Home »

Upa P.Lalluaia kan chan ta

05 November, 2011 1 comments

Upa P. Lalluaia (UPC) hi ni 25.12.1950 khan Liantluanga (L) leh Chalnguri (L) te inkarah Khuanghlumah a lo piang a. Pianpui unau 11 (Sawm pakhat) a nei. A mah hi unaute hmangaih thei tak a ni a. Thenrual ngaina mi, a dam chuan awm mai mai lova, sekrek khawih nuam ti mi a ni. Miin vawng fel khap thin a ni a, record vawnthat leh thil chhinchhiah peih mi tak a ni bawk.
Chhungkaw retheihna avangin lehkhazir san zel duh mahse loh theihlohna avangin hlo thlawh a ngai a. Kum 1973 khan a u Saingenga zarah vanneihthlak takin Pachhunga University College-ah Library Attendant hna a hmu hlauh a. He hna hi kum 38 a thawh hnuin ni 31.12.2010 khan a penson ta a ni.
Kum 1973-ah Lalthannguri nen an inneiin Fapa pali an nei a, a nupui Pi Lalthannguri hian June 10, 2005 khan chatuan ram a lo pan san tawh a. Lalrinsanga leh Lalbiakveli te nupa leh an fate pahnih nen tuna an
chennaah hian an khawsa ho mek a ni.
A nat dan : Kum 2008 chho atang khan a in sawisel chho va. June 28, 2010-ah a hrawk Cancer hi hmuhchhuah a ni a. A lo dam leh theihnan Doctor ten chemotherphy khai leh hem treatment an pek te tha takin a la zo thei a ni. Zawi zawiin a natna hian a thawk a thi harsa chho va. Ni 31.10.2011 tlai zanriah ei hun lai velin a thaw a nuam lo tan a. Civil Hospital, Casualty panpui a ni a. Doctor leh Nurse ten Oxygen nen theih tawpin an enkawl a. A natna hi a lo nat êm a vangin, ni 1.11.2011 zing dar 3:50 A.M khan natna awm tawh lohna, a Pa angchhungah a lo chawl ta a ni.

1 comments »

  • Albert Fanai said:  

    Nunna nei tura kan beih nasat zia hi aw.... RIP

  • Leave your response!

    Han sawi ve teh le.