Mizorama Krismas kan hman tan dan

[ 23 December, 2011 | 3 comments ]

Kan rama chanchinbu hmasa 'Mizo leh Vai' Feb.1904 leh Feb.1905-a chhuaka an ziak dan. He thu hi Thu leh Hla Dec. 1989-a chhuak, “Mizo Krismas Hmasate’ tih Pu C.Vanlallawma ziak atanga lak a ni.
Kum 1903 Krismas : Krismas hi a awmzia Isua lo pianni a ni. Kum tin-in Disembar ni 25 a awm thin.Tin, Kristian hovin chumi ni chu an ngai hlu em em mai a, “Lawmni ni bik a ni,” ti-in.Tin, chumi ni chuan awmni an kham thin.Tin, tunlai sawrkarte hi Kristian sawrkar an nih avangin chu mi ni chuan awm ni an kham thin; an hnathawk tute zawng zawng Kristian emaw, mi dang emaw pawh an chawlh tir thin.Tin, hlimna turin ruaithehna te, englo shem te, in fiamna tin reng te an shiam. Zosap leh sawrkar in, chu mi ni atan eng lo an thawh-lawm khan sebawng leh vawk ser leh fu nen an lei.

Kum 1904 Krismas : Krismas chu Mizo ramah hian Sap ho an awm avangin a lo awm ve ta a, 25-na Disembar 1904 a khan an tan a.Lunglei zosap pahnih te pawh an nupui ve ve te nen 23-12-1904 khan Aizawl an lo phei a.Zosap skul naupangte pawh in tangkan thawhlawm a.sapho pawh in cheng 50/- lai an

Pathian remruat-Chhandamtu tur

[ 12 December, 2011 | 1 comments ]

Chhandamtu tur Isua Krista lo pian tur thu hi Zawlnei Isaia te, Mika te hian A pian hma kum 700 velah chiang takin an lo puang tawh a. Isaia leh Mika te hian Jerusalem leh Judai ramah te a rualin rawng an lo bawl tawh thin. Bethlehem khua kher kherah a lo pian tur thu pawh tihian an lo puang a, “Nang Bethlehem, Efrata, Judai khawpui zingah te hle mah la, i chhung atangin Israel roreltu ka tan alo chhuak dawn si a. A ni chu hmasang ata thlahtu bul atanga lo chhuak a ni” tiin (Mika 5:2). Zawlnei thupuan tawh hi a dik ngei theihna turin Pathianin Kaisar Augusta a hmang ta a. A ni chuan thupek chhuahin mahni pianna khua theuha hming ziah tur thupek chu a pe ta a. Mari chu a nau pai hram tawh hle mahse, Davida thlah a nih angin Davida khawpui-ah amah ngei hming ziak tura a kal a tul ta tlat si

Intensive Care Unit (ICU)

[ 03 December, 2011 | 2 comments ]

Intensive Care Unit (ICU) hi Aizawl Civil Hospital-ah kan lo nei ve ta a, damlo thih mai hmabaka lang chhanchhuah pawh an tam ta hle. A mah hi mi nazawng luh theih loh anih avangin a awmzia pawh hre vak lo kan tam hle.
Thil mak ve tak chu, kan naupan lai chuan Betnesol an pe tawh an tih chuan a thi tep tawh tih sawina ang deuh a ngaih a ni. Kum 1980 hnu lamah erawh chuan Oxygen an pe tawh an tih chuan thi mai thei tihna-ah kan ngai hmiah. Kum 2006 atanga ICU kan neih hnu hi chuan, ICU-ah an dah an tih chuan a thi tep tihna ang alo ni leh ta a, kan changkang ve sawt viau e.
ICU hi Intensive Care chhum lo chat lova Doctor leh Nurse-te awmchilha enkawlna hmun, mi thi tepte chhan theih beiseia dah luhna a ni ber reng a ni. A chhungah hian khawl chi hrang hrang damlo lu bul,

Central YMA Thuchhuak

[ 26 November, 2011 | 1 comments ]

Assam Police ten pawisawilo Mizo 3 an sawisak : Assam Police ten an duh, an nawm an maka an tih theih loh avanga, Mizo tlangval pawisawi lo pathum-Lalhmingmawia (24), Zemabawk, 42nd Rashtrya Rifles (Srinagar-a awm), Lalawmpuia (22), Dilkawn, 7th Assam Regiment (Punjab-a awm) Zoremthara (21), East Lungdar, 7th Assam Regiment (Punjab-a awm) te Gharmura hmuna Assam Police ten ni 11.11.2011-a an chuanna Maxi Cab ti dinga an sawisa hi Central YMA chuan pawi a ti takzet a. Hetianga mi pawisawi lo chunga kutthlak tute hi Central YMA chuan a dem takzet a, thil tisualtute hi an phu tawka hremna pek ngei a phut tlat a ni. Bairabi-a kan

Agape Basketball Court hawn a ni

[ 19 November, 2011 | 1 comments ]

19 November, 2011 (Inrinni) khan Dawrpui Bial KTP-in project-a an neih Agape Basketball Court chu Bial Chairman Upa Lalchawimawia'n ropui takin a hawng ta. He Basketball Court hi 2009 Bial Conf. rorel-in a pass ani a. Mahni Branch theuhah Basketball court puala Ip sem thin a ni a, vawi tam tak Bial huapa hnatlang anlo nei thin bawk a ni.
Hunserh hman zawhah hian Dawrpui, Saron leh Zarkawt Team 2 theuh-te Exhibition Match ropui tak an khel nghal a ni.


He Basketball court atana sum hmuh zawng zawng chu Rs. 3,99,022 ani a, sum senral zawng zawng chu Rs. 3,77,061 a ni.

Sangbera Top-Scorer

| 0 comments ]

Tv. Lalsangbera, Medical Quarter, Dawrpui chu Second Division Mid-Season Football Tournamnet 2011 neih zawh takah khan Top-Scorer a thlan a ni a, hetianga veng tihmingthatu vengin kan nei hi kan chhuang hle a. A kal zelna turah duhsakna kan hlan bawk e

Mit na

| 4 comments ]

Mitna hri a len hian fimkhur a ngai hle a. A natna chhan tam ber hi virus hrik vang a ni ber a, a damdawi a awm lem lova, mit thlawr a ti nuam tur thlawr mai tur a ni a. Mahse tulna bik a awm anih loh chuan STEROID e.g.Betnesol eye drop te hi hman loh hram hram tur, tul loah mut a ti chhuak thei a, mit hi kan nun kawng hruaitu pawimawh ber a nih avangin duat a ngai a. Heng mitna len hun lai te phei hi chuan mit a lo thak deuh a nih pawh in nuai mai lo la tui thianghlim in sil emaw, a chhungah meng la, mit khap la, chu chu a silfai dan a ni mai a. Kan nuai nghal mai hian a ti punlun thin a ni.
Tin, kut silfai that hi a pawimawh em em a. Mitna lenlai phei chuan kut hi sil deuh reng mai tur chu chuan a veng rei ber ang che. Bible pawhin Kut fai leh Thianghlim nei a ni a duh ber. Kan Bible hian in ang reng sawi pahnih a nei zel a, Taksa leh Thlarau lam, hrem hmun leh vanram pawh helaiah leh nakin hnuah a hman theih a ni. Bible-ah phei chuan Kut sil leh taksa fai a duh zia chu miin mitthi emaw ran thi emaw a khawih chuan nilengin a bawlhhlawh a ni, engmah a khawih leh tawh tur a ni lo, a inbual fai leh hma chu tihte kan hmu a, kan Bible hi zawm tha peih ila in zirtir leh vak tur pawh a awm lem lo, kan chhiar a, kan hria kan zawm silo hi kan buaina intanna chu a ni ta ber e.
- Dr Thangchungnunga, MS (Ortho)

Dawrpui KTP 56th Rising Day

[ 16 November, 2011 | 1 comments ]

Dawrpui Branch KTP chuan an din champhaphak vawi 56-na chu 14 November, 2011 khan ropui takin an lawm a. Hemi denchhen hian Group hrang hrangte Zirtawp zan atang khan Intihsiakna - Beat Contest, Musical Dance, Banner insiamsiak (on the spot), Extempore Speech, Drama (on the spot) leh Solo-ah te neih a ni a. Inrinni (12 Nov) khan Fellowship Hall-ah Durtlang Hospital-a hman atan mi 54 ten thisen an pe bawk a ni.

Khupkawi

[ 15 November, 2011 | 9 comments ]

Tunah chuan kan chang kang ta deuh a ni ang, ‘kawi’ hre lo leh hmu lo hi naupang an tam ta viau mai a. Khupkawi tih pawh hi an hre thiam lo.
Kan khup a ruh bawk, nem sawn theih hi khup kawi a ni a, inbah nana kawi an hman nen a in an deuh avanga phuah a ni ber awm e. Khupkawi hi a pawimawh em em mai a, kan ke lek kawh tur a tanna petu (Lever) a tan chhan ber a ni a. Thil kan kar kau dawn a a hnuai a lung emaw thing bung emaw kan dah a, awlsam taka kan kar kau ang hian a tang ve a. Chuvangin khup kawi keh reng reng chu zai a zawm leh anih loh chuan an ke tlawn kal ut ut thin a. Tin, kan hriat fo tur chu, kan taksa ruh chuktuah emaw, kawng emaw, na taka (hriat reng tham) tleirawl emaw nulat tlangval laia tihnat, inherh etc.. ang reng reng hi kum alo upat hnu kum 50 han pelh meuh hi chuan a rawn lang chhuak leh ngei ngei thin.
Khup hi a bikin kan taksa rihna dotu anih avang hian a ruh chuktuah hi a hrisel leh a chak a ngai em em a ni. Nu thenkhat phei chu, ke kual phah khawpin an khup ruh hi an rap ral thei a, kan kal hian a chhung lam hi kan rap nasa bik a, a ral tak tak thin ani.
Hei hian a entir ta ber chu khup chak tha i mamawh reng a, chhuk kal hian khup tihrawl a chak loh chuan a harsa hma em em a, khawn phei deuh a ke chheh te a ngai thin. A venna tha ber chu - Ke, Malpui tihrawl tih chak hi a ni mai a. Exercise lak a, kalte hi a tha a, a nat hnuah erawh chuan a ngeih loh ber a ni thung a. Kan kal hian sipai kal ang deuh a khup tisek tanga kal hi zirtur; chuti a nih loh chuan awmzia a nei tlem a. A nat tawh hnu rau rauah chuan muchunga exercise lak tur a ni a. Ke hi a pahnihin zungtang li bawk lek a sang in lek kawh la, second 10 (sawm chhiar la) i dah thla anga i ti leh ang a, mut dawn leh thawh dawn ah vawi 20 tal tih han tum teh. A tir chuan vawi 10 chu i ti zo lo hrim hrim ang.
- Dr Thangchungnunga, MS (Ortho)

Tawngtai Beihpui

[ 06 November, 2011 | 8 comments ]

Synod Revival Committee-in Revival Beihpui Programme a duan angin Nov ni 4 (Fri) zan dar 7:00 khan Bial 25 ten hmun hrang hrangah Beihpui Programme hlawhtling tak an hmang a, Dawrpui leh Chhinga Veng Bial pawhin Millennium Centre kawtah an hmang ho bawk.



November ni 5, 2011 (Sat) khan Tawngtai Beihpui chu AR Lammualah Synod Revival Committee buatsaihin hman leh a ni a. Hetah hian Dawrpui leh Tuikual Bial KTP-te chu Ushering & Reception, a hmun buatsaih leh senghawi mawhphurhna an la a, tha takin an hlenchhuak thei a ni.

F-a weds KPi

[ 05 November, 2011 | 1 comments ]


F. Lalremruata
s/o F. Huapliana, Dawrpui Thana Tlang leh Zokungpuii d/o Lalzinga (L) Dawrpui, Jail Veng te chu Kohhran Dan Thianghlimin November ni 3, 2011 (Ningani) chawhnu dar 2:00 khan Dawrpui Presbyterian Kohhran Biak inah an innei.

Multipurpose Centre hman dan tur

| 1 comments ]

Dawrpui Multipurpose Centre Hman dan tur

Ruang Dah Lailawk Nan :
Khualkhua a mi Civil Hospital-ah thi an awmin a ruang an khaw lam panpui mai turte chu hmundanga ruang lak buai ngai lovin, helai hmun hi ruang dah lailawk nan leh mipui kalkhawmna atan hman theih a ni ang. Hunserh hman theihna hall a awm nghal bawk.
Chhiatna Lian Tham Thlen Thulha Hman Atan :
Chhiatna lian tham a thlen thulh a Hospital leh a thawktute chimbuai lova mipui awmkhawmna hmun atan leh Information lakna hmun atan Counter pawh dah a ni.
Rikrum Thilah A Tul Apianga Hman Atan :
Heng bakah hian Dawrpui khawtlang Jiont Committee-in tul bik thilah a hmantir thei bawk ang
Issued by : Dawrpui Khawtlang Hruaitute Joint Committee, Aizawl

Pu Lalchungnunga thusawi tlangpui

| 1 comments ]

Kumin YMA General Confence Vawi 66-na, 2011 Kolasiba neiha President kalchhuak tur Pu Lalchungnunga thusawi tlangpui han tarlang ila:

ZONUNMAWI : Bus-ah i chuanga, i bula ding, seat chang ve lo kha engatinge ni seat-ah i thut tir? bus fare a tumsak che em ni? tumsak lo, nang aia a upat avangin i zah a, i seat i kian mai a ni. Ruaithehnaah chaw dawh turin i intlar a, i ril pawh a tam ve tawh, mahse i hnunga putar chu i kiana, i dawh hmasaktir thin. Hei pawh eng dang vang mah a ni lo, i Zonun zemawi lo lanchhuah vang a ni. Zinnaah mi motor chhia a lo ding a, motor chhe siam thiam miah lo chunga “engtizia nge”? ti a i din chilhna chhan pawh Zonun Zemawi hawihhawmna nangmaha nung reng kha a lo chhuah vang mai a ni.
Zing dar 2 a ni tawh a, mitthi dar ri val val chuan i muhil tui lai a tiharh che a, YMA tlangau in tunge thi, engvanga thi nge tih a rawn puang a, vanneihthlak takin i chhungte an ni lo hlauh mai. Mahse i muhil zui thei ta lo va, chutiang ang hunah chuan tanpui ngaite tanpui turin ruahsur hnuaiah pawh ke i pen thin. I exam hun a hnai, a nih loh leh a tukah i hnaah i kal ngei ngei a ngaih chunga mitthi lumena tlaivar tlat si pawh em-i-mi, zet-o-zo Mizo

Eizawnna atanga Natna

| 1 comments ]

Kawng sira welding : Kan kawng a te-in a zim a, kawng sira Workshop siam pawh an tam mai a. He thil hi, a bikin Welding (Thir char zawmna) hi mihring tana hlauhawm tam tak a awm ve a. Chung zinga a tha lo ber, thir an kahzawm laia eng pawl tek chuai chuai thin hi Ultra violet ray (Light) a ni a. Mit hian a haw em em a, kawng sira an lo ti anih pawhin en lo hram hram ang che. Ni awk lem a hlauhawm an tih thin ang tho zungzam kha a ni. A khawihtu phei chuan a venna tarmit a bika siam a hmang ngei tur a ni a, chuti a nih loh chuan mit hnung lamah hian nerve hriatna thazam chak em em mai a awm a, hei hi a va en chhe thei a, mit fiah lo, mit chak lo emaw lu na te a siam thei thin. Tin, a bul hnaia awm phei chuan vun natna hrang hrang pawh a siam thei bawk.
In rawng hnawih : Mahni In rawng hnawih that te hian zanah tukverh leh kawngka te hawn vek a, boruak chhuak tam thei ang ber hi a ngai tih hriat tur. A rawnga an telh damdawi hi chuapin a haw em em a, rawng hnawiha inhlawh phei chu hmui leh hnar tuamna vuah reng a tha. Rizai siam leh heng lapua lam chi khawih pawh hi a kum tluana khawih tan chuan hmui leh hmai tuam ngei ngei tur. Asthma te, chuap chaklo te a siam hma bik.

Chhuanawma kan chan ta

| 2 comments ]

Lalchhuanawma hi Pu Rochungnunga leh Pi Lalrengpuii te fa 3 zinga upa ber a niin April ni 27, 1977 khan Civil Hospital, Aizawlah a piang a, Ni 12, June1998 khan Lalrengpuii nen an innei a. Fa pathum an nei.
Pu. Lalchhuanawma hi nu leh pa thuawih leh zah thiam tak a ni a. Meizial tak ngial pawh a nu leh pa hmuhah a la zu lo. A naupan lai atangin a naute hi a duat in, u nih tling takin a enkawl thin a. A nupui fanau a duat thiam em em a, an thlamunpui thin hle. Amah hi thenrual pawl thiam tak, mi tawng duh tak leh fiamthu duh em em mai a ni a. A bengvarin thenrual tha leh chhungkhat lainate lo kilkawitu ber a ni thin.
A nat dan : Taksa lamah hian harsatna a tawk ve zauh zauh thin a. A naupan zual lai atangin khawsik hlek a ‘kaih’ mai a ching thin. A lo len deuh hnuin, ‘Kal’ thatlohna avangin Guwahati panpui a ni a, beidawngin an rawn haw leh a. Mahse beidawng a an lo haw hnu hian Pu Tawka kaltlangin Pathian tihdamna a chang a,

Upa P.Lalluaia kan chan ta

| 5 comments ]

Upa P. Lalluaia (UPC) hi ni 25.12.1950 khan Liantluanga (L) leh Chalnguri (L) te inkarah Khuanghlumah a lo piang a. Pianpui unau 11 (Sawm pakhat) a nei. A mah hi unaute hmangaih thei tak a ni a. Thenrual ngaina mi, a dam chuan awm mai mai lova, sekrek khawih nuam ti mi a ni. Miin vawng fel khap thin a ni a, record vawnthat leh thil chhinchhiah peih mi tak a ni bawk.
Chhungkaw retheihna avangin lehkhazir san zel duh mahse loh theihlohna avangin hlo thlawh a ngai a. Kum 1973 khan a u Saingenga zarah vanneihthlak takin Pachhunga University College-ah Library Attendant hna a hmu hlauh a. He hna hi kum 38 a thawh hnuin ni 31.12.2010 khan a penson ta a ni.
Kum 1973-ah Lalthannguri nen an inneiin Fapa pali an nei a, a nupui Pi Lalthannguri hian June 10, 2005 khan chatuan ram a lo pan san tawh a. Lalrinsanga leh Lalbiakveli te nupa leh an fate pahnih nen tuna an

Tunlaia Rannung Seh

[ 29 October, 2011 | 10 comments ]

Tunlai hian rannung eng ber nge hriat loh(A in ang vek lem lova) thihpui leh ke, ban tan ngai an awm nual mai a. A chhan ber nia lang chu natna hrik a awmna apiang eichhe nghal, darkar 24 chhunga taksa fan chhhuak thei khawpa chak hi natna hrik pangngai zingah hian an lo piang ve zeuh zeuh thin a. Hetiang natna hi ‘Necrotising Fascitis’ kan ti a. Hetiang natna hrik taksaa a luh tawh chuan, an ke a a seh a nih chuan darkar 12-ah a duk chhe vek a, a ni thumna-ah an thi lo a nih si chuan ke tan emaw paih emaw a ngai tawh thin. Heti taka rang leh nasa hi kan hmu zeuh zeuh a, dam chhuak pawh an awm ve tho. An ke (Bawp) lehlam kap atanga ke hmawr thlengin darkar 72 chhungin a tawih vek thei a ni. Heti taka Bacteria natna hrik hlauhawm bikte hi a tam lova. Tunlaia Terrorist abika thiamna nei leh thih ngam ang deuh hi, natna hrik tam tak zingah hian an lo insiam ru ve a, chu chu a eng bacteria pawh nise thihna emaw vun tihrawl tawihna a siam ta thin a ni.
    A venna pawh hi a awm hran lova, mi vanduai bikin an kai a ni ber a, a kai dan pawh rannung seh, hling chhun leh vangvat zuk te hi a tam ber an ni a, mi sing telah pakhat pawhin a vei meuh lo. Mahse kan hriat reng tur chu HIV+ ho emaw AIDS vei inhre si lo te, zu in nasat lutuk avanga thin chhe zo tawh te an ni deuh fur thin. Kan taksa resistance a that hle a ngai a, khing natna nei maih lo pa hrisel teng tawng pawhin

Multipurpose Centre Lungphum phum leh Building hawn

[ 28 October, 2011 | 1 comments ]

Vawiin (ie.28th October, 2011) chawhnu dar 3 khan Dawrpui Multipurpose Centre Lungphum leh Building chu Pu Lal Thanhawla, CM chuan a hawng ta a.
He Lungphum phum leh Building hawnna inkhawm hi Pu Zosangzuala, Chairman Local Council-in kaihruaiin Pu V. Lalliana, President MUP-in Bible chhiar leh tawngtaina hun a hmang a, Report Pu Chhawnkima Pachuau, President Dawrpui YMA-in pein, Thusawi Chief Minister Lal Thanhawla, Pu Lalsawta, Minister (Bialtu) leh Pu John Rotluangliana, Dpy Speaker hnen atang tein ngaihthlak ani a.
Zai mawi tak Nl. Lalruathlui (Hluteii) leh Dr. Zothansanga te hnen atangin ngaihthlak bawk a ni. Lawmthu sawina Pi Vanlalhriati, President MHIP-in a nei bawk a ni.

Marama weds RS-i

[ 22 October, 2011 | 5 comments ]

H. Lalramenpuia (Marama), Dawrpui leh H. Lalramsangi (RS-i), Aizawl Kohhran chu October ni 21, 2011 (Zirtawpni) khan Dawrpui Presbyterian Kohhran Biak Inah Kohhran Dan Thianghlimin an innei.

Ruh Muat (Osteoporosis)

| 2 comments ]

Osteoporosis ruh muat kan tih mai hi, a muat tak tak a. Thing kung a pawna chang ve si a chhung lo hnip thuih ang hi a ni a. He thil hi khawvel pumpuiin a buaipui a ni a. Nisa val val tuar ai chuan nisa ve deuh roh, chhum romei ten a hliah deuh si hi a hlauhawm ber a. Hetia chhum pan tak kal tlanga ni eng lo lut hi ultra violet ray-ah a in siam a, atom bomb zung zam ang a nih chu, hei hian ruh a ti muat / chak lo thei a. Europe ram phei khu chu, chhum kar ni an ni kum tluan deuh mai a, chuvangin an buaipui ber pakhat a ni reng a ni. Mizote pawh hi kan ei leh in uluk tawk loh vangin he natna hi kan ngah em em mai a ni. A bikin kum 60 chunglam (MUP) ho hi an nasa a, hmeichhia an thi a hul hian an ruh a chak lo rang bawk a, a chhan chu kan taksa hian Calcium hi a hmang nasa a, kan hriatna thazam tikal tha tur te, lungphu dik taka a phut theih nan te, ruh tih chak nan te a ngai tam em em a ni.
Thluak hi Computer lian tak a ni kan tih tawh kha, he computer hian taksa a thil mamawh zawng zawng a check kual reng a. Heng a check kual reng avang hian Acid te, Mit (Bile) tui te, Hormone chi hrang hrang te leh Calcium, Magnesium, Selenium Baron etc te thisen ah a level dik tawk a awm em tih kha a thlir reng a, Calcium thisen a a lo tlem chuan, pawn lam atanga supply a luh that si loh chuan a tih dan tur a ngaihtuah a, A tih theih awmchhun chu, ruh a awmsa Calcium kha a hip chhuak a, thisen a a level tawk turin a hip ta reng mai a ni.Chuvang chuan ruh ti chang tu ber calcium kha a hip chhuah zel avangin ruh kha a lo thawrawng, muat ta thin a. Hei hi Osteoporisis (Ruh muat) ruh tliak awlsam a lo nih phah ta a, chumi rual chuan ruh hi a lo muat chuan a na ve a, a bik in hnung, kawngna, khawih fak tur awm silo in a na ngut ngut mai thin a, hreawm ve tak a ni. Tin, a lo chak loh lutuk phei chuan, kal lai emaw, hotea tluk pawhin an khel ruh a tliak hma em em thin.
Hetiang hi anih avangin upa, kum 60 chunglam hi chuan calcium ei reng mai hi a damdawi leh a ven dan chu a ni mai a. Upa lam tan phei chuan calcium naran lo deuh Caleitrol, Zine, Baron etc vitamin D te telna hi ei a ngai bik a. Mahse a to em hlawm avangin nitin mum 1 ei a, thla 1 te ei hnua thla 1 chawlh a, ei leh a chutia tih ve deuh chu a ngai. Zing mu reng tan chuan calcium ei loh a tha zawk, a chhan chu an che ve lo a, lungte siam nan a tang mai mai thin.
Pathian hian min siam famkim khawp a, tunhma, keini pawhin kan hmuh phak naupai lai a, vaihlo zial zuk vap ei chak tlat te, a then chu lung no an ei chak a, an ei teuh thin. A taksa in calcium a mamawh a, chu chu Pathianin hriatna a dahsa hmangin calcium tamna kha an ei chak mai thin a ni. Kan ei leh inah hian calcium chu engah pawh hian tlem tlem chu a tel vek a, mahse balance diet kan ei loh vang a tlem an ni thin a, a theih hram chuan chaw, thlai hring, rah, thil bul bal, sa thau lam chi hi nitin chaw ei ah telh ziah thei ila a kim mai ang.
Vai hovin an chaw ei apianga nimbu pakhat an ei tel ziah te hi an lo fing rei tawh tihna a ni. Vitamin D hi calcium siamtu anih avangin, nisa hnuaia awm ve fo te hi a tul thin. Ei loh ai chuan eng calcium pawh ei mai rawh a tha zawk.
- Dr Thangchungnunga, MS (Ortho)

Mihringte rohlu ber-Hriselna

| 0 comments ]

Nunna hi thi thei mihringte rohlu ber a ni a, a dawttu chu Hriselna hi a ni tlat mai. Nung ringawt mah ila kan hrisel leh si loh chuan nunna hian tangkaina leh hlutna a nei tlem hle ang. Mi hrisel lote chu an duhna leh chakna hmunahte an kal ve thei lova. An ei duh zawng leh chak zawng te an ei thei lova, an duh zat leh puar khawpin an ei ngam bawk hek lo. Dam ve reng siin hrehawm takin an dam chhung ni an hmang a, an khawngaihthlak hle a ni.
Damlo chu a na tawrh hrehawmna maiah a tawp lova, amah a inenkawl theih loh avangin enkawltu a mamawh. A enkawltu chuan an hna tulte kalsanin damlo chu buaipui a ngai. Chhungkua a tihbuai mai bakah thenawm khawvengte nen tlaivara buaipui te alo tul a. Sum leh pai tam tak khawhral tawh hnuin, a tawpah nunna hlu tak chu a lo tawp a, awmni khama khawtlang tihbuai a lo tul ta hial thin a ni.
Kan natna tam ber hi kan fimkhur tawk loh vang leh, hriselna dan bawhchhiatna avanga kan tawrh a ni tlangpui. Pathianin a mite hriselna atana dan a lo pekte hi tha takin zawm ila chuan kan natna zawng zawng deuhthaw 85% hi chu kan pumpelh vek dawn alo ni. Nat hnua tihdam tum ai chuan, nat hmaa lo inven that hi a hlu zawk. Tunah hian Doctor rawn ngai lova i hriselna i vawn that reng theih nan hriselna dan kawng pawimawh pariat, Pathian siam sa damdawi, mitin banphaka awm chu i lo sawi dawn teh ang. Tin, hrisel tha tawh lo te tan pawh hrisel that leh theihna, mau rua anga tuai thar leh theihna a ni a, chu chu NEWSTART tiin an vuah. Heng hawrawp mal gtin hian entir leh kawh an nei vek a, chungte chu i lo chhui teh ang u le.
N - Nutrition (Chaw tha)
E - Exercise (Insawizawi)
W - Water (Tui thianghlim)
S - Sunlight (Ni eng)
T - Temperance (Insumna/Chintawk neia thil tih)
A - Air (Boruak thianghlim)
R - Rest (Chawlh hahdam)
T - Trust in God (Pathian rin tlatna)

Heng kan han tarlante hi a mal te tein karleh Issue atangin kan sawi tan dawn nia. Chhiar satliah mai lovin zawm vek tum ila, Krismas lo thleng tur hlim taka kan hman theih nana kan lo urlawkna tha ber pawh a ni mai thei a nia! Hriselna tha nen lo hi chuan khawvel hi a nuam tak tak thei lo.
- Vanhmingliana

V. Biakthansanga kan chan ta

| 0 comments ]

V. Biakthansanga (1968 - 2011) hi Pu V. Lalmuana leh Pi Rotluangi te fa 14 zinga a parukna niin Feb 8, 1968 khan Mualthuam khuaah alo pianga. April 5, 1994 khan Malsawmi nen Pastor K. Lalzuala kutah an innei a, fapa pakhat leh fanu pahnih an nei. Biakthansanga hian Cooperative Department ah Driver hna chelhin, a thihni thlengin he hna hi a chelh a ni.
Amah hi mi tlawmngai thei tak a ni a, YMA Dawrpui Branch Chawngbawla Section hruaitu te pawh a lo ni tawh thin. Kohhran leh khawtlangah theihtawpin a inhmang ve thin a, puipun nikhua-ah te phei chuan a hnung dawltu ber a ni thin a, heng kawngah hian a entawn tlak tak meuh a ni.
Kum 2009 Krismas ruai theh a fatu zo lo haw chu a Tonsil na tiin a insawisel tan a. Hemi hnu hian thla hnih dan velah a insawisel tan ta zeuh zeuh a. Nikum May thla khan a insawisel nasat deuh avangin Biopsy lak a ni a, a natna chu Cancer a ni tih hmuh chhuah a ni. Hemi hnu July 13, 2010 khan Mumbai lama inenkawl turin an kal a, Mumbai-a an awm lai Oct. 6, 2010 khan a nu Rotluangin a boral san leh tak si avangin an lo haw chho leh a. Hemi hnu hian dam lam aiin zual lam a pan hret hret zel a. Amah hi mi tuarchhel tak anih avangin a natna hian a bawih lem lo. Tichuan, October 10, 2011 (Thawhtanni) zing lam dar 1:15 khan a lo chawl ta a ni.

Bawlhhlawh Bawm

[ 09 October, 2011 | 5 comments ]

Faina Hapta denchhenin Dawrpui Local Council chuan Dawrpui Vengchhung hmun thenkhatah Bawlhhlawh bawm a hung a thar a. Mipui ten kal paha bawlhhlawh an paih mai theih nana ruahhman a ni. Bawlhlawh bawm hunna bul in/dawr neitute vil tura ngen an ni a, anni hian bawlhhlawh paih motor-ah an paih ang a, zanah dawr/inah an hunglut thin dawn a ni. Mipuite hmang tangkai ngei tura ngen leh beisei kan ni e.

Dawrpui YMA Rising Day Vawi 23-na

[ 07 October, 2011 | 4 comments ]

Dawrpui YMA dincham (Rising Day) vawi -23 na chu Dawrpui Sikulah October ni 6, 2011 (Ningani) khan khawtlang huapin ruai nen ropui taka lawm a ni. Zing dar 10 atangin Dawrpui sikul tualah Sports neih a ni a. Tlaiah Function ropui tak neih a niin ‘Winter Sports’ lawmman sem a ni bawk. Rising Day denchhen hian October ni 1 (Sat) zing dar 6 khan Marathon neih a lo ni tawh bawk a, hemi ni nileng hian AR Ground-ah intihhlimna neih chhunzawm bawk ani.
Marathon-a Mipa leh Hmeichhia tlan thleng hmasa 3-te
AR Ground-ah intihhlimna neih a ni : Ruai theh kan thahnem hle


Thingpui sen hang-II

[ 04 October, 2011 | 2 comments ]

Kan sawi a, kan sawi nawn leh dawn a ni ber mai. Thingpui sen hang hi taksa tan a tha em em a, a that lohna an la hre meuh lo. Tunhma deuha kan ngaihruat, hmanlai kan pi leh pute kha cancer an vei ve nasa tho ang kan tih kha, a lo ni dawn lemlo niin a lang. A chhan chu inleng apiang leh eng hunah pawh thingpui sen hang kha an lo in reng a, kha khan tunlaia kan buaipui tam ber pumpui pan (Ulcer), Cancer, thin thip tihte hi thingpui sen hang hian a veng vek mai a lo ni. Tuna an proof theih chinah chuan, pumpui na (Ulcer) a ti dam thei a, Ulcer tur a veng bawk a, taksa-a Cancer awm tur a veng bawk. Thisen dawt a tifai tha a, Lung (Heart) tihrawl a tichak a, thluak a tifim a, hriat reng theihna te a siam tel bawk. Heng lo pawh hi a thatna chu, kal (Kidney) tan a tha em em a, thingpui sen hang (A paw thlum ni lo) i in tam zawh poh leh i kal (Kidney) a chakin, a chhihri (Bawlhhlawh paih chhuahna) a tifai tha em em a, a tam thei ang ber in mai tur.
Zing thawh hlima pum no nghulh, thin thip lek lek te i nei anih phei chuan, mu chungin thingpui sen hang han siam tir la (Tak tha pangngaiin) han in pawp pawp la, lak sawn ang hmiahin a reh thei a ni. Heti taka tha hi chu nilenga a tam thei ang ber in tum mai tur. Thingpui thlum, bawnghnute pawlh hi zing thawhah han in chiah teh i pum chu a na ni chiah lovin, pai nuam lo hrehawm takin i awm mai dawn a ni. Tin, bawnghnute pawlh hi tumah ngeih tak tak kan awm lo tih hriat tur, naute pawhin a ngeih chuang lo.Chuvangin i BP sang, pumpui na, lung chak lo te, kal tha vak lo te thingpui sen hang hian a ti tha theiin, cancer te a veng thei a ni tih hriat chian tawh hi chuan in tam i tum mai teh ang u. A theih phei chuan thingpuife hi keimahni (Mizoram) siam ngei an zawrh hi hmang thei ila a tha lehzual. A chhan chu phai lam siamah hi chuan a chhiat lohna damdawi an pawlh hi taksain a ngeih lo ve thei tho a, mahse hlauhawm khawp chuan an telh ngai lo. Chuvangin hetiang awlsam leh man tlawm Cancer (A bikin Pumpui) veng thei tur hi in tam tual tual teh ang u. Tichuan, kan lo hrisel zawk dawn nia.
- Dr Thangchungnunga, MS (Ortho)

Rothangpuia kan chan ta

| 0 comments ]

Rothangpuia Sailo (61) hi Saitawna Sailo (L) leh Lalkili Renthlei te fa paruk zinga pali-na niin ni 19.12.1949 khan Thiltlang khua-ah a lo piang a. Ni 27.01.1984 khan Lalthakimi Ralte nen innei in fa pathum an nei.
Thiltlang Middle School-ah Class VI a zir zawh hnuin 1963 ah Don Bosco Technical School Boarding, Shillong-ah kum 4 awmin Matric tha takin a zo a, Don Bosco a zirlai hian Vocational Subject-ah Tailoring (puanthui) a la a, he School-a a zir chhung hian nungchang tha ber lawmman a la a ni.
Heta puanthui a zir zawh hnu hian puanthui hna thawkin Shillong-ah a thiante nen inluahin an khawsa a, kum 1971 khan Mizoram-ah lo chuang chhuakin an unau zain Aizawl ah an in bengbel a. Puanthui dawr, Don Bosco Tailoring hawngin thahnem a ngai thei em em a, chu a dawr chu tilian zelin kum 1991 khan Dry Clean khawlte a bun ta hial a, chu chu tun thleng hian an la chhunzawm ta zel a ni.
Rawngbawlna lam : Kum 1979 khan an unauin Chhandamna Sipai Pawl-ah in pe in Aizawl Bazar Corps-ah an awm a. A phak tawkah theih tawp chhuaha rawngbawl thin mi a ni a, Kum 1993-ah Local Officer (Welcome

Lalmuankimi kan chan ta

| 0 comments ]

Pi Lalmuankimi (38) hi Pu Hlawnsuma leh Pi Sainuami te fanau sawm pakhatte zinga a upaber dawttu ni turin kum 1973 khan a lo pianga, an unau hi mipa 5 leh hmeichhia 6 anni a, kum 2002-ah C.Lalremruata s/o Vanpianga nen an inneia, fapa pakhat leh fanu pakhat an nei a, a pasal hian kum 2009 khan a lo boralsan tawh a, afate nen New Market Sakawrpuluiah an cheng mek ani, amah hi mi tawng duhtak leh thian ngaina theitak ani a, a phak ang tawkin khawtlang leh kohhranahte alo in hmang ve thin a ni.
A hun hnuhnung : A pasal boral atang hian ataksa hriselna a tla hniam sawt em em a, Thinlian natna neiin a ute in, Dawrpui Vengtharah a dam loh chhung in an enkawla, a natna tuar lovin September 24, 2011 (Inrinni) zing dar 6:00 khan a boral ta a ni.

Tattoo

[ 18 September, 2011 | 5 comments ]

Tattoo hi Mizo tawngin a awm lova, mizo tawngah kan la lut mai ang a, kan hrethiam vek tho a. He thil hi tunhma kum 20 kalta vel khan tleirawl hovin an uar em em mai a. A awmzia leh a that lohna hre silo a, lo inchuttir ve ngawt an tam em em a, a pawi hle. Kan Bible Leviticus 19:28-ah pawh hian Tattoo hi a duh lova, hei hi kan thu hriltu leh Kohhran hruaitute lam hian an sawi ngai loh lutuk avang a ni ber a. A chhan chu sakhuana nen a inzawm tlat vang a ni.
Tunah phei chuan Sipai tur te, sawrkar hna thawk tur hrang hrangah Tattoo nei chu an lak duh loh phah tawh a. Kan Kohhran Presbyterian atanga kal chhuak an tam thinna pawh kha kan thurin innghahna kan hruaitu ten an sawi tlem lutuk a, a zira kan zir tak hial kha. Tattoo pawh hi Pathian duh loh a nih thu hi sawi tam se, naupang lo thang leh zel turte kan humhim thei ang.
Tattoo lo chhuahna hi hriatphak pawh a ni tawh lova, a tir te atangin Ramhuai (Setana) biakna lam chi a ni a. Tin, an hriat miah loh hian Tattoo hian awmzia a nei vek a, chu chu Pathian dona lam hlir a ni. Hriat theih chinah khawvela mi awm hmasa Pagan-ho an tih mai, Mayan-ho nen an hmasak zawk leh zawk loh pawh a hriat tawh lo a. Spanish-ho USA an luh tirh khan Tattoo hi a mi chengten an lo chhu tawh a. A hmuh veleh Ramhuai sign tih an hre thei a ni. A awmze tlangpui chu - Ramhuai bia, Pathian dodal tih hian a funkim ber a ni. Chi hrang hrang hlawm lian deuhin a then theih a:-
1. Luruh lam pang ho hi Thihna entirna a ni.
2. Mei alh ang deuh a an siam hi Hremhmun entirna a ni.
3. Cross lem pawh hi Kristiante cross ang a awm ngai lovang. Heng hi thisen chhuah entirna a ni.
4. Tangtial ril ang deuh deuh a an siam ho hi rilru sual leh huaikawmbawl entirna a ni.
5. Dragon, Rul lem lam chi reng reng hian Eden huana Rulpui tar an bia tih a entir bawk.
Heng Tattoo hrang hrang hi a putu in a awmzia hre lo mahse thisen tam tak chhuaka siam a nih avangin thisen a

Dawrpui Blue Team

| 8 comments ]







1946 hmalam Mizo Football Team awm ve reng reng in Assam Rifles Team Mizoram pum huap Tournament-ah an la hneh ngailo a. Assam Rifles Team an Champion ziah a, Dawrpui Blue Team hian a hmasa ber atan 1946 khan Champion lai mek Assam Rifles Team chu an rawn hneh ta ani.

Rising Day pual Article inziahsiak

| 2 comments ]

Dawrpui YMA dincham lawmna denchhen in Article inziahsiak neih a ni dawn a, kan vengchhunga YMA member a duh apiang tan he Article inziahsiakah hian a tel theih a ni. Mahni in lamah duh ang tawka ziah theih a ni a, Rising Day niin Article ziak tha pakhatna atanga pathumnate hnenah lawmman pek a ni ang

Article ziah tur : “Khawtlang nun siamthat” (kan vengchhung milin)
Thumal ziah tur zat : Thumal 1500 aia tamlo ziah tur a ni a, kan thumal hmanzat ziah lan tel tur a ni bawk.
Thehluhna tur : Branch YMA President hnenah
Thehluh hun : September 24, 2011( Inrinni) thleng thehluh theih ani ang.

Pu J. Challuta kan chan ta

[ 11 September, 2011 | 6 comments ]

Pu James Challuta, Kum 85, Zion Street chu September ni 10, 2011 (Inrinni) chawhnu dar 2:10 khan lung na avangin Civil Hospital-ah a boral a, September ni 11 chhun dar 12:00 khan Roman Catholic danin Dawrpui thlanmualah vuiliam a ni. (Amah hi Dawrpui YMA hruaitu hlun Chawimawina pawh lo dawng tawh Pu F. Lalengmawia pa a ni)
A chanchin : Pu James Challuta hi Thangneuva (L) leh Mawikungi (L) te fa upa ber niin 1926 khan Zote khuaah alo piang a. Pianpui unau 3 (Hmeichhia vek) a nei. Zirna lamah Dawrpui Primary School atanga zir tanin Shillong Don Bosco School-ah Class X a zo a ni. Kum 1947 khan Mizo zinga Catholic Puithiam hmasa ber Rev. Fr. A. Sanglura(L) Baptisma an chang.
Zirna lam chawlhsan hnu hian a pa u, Thangruma (L) te sumdawnna puiin an hnen atang hian a indang a. Dawr

Allergy

[ 10 September, 2011 | 0 comments ]

Allergy kan tih mai, Mizo tawngin a awm lova, Allergy kan ti zel mai ang a. A awmzia chu, “thil huat nei” e.g. Penicillin, suffa etc. te haw ho hi Allergy nei an ni a. Allergy hrim hrim hi nei an tam hle a, thil huat an ngah a, Zan Par rim (Midnight queen) an tih mai rimtui em em te hi tun hma chuan veng tinah a awm deuh vek a. Mahse, Asthma (Thawhah) ho hian an haw riau a. Tunah chuan zana vengchhung rimtui vang vang kha an kit hlum zo tawh a, a uiawm hle.

Hetiang huat nei chuan hriat tur an ngah a - La zam te, Zawhte, Uite hmul te, sawi sen a ni lo. A tlangpuiin an thak a, an vual a, thawk te a ti harsa thei a. Damdawi phei chu huat an ngah duh hle. Tin, Allergy nei chu - Asthma (Thawhah) te nei thei reng an ni bawk a. Tlang hrileng (Virus) an kai awlsam bik a. Chaw hmeh pawh

Vala kan chan ta

[ 09 September, 2011 | 1 comments ]

Vanlaldinga (Vala) Kum 39, Dawrpui West-a Pu Johana nupui Pi Mawii nau chu September ni 8 (Ningani) zan dar 8:15 khan Pneumonia avangin a boral a, September ni 9, 2011 chhun dar 12 khan Dawrpui thlanmualah vui liam a ni.

Vunga kan chan ta

[ 04 September, 2011 | 5 comments ]

Lalthangvunga hi Pu Haudala leh Pi Thanzingi te fa 8 zinga 6-na niin, May ni 6, 1960 khan Dawrpui Veng, Aizawlah a piang a. Pawl 10 thleng lehkha a zir ve a, Matric hi a exam ta lo a ni. A theih ang angin a Pa sumdawnna-ah a pui ve thin a; mahse a Nunah harsatna lian tak a neih hi Pathianah lawmna te han chang ve thin mahse a do zo lo leh thin a ni. A Bible chang duh ber chu Jeremia Tah Hla 3:22 “Tih borala ka awm lo hi Lalpa zahngaihna a ni……” tih hi a ni.
Vunga hi thenrual ngaina tak a ni a, tin, rimawi lam pawh a tui pui ve em em thin. Tingtang perh phei chu ama tawkah a that lai chuan a ti thei ve hle a ni.
Thawhtanni (29/8/2011) chhun khan Hospital (CARE) ah dah luh a ni a, alcohol withdrawal therapy treatment pek a ni a, amah pawh a tha chho zel a kan ngaih laiin Ningani (01/9/2011) zing dar 6:20 khan Lungphuchawl (Myocardial Infarction?) in min lo peihlo san ta mai a ni.

Lura kan chan ta

| 1 comments ]

Zosanglura Hmar hi February 16,1976 khan Zohmun khuaah Pu JC. Lungmuana leh Pi Lalnunthari te fa 6-zinga upa ber dawttu niin alo piang a. Zohmun atanga Aizawl a lo chuan thlak hian Pu J. Thanzuala (L) te hnenah hun engemaw chen a khawsa a, an hnena a chen chhung hian a tul tulte thawhsakin an Motor te pawh a khalh sak thin. Heta a awm lai hian Rochhumi (Chhumpuii) nen February 10,1998 khan Dawrpui Presbyterian Kohhran-ah Rev. Challianngura kutah an innei a ni. Lura hi Dawrpui venga a awm chhung hian Khawtlang tan pawha mi tangkai tak a ni thin. Kum 1996 atanga tan chhoh Dawrpui Khawtlang Duty-ah a kul a taia inhmangin, a theih tawpin khawtlang tan a hun a hmang thin. Dawrpui veng titawptu ruihhlo zuarte leh a ti thinte hi a ngaimawh em em a, he ruihhlo thenfaina kawngah hian a sulsutu ber te zinga mi a ni.
Kumin July thla atang khan a taksa-ah insawiselna nei tanin August 4, 2011 khan Aizawl Civil Hospital-ah Admit