Kawthalo leh Luak

[ 27 March, 2011 | 2 comments ]

Kum thar zawh January, February leh March vel hian kum tin Naupang khawthalo leh luak hri a leng thin a. Tunhma chuan halpuah hal vangah an puh thin a. A ni lem lo tih chu tunah pawh a lang ta mai a. Kumin 2011-ah hian halpuah an hal miah lo a, mahse naupang kawthalo leh luak chu a leng tho a nih hi.
Hetiang hi a nih vangin natna hrik chi khat “Virus” kan tih mai a awm tirtu tam ber a ni a. Tin, kan tui tlan laite pawh a dik lo thei a. Engapawhnise, a hunbi ngaihtuah chuan a lo leng leh chu a ni mai a. A enkawl dan pawh hi an ek reng a, an luak reng chuan ORS in (drink) chi dawr-ah a tam tawh a, a tam thei ang ber intir char char mai tur. A reilo berah karkhat chu a awh ngei ngei thin. Tui pangngai hi chu in tir tam loh a tha. Damdawi bik tak pawh a awm loh avangin ORS tui in tir tam hi a ni ber mai. Tin, an kut leh i kut silfai kha uar hle tur, kut silfai zin hian natna tam tak lakah min veng thei a ni. A nasa lutuk, in lama enkawl harsa a nih chuan Damdawi in hnai ber pan vat mai tur a ni.
- Dr Thangchungnunga, MS (Ortho)

Didinga weds Nupuii

[ 25 March, 2011 | 4 comments ]

Chawngdingliana s/o Lalhmingliana (L) leh Helen Lalnunpuii d/o C. Zaia, Dawrpui te chu March ni 17 chawhnu dar 1 khan Dawrpui Presbyterian Kohhran Biak inah Kohhran Dan Thianghlimin an innei.

Pu Nunzira kan chan ta

[ 16 March, 2011 | 1 comments ]

Pu F. Lalnunzira, Kum 48 (Ex-VCP) s/o Thanglawt a(L) Bara Bazar chu 14 March, 2011 (Thawhtanni) chawhma dar 10:20 khan Cancer avangin a boral a, atuk chhun dar 12:00 khan Pastor R. Vanlalnghaka'n Dawrpui Thlanmualah a vui liam.
A chanchin tlangpui : Pu F. Lalnunzira hi Dawrpui Branch YMA OB leh VC President-te pawh lo ni tawh thin a ni a, a nupui leh fate 4 a kalsan a ni.
Pu F. Lalnunzira hi Pu F. Thanglawta (L) leh Pi Lalzami te fa 7 zinga a 5-na niin 11th March1963 khan Aizawl-ah a lo piang a. Pianpui unau mipa panga leh hmeichhia pakhat a nei a ni.
Kum 1985 khan Lalhmunmawii, d/o Lalthanzuala (L) nen an innei a, fapa pakhat leh fanu pathum leh tu pali an nei.
Pu F.Lalnunzira hi pa ngawichawi, mize zawi tak, mi pawisawi ngai lo hmangaihna ngah tak leh thenrual

Joint Meeting

[ 09 March, 2011 | 0 comments ]

Dawrpui Veng chhunga pawl hrang hrang Dawrpui Local Council, YMA, MUP leh MHIP Office Bearer te chuan 1st March 2011 (Thawhlehni) zing dar 7:00 khan Joint Meeting an nei. He hunah hian Khawtlang venhim leh hmasawnna tur kawng hrang hrang an thlir ho a, khawtlang Duty runpui neih an rel bawk a, hemi hun atan hian mitinte lo inring turin an ngen nghal bawk. Hei hi YMA lamin mawh lo lain Vantlang Mike atangin inkohkhawm tur a rel a ni.
Multipurpose Centre chungchang pawh sawiho a ni a, hma lak mek zel a ni a, zoram mipuite mamawh ang ngeia hman theih turin chak lehzuala hma laka bawhzui zel tura rel a ni. Helai hmun hi vantlang tana hman theih tura temporary tala kutthlak nise tih rel a ni bawk a, hun remchang hmasa berah Chief Minister sawma en ho a bawhzui zel turin meeting chuan a rel bawk.
Ruih theih thil ti thinte leh zuarte chungchang khawtlangin inkaihhruaina a neih/hman mek ennawn a siamthat ngai laite siamthat tha tih a ni a, Joint meeting leha siam that nise tih a ni bawk.
Khawtlang a lo thianghlim zawk nan leh chhiat rupna laka kan fihlim theih nan chhung tinte kan tuichhe paihna tha lehzual zawka siam nise. Inchung atanga khawh thlak tir mai lova, Pipe hmanga laka kawr emaw side drain (Nala) a khawh luh tir vek turin an rel bawk. Hei hi Joint Committee chuan a bawhzui nghal bawk ang. Tui chhe paihna chungchanga harsatna nei chuan Dawrpui Local Council Member-te hnenah ziakin Complaint thehluh theih reng a ni a, a thehluttute hming hi thup tlat an ni ang.

Chapchar Kut 2011

| 0 comments ]

Kum 2011 Chapchar Kut chu 4th March 2011 (Zirtawpni) khan ropui taka hman a ni a, chawhma dar 10:30 ah Programme hi hman tan a ni. Chapchar Kut hi Art & Culture Department leh Central YMA tang dun buatsaih a ni a, YMA Branch hrang hrang (Aizawl town Branch) ten hnam lam chi hrang hrang an entir a ni.
March ni 4, 2001-a Lammual-a Chapchar Kut ropui taka hman ah khan kan Branch pawhin Cheraw, Khuallam leh Chai entirin kan va tel ve a, hetah hian Rs. 4,000/- branch chuan kan dawng bawk.

Qtr Final kan lut e

[ 03 March, 2011 | 3 comments ]

Red Ribbon Inter-Village Football Tournamnet 2011-ah Dawrpui chuan Pre-Qtr Final-ah College Veng, Kolasib penalty-ah hnehin Quarter Final-ah Inrinni March ni 5, 1:00pm hian Aizawl Lammualah Dinthar kan tum leh ang.
Kan Veng Team-te hi veng hlanga khel an ni a, a upa ber pawh kum 24 a ni. Veng mipuite tawiawmna an mawmawh leh hle don a, a tam thei ang berin tawiawml eh ila a thei theiin kawr sen emaw serthlum rawng hak tur ani ang.

Scooty leh Nau pai

[ 02 March, 2011 | 4 comments ]

Tunah chuan kan changkang a, kan over lo chauh chu a ni ta. A tha lam hriselna leh ruih theih thilah pawh kan ziaawm chho zel a. Kan changkannain a ken tel tha lo erawh a awm ve thin. Chung zinga mi chu Scooty (Two Wheeler) hmeichhia/Nu in an khalh ve ta hi. Kan tih tawh chu ti vak zel hnam kan nih avangin hei pawh hi kan ti lutuk ang tih a hlauhawm hle.
Nau pai tir, a bikin thi neih huna nei ta lo, rai dawn nia inhria leh nau pai thla hnih chhung hi, thla thum ti law law teh ang. Lirthei leh khawla chuan hi a haw em em a, chhulah hian naute kha thisen leh tisa nem lutuk hlawm khawma awm a ni a. A nghet em em chungin rawn awm thar a nih avangin a nghet nep tih chu hriat sa a ni. Ke-a kal leh hna thawh vak vak chu a pawi lem lo. Mahse, hetia nau insiam tirin a huat ber chu, khawl motor emaw Scooty a ni emaw, a nghawr der der hi a haw em em a. Bur mawngah thil ban lutuk lo bel la, a letlinga kengin thing khur char char la, reilo teah a tla mai ang. Hetiang tho hi naute

Nu leh pa leh fate tan

| 0 comments ]

Thangthar ten nu leh pa zahna kan tlachham ta em em mai leh anmahni kan chawimawi ta lo lutuk hian chhungkaw zahawmna a tibo a, inpumkhatna leh inlungrualna a tichhe thin. Ngaihtuahna thui hmang lova nupui pasal naupang lutuka kan han innei thuai thuai thin te hian nupa inthenna a ti tam a, nu leh pa enkawl loh fa tam tak seilenna chhungkaw kehchhia leh tlabal a rawn hring a, khawtlangah harsatna tam tak a rawn siam thin.
Naupangte nun bul tan a fuh loh chuan an puitlin hnuah a kal dik tak tak thei thin tawh lo. He khawvel thil vanram thlenga kan chhawm luh theih awm chhun kan fanaute kan ngaihsak lo leh thlahthlam lutuk hian harsatna bak hrin chhuah a nei hran lo. Chhungkaw tha buatsaih tur chuan fanau enkawlah fimkhur a ngai a, fate entawn tlaka nu leh pa awm pawh a tul hle mai.

Pu K.Zothantluanga kan chan ta

| 0 comments ]

Pu K.Zothantluanga hi ni 10 February, 1966 khan Aizawl Civil Hospital-ah Pu K. Hmingthanga leh Pi Lalchhanhimi(L) fa 6 zinga a 3-na ni turin alo piang a, Unau mipa 4 leh Hmeichhia 2 a ni. January ni 29, 1991-ah P.C. Lalengmawii d/o Maj P.C. Thansanga Dawrpui nen innei-in Fapa 1 leh fanu 1 an nei.
Pu K.Zothantluanga hi mi thil phal, thiante tana inpe zo em em mai a ni a, a thenrual te tan chuan ui nei reng reng lova insengso thin a ni. Hetiang mi a nih avang hian thenrual tha a ngah em em a. Chhungkua huikhawmtu ber leh mite dinhmun hrethiam tak a ni. Chanhai zawk te dinhmun hrethiam-a tanpui thin mi a ni. A unau te pawh hian an ngaina hle a, khawtlang ah pawh a theih ang tawka in hmang thin a ni.
Pu K. Zothantluanga hi a naupan lai atanga Kohhran bel tlat mi a ni a, Biak inah leh khawlai rawngbawlna ah Recitation te a sawi thin a, a lo tlangval chhoh hnu ah pawh zaia rawngbawlna te a nei thin a. Amah hi

Pages (16)123 Next