Mitna Hri

Tunlai hian mitna hri a leng tan mek a, hei hi a awm tirtu chu virus chikhat a ni a. In kai chhawn a awl em em a, eng damdawi mah a ngeih lo bawk. Viral Infection (Virus hrik) vanga na reng reng chu damdawi pe la ni 7-ah a dam anga, engmah pe lo la kar khatah a dam ang. Hetiang tho hian hritlang pawh hi a ni hlawm a, a rei tawh avanga reh theilo khawpa awmna benvawnte pawh a awm thei. Heng hi chu mahni taksa chak loh vangte a ni tlangpui.

Kan hriat tur chu eng tlang hri leng pawh, mitna, kawthalo, mitliam, Typhoid, etc. a awm lai chuan kut sil ngun hi a pawimawh em em tih hriat tur a ni a, kut kan sil tlem lutuk hi natna kan kai tam chhan pakhat a ni. Ei leh inte fimkhur bik hun lai a ni tih hriat tur. Tin, hetiang tunlaia tlang hrileng mit-na te ang hi mahni duh duh leh, inti hre ve ho chawh hmang mai kan awm thin. A bikin Steroid (Betnesol eye drop) hi hman loh hram hram tur, a hnu zelah mit a ti chhe duh. Leina (Pawisa) nei lo tan phei chuan, tui chhuan so dah vawha darkar tina thlawr emaw sil tur a ni. Mit na hi nuai loh hram hram tur, inkai chhawn a awl em em a, mahni inthiar fihlim hi a tha ber. Towel/Romol te a bika neiha midang nena inchiahpiah lutuk loh tum hram hram a tha. Ni 7 lek a ni bawk a, tawrh ve deuh a ngai thin. A na nasa viau a nih chuan mit Doctor hnena
inentir vat a tha ber.
Mit hi duat tur a ni a, mit tel lo chuan tumah mi pangngai a nih theih loh. Chuvangin i taksa kha Pathianin a anpuia a siam, a ena tha a ti hle anih kha. Chuvangin a enkawl lam chu uluk taka kan tih ve tur a ni thung ta a ni. Mahni taksa vawng fai chuan Pathian a ti lawm a ni. Duhthusam chuan a pawn leh a chhung lam hi a thianghlim tur a ni, kan tlinlo anih pawhin a teuh berah tak nih i tum ang u. - Dr Thangchungnunga, MS (Ortho)