Dt.3.4.2009(Zirtawpni) tlai dar 4:00 khan kan khawtlang hruaitu VC leh YMA O.B te chuan Chief Minister Pu Lalthanhawla chu a Office Chamber-ah kawmna hun an nei a.
Hetah hian kan khawtlang in kan mamawh hrang hrang leh harsatna kan neihte thlen a niin, chung zingah chuan tuna kan vengin kan mamawh kan buaipui mek thlanmual thar, hun rei tawh taka atanga lei dan tur kan lo buaipui tawh dante, leh YMA anga Thlanmual thar ngaihtuahtu Committee kan in din dante, he thlanmual lei nana veng mipuiin kan sum lamah tan kan lak dan tur te hrilhhriat a niin, chubakah sorkar atanga thlanmual leina tura puihna kan mamawh tur thute thlen a niin hrilhhriat a ni bawka, chubakah Bazar New Market-a Bazar Beat Police Bazar Building chungbera awm hi mipui vantlangten hei aia kan chhawr tangkai zawk theihnan Bazar Building hnuai Ground Floor-ah sawn turin ngen a niin, a ni chuan he thil pawh hi ngaipawimawhin biak tur tulte kan hruaitute awm laiin be nghalin Bazar Building chunga Bazar Beat Post awm chu a hnuai Ground floor-ah sawn turin tih nghal niin, tuna Apex Bank awmna hnuai room ruakah Bazar Beat Police chu an awm dawn ta a ni. Heng bakah hian thil hrang hrang vengchhung mamawh sawipui a ni bawk.

Kan veng chhung mi HSLC Passed kan dawn tharte (kar hmasa lama kan tarlan loh)
1] Lalrinkima S/o Lalkhumtira, Vanapa Sect. III Div.
2] Christina Vanhmuni Pachuau D/o Roengliana V. Sect. II Div.
3] Gary Lalmuankima S/o B. Dawngzuala (L), T Sect. II Div.
4] V. Lalnunthara S/o VL. Zarzokima, Ch. Sect. I Div.
5] Lalruatpuii, Vanapa Sect. III Div.

1. Dawrpui veng chhung mi tupawhin hnamdang ILP hmanga a chhawrte, VC hriatpuina a lak dawnin an vai chhawrte tir mai lovin a sponsor-tu ngeiin a buaipui tur a ni.
2. ILP hmanga Non-Mizo chhawrte chuan an ILP a an hnathawh tur tarlan ang ngeiin an chhawr tur a ni.
3. Hnamdang sumdawng sponsor-tu atana tan dawn chuan Sorkar atangin Valid Trade License a nei ngei ngei tur a ni.
4. ILP hmanga hnamdang chhawrte chuan an hna an thawh zawh emaw, an chhawr tawh lo a nih chuan ILP sponsor Copy kha DC, Aizawl hnenah a pe let/surrender ngei ngei tur a ni.
5. A chunga tarlante hi DC, Aizawl atanga ngenna kan hmuh leh Sorkar Guidelines for the Enforcement of the Inner Line Regulation, The Mizoram Gazette Extra Ordinary. Published by Authority 8th Sept.,2006 hmanga tih chhuah a ni.

C. Lalremruata hi Vanpianga leh B. Ralveli te fa sawm zinga pasarih-na niin October 8, 1973 khan a lo piang a, mi harhvang tha tak leh unaute huikhawm thiam tak a ni.

Kum 1991 khan Mizoram Police (CID) hnuaiah Constable hna thawkin Champhaiah a awm a, 2000 kum khan he hna hi a chawlhsan leh a ni. Kim 2003 khan Lalmuankimi nen inneiin fa pahnih C. Lalmuansangi leh Lalrinhlua te an nei a, 2005 kum khan tuna an chenna-ah hian an lo pem lut a, thingpui dawr siamin a boral theng hian hetah hian an khawsa a ni.

Kum 2008, June thla atang khan a insawisel tana, pumpui thalo leh thinlian ten a tlakbuak chhova, damdawi inahte lutin a in enkawl chhova, kumin kimtir lam atang khan thisensang leh mitliam a ni tih hmuhchhuah a ni leh a, he natna vang hian a pawn chhuak peih ta lo a, April 1, 2009 (Nilaini) zan dar 11:45 khan min lo kalsan ta a ni.

Sarah Vanlalpeki, Pasor R. Vanlalnghaka (i/c Presbyterian Kohhran Dawrpui Pastor Bial) fanu chu March ni 31 zan khan Durtlang Hospital-ah lo piangin, atuk April ni 1 zing kar khan thla kimloa a pian vangin a boral a. A ni vek hian Upa Rokamlovan Dawrpui thlanmualah a vuiliam a ni.