RTI Act 2005

Right to Information Act 2005, RTI tia kan hriat lar hi 12th October 2005 atang khan India ramah hman tan a ni a, ram inrelbawlna tha neih duhna atanga lo chhuak a ni. Ram rorelna a mipuite an tel ve tirna atan te, dan hmanga rorelna a awm theih nan te, langtlang sorkar a awm theih na tur te avangin he Act hi siam a ni.He dan hnuaiah hian India khualehtui tu pawh hian a thil hriat duh hre turin dikna a nei a ni.He Act tlawh chhan hian The Mizoram Right to Information Rules 2006 pawh siam niin 27th June 2006 atang khan hman a lo ni ve tawh a ni.
RTI Hman theihnate : He dan hmang hian mipui chunga thuneitu (Public authorities) te hnenah kan hriat duh ang kan zawt thei a, dan ang thlap a dil a nih chuan chhan ngei kha an bat a ni. Heng hian India ram danpui hnuia din Central leh State sorkar thuneitute zawng zawng a huam vek a bakah NGO, Central emaw
State sorkar sum hmang zawng zawngte pawh a huam.

Mizoram bika RTI Hman Loh theihna :
Mizoram Sorkar chuan Section24(4) hmang hian RTI Act, 2005 hman loh theihna tur Notification 27th March 2007 khan a lo chhuah ve bawk a, chung zing thenkhat te chu:

1. State CID Special Branch, District Special Branch leh Narcotic Cell.
2. Khawi level-ah pawh State Police ruangam, ram venhimna lam thil pawimawh khawihte, Airport Security leh venhimna. Tin, ram venhimna tur bungraw lei, neih leh deh vel dan chungchang, tarlan a nih a ram dinhmun derthawng thei a nih chuan.
3. State Police-te hmalakna kawnga Forensic Science Laboratory finfiahnate, hnuchhui kawnga harsatna thlen theia a lan chuan.
4. State Police Intelligence leh Security chet vel dan leh sawn kual dan etc.