Dawrpui Ṭhalai Pawl (D.Ṭ.P.)
1. President : Pu Lalrinliana
2. Vice President : Pu Mankunga
3. Secretary : Pu Rosangliana
4. Asstt. Secretary : Malsawmthanga (Patea), Ramfangzauva,
Sanghnuna leh Lalrivenga-te,
5. Treasurer : Pu Rohmingthanga (Sena)
Heng hruaitute hi, ni 17. 4. 1971-a Dawrpui Sikula Vantlang Inkhawm chuan Dawrpui Ṭhalai Pawl hruaitu atan a pawm nghal ta a ni. Heng mite hnuah hian Pu Rokamlova chu President a rawn ni ve leh a. Pu Councilthanga (Sila) chu Vice President a ni a, Pu Rosangliana chu Secretary a ni. Hemi hnu hian Pu Lalkhawliana chu President a rawn ni ve leh a, Pu Rosangliana chu Secretary a la ni zel a ni.
Dawrpui Ṭhalai Pawl chu phur takin a kal chho zel a. Kum 1977 aṭanga 1984 thleng khan Pu Rosangliana
chu President a ni tluan zak a ni. Dawrpui Ṭhalai Pawl hian activities tam tak a nei a, sawi sen a ni lo vang. Ṭhenkhat chauh lo sawi ila:Kum 1971 khan, Mizoram Wrestling Association-te ngenna angin, Pu Lalkulha leh Pu Tlangsiama-te inbuan chu Lammualah Dawrpui Ṭhalai Pawlte'n an huaihawt a ni. 1972 khan, A. P. Hockey Shield inchuhnaah Champion nihna Dawrpui Ṭhalai Pawlte'n an la. Kum 1973 khan, Pachhunga Memorial Football-ah Champion an ni leh bawk. Kum 1982-a Mizoram Ranking T.T. Competition-ah Junior-ah leh Women-ah pakhatna a la ve ve a ni. Hemi kum vek hian, Saithanzama Memorial T. T. Competition-ah hmeichhia-ah First Prize leh Second Prize a la bawk.
Dawrpui Ṭhalai Pawl hun chhung hian khawtlang ṭhatna lamah pawh thil tam tak tih a ni. Zu leh khawtlang duh loh zuartute hnenah, Veng a lo thianghlim theih nan, an thiltihte sim tura ngen an ni ṭhin. Veng chhung thenfaina kawngah nasa takin ṭan a la ṭhin a ni. Veng chhung chauh lovah pawh, Veng pawn lam thlengin harsatna tawkte hnenah tanpuina a pe ṭhin. Mitthi awm chhinchhiah nana Darkhuang vuak te, thing khawn aia pawisa khawnte hi a lo ṭan chhuah a ni.
Kum 1988 October thla thleng khan, Dawrpui Ṭhalai Pawl hian Dawrpui nula leh tlangvaite a kaihruai a. October ni 4, 1988 khan Dawrpui Ṭhalai Pawl tih ṭhin chu, khawtlang tana a ṭhat zawk rinna avangin, Y.M.A. Dawrpui Branch tih a lo ni ta a ni.
Source : Dawrpui Veng Chanchin published by Dawrpui YMA 1991
Ziaktute - Pu Bualhranga & PC Lianhmingthanga
0 comments »
Leave your response!
Han sawi ve teh le.