Isua khawvela a awmlaia chawimawina vawi khat chiah a hlawh ni champha Tumkau Ni (Palm Sunday) zing chuan Dawrpui Presbyterian Kohhran pawhin Tumkau kawngzawh zing dar 6:30-ah neiin Biak in atanga zawh tanin Canteen kual hel kualin Biak inah lut lehin theitui an in a. Naupang bakah nu leh pa, nula leh tlangval, pitar leh putar thahnem takin an zawh a ni.
Dâwrpui Pastor Bial KTP Conference Vawi 53-na, Saron Vêng Kohhran Biak Ina neih Thurel 3-na bawhzui in Bial KTP Sport kum khat dana neih tûra tih chu ni 2. 4. 2011(Inrinni) nilêng khân PUC Field, College Vêngah a tum khat nân neih a ni a, mi 392 vêlin (chhiar theih chinah) he sport hi kan hmang thei a, Bial chhûnga Branch pathum chauh kan awm hnua Sport hlawhtling ber a ni hial mai awm e.