Home »

Mit na

19 November, 2011 4 comments

Mitna hri a len hian fimkhur a ngai hle a. A natna chhan tam ber hi virus hrik vang a ni ber a, a damdawi a awm lem lova, mit thlawr a ti nuam tur thlawr mai tur a ni a. Mahse tulna bik a awm anih loh chuan STEROID e.g.Betnesol eye drop te hi hman loh hram hram tur, tul loah mut a ti chhuak thei a, mit hi kan nun kawng hruaitu pawimawh ber a nih avangin duat a ngai a. Heng mitna len hun lai te phei hi chuan mit a lo thak deuh a nih pawh in nuai mai lo la tui thianghlim in sil emaw, a chhungah meng la, mit khap la, chu chu a silfai dan a ni mai a. Kan nuai nghal mai hian a ti punlun thin a ni.
Tin, kut silfai that hi a pawimawh em em a. Mitna lenlai phei chuan kut hi sil deuh reng mai tur chu chuan a veng rei ber ang che. Bible pawhin Kut fai leh Thianghlim nei a ni a duh ber. Kan Bible hian in ang reng sawi pahnih a nei zel a, Taksa leh Thlarau lam, hrem hmun leh vanram pawh helaiah leh nakin hnuah a hman theih a ni. Bible-ah phei chuan Kut sil leh taksa fai a duh zia chu miin mitthi emaw ran thi emaw a khawih chuan nilengin a bawlhhlawh a ni, engmah a khawih leh tawh tur a ni lo, a inbual fai leh hma chu tihte kan hmu a, kan Bible hi zawm tha peih ila in zirtir leh vak tur pawh a awm lem lo, kan chhiar a, kan hria kan zawm silo hi kan buaina intanna chu a ni ta ber e.
- Dr Thangchungnunga, MS (Ortho)

4 comments »

  • Albert Fanai said:  

    Pu Thangchungnunga thuziak dan kalhmang hi a ṭha thei riau a ni, reference ah Bible hi a hmang thei zela lawmawm riau. :)

    A bengvar thlak leh pek khawp mai, a thupui chu KUT FAI a ni deuh ber mai maw. Contact lens vuah a him leh him loh dan chungchang te hi rawn sawi tel law2 sela ava duhawm em...

  • A_es said:  

    Nia ti ro, reference-a Bible a hmang thin hi a lawmawm ngot mai. Pu TC-a hi chuan kut fai leh thianghlim hi a ngaipoimoh khop mai, thil dang hriselna atan poh a poimoh thei deuh vek zel mai

  • Anonymous said:  

    thra le thrin khop mai

  • Zkima said:  

    "Tulna bik a awm anih loh chuan STEROID e.g.Betnesol eye drop te hi hman loh hram hram tur, tul loah mut a tichhuak thei" tih hi a dik lo. Tul loah mit a ti chhe thei tih zawk tur. Pu Asang i hman veleh lo correct teh a, hman ni ah min hauh phah hrep a nia.

  • Leave your response!

    Han sawi ve teh le.