Dawrpui Pastor Bial KTP Half Yearly Meet Vawi 25-na (Silver Jubilee) chu tluang takin Dawrpui Kohhranah July, ni 25 & 26, 2009 khan hman zawh ani ta a. He meet-ah hian thupui 'I dinthar leh ang u' tih chu tum 4 Rev. C. Chanchinmawia hnen atangin ngaihthlak ani a. Bible Quiz (Johana) thawh khatna Inrinni zanah leh thawh hnihna Pathianni chawhnuah neih niin, Hlapui 'Aw kawngte u' tih Handel-a hla phuah hmangin Pathianni chawhmaah intihsiakna neih ani bawk a ni.

Half Yearly Meet hi Dawrpui Bial in kum 25 kalta atang khan Bial chhunga thalaite rawngbawlhona leh inkungkaihna a that zawk nan anih beiseiin an lo hmang tawh a, Bial hrang hrang pawn an lo hmang chho ve ta zel a, an hman chhan ang ngei pawh hian thalaiten an hlawkpui hle thin a ni. Dawrpui Bial hi Kohhran intluktlan em emna a ni a, intihsiakna neih thinah pawh Lawmman an inlak chhawk zak zak thin a ni.

.......Dawrpui Male voice.....................Saron Male Voice....................Zarkawt Group Singing

RESULTS

30 July, 2008 khan Joint Committee in kan vengchhunga Security lam enkawl tura agency JC Security a ruatte leh terms and Condition mumal taka siama phalna alo pek tawh chu ngun takin ngaihtuah ho leh a ni a, JC security-te hian zan lamah duty in an in enkawlna tur atan dawr leh in an vente hnen atangin sum an khawn thin thu sawi a niin, tun hnai chhovah an mi chhawr zan duty thinte atangin harsatna a awm ta fo maia, heng bakah hian an duty danah an intiamna anga an awm thin loh avangin JC Security te hi show cause notice (insawi fiahna) pek nise tih rel a ni a, an chhan let hun tur atan 28 July thleng hun pek a ni bawk.

Tunah chuan kan changkangin lehkhate kan chhiar zau tawh a, mi tam tak Health Tips ang reng ziktluak si lova eng eng emaw hria an tam ta hle mai. Cancer nih tuma beidawng ta thak thak te pawh an awm. Chuvangin Health (Hriselna) lam hi chu a thiam, zir chhuak law law te rawn a, an advice pawm a tha.

Tunlai phei chuan Rulhut lian pui pui angte kha a awm ta lova, Vitamin ei te kan ching em em a, mahse Vitamin ei hi fimkhur ve a ngaihna lai a awm. A bikin naute, naupang Vitamin pek hi ka sawi tum ber chu a ni.

Kan pian chhuah hian nu taksa atanga kan dawn, natna vengtu Polio- Khuhhip, Sentut leh Tetanus te hi thla thum chhung kan chhawm a, chuvangin naute thla thumnaah heng Polio te hi pek an ni thin a ni. Nu hnena mi an chhawm a zo tawh si a. Chutiang tho chuan kan thin (Liver) hian kan Vitamin mamawh tur zawng zawng siamtu tur Factory a siam a. Nau pian tirh te thla ruk chhung hi chuan heng ang Vitamin A B C D E -te chemical hrang hrang siamtu tur khawl hi an bun ve a, kan mamawh siam chhuak zel tu turin.

Hei hi a pawimawh em em a, inti chhiar tam hre tluantling silo te, duhthawh luat avanga Vitamin lo pe ta mai mai kan tam hle. A tulna bik a awm a nih loh chuan naute thla ruk hma lama, kum khat chin ti law law teh ang, Vitamin engmah pek loh a tha. A enga mah hma a i lo pek chuan thin (Liver) khan Vitamin siamtu Factory din a ngai lo, a awm sa reng tiin Vitamin siamna khawl i neilo kumkhua thei. Iron te, engkim hi a ni vek a, chuvangin taksain a siam chhuah theih nan, tul vanga Doctor-in a chawh a nih loh chuan naute Vitamin pek mai mai loh hi a him ber.

Kum zabi 21-naa Solar Eclipse (ni awk lem) rei tum ber, tukina Asia ram hmun hrang hrang atanga lang chu khawvelin a thlir a. A lem tan hun hi dar 5:50 hnu lam, dar 6-7 inkarah hmun hrang hrangah hmuh theih a ni a. Awmna hmun azirin 'awk lem' hmuh hun erawh a in ang lo. A tuam chin hi km 250 vela zau a ni a. A rei zawng hi minute 7 leh a chanve vel ani.

Mizoramah chuan chhum zingin a tibuai hle a, hmuh tur awllai a awm ta lo ani. ATC hmuna mi za rual zet he hun hmang turte pawh duh angin an hlawhtling ta lo a ni.

He thlalak hi vawiin zing dar 7:33-a lak ani a, chhum a nasat em avangin duh anga chianga lak theih a ni ta lo ani.

Branch YMA Executive Committee in a lo rel tawh angin, 5 July 2009-a chhungtinte chhantura rawn ruahman Questionnaire chhanna chu a tlangpui chinfel a ni tawh a. Tun tum questionnaire hi hlawm 2-a then a ni a. Hlawm khatna chu 'Thlanlaih' chungchang niin, hlawm hnihna chu 'Khawhar in riah' chungchang a ni.

Thawhah deuh reng reng hi Asthma anga enkawl mai kan ching hle a, mahni nghaihdana Damdawi ei mai mai ching kan ni bawk, hei hi ngaihtuah chian a hun ta hle. Thawhah tam tak chu Lung lam that loh vang a ni thin a, hei vang hian mipuite pawhin kan chhungte thawhah an awmin a Lung lam a buai thin em tihte hriat pui a tha. Thawk harsa reng reng Asthma anga kan ngai fo hian nunna pawh kan chan tam phah niin a lang deuh. Lung (Heart) hi a chak loh chuan taksa kham khawp Oxygen a pump chhuak zo lova, boruak tlachham angin an lo awm a, rin loh deuhin Heart Failure avanga boral thutte an awm thin. Chuvangin i thawk a nawm loh fova, i awm vei lam leh dar bawr vela na/nuamlo i nei thin a nih chuan Doctor rawn vat a tha. Kan ei a tha a, kan fit si lo hian natna neih loh tur tur kan neih phah nite pawh hian a lang zo ta.

Chaw te pawh pumpui puar luaha ei kher lovin ei tlem ve deuh a, ei zin zawk ni se. Ei tura dam nge i nih dam tura ei? He zawhna hi i ei leh in dan atangin lo inchhut ve mai mai rawh. Lung hnathawh dan leh lung pawp te, a valve thalo te chu hun dangah kan la ziak dawn nia.

Boral : July 16, 2009 (Ningani) 4:30 PM khan Pu V.L Hmachhuana (Pi Thanglianchhungi w/o VL Rinmawia Dawrpui South pa) kum 80 Thakthing veng chu awmlai in boral.
* July 13, 2009 (Thawhtanni) 6:30 khan Benjamin Lalchhanchhuaha ni - 4 a upa Damparengpui chu a boral a, YMA ten buaipuiin kuang siam sakin puana tuam a ni a, Dawrpui thlanmualah thlah liam a ni.

Ruangchhuak : July16, 2009 (Ningani) zan dar 6:30 vel khan Mawii kum 24 Dilzawl khua chu Malaria natna avangin Civil Hospital-ah a boral a. A Kuang hi Salvation Army, Bazar Corp ten tum sakin, kalna tur motor bialtu MLA Pu John Rotluangliana’n a tumsak bawk. Dawrpui YMA ten puana tuamin kan thlahliam.

Damlo : Pi Thanzingi w/o Haudalla (L) chu hun rei tak Grace Nurshing Home-ah enkawl a ni tawh a, that lam a pan zel kan beisei.
* Pi Thuamkungi w/o Ch. Aikima , Bara Bazar pawh in lamah enkawl zui zel a ni a, hma a sawn chak lo hle.
* Pu F. Lalnunzira (Ex. VCP) Bara Bazar chu Mumbai lama Check-up turin vawiin Pathianni hian Mumbai lam pan an tum.

Innei : July 16, 2009 (Ningani) khan Rosangliana (Sanga) s/o Lalngaii, Jail Veng leh Lalsangzeli, Ramhlun South-te chu an innei.
* July 17, 2009 (Zirtawpni) khan Lalnunthara s/o F. Lalhuapliana Thana tlang leh Lalniengmawii, Saron Veng te an innei bawk.

Thingpui in hi kum sang tam tak hma lama an lo chin tawh a ni a. Amah a thil awm, damdawi ti mai ila (Chemical) chi hrang hrang hi an test nasa in an check nasa tawh a. A that lohna aiin a thatna lam hlir hmuh a ni ber a. Chuvangin, thingpui sen hang in hi uar em em tur a ni. Keimah ngeiin ka tawn hriatah pawh zing thawh a, pum alo no nghual a, a nuam lo a nih chuan thingpui sen hang in ila, lak ang hlauhin a reh ang.

Thingpui thlum hi tuman kan ngeih vak lo. Thingpui hang hian pumpui na a tireh a, pumpui na tur a veng a, Cancer a veng bawk a, thisen bal a tifaiin thluakte a tifim a. Hengte avang hian thingpui sen hang in hi uar ila, a man a tlawm a. Tin, Gout nei leh zunkawng tha lo ho tan phei chuan tuisik in chiam a har avangin thingpui sen hang in tam hi tum ila a tha.
Tunhma kha chuan thingpui thlum paw in kha milian/hausa tih turah kan dah a, tunah chuan a ni ta lo. Kan thianpa in, “ Thingtlangah officer-ho an lo kal a, harsa harsa in thingpui thlum paw kan ngaihtuah a, tunah duhtawka in tur kan nei ve ta cheng a, milian/hausa hovin ‘a sen hang kan duh’ an lo ti leh si, changkan dan pawh hi kan hrethiam lo,” a tih ang deuh a ni a.

Tunah phei chuan puipunnaah reng reng a sen hang a tel ta vek mai a, a lawmawm hle. BP san vang leh Diabetis/Cholesterol san vang maia a sen hang in lovin in ve hrim hrim a tha. Nula leh tlangval tan hlei hlei, tisa a ti mawi/mam bawk si. Heng hi USA-ah test-in an lo proved vek tawh a, in teuh teuh mai tur a nih chu! Mahse, thingpuife tui deuh te zawn ve a tha. Mi exceptional- thingpui sen hang in thei miah lo chu a nuai telah chuan an awm ve leh zeuh thin bawk.

Kal a thawh theih tawh loh tawh zet chuan a dan theih tawh loh a ni ber mai. Taksa vung tam tak hi kan hlau em em a, hlauh tur chu a nih laiin kal vanga vung i nih chuan zing thawhah mit te a bui a, a vung a zual thin. Tlai lama ke vung chi ho hi chu kal vang a ni lem lo tura dah phawt a tha.

Chuvangin kal tha/Dam rei i duh chuan tui thianghlim leh liquid lam chi reng reng in tam tur, zun a fim kar reng tur a ni. Kan blood Pressure control-tu pawimawh ber a ni bawk a, i zun a fim that chuan a hing nep deuh ang.