Pangpar thlalakpui loh

Tangkaina nei zui lemlo tak PANGPAR inpek kan uar tak em avanga he thu hi lo chhuak taah ka lo ngai deuh a. Thlalakpui khap bur ai chuan Pangpar inpek hi thil tangkai ber anih loh zia hi inzirtir ila, a dawngtu tan lah hman zuina tur awm map lo, paih dawna miten duhsak taka an pek nisi, dahthat dawna thil hnawk tangkaina awm si lo, a dawngtru tan hian buaina tham a tling in ka hria. Han Comment ve ula kan la sawi zel ang.

keichu thra ka ti khop mai

ho e a.... chutiang dinhmun inchenlo tih te a nih chuan kawrmawi leh manto biak in leh puipunna a hak, rangkachak thri leh bengbeh zungbun te hi MHIP ho hian khap se, inthuam lo se... keichu ka thih hunah hian lunghlu pangpar te hi rawn dah thei awm se ka ti a nia....

Pangpar sawi takah chuan mahni in chhungkhur ngeia thihnain ro a rel chuan Pangpar-a inthlah chu ngaihdan alo dang hle mai, trullo leh hnawk mai2 anga kan lo ngaih thin kha ani ta hauh lo mai, a lawmawm dan leh ngaihhlut dan chu keimahah chuan hlu tak a ni, kan thlir kan thlir tawh mai a ni, pawl anga pek ngat phei chu hlu tak ani ringot.

pangpar in pek loh tur an tih chuang hleinem , thlalakpui lohtur an ti mai alm le, a pawi na a awm vak pawn ka hrelo e a keichu

Pangpar hi pawl hminga inpek hi chu a tha ka ti tawp, a hlu bik riau hian ka hria. Mahse mimal hi chuan pangpar ai hian a sum zawng hian inpe thei ila tangkaina a tam zawkin ka ring.

Sap tawnga "stir up a hornet's nest" an tih ang deuh hi a thleng palh a hlauawm hmel. Heta tang hian thil dang pawh a sawi zawm zel theih nual in a lang.

Pangpar hi a lem hi kan in pe tlangpui, a ho ka ti, a tak ngei in pe ila a hlu ngawt ang.

Ka thih hunah pangpar 1 mah dawng lo mah ila ka chhungte vui lo turin ka chah ang.

MHIP hi hetiang dan lo siam ve thei ngawt a ni em ni? Kan tlawmngai pawl (NGO) ho hian dan hi an pass leh rup rup zel mai a, an kuang lo nawr tih tawngkam hi rilruah a lang. YMA hi chu chhiatni thatniah mi tuamhlawm lam zawngin ke an pen nasa a, chhiatni thatni inkaihhruai dan an siam hi chu a awm deuh. Mahse, hei pawh hi ennawn chu a ngai khawp mai.

Pangpâr inpek ai chuan a sumfai ngeia inpek hian awmzia a neiin, lukhawng a nei lian zawk ngei ang.

Pangpar nena inthlah hi a ropui viau na in, in leh chenna ten a zir loh phei chuan rei vak lovah thil hnawk, tihral mai chi ni si loah a chang duh khawp mai! Tin sum hian trangkaina a lo ngah zawk bawk.

Trum khat chu pangpar dah ve na awm ngawih2 a dah ta lo chuan pangpar man awm velin a hnuah ka ral a, a dawngtu a lawm khawp mai! Chhunzawm tlak tak niin ka hria

Sum chu pawisa a nia, pawisa chu tangka a nia, tangka chu sum a nia, a lo hlu em a ni khawvela kan awm chhung hi chuan. Rethei te mah ni ila sum neih tren chuan pawi chuang lo.

@benxjx : Pangpar inpek loh tih lam chu hemi topic nilo mahse komen hmasatute sawi khi ka lo reply ve-na ania lom....kan ngaihdan hi a dik ve ve tho mai

Engkim mai hi kan lungawi tlanna hi a tha e.