Bial KTP Conf. 54-na

[ 26 January, 2011 | 3 comments ]

Dawrpui Pastor Bial KTP Conference Vawi 54-na chu tluang takin Dawrpui Kohhran Biak inah 20-23 January, 2011 chhung khan hman a ni a. Thupuiah 'Chhandamna' tih chu tum thum Rev. C. Lianhmingthanga (Mission Vengthlang) chuan a sawi a ni.
Rorel-a thurel passed-te :
i) Biak in hawnga innei an lo tam zel theih nan CKTP-in hma la leh rawh se.
ii) Kum 2011 hian Bial huapin Kristian Moral Reformation chungchang inzirtirna neih ni rawh se.
iii) KTP Gen. Conf. thlengtu Bialte CKTP-in tanpuina a pek thin hi tihpun ni rawh se.
iv) Dawrpui Pastor Bial Standing Choir tih hi Dawrpui Pastor Bial Zaipawl tih ni rawh se.
v) Kumin chhungin Agape Home Basketball Court Project-a kan lo neih tawh hi chhungzawmin zawh fel ni rawh se.
vi) HIV darh zel tur ven nan thisen test pawimawhna CKTP hma laknain inzirtir ni rawh se.
vii) 2011 Bial KTP budget atan Rs. 2,29,000/-
Bial KTP OB 2011-2012 atana thlante :
Leader - Pu Lalbiakdika (Dawrpui)
Asst. Leader - Pu Lalrohlua (Saron)
Secretary - Pu H. Lalruatkima (Saron)
Asst Secy - Pu Zothlamuana (Zarkawt)
Treasurer - Pu Lalrinsanga (Dawrpui)
Finance Secy - Tv. Lalruatkima (Zarkawt)

Pi Nu-i kan chan ta

| 0 comments ]

A chanchin : Pi Nu-i hi kum 1931 khan Pu Lalthula (L) leh Pi Lianthuami (L) te inkarah Baktawng khua-ah a lo piang a. An unau hi pasarih an ni.
Kum 1955 khan Pu L.T.Siama (L) nen Dawrpui Biak In ah inneiin, fa 7 leh tu 10 a nei a, tuchhuan 3 a nei bawk.
Pi Nu-i hi nu tawng tam lem lo tak niin, mahse then leh rual te huikhawm thiam mi tak a ni a, tu leh fate enkawl thiam tak niin, a tu leh fate pawh hian an ngaina hle bawk a ni.
A nat dan : Kum 2001 atang khan lung lam natna in tlak buak tanin, phai pan pui a ngai ta hial a. 2002 January thla khan Birla Heart Institute-ah hlawhtling taka zai a ni. Hun engemaw chen chu insawiselna pawh nei lem lovin hun a hmang chhova. Tha taka a awm lai hian Kum 2009 khan insawisel lehin Zunthlum a nei tih hmuh chhuah a ni leh ta a, damdawi pawh tha taka pek a ni. Hemi kum vek August thla khan a chuap chu a cancer tih hriat chhuah a ni leh a, hemi an hmuh chhuah atanga kum khat August 2010 khan a thin (Liver) pawh a cancer tel tih hmuh leh a ni bawk. Tin, hemi hnu December thla khan a kal (Kidney) pahnihah lungte a awm tih hmuh a ni leh a, heta tang hi chuan a tho chhuak peih meuh tawh lova, chaw pawh a kil peih ta meuh lo a ni.
December 23, 2010 khan New Life Hospital-ah dahluh a ni a, December 27, 2010 khan chhuah pui leh a ni a, In lamah inenkawl chhovin, heta tang hi chuan that lam a pan thei ta meuh lova, hniam lam pan zelin January 30, 2011 (Pathianni) hian min lo kalsan ta a ni.

Pu Vanlalthanga kan chan ta

| 0 comments ]

Pu Vanlalthanga K-55, Pu Dawiduma, Zion St. unaupa chu ni 8 January, 2011 khan Cancer natna avangin a boral a, a ruang hi tlaivarpui a nih hnuin a tuk ni 9 January, 2011 khan Dawrpui Thlanmualah vui liam ani.
(Hei hi a chanchin ziaka hmuh mai beisei avanga tarlang tlai kan ni e)

Pangpar thlalakpui loh

[ 18 January, 2011 | 15 comments ]

MHIP Gen. Hqrs. chuan Chhiatni-a rualkhai zawka kan kal theih nan kaihruaina a siam a. Chung zingah chuan, “Hmun leh Hun leh Mihring dinhmun a in chen loh avangin mitthi thlahna pangpar kan pek thin hi Kuang thlalak puinaah chhawp chhuah tawh lo nise, a hranin pangpar leh puan te chu (a duh tan) thlalak pui mai nise (Hei hian Kuang chunga Pangpar kan siam thin hi a huam lo)
MHIP Dawrpui Branch pawhin he thu hi tun atang chuan zawm ve turin Dawrpui khawtlang mipui te a ngen a ni.

Kumthar-Hmasawn turin tum nei ila

[ 15 January, 2011 | 3 comments ]

Kumthar 2011 chu kan lo chuang kai ta reng mai a, kumin hian tum mumal i nei em le.? Krismas leh kumthar result chu February thla velah kan hmu mai dawn a, Lal Isua chibai buk dan diklo a chibai te chuan Krista tan a Martar Heroda hun lai ang khan nausen suat hun alo thleng leh anga, khawtlang rin ai hian an tam viau zel ania.
Kumin 2011 hian mahni theuhah hmasawn turin tum nei ila, rawngbawltu i ni emaw nilo emaw, ruihtheih thil, vai hlo, sahdah, kuhva etc. ka ti tawh lo ang tiin i in tiam ngam em le? Heihi a mawi atan mai ani lo Cancer te, Astma te, Pumpuina te venna tur nangma tana tha ani tih hre reng la. Tum nei lova hun hman ral hi pawi tak ani. Sahdah hmuam phei hi chu pumin a haw em em a, Cancer thei mai dinhmun a ding ho chu cancer a kai chhuak mai thin. Mahni fate enkawl dan tih danglam deuh te angai em mahni theuh in ngaihtuah a hun ta hle. Kan tawng duhdah lutuk, 'daih' ai ah 'deih' tih te, vai emaw sap emaw kan bia a, Mizoram tih ringawt pawh han lam pai nghal a, vai nise “nangmah dam em”? ti te hian kan bia a.Hei hian a entir chu tuma tih ngai lovin kei mah ni kan in ti dal chawp a, Korean Film en atang phei kha chuan tuai te thil zahthlak leh vanduai an ni kan tih laiin Tuai nih pawh kan tleirawl/rawlthar ho te hian an hreh tawh lo. Keimahni leh keimahni kan in chimral mek niin alang.Kut hnathawh tur a awm lo a nih pawhin mahni theih tawk nu leh pa puih te, mahni a eizawnna ngaihtuah te i tum thar ang u. Chuti lo zawng kan hmaa thim chhah tak hian min nang hman ange.Rinawmna leh dikna kan vawn nun a, inchei dan pangai deuh a kan awm chuan Corruption hi do angai lo ang. Corruption hi a hranin a awm lo a, i rilruah zawk khan a awm ani tih hria ang che. Kumthar Plan enge i siam dawn le, kei leh ka chhungte erawh zawng in Lalpa rawng ani kan bawl dawn ni.
- Dr Thangchungnunga, MS (Ortho)

Ngatinge kan hmansual luih zel

[ 04 January, 2011 | 4 comments ]

ENGATINGE MIZOTE HIAN THIL ZAWNG ZAWNG HI KAN HMANSUAL LUIH KHER ZEL LE! 
A thupui han chhiar atang ringawt hi chuan thu awmze neilo leh Mizo hnam pum sawichhiatna te pawh a ang deuh roh a, a inthlahrunawm khawp mai. Nimahsela, a dikna chin a awm miau si a, a takin kan hmu a, kan hre bawk a, a tha bawk si lova, sawi loh theih a ni bik hlei nem!
Eng eng thilte maw kan hman sual luih a! Tlem te chauh in sawi chhuak hrih teh ang.
Rectified Spirit, Correcting Fluid, Khuh Damdawi leh pum Damdawi, Mobile Phone, Zawlaidi
1.     Rectified Spirit : Hei hi kum 15 vel kal tawh khan Aizawl tlangval tam tak ruih ve thinna ber pakhat a ni. Civil Hospital-ah te khian damlo pem leh hliam hrukfai nan leh a septic lohna tur atante Doctor leh Nurse ten Operation theatre-ah te tangkai taka hman tura an Stock thin a ni a. Chu chu hriain a thei deuhte betlawnin an han trick chhuak ta thin kha a ni a. Tui pawlh a ngam si a, a hlawk zia hahipin an sawi thin, a hmanna tur chu a nih hmel loh khawp mai. In tura siam a ni lova, pumna a kan lo thi teuh teuh thin lo kha alo va vanneihthlak tak em! Lu na erawh an sawi thin, in tur hmuh theih chhunga sim tum erawh an aWm chuang lo. Hetiang deuh bawk hian Chloroform pawh hman sual fo thin a ni.
2.     Correcting Fluid : Office-ah lehkha chhut sual/ ziah sual palh, a pum puma ti tha leh kher lova nawhreh nana hman tura Company siam chu hnim ruih atan a thenin kan lo hmang a. Thluakah thawkin a ruih pawh an lo rui ve ngei ni tur a ni. Office kalsan lai - zing emaw tlai emaw Office dawhkana kalsan chu a bo hmak hmak mai a ni, a zialo thin khawp mai.
Dendrite, thil chhe siam nana tangkai lutuk si hi intih luhai nan kan lo hmang lui leh talh bawk a.
3.     Khuh Damdawi leh pum Damdawi : Khuh damdawi chhuak hmasa tha ber mai Phensidyl kha chu, bur chanve vel in chuan khuh naran hi chu dam hman deuh ngeia ngaih thin a ni. Tin, chutiang deuh bawkin kawpuar leh pum nuamlo, zu in ching deuh tan phei chuan tha bera ngaih Peptica damdawite kha vana rah ang an ni ta. A nihna ang taka Vai te anga hmang ve mai thin ni ila chu Company hoten an raWn hralh chak dawn tehlul nen! Polution a tam tual tual a, khuh leh Bronchitis te a hluar tulh tulh a, khuh damdawi tha te kan mamawh tehlul nen, kan khap bo zo ta vek si a leh!
4.     Mobile Phone : Aizawla a lo chhuah hmasak ber lai vel khan kan thawhpui pa pakhat chuan intithei fa hian a rawn keng a. A inrin hmain In atangin an nuin a rawn phone thut mai chu! "Engtinnge Office ka thleng tawh tih i hriat" a ti ruai mai a, khata tang ringawt pawh khan a tangkai zia leh a that zia chu a chiang mai. Khawi hmun atang pawhin phone kha alo dawn theih tih kha ala hre chiang lo nge, a hamhaih pawh ka hre lo. Office a thleng tawh ngei anga, tichuan an rawn phone taah ala ngai tlat mai zawk zu nia. A thatna lam kan sawi dawn chuan sawi sen loh a awm ang, sumdawng te tan tak hian aw ava hlu lehzual em!
    Keini ve zawng nupa inngeih sa intih thiamloh nan te, uire ruk nan te, chhungte dawt hrilh nan te, mahni taksa aruka inhralhna remchangah te, sawi sen loh suala tluk luh nan te kan hmang leh ta mai zawng a nih hi. An tia lawm, tunlai nula leh tlangvalte hi a tirah chuan SMS in an tan phawt a, tawngkaa an sawi chhuah ngam loh sawi nan an hmang phawt a. An duhtawka an inthawn hnuah phone-in an inbe ta a. A taka an inhmuh meuh chuan inzahna pawh an nei tawh lova, awlsam takin zahna leh sual a ni tih pawh ngaihtuah duh tawh lovin Sex an hmang nghal mai thin an ti.
5.     Zawlaidi : Khawvel ram dangah chuan kum zabi tam tak liam tawh atang khan Wine-te hi chaw ei tui nan te, taksa tinuamtu atan te an lo hmang daih tawh. Wine in duh leh duh lo tam tak an awm bawk.
    Min min bansan zawk tep tawh hnuah thil thar neihin kan han nei tan ve dek dek a, a ramin kan buaipui ta mup mup mai le, Alcohol a tel thu pawh kan sawi tam ta hle. A nihna takah chuan Damdawi (Medicine/Drugs) kan tihah hian Alcohol tel chu a tam khawp mai. Miin atana tha dawna a hriat a, hriselpui nan a hmang dawn nia a hriat chuan in ve thin mai sela. "A thalo a ni, ka tan chuan a tul lo" a tih theih chuan khawih lo tawp mai se. Thil sual pawh hi sawi tam lutuk chuan a hrelo tawh sa tan pawh tih ve chak tlatna a hring chhuak mai thin. Zawlaidi pawh hi hmansual leh kher tum lovin in tur chikhat (Bevarage) angah dah ve mai ila! Addict nghal mai theih chi pawh a ni lem lovang chu.
    Thil engpawh hi a sual leh thalo zawnga hman luih talh tum chuan chawthleng pawh hi a hmansualin a ruih theih a ni. Ei puar lutuk hi Bible pawhin sual a ni a ti a, i nunna tur si kha i tana hrisello, pumpui na thlentuah a tang mai ang.
    Khap bur ringawt atanga tan lo hian kan rilru lam pang inkaihhruaina dik hi Kohhranah te, khawtlangah te hian tan ila, Sorkar pawh hian ngai pawimawh hle sela. Tul ta bera lang chu, ngaihtuahna dik (Positive thinking) nei thei tura infuih leh inchawm puitlin chhoh hi a ni awm e.
- Vanhmingliana

Kum 2010 chhung khan

| 0 comments ]

Dawrpui-ah hian Kum 2010 chhung khan Chhungkua 570 vel kan awm a, Kohhran hrang (Biak In nei) 7 vel an awm a, Political Party 3 an awm bawk. Tlawmngai Pawl (NGO) 7 vel (Welfare telin) an awm a, Zirna In (School etc.) 6 vel a awm bawk. Damdawi in 2 a awm a, Sorkar Office leh Bank 8 vel a awm bawk. Mi 26 in Chatuan ram min pansan a, Ruang thawnchhuah 10 kan nei bawk. Dawrpui West-ah leimin nasa tak kan tawk a, Pu Mankunga building-ah kangmei rapthlak tak a chhuak a, dawr 3 lai a kang.

RTI Act 2005

| 0 comments ]

Right to Information Act 2005, RTI tia kan hriat lar hi 12th October 2005 atang khan India ramah hman tan a ni a, ram inrelbawlna tha neih duhna atanga lo chhuak a ni. Ram rorelna a mipuite an tel ve tirna atan te, dan hmanga rorelna a awm theih nan te, langtlang sorkar a awm theih na tur te avangin he Act hi siam a ni.He dan hnuaiah hian India khualehtui tu pawh hian a thil hriat duh hre turin dikna a nei a ni.He Act tlawh chhan hian The Mizoram Right to Information Rules 2006 pawh siam niin 27th June 2006 atang khan hman a lo ni ve tawh a ni.
RTI Hman theihnate : He dan hmang hian mipui chunga thuneitu (Public authorities) te hnenah kan hriat duh ang kan zawt thei a, dan ang thlap a dil a nih chuan chhan ngei kha an bat a ni. Heng hian India ram danpui hnuia din Central leh State sorkar thuneitute zawng zawng a huam vek a bakah NGO, Central emaw

Pu Lalhlunchhunga kan chan ta

| 0 comments ]

Pu Lalhlunchhunga (Te-a) (38) h/o Pi Zamveli, Jail veng chu Dec. ni 29, 2010 (Nialini) khan Internal Bleeding vangin a boral a, a tuk ni 30 khan Dawrpui Thlanmualah Bialtu Pastor R. Vanlalnghaka'n a vuiliam a ni.

Andrew-a kan chan ta

| 0 comments ]

Andrew Zothansanga John (44) hi P.P. John leh Lianthawmi John te fa pali zinga a naupangber dawttu a ni a. Civil Hospital, Silchar-ah December 7th, 1966 khan a piang a. An unau hi mipa pathum leh hmeichhia pakhat an ni.
Andrew-a hi naupan tet atanga hrisel lo leh bawrhsawm tak a ni a, a lo puitlin hnu pawhin taksa lamah harsatna a tawk nasa hle a. Sikul a luh tantirh atangin St. Edmund’s School, Shillong-ah pawl 6 thleng a kal a, high school erawh chu St. Paul’s High School, Aizawlah lutin 1984 khan H.S.L.C. Distinction-ah passed-in Mizoram pumah 3-na a ni. St. Xavier’s Junior College, Mumbai-ah P.U. science a zir a, hetatang hian B.Com chu Hrangbana College, Aizawlah a zir a. Hei hi zir puitling ta lovin anmahni Company ah Basic Engineering Course, Cummins India Ltd, Pune atangin a zir zo leh a. Hemi hnu hi chuan

Pu Khualdawla kan chan ta

| 0 comments ]

Khualdawla (51) hi Pu Saikhuma (L) leh Pi Chalmawii te inkarah an fa pathumna niin kum 1959 khan Champhai Ruantlangah a piang a. Pianpui unau sawm pahnih a nei.
Khualdawla te chhungkua hi Pi leh Pu atanga Pathian hremi chhungkua an ni a. A pate unau zinga upa ber Pu Robuanga phei chu Chanchin Tha Dak avanga Zoram dung leh vang mai pawh ni lova Pathian mi hman leh mite hriat hlawh tak a ni. Pu Robuanga rawngbawlna leh a hnung zui thin tute avanga mikhual an ngah thin em avangin, a hmingah pawh Khualdawla tih hi pu a ni.
Kum 1978 khan Thankimi nen inneiin fa pathum an nei a, hemi hnu hian Biakhnemi nen innei lehin fa