Civil Hospital Bawlhhlawh min

[ 24 August, 2011 | 7 comments ]

August ni 22, 2011 (Thawhtan) zana ruah sur nasat avangin a tuk ni 23 zing dar 7 :00 vel khan Dawrpui West Dr. Thangchungnunga in chhak Civil Hospital bawlhhlawh paihkhawm chu nasa takin a min a, kawng a hnawhping a ni.
Hei hi leimin nilovin bawlhhlawh min niin a lang a, harsa takin mihring chu ke in a kaltlang theih. Vaivakawn atanga Bungkawn motor kal tlang theih lovin bawlhhlawh hian a dang ani.

State Award for Teachers dawng

[ 23 August, 2011 | 4 comments ]

Pi F. Lalramliani, Headmistress, Dawrpui Model Primary School chuan State Award for Teachers 2011 a dawng a, Dawrpui Veng tihmingthatu hetiang kan Veng School-a thawk kan nei hi kan chhuang hle a ni.
Pi F. Lalramliani hi Pu F. Lalhmingmawia leh Pi Malsawmi, Upper Republic te fanu a ni a. 22nd January, 1980 khan kum 17 mi lek a nih laiin a pa in a boralsan avangin Compassionate Appoinment-in Primary Teacher hna hi pek a ni a. Hmun hrang hranga a thawh hnuah kum 2000 khan Dawrpui P/S ah hian dah a ni a. Kum 2008-ah Headmistress appointment pek a ni. SSA Mission-ah Cluster Centre Coordinator (CRCC), Dawrpui Cluster (Zarkawt & Dawrpui) a chelh tel bawk. Dawrpui Primary School hi kum 2009 atang khan Aizawl District huamchhung SSA Model School 11 zinga telh a lo nih tak avangin School hming pawh School Managing Board remtihpuinain Dawrpui Model Primary School tiin thlak a ni. SSA hamthatna hrang hrang dawng zingah duhsakna nasa tak pek an ni thin.
Pi F. Lalramliani pasal, Pu Vanlalauva hi SCO Power & Electric Dept. a thawk a ni a, Fa 3 neiin Upper Republic-ah an mahni inah an cheng mek a ni.

Dawrpui Multipurpose Centre sak lai mek

| 1 comments ]

Dawrpui Multipurpose Centre Temporary-a Assam Type Building sak hna chu chak taka kalpui chhoh mek a ni a, tunah hian a chungkhuh zawh vek tawh a ni a, a bangte pawh a tam zawk zawh fel a ni tawh. He building sak mek hi Pu V.L.T. Muana Head Supervisor-in mawi leh senso tlem thei ang ber tura Plan and Estimate leh Drawing nalh taka a rawn siam zulzuia sak a ni a, tin amah hian nitin a hun hlu tak sengin Mistiri ten an sak dan a rawn thlir pui thinna a zarah tunah hian 70% chu peih fel a lo ni ta a ni.

Mawngmirh

| 1 comments ]

Mawngmirh kan tih mai hi Rulhut chi khat, Pin Worm a ni a, a bikin rilpuiah hian an awm bik deuh a, a then phei chu an lo vak chhuak a, mawngkaw kam velah an awm a, a za leh thak deuh ten an hre thin a. Hei hi chu an lo chhuak in a a tih zat a ni a, hetianga lo chhuak khawp an nih chuan an tam hle tih hriat tur a ni a, tunlaia rulhut kan hriat theih lar ber chu a ni ta mai a. Tunhma a rulhut (Ascaris) seipui pui ang kha chu, khawpui chauh pawh nilo, thingtlangah pawh a tam zawk chuan an nei tawh meuh lo. Hei hian kan hriselna a tha sawtin, ei leh inah kan fimkhurin kan che thianghlim sawt hle tih chu a hriat theih a ni.
Mahse, heng Tape Worm (Rulhut pui) vawk bawl atanga kai chi te, Ascarius changpat ang deuha sei rulhut pangngai ho hi awm tawh lo mah se, Hook Worm (Rulhut kawm) leh Thread Worm (Mawngmirh) te hi kan la

Ruihhlo hi hnam hmelma

| 0 comments ]

- Vanhmingliana, Dawrpui
Chhungkaw sawprawp, keh chhia (Broken family) kan hmu thin a, kan pung tual tual lehnghal. A chhan leh a vangte zawn chhuah anih vat loh a, siamthat hna thawh thuai a nih loh chuan Hnam boralna hmahruai a ni ngei ang.
Ruihhlo ngaih avanga chhungkua-in a tawh langsar te:
1. Kan Bible chuan, “Zu hi nuihza bura mi siamtu a ni a, zupui hi insual bung bungna a ni” a lo ti a, thu dik tak a ni. Zu hi amahin sual a ni ngawt lova, a hmangtu-in a hman thiam loh vangin suala ngaih a ni mai zawk. Chhungkaw pa berin zu ringawt a buaipui chuan, chu chhhungkua-ah chuan hlimna tak tak a awm thei lo. Chhungkaw nitin khawsak a buai a, ei leh bar tur a harsa a, chutah innghirnghona a lo chhuak lo thei lova, thin thiin a mut theih ta thin loh. A tawpah chhungkaw lu ber ve ve nupa chu an lo inthen ta nge nge thin. An fate Lalpa laka an rochante chu thlabar leh mangangin an lo seilian ve ta thin a, chu chu a ni chhungkaw kehchhia lo pianna bul chu.
2. Insumtheihna hi thlarau rah a ni e, ti a sawi a nih laiin insumtheihlohna erawh hi chuan

Hlawhfa rawiha thlanlaih tawh tur

[ 02 August, 2011 | 6 comments ]

Dawrpui Branch YMA Executive Committee in a lo rel tawh angin, kan vengchhung mithi an awm changa thlanlaih dan chungchanga Vantlang inkhawm chu July ni 28, 2011 (Ningani) zan dar 7:30 khan kan Local Council-te hriatpuinain Vantlang inkhawm neih a ni.

Vantlang inkhawma kan thupuiber ‘Thlanlaih dan’ chungchanga Committee-in chhawpchhuah tura a lo rel tawh -
  1. Tuna kan thlanlaih kalpui mek ang hian kalpui zel nise;
  2. Mi an boral veleh thlanlai tawh lovin hnatlanga thlanlaih lawk tawh nise, a chhinna tha tak siam nise;
  3. Hlawhfa rawiha thlanlaih tawh nise;
tih point hrang hrangte sawi hawng tura ruat Pu Lalhmingliana, Branch YMA Senior Adviser in kan khawltlang

Irh Fiak (hi-Cough)

| 3 comments ]

Irh fiak hi thil ninawm mitin deuh thawin kan neih a ni a. A tam ber chu a reh leh mai a, mahse reh leh mai lo ni hnih ni thum lai irhfiak te an awm thin a.
Irhfiak awmna chhan chu, kan pumpui hi thluak atanga control vek a ni a, kan thu niloin ama Brain Computer-in a set fel sa a ni a. Kan luak pawh in kan uak vak vak a, kan luak a. A then an inkawm luak a. Hetiang tho hian irhfiak hi luak silo a, luak tum thlulh leh thut (sudden oesopageal spasm) a ni a. A awm tirtu chu engpawh lo nise, luak tur a luak hman lo in a tawp leh vat a, kawlphe ang lek a rei lo pumpui leh a chawdawt rawn in sang ping thut a ni ber a, a rei loh em avangin luak chhuak a lang hman lova, a tawp leh mai vang a ni. A leh lamah irhfiak hi a tuartu tan chuan thil hrehawm leh ninawm deuh mai a ni a, tih reh vat chu a ngai thin.
Aizawla kam hmuh tam ber, irhfiak reh theilo ho hi chu Zu in nasa te an ni tlangpui a, Zu hian thluak

Pages (16)123 Next