PANCREATITIS
11 October, 2018
5
comments
- Dr.Thangchungnunga.MS.(Ortho)
Pancreatitis hi mizo ṭawng in kan nei chiah lo niin a lang a. Kan ṭawng anga kan hman mai loh chuan sawifiah dawn in a sei lutuk si a. He natna hi a na in thih na ni hnih khat lek a thlentu a ni ber. Tunhma deuh kha chuan zu in nasa ho-ah a awm bik ṭhin a hriat a ni. Tunah erawh chuan zu in lem lo pawhin an vei ta nual mai a. A enkawlna lah hi eng teh ual a awm bawk silo.
Amah pancreas hi kan pumpui hmawr tawp kual lai kara awm a ni a. Amah hi, insulin, leh enzymes (chaw ei a, ṭul lo awm te chak taka lo eiraltu motor acid ang mai a chak ani ti ila a
huam kim ber awm e). A hmawrah hian heng enzymes leh insulin te pe chhuak tur hian dawt (pipe) te reuhte a rawn chhuak a, hei hi kan mit (bile) lo chhukna pipe nen a inzawm a, ril in ṭan tirhna ah a lut ta a ni. Kan ei leh in a zir in, insulin leh enzymes chak tak mai chu, a ṭul ang zel a tam leh tlem in an rawn ti chhuak ta ṭhin a ni.
huam kim ber awm e). A hmawrah hian heng enzymes leh insulin te pe chhuak tur hian dawt (pipe) te reuhte a rawn chhuak a, hei hi kan mit (bile) lo chhukna pipe nen a inzawm a, ril in ṭan tirhna ah a lut ta a ni. Kan ei leh in a zir in, insulin leh enzymes chak tak mai chu, a ṭul ang zel a tam leh tlem in an rawn ti chhuak ta ṭhin a ni.
Natna, pancreatitis alo awm chhan hi chiang fak a sawi a har a, zu hi a chhan pakhat chu a ni a. A dang leh chu lungte, bawlhhlawh emaw in a pipe kha a hnawhpalh thei a. Hetia a hnawh emaw, a vung ping emaw cancer vang te ani hlauh chuan; a enzyme, thil ei chhetu kha a chak em avangin, ama taksa pawh a eiral ta \hin a, chu chu a nat em em na chhan pawh a ni reng a. Kan zirlai kum 1975 vel te kha chuan, thih ngei ngeina ang hial a min zirtir ani a.
Tun laiah chuan, zu in si lo, a chhan puh mai tur awm manglo te an awm ta nual mai a. A buaithlak lai ber chu, amah leh amah a in ei chhe rang si a, a nat a\ang a ni hnih bak an dam hman meuh \hin lo. Mahse,damdawi \ha leh thiamna sang zel te, hmanraw \ha, lo chhuak zel te hian, rang takin enkawl theih an lo ni ta a. Thihpui lem lo a dam leh an tam ta mai.
Insulin a pek chhuah lah hi, kan taksa tan a pawimawh ber, chakna hnar, carbohydrate a\ang a lo insiam, a mawlzawngin glucose taksa mamawh tawk a lo siam rem tu ani bawk a.Hei pawh hi a \hat loh chuan, zunthlum alo awm thuai \hin. Pancreatitis laka invenna awm chhun chu, zu in loh te chaw dik leh \ha, junk food nilo, balanced diet an tih ang hi ei hram hram tum tur.
Heng zawng zawng chung a pawimawh em em chu, tui lam pang intam hi a ni. Thingpui sen hang \hatna hi sawisen pawh ani lo, tui pangngai ringawt pawh hi, nitin litre thum aia tlem lo kan mamawh tih hriat tur. Kan taksa a tui a tam chuan, kan hriat loh hlan in natna tam tak kan vei ngei tur ni awm pawh kan pum pelh thei ani.
A ṭha hle mai, Mizo ṭawnga kan neih loh natna, dictionary a chhiar tur aww mai lo, kan han google ve pawh a medical word hriat tam loh chuan hriat thiam har ang chi hi a awm ve a, hetia medical lam zir lem lo pawh in a, kan chhiar mai theuh tur kan mizo doctor chhuanawm tak tak ten ziak a in han dah ṭha hi a hlut na a zual telh telh ang. han ti zel teh u.
Pancreatitis natna hi a lang chhuak nawn thei em?
Tha lutuk, kan hriat loh tur kan hriat phah a.
ka lawm hle mai ka hriat duh tak chipchiar taka chhiar tur lo awm chu
A natna hi a langchhuak nawn leh thei em le?