Home »

Allergy

10 September, 2011 1 comments

Allergy kan tih mai, Mizo tawngin a awm lova, Allergy kan ti zel mai ang a. A awmzia chu, “thil huat nei” e.g. Penicillin, suffa etc. te haw ho hi Allergy nei an ni a. Allergy hrim hrim hi nei an tam hle a, thil huat an ngah a, Zan Par rim (Midnight queen) an tih mai rimtui em em te hi tun hma chuan veng tinah a awm deuh vek a. Mahse, Asthma (Thawhah) ho hian an haw riau a. Tunah chuan zana vengchhung rimtui vang vang kha an kit hlum zo tawh a, a uiawm hle.

Hetiang huat nei chuan hriat tur an ngah a - La zam te, Zawhte, Uite hmul te, sawi sen a ni lo. A tlangpuiin an thak a, an vual a, thawk te a ti harsa thei a. Damdawi phei chu huat an ngah duh hle. Tin, Allergy nei chu - Asthma (Thawhah) te nei thei reng an ni bawk a. Tlang hrileng (Virus) an kai awlsam bik a. Chaw hmeh pawh
ei theih loh an ngah thin a ni. A chhan hriat a har em em a, a tam lutuk vang a ni ber a. Chuvangin, Allergy nei tih inhre tawh chuan ei leh in te, zuk leh hmuam phei chu tih loh tawp tur. Inthlahchhawn chiah nilo mah se, Allergy nei chhungkua chuan an thlahteah a awm duh bik tih hriat a tha.

March - May, 2011 inkar te hi thal khawlum pawh nei lovin kan awm a. Ruhseh pawh a puang nasa anih kha, a nei sa an zual bawk. Sinus nei te, Asthma nei te, hritlang benvawn nei te tan chuan hreawm ber hun lai a ni. Kan vel boruak inthlak hian kan taksa leh hriselna a control tlat a. Thi neih thlengin a ti buai thei. Damlo na deuh leh tar upa tak tawhte tan pawh thih mai awlsam lai a ni tih hria ang che.

A tawp berah chuan Allergy hian damdawi a nei lova, a vennan thin (Liver) tih chak that reng a ngai a. Hemi tur hian damdawi side effect nei lo deuh - Liv 52 te hi nitin mum khatin ei char char mai rawh. Kum khat pawh ei la, a pawi lo. Allergy i nei a nih chuan thih hnuah a reh chauh thin.
- Dr Thangchungnunga, MS (Ortho)

1 comments »

  • Unknown said:  

    Ka hahchiau renga ka hritlang rehthei bawk silos ka in entira allergi min tia Damdawi min chawha areh thei Chiang lo enge omzia le.

  • Leave your response!

    Han sawi ve teh le.