Ramngaih Hla Zaipawl Intihsiak 2022-ah Dawrpui YMA Pakhatna
14 October, 2022
0
comments
October ni 10, 11 leh 13 chhunga 'Ramngaih Hla Zaipawl Intihsiak 2022' Art & Culture Department, Govt. of Mizoram leh Central YMA tawngkawpin Vanapa Hall, Aizawl-a an buatsaihah Dawrpui Branch YMA Zaipawl chuan Lawmman Pakhatna an dawng.
He Zaipawl intihsiakah hian Aizawl Municipal Corporation (AMC) huamchhung atangin Branch YMA 34 an tel a. Ni 10.10.2022 khan Zaipawl 19 in lan in, a tuk Ni 11.10.2022 ah Zaipawl 15 ten intihsiak an rawn hma chhawn leh a ni. Heta tang hian Top 5 thlan chhuah niin Br. YMA Zaipawl 6 an in hlang kai a.
Zaipawl member tam ber chu Dawrpui niin 65 an ni a. Venghlui Br. Zaipawl te 61 niin an dawt a. Member tam lama 3na niin Armed Veng Br. YMA Zaipawl te 57 an ni.
Ramngaih hla panga (5) -
1. Ro min relsak ang che. (Rokunga)
2. Raltiang i kai ve ang. (Rokunga)
3. Khuavel i la chhing ngei ang. V. Thangzama)
4. Pipu chhuahtlang hlui. (Liandala)
5. Sangha vuak hla. (Rokunga) te atangin hla chuam 1 thlang in, a bâk hla Pali (4) te atangin pakhat pawt leh in an intihsiak a ni.
Ni 12.10.2022 zana Top 5 result puan chhuah a, a tling Branch YMA Zaipawl 6 ten a tuk October ni 13 khan an hla chuam leh an la pawh fuh loh hla dang 3 atanga an pawh fuh leh hla 1 hmangin an intihsiak leh a. Chuta tanga Judge 5-te thutlukna (final result) chu hetiang hi a ni:-
1na - Dawrpui Branch YMA Zaipawl
2na - Durtlang Branch YMA Zaipawl
3na - Ramthar North Branch YMA Zaipawl
4na - Bawngkawn Branch YMA Zaipawl
5na - Ramhlun South Branch YMA
6na - Bethlehem Vengthlang Branch YMA Zaipawl te an ni a.
Zaipawl Conductor thiam bera thlan chu H. Lalmalsawma, Durtlang Branch YMA Zaipawl conductor a ni.
Lawmman 1-na hian ₹1,00,000/- (Nuaih khat) an dawng a. 2-na in ₹70,000/- (Sing sarih) leh 3-na in ₹50000/- (Sing nga) an dawng a. Top 5 a tling dang Zaipawl 3 ten ₹20, 000/- theuh an dawng bawk a ni. Tin, he Zaipawl Intihsiaka tel top 5 in hlang kai zo ta lo Branch YMA Zaipawl zawng zawng ten ₹10,000/- theuh an dawng bawk a ni.
0 comments »
Leave your response!
Han sawi ve teh le.