VC Inthlan Results

[ 25 February, 2009 | 6 comments ]

Mizorama Village Council Member tur 2071 dt. 24 February, 2009 (Thawhlehni)-a thlannaah hian Candidates 5258 an awm a, voters 502767 an awm bawk a ni. Dawrpuiah pawh boruak tha tak karah vote thlak ani a. Congress leh MNF bak candidates an awm lo a ni.
Vote tlak dan :
Dawrpui I - 629 Dawrpui II - 649 Vote tla per cent - 65 Voters - 1959

Results (Vote an hmuhsan dan indawtin) :
1] Rothuamliana ~~~~~~~~~ 773 - Congress
2] Malthantluanga ~~~~~~~~ 751 - Congress
3] H. Malsawma ~~~~~~~~~~ 694 - MNF
4] Dr. Chawnglungmuana ~~ 682 - Congress
5] Zosangzuala (Upa) ~~~~~~~ 675 - Congress


Result puan hnua Congress ho lawmna hetah CLICK rawh
Hetiang hian chanvo siam rem a ni :
President - Zosangzuala
Vice President - Malthantluanga
Treasurer - Rothuamliana
Members : Dr.Chawnglungmuana & H. Malsawma

Secretary :K.L. Zamvela

Agape-ah hnatlang neih a ni

[ 24 February, 2009 | 3 comments ]

Dawrpui Pastor Bial KTP Conference Vawi 52-na in alo rel tawh angin Dawrpui Pastor Bial hmun Agape Home-a nikum lama Basketball Court tur laih kut kan thlak tawh chu kumina zawh ngei tura tih ani a. A thawh khatna atan Bial chhunga Branch hrang hrangte inhnatlan chhawk tura tih chu Zarkawt Branch-te 20th Feb (Fri) khan mi 50 thawk chhuakin laih hna an thawk tawh a. Saron Branch-te 21st Feb (Sat)-a hnatlang tura tih chu vengin chhiat an tawh hlauh avangin Dawrpui Branch thawh hunah hian a huhova thawh dun ani ta a, member kal an tha a, hna pawh beisei aia nasa a thawh a ni.
Member kal dan : Dawrpui - 55 Saron - 74


KTP DAY hlim taka hman a ni

[ 22 February, 2009 | 12 comments ]

Vawiin (22nd February) hi KTP Day a ni a. Dawrpui Branch pawhin a lawmna hun hlimawm tak a siam a. Chawhma inkhawm banah Junior KTP-te nen Extension Hall-ah inkhawm hovin Day Cake zeina leh Day Candle chhem hlumna neih a ni a. Nl. Laldinpuii (Jr.KTP) thiam takin a zai bawk a, KTP chanchin Pu Lalthlanga, Leader hnen atangin ngaihthlak anih bakah Birthday hla 'Happy Birthday to KTP....' tih hlim taka sakho ani bawk a. Branch OB ten cake an zei a, hlim takin an inbarh bakah Branch Committee Member-te pawhin an thiante leh hmelhriat chiansa nilo an duhsak ber an barh a, hun hlimawm tak hman ani.



Tlai lamah Civil Hospital-a Naupang Ward 2-ah hun hman ani a, hetah hian eitur tui tak tak sem ani bawk.


Picture tam zawk enduh tan HETAH click rawh

Dr. Khumteii weds John

| 6 comments ]

Dr. R. Lalthankhumi (Dawrpui) leh John Laltumsanga (Zemabawk) te chu 2009 February ni 20 khan Aizawl Temple-ah chawhma dar 11:00 khan DC Central Division, Major Sangchhunga'n 'Tiam tlat e' a tih tir dun ta.
An chanchin :
Dr. Khumteii hi R. Lianbanglova leh Vanthangliani, Dawrpui fate 4 zinga naupang ber dawttu a ni a. Thiamna lamah chuan Ph.D. (Education) niin Jamia Millia Islamia University, Delhi atanga zo ani a. Tunah hian Govt. Saitual College-ah Lecturer hna a thawk mek a ni.

John-a hi Dawngliana leh Lal Ramlawmi, Zemabawk (Kawn Veng) fate 5 zing ami a ni a. Thiamna lamah chuan MA, M.Phil. (International Relations), Jawahar Lal Nehru University, Delhi-ah zir zovin tunah Private Secretary to Chief Minister, Mizoram Civil service (2003 Batch) hna a thawk mek a ni.

Photos : Ruata (Chhe_hot)

YMA hruaitu Inhlantharna leh Infuihtharna

| 0 comments ]

Branch YMA Executive Committee in a lo rel tawh angin kumin 2009 chhunga Dawrpui Branch YMA a mawhphurhna hrang hrang neite inhlantharna leh infuihtharna hun chu February 19, 2009 (Ningani) zan dar 7:30 khan Dawrpui School Hall-ah neih a ni. Inhlantharna leh infuihtharna hun Dawrpui Branch YMA President, Pu Chhawnkima Pachuau in kaihhruaiin Secretary, Pu Vanlalbika’n hun hman dan turte leh report tul angte a pek hnuin Rev. H. Zalawma’n mawhphurhna hrang hrang neitute Pathian hnena hlanna hun a hmang.

Dawrpui Branch YMA Senior Adviser, Pu Lalhmingliana’n kawng hrang hranga YMA member-te tihturte sawiin fuihna thu tha tak a sawi a, Dawrpui Branch YMA Finance Secretary, Pu Lalrammuana’n YMA kal zelna tura thil tul leh tangkaite a sawi a, member kalkhawm ten ngaihdan hrang hrang an thawhkhawm bawk a, suggestion box hun niin member engemawzatin an ngaihdan an ziakte an thlak bawk.

Dawrpui Branch YMA Asst. Secretary, Pu VR Hmachhuana’n inchhiarna hun a hmang a, member kal thate hnenah Dawrpui Branch YMA Senior Adviser, Pu K. Liantuala’n lawmman a sem. Vanapa Section-te kal tha berin Chawngbawla Section-in an dawt a, Taitesena section-te pathumna an ni.

Kutzungtang Pan/Pun

| 0 comments ]

- Dr. Thangchungnunga, MS Ortho
Tun hma atang tawh khan kan kutzungtang, tin(nail) bul, kutphah, etc. a lo na a, a vung ta hi kan ngainep viau thin a. Kan hnen an lo thlen meuh hi chuan a lo pan hnai ngei tawh thin a. Kutzungtang a pan tawh chuan ngai a awh thei ngai lo. Chuvangin a nat nasat hma a enkawl dam (Zai hawn emaw) a ngai a ni. Ngaihsak loh vanga kutzungtang kawm, ngil hlen ta te an tam em em a, chuvangin pun tura a lan chuan Doctor pan vat tur. Mahni a lo khei kual ve mai mai hian natna hrik a ti punlun thin a. Chuvangin kutzungtang spare a awm loh avangin fimkhur ang che.

Tualchhung News (22 Feb.,'09)

| 0 comments ]

Zin : Dawrpui Branch YMA President, Pu Chhawnkima Pachuau leh a nupui Pi Zosangzuali te chu an sumdawnna thilah an zin mek.
* Chawngbawla Sec. Secretary, Dawrpui News Correspondent ni bawk Pu David Remruata chu a nu leh pa (Pu VLT Muana leh Pi Ronguri) te in check up tur hruaiin Kolkata ah a thang mek.

Fanu thar : Pu Lalnunfela leh Pi Lalrammuani te nupa (Ch. Sec.) Bara Bazar te chuan fanu thar duhawm tak an nei a, a hmingah Lalruatpuii an sa.

Lo haw : Tv. Lalnunsiama (Taitea) Ch. Sec. BDS zir zovin a lo haw.

Ruang chhuak : February 17, 2009 (Thawhlehni) zan khan Lalremruati d/o P.C. Lalromawia Dawrpui ‘S’ thla 4 mi chuan chatuan ram a pan a, a ruang hi Zemabawk a an inpuiah lak ani.
* February 19, 2009 (Ningani) zing khan Thangliansangi d/o Lalthanenga, Hnahlan, thla 3 mi chuan Pneumonia avangin chatuan ram a pan a, a ruang hi Medical Quarter a C.L. Thanseia’n a la a, Zing Dar 11:00 khan Hnahlan panpui a ni.

Tuak thar :

* February 17, 2009 khan Nl. Rosalyn d/o F. Lalengmawia, Zion Street chuan pasal a nei.
* February 20, 2009 (Zirtawpni) khan Dr. R. Lalthankhumi d/o R. Lianbanglova, Zion Street pawhin pasal atan John Laltumsanga a nei.
* Dawrpui YMA Cultural Sub-Committe Secretary, Tv. Denghmingliana (Valbuanga) leh Lalzarliani (Tetei), Ch. Sec. te pawh February 19, 2009 khan an innei.

Kan lawm e : Chawngbawla Section Leader, Pu PC Zohmingthanga chuan Dawrpui News Room a hman turin thutthleng hniam pathum a rawn pe a, a chungah kan lawm hle.