmanga veng mipui min rawn cho -in, an Y.M.A Section khat lek pawh ngam lo tur khawp a min rawn aukhum ngam mai kha mak kan ti hle a. Dawrpui Area-a dawr an rawn kalh sak ngam ngat mai phei hi chu dan bawhchhiatna dik tak niin kan ngai. He buaina avanga hemi ni veka Pi B. Lalawmpuii, AMC Ward IX Corporator-in keini veng pahnih Local Council ve vete min sawipui tum leh, Aizawl DC kaihhruainaa kan sawihonaah pawh an khawtlang hruaitute hian he pawl "Chhinga Veng Thalai Pawl" te hmalakna hi an hriatpui loh thu an sawi ngei a. Chutih mek lain a hnu lawkah an khawtlang Joint Committee chuan he pawl hmalakna hi an thlawp thu an rawn chhuah leh si te hi a mak kan ti lehzual hle. He pawlin kan veng chhung ngeia hetianga dan pawisa lova hma an rawn la ta mai hi mak kan tiin kan dem tak zet a, eng thuneihna nge an neih tih kan zawt a ni.  

Hei bakah, hemi ni vek hian Dawrpui Thlanmual (Pass DLL-62 of 1990) Centenary Signboard an la thla bawk a. Dawrpui Thlanmual hi veng paruk Dawrpui, Saron Veng, Tuithiang, Armed Veng, Armed Veng South leh Chhinga Veng tena kan dinho "Dawrpui Thlanmual Committee" enkawina hnuaia awm a ni a. A hming "Dawrpui Thlanmual" tih pawh hi he Committee-in lungrual taka kan pawm a ni. Hetianga veng paruk in\awm thlanmual meuh pawh zah lo taka an suasam ta mai hi dan bawhchhiatna lian tak niin, a enkawltu Committee pawh an zahloh hle tih a lang a, kan dem takzet a ni.  

Buaina an rawn siamna lai hi Dawrpui Area a ni a. Sawrkarin khua leh veng ramri a siam Dawrpui ramri tarlanna Gazette Vol XXIII Aizawl, Friday 29.04.1994, Vaisakha 9, S.E 1916 Issue no. 59-ah Dawrpui area a ni tih chiang takin a lang a. Tin, Chhinga Veng ramri tarlanna Gazette Vol X Aizawl Friday, 22.01.1982 Magha 2, S.E 1903 Issue No.6-ah hian Chhinga Veng area a ni lo tih chiang takin a lang bawk a ni. Ni 17 June 2026-a AMC Mayor kaihhruaina hnuaia veng pahnih hruaitute inkawmhonaah pawh keini Dawrpui veng aiawha telte chuan, heti taka kan laka an chet dan rawva lutuk hian kan rilru tina hle chungin dan hnuaiah veng pahnihte hi inrem dan kawng zawn a tha e kan ti a. He meeting-ah hian Chhinga Veng aiawha telte chuan "Gazette kan pawm lo" an ti leh zel phei hi chu Sawrkar thuchhuak zah lohnaah kan ngai a, buai chhunzawm zel an pawi ti lovah kan ngai a ni.  

Hetiang taka Dawrpui Khawtlang chunga Chhinga Veng Thalaite chet dan hian keini Dawrpui veng mipuite min zahlovin rilru a ti na takzet a. Kan ram hruaitute'n inremna beiseia min ngenna avang chauhin kan insum hram hram a. Amaherawhchu, Chhinga Veng lam hian an thil tih chhiatte siam tha leh a, kan ram china signboard an rawn tarte lak thlak an tum tak lovah chuan inrem an duh lo angah kan ngai a. A \ul angin Dawrpui khawtlang chuan dan angin hma kan la zel dawn. Sawrkarin Dawrpui veng chin a siam Gazette hi inches khat pawhin kan tawlh dawn lo tih Zoram mipuite kan hriattire. Sorkarin 1994 Gazette a chhuaha Dawrpui ram chin a siamah hian awm kan duh ber a. Veng thenawmte nen hian dan hnuaiah inrem taka awm hi kan duh ber reng chu a ni.

Kum 2026-2028 chhunga hruaitu thlanna chu ni 7/5/2026 khan Dawrpui YMA Committee Room, Dawrpui School Complex-ah neih a ni a, tichuan 16/5/2026 khan O.B. chanvo insiamremna leh Senior Adviser leh Executive Committee Member-te ruatna nei nghalin, a hnuaia kan rawn tarlante hi an ni : 

President                   : Pu Vanlalhuma

Vice-President          :  Pu C.Denghmingliana

General Secretary    : Pu Lalruatfela Rokhum

Jt. Secretaries          : Pu Lalrinsanga (Asanga),   Pu Lalrintluanga (Atea)

Treasurer                   : Pu P.C. Lalrinsanga

Fin. Secretary          :  Pu Lalfakzuala

Senior Adviser          : Pu Vanlalchungnunga 

Executive Committee Members:-

1) Pu Zonunsanga     2) Pu Peter Lalṭhasiama (Upa)    3) Pu Lalrinawma  4) Pu K. Lalhmachhuana 5) Pu Vanlalhriata      6) Pu Lalhmingliana Chawngthu    7) Pu Lalhriatzela     8) Pu Eric Lalrinkima  9) Pu Lalchhandama 10) Pu Roṭhuamliana 11) Pu Lalnunmawia  12) Dr. R. Lalruatfela 13) Pu V.Lalrema  14) Pu Christopher Lalawmpuia 15) Pu H. Dingluaia 16) Pu Lalthlanga (Upa) 17) Pu Lalrimawia  18) Pu Lalchhanzova (Upa) 19) Pu Lalmuanzuala  20) Tv. Albert Lalngaihawma 21) Pu Lalchhanhima 22) Tv. Steven Lalruatliana 23) Tv. Benjamin Lalmuanpuia

June ni 16, 2026 (Thawhlehni) zing dar 8:00 bawr vel khan Dawrpui veng chhunga Vanapa Section (New Market) area-ah thil duhawm loh tak mai a thleng a, a thlenna hmun hi Bazarpui kan tih ṭhin, Dawrpui hmun ngeiah niin, Chhinga Veng Ṭhalai inti ten ABC lane phei leh Israel Market inkarah mipui ṭhahnem tak inzui pheiin thuziak an keng a, aurinna hmangin a veng neitute chuan an section pakhat pawh an ngam loh tur thuin vauna ṭawngkam an rawn aupui. 

Heng bakah hian Dawrpui hming LSC nei dawr ṭhenkhatah thuziakte târin Chhinga Veng angin an rawn chhâl. Kan veng hming pu ngei dawrte chu khâr tirin anmahni tâla (Lock) hmangin an kalhsak. Hei hi duhtawk mai lovin, Mizoten kan hmangaih kaltate zalhna tia kan Kristianna nen pawha inzawm tlat, thlanmualah kalin, veng pasarihin kan  inṭawm mek, Dawrpui Thlanmuala thu intâr (Dawrpui Thlanmual Centenary), thir hmanga siam chu kutbêng leh aurual chungin zahpahna nei miah lovin an la thla. He thil thlen hriat anih veleh a rang thei ang berin vengchhung hruaitute an kal khawm nghal a, anni hian an ngai thutak hle a, Dawrpui Khawtlang Hruaitute Joint Committee chuan vengchhunga mi râwn kâite nen Emergency Meeting Local Council Office-ah a ko nghal a, hmalak dan tur leh bawhzui dan tur uluk taka rêl nghal a ni. 

June ni 15, 2026, YMA Day khan YMA leh Local Council thurel angin kan veng area a tam thei ang ber hrûtin tihfai hnatlang neih a ni a, hei hian Sawrkar Gazette (1994)-a kan veng huamchhung a kil thei ang ber bâk he hnatlang hian a huam lo tih hriat a ṭha awm e. He YMA Day hnatlang                bawlhhlawh paihna tur motor pawh Local Council lamin an rawn tum nghe nghe a, a lawmawm hle mai. Hetianga Emergency Meeting neih a nih hnu hian Dawrpui area-a rîkrâp zawnga rawn che te leh Khawtlang hminga chhinchhiahna bungrua thlanmual lamah lak thlak a ni ringawt mai chu ngaihthiam chi a nih loh avangin Joint Committee hmingin Aizawl Police Station-ah FIR theh luh a ni a, meeting-naa tel zawng zawngten Aizawl PS Officer-in-Charge hnenah FIR hi an han theh lut. Hemi ni hian AMC Ward IX Corporator Pi B. Lalawmpuii chuan Saron Veng LC House-ah Dawrpui LC-te leh Chhinga Veng LC-te inkawm khawmna leh titi hona hun a buatsaih a, tlai lamah Aizawl Bawrhsapin DC Office-ah Dawrpui leh Chhinga Veng LC Chairman te ve ve leh YMA President te ve ve thu sawikhawmna hun a buatsaih bawk. Thusawi hona ten awmzia a neih thui loh avangin June ni 17 (Nilaini) khan AMC Conference Hall-ah Pu H. Lalremtluanga, AMC Mayor hovin veng pahnihte Local Council leh NGO-ten meeting an nei leh a, lungrual takin Committee on the Land Dispute between Chhinga Veng & Dawrpui an din a, hengte hi member an ni. Chairman: R. Lalawmpuii, Deputy Mayor, AMC.

Vice Chairman: B. Lalawmpuii, Corporator, Ward No. 9 

Secretary: K. Vanlalruata, Deputy Municipal Commissioner 

Members: Christina Roluahpuii Sailo, Exe. Corporator, Vanlalhruaia, Exe. Corporator Vanlalfaka, Exe. Corporator, K. Lalrodinga, Exe. Corporator Chairman & member pakhat, Local Council (Dawrpui & Chhinga Veng) President & Secretary, YMA (Dawrpui & Chhinga Veng) President & Secretary, MUP (Dawrpui & Chhinga Veng) President & Secretary, MHIP (Dawrpui & Chhinga Veng) Vanlalbika, Dawrpui (Prominent Citizen) R. Rosiama, Chhinga Veng (Prominent Citizen) Meeting hmasaber hi June ni 19, 2026 (Zirtawpni) dar 1:00 PM khan neih a ni.

 Young Mizo Association Kumpuan 'Ram leh hnam humhalh' bawhzui \ha lawmman pakhatna kan lak chu vengchhung huapa lawmna hun hman tum a ni. He lawmman hi nikum 2024 pawh khan kan Branch in kan la tawh nghe nghe a ni. Branch Executive Committee thurel chuan he hun hman dan tur hi Programme Sub-Committee kutah a dah a, hetiang hian ruahmanna siam a ni.

A hun : DECEMBER 5, 2025 (ZIRTAWPNI) DAR 7:30 PM

A hmun : Basketball Court, DMC, Piputlang, Dawrpui

 Hruaitu : Pu Lianzama Pachuau, President

 Hunserh : Pu K. Jacob Remruatfela, Fin. Secretary

 Zai ho : Ro min rel sak ang che

Inlawmna & inhmelhriattirna : Tv. Victor Vanlalmawia, Asst. Secretary

Hnam lam : Culture Sub-Committee

Report : Pu Ziakkima Pachuau, Branch Exec. C/M (Kumpuan Secretary)

Mal zai : Tv. H. Lalropuia, Chawngbawla Section

Thusawi [10 mins] : Pu Samuel Lalrozama, Vice President (Kumpuan Chairman)

Mal zai : Zomuansanga Renthlei, Dawrpui Vengthar

Cake cutting : Branch Executive Committee Hmeichhiate kutah

Zai ho : Hruaitu kutah

Thusawi [10 mins] : Prof. Lalnuntluanga, CYMA Vice President

Mal zai : Nl. Crystal Lalzarpuii, Vanapa Section

Ngaihhruina thilpek hlan : Tv. K. Lalrosanga, Treasurer

Zai : Dr. Chawnglungmuana leh a \hiante

Mal zai : Jaui, Tuikual South

Lawmthu sawina : Pu Zothanpuia Rokhum, Secretary

Banna : Hruaitu kutah

Kumpuan Sub-Committee te kaihruaina in Khawtlang duty te ruihhlo leh ruihtheihthil mansa halral leh tihchhiat hun hman a ni ang.