Home »

Pu Laltanpuia kan then ta

09 February, 2009 2 comments

Pu Laltanpuia Kawlni hi Pu Lalthansanga leh Pi Lalzuithangite fa paruk zinga upa ber niin 7th June, 1958 khan anu leh pate sawrkar hnathawhna hmun N.Vanlaiphaiah alo piang a. Pu Laltanpuia Kawlni hian fapa pahnih leh fanu pakhat a nei ani. Kum 2001 khan Pi Vanlaltluangi Saron veng nen inneiin, an nupa in eichawp dawr siamin Saron vengah in an luah a, Saron Veng Presbyterian Kohhranah lawiin a boralni thleng hian Saron Kohhranah hian an awm a. Kohhran pawh hian an chhungkua hi hre rengin a dawmloh pawhin tawngtaina leh thil pekin an lo enkawl nasa hle thin ani.

A mah hi zirna lamah chuan P.U. thleng a zir a, Hrangbana College-ah kalin Student Union hruaitute pawh alo ni ve tawh thin ani. Amah hi mihrisel tak ani thin a, kum 2007 April atang khan insawiselna nei tanin Civil Hospital-ah in entir ani a, Chawkawng Cancer tih hriatchhuah ani a. Chemotherapy la in a theih ang anga enkawl ani a. 16th Jan, 2009 khan a natna avangin Nazareth Hospital-ah dah ani a, 22nd Jan 2009 khan tha takin a lo chhuak a. In lamah buaipuiawm em em lovin enkawl a ni. Tun hnaiah Chemotherapy an chhunzawm a, Dt. 06.02.09 zinga a tho chu thi in a luak ta thut a, dawmdawiinah kalpui nghal vat niin 06:30 AM-ah khan chhanhman lohin chatuan ram min lo pansan ta ani.
(Pu Tanpuia ruang hi apa Lalthansanga, Dawrpui inah lak a ni.)

2 comments »

  • Michael Fanai said:  

    zia lo hle mai John-a pa chu. May his soul Rest in Peace

  • A_es said:  

    John-a te unau a bik takin an khongaihthlak a ni. Tuna Pu Tana nupui leh a fanu poh an lainatawm khop mai, a fanu lah a la naupang bawk sia.
    RIP

  • Leave your response!

    Han sawi ve teh le.