Home »

Chhuanawma kan chan ta

05 November, 2011 2 comments

Lalchhuanawma hi Pu Rochungnunga leh Pi Lalrengpuii te fa 3 zinga upa ber a niin April ni 27, 1977 khan Civil Hospital, Aizawlah a piang a, Ni 12, June1998 khan Lalrengpuii nen an innei a. Fa pathum an nei.
Pu. Lalchhuanawma hi nu leh pa thuawih leh zah thiam tak a ni a. Meizial tak ngial pawh a nu leh pa hmuhah a la zu lo. A naupan lai atangin a naute hi a duat in, u nih tling takin a enkawl thin a. A nupui fanau a duat thiam em em a, an thlamunpui thin hle. Amah hi thenrual pawl thiam tak, mi tawng duh tak leh fiamthu duh em em mai a ni a. A bengvarin thenrual tha leh chhungkhat lainate lo kilkawitu ber a ni thin.
A nat dan : Taksa lamah hian harsatna a tawk ve zauh zauh thin a. A naupan zual lai atangin khawsik hlek a ‘kaih’ mai a ching thin. A lo len deuh hnuin, ‘Kal’ thatlohna avangin Guwahati panpui a ni a, beidawngin an rawn haw leh a. Mahse beidawng a an lo haw hnu hian Pu Tawka kaltlangin Pathian tihdamna a chang a,
amah pawh a lawm hle a. Hetia Pathian tihdamna a chang hi Doctor-te pawhin ‘Thilmak a ni’ an ti hial nghe nge.
Thla khat kal ta vel atang khan a in sawisel tan a. Chaw te a ei tha vak lo a. Inlama inenkawl hahdam turin Office chawlh te a la a. Amah pawh a tha chho viau a. Mahse October ni 30, 2011 (Pathianni) tlai lam khan achauh a zual deuha, in lamah drip te khaiin an in enkawl a. Thatlam a pan mai loh avangin Alpha Hospital, Kulikawnah admit a ni a. Hospitala Nurse leh Doctor ten thatakin an lo enkawla, amah pawh a harh chho viau nghe nge a ni. Ni 1.11.2011 (Thawhtan) zing dar 8:40 vela a inthiar tur chu, a kalkawngah a tlu ta a. Hetia a tluk hnu hi chuan nikhua hreloa awm nghalin, Doctor leh Nurse ten theihtawp chhuaha an enkawl laiin zing dar 9:25-ah chatuan ram a lo pan ta a ni.

2 comments »

  • Albert Fanai said:  

    A hmel hi ka hmu ve fo thin....RIP

  • A_es said:  

    Ka mi hriatchian a ni bawk a, ka ui hle mai. A thih ni te khan hnuk a ulh teuh reng mai. A kalsan tak a nupui leh a fate 2 Pathinin awmpuiin thlamuan rawh se.

  • Leave your response!

    Han sawi ve teh le.