Ruh Muat (Osteoporosis)
22 October, 2011
2
comments
Osteoporosis ruh muat kan tih mai hi, a muat tak tak a. Thing kung a pawna chang ve si a chhung lo hnip thuih ang hi a ni a. He thil hi khawvel pumpuiin a buaipui a ni a. Nisa val val tuar ai chuan nisa ve deuh roh, chhum romei ten a hliah deuh si hi a hlauhawm ber a. Hetia chhum pan tak kal tlanga ni eng lo lut hi ultra violet ray-ah a in siam a, atom bomb zung zam ang a nih chu, hei hian ruh a ti muat / chak lo thei a. Europe ram phei khu chu, chhum kar ni an ni kum tluan deuh mai a, chuvangin an buaipui ber pakhat a ni reng a ni. Mizote pawh hi kan ei leh in uluk tawk loh vangin he natna hi kan ngah em em mai a ni. A bikin kum 60 chunglam (MUP) ho hi an nasa a, hmeichhia an thi a hul hian an ruh a chak lo rang bawk a, a chhan chu kan taksa hian Calcium hi a hmang nasa a, kan hriatna thazam tikal tha tur te, lungphu dik taka a phut theih nan te, ruh tih chak nan te a ngai tam em em a ni.Thluak hi Computer lian tak a ni kan tih tawh kha, he computer hian taksa a thil mamawh zawng zawng a check kual reng a. Heng a check kual reng avang hian Acid te, Mit (Bile) tui te, Hormone chi hrang hrang te leh Calcium, Magnesium, Selenium Baron etc te thisen ah a level dik tawk a awm em tih kha a thlir reng a, Calcium thisen a a lo tlem chuan, pawn lam atanga supply a luh that si loh chuan a tih dan tur a ngaihtuah a, A tih theih awmchhun chu, ruh a awmsa Calcium kha a hip chhuak a, thisen a a level tawk turin a hip ta reng mai a ni.Chuvang chuan ruh ti chang tu ber calcium kha a hip chhuah zel avangin ruh kha a lo thawrawng, muat ta thin a. Hei hi Osteoporisis (Ruh muat) ruh tliak awlsam a lo nih phah ta a, chumi rual chuan ruh hi a lo muat chuan a na ve a, a bik in hnung, kawngna, khawih fak tur awm silo in a na ngut ngut mai thin a, hreawm ve tak a ni. Tin, a lo chak loh lutuk phei chuan, kal lai emaw, hotea tluk pawhin an khel ruh a tliak hma em em thin.
Hetiang hi anih avangin upa, kum 60 chunglam hi chuan calcium ei reng mai hi a damdawi leh a ven dan chu a ni mai a. Upa lam tan phei chuan calcium naran lo deuh Caleitrol, Zine, Baron etc vitamin D te telna hi ei a ngai bik a. Mahse a to em hlawm avangin nitin mum 1 ei a, thla 1 te ei hnua thla 1 chawlh a, ei leh a chutia tih ve deuh chu a ngai. Zing mu reng tan chuan calcium ei loh a tha zawk, a chhan chu an che ve lo a, lungte siam nan a tang mai mai thin.
Pathian hian min siam famkim khawp a, tunhma, keini pawhin kan hmuh phak naupai lai a, vaihlo zial zuk vap ei chak tlat te, a then chu lung no an ei chak a, an ei teuh thin. A taksa in calcium a mamawh a, chu chu Pathianin hriatna a dahsa hmangin calcium tamna kha an ei chak mai thin a ni. Kan ei leh inah hian calcium chu engah pawh hian tlem tlem chu a tel vek a, mahse balance diet kan ei loh vang a tlem an ni thin a, a theih hram chuan chaw, thlai hring, rah, thil bul bal, sa thau lam chi hi nitin chaw ei ah telh ziah thei ila a kim mai ang.
Vai hovin an chaw ei apianga nimbu pakhat an ei tel ziah te hi an lo fing rei tawh tihna a ni. Vitamin D hi calcium siamtu anih avangin, nisa hnuaia awm ve fo te hi a tul thin. Ei loh ai chuan eng calcium pawh ei mai rawh a tha zawk.
- Dr Thangchungnunga, MS (Ortho)
A bengvar thlak hle mai...chutihrual in hriatthiamloh leh diklo ni a hriat ka nei a..
"chhum pan tak kal tlanga ni eng lo lut hi ultra violet ray-ah a in siam a.."
tih lai hi eng a sawi tumna nge ka hrelova, a ziah ang ngawl ngawl ngawl hi a nih chuan a diklo a ni. Ultra violet ray hi in siam chawp nilo in ni atanga eng zung awm sa niin ka lo hre ve a.
Chuan...
"vaihlo zial zuk vap ei chak tlat te, a then chu lung no an ei chak a, an ei teuh thin. A taksa in calcium a mamawh a, chu chu Pathianin hriatna a dahsa hmangin calcium tamna kha an ei chak mai thin a ni."
Vaihlo vap leh lung no ah hian calcium atam a tihna mawnle?
Ziaktu Pu Thangchungnunga zahawm viaua mahse ka hriatthiamloh lai te ka rawn thawh ve ni e. :)
Albert-a chu i chhiarsak ngei ani tih a hriat avangin a lomawm hrim2.
Ultra violet ray hi chu awmsa ni mahse a sawi hmangah hi cuan khami chhum pan tak kal tlanga ni eng lo lut ultra violet ray chu chhum romei ten a hliah deuh si hi a hlauhawm ber tih chian atumnaa a ziak niin ka hre ve mai2.
Vaihlo vap leh lung no ah hian calcium atam tihna nilovin an tlakchham avng zok khan khatiang thil kha an ei chak ta thin tihna zok m ni mawle ka lo ti ve mai2.