Hei hi Dawrpui Biak in chhung Pastor R. Lianbuanga (Tuna Mission Vengthlanga cheng mek) Bial laia Biak in chhung awm dan ani. Pulpit hi Dawrpui Kohhran enkawltu hmasa ber Pu Mena (Rev. EL Mendus) hova sak tun thlengin tha taka la hman a ni.

Mihring reng reng hi kan rilru azirin kan awmdan pawh hi a ni. Rilru paukhauh tak nih hi a ngai a, huaisen kan tihte pawh hi an rilru a huai a ni mai a, taksa tet leh len lam pawh a ni lo. Rilru nghet chet chawt i neih loh chuan engpawh ti dawn la engmah hlawhtlin tak tak theih a ni lo. Kan thil tih reng reng hi 50% a then phawk chuan a thatna leh that lohna hi a intiat deuh rial zel. Entirnan, Sex Education-te hi naupangah leh nula tlangvalah a tha zawnga hman dan tur leh a nih dan tur sawifiah chiam ila, rai theih hun leh rai theih loh hunte hre bel han sela, an hmansual duh chuan nasa taka hmansual theih a ni ve leh a. Drugs-te pawh sawi fiah tak tak tur chuan a ruih dante sawi tel a ngai a, zu te pawh, tam tak rilru-a awm ngailo kha tih chhin chakna kan tuh ve leh thin a ni. Pathian thu pawh, a hmangaihna leh mi a ngaihdam theih zia ringawt sawi a theih loh a, a fa ni tawhte chunga a thikthu chhiat zia leh mi hrem hmang a ni tih sawi ve zel a ngai ang hian, chempui pawh lo vah nan chuan a hriam thei ang ber kan duh laiin mihring sah nan chuan a duhawm lo ber a ni ve thung.

Dolianpuii (K 68) hi Pu Rualkhuma (L) leh Pi Tlanliani (L) te fa pariat (8) zinga pathumna (3) niin, kum 1942, July 15-ah Civil Hospital (Dawrpui) vengah a lo pianga, kum 1970 khan Liannghinglova (Tawi-a) nen innneihin, Kulikawnah an awm a, kum 8 zet an inneih hnuin, pa fawh nei lovin an inthen a. Hemi hnu hian pasal nei leh lovin a awm ta a ni. A nu leh pa pawhin an boral san hnuin, a laizawn Pi R. Liankimi te nufa nen in hrang changin, Babutlang Zarkawt-ah an khawsa a. Amah hi MHIP-ah te atuiin, a thihni thlengin committee member a ni. Fiamthu duhmi tak a nih avangin hetiang lamah hian an hmang tangkai ve hle thin a, fa nei lo a nih avang nge, a unau fate hi a duatin a ngai hle thinin, an ni pawhin an ngaina in an ui hle a ni.
Kum tir (2011) atang khan a pum lam a sawisel deuh thin a, pum lam damdawite a ei thin. February thla

Pu Lalthansiama hi Pu Lalkunga (L) leh Chalthangi (L) te fa 6 zinga 3-na niin December 29, 1930 khan Civil Hospital Aizawl-ah a lo piang a, 1958 khan Pi Zakungi (L) nen inneiin fa mipa 2 leh hmeichhia 4 an nei.
A tlangval tirhin sipai (Assam Regiment) ah kum 6 lai a tang a, chumi hnuah Dulte ah inbengbelin he ta a awm chhung hian VCP ah rambuai vang lai tak khan a tang a, sipai bang anih avangin vai tawng te a lo thiam ve a, Dulte khua hian an chhawr tangkai em em thin a ni. Tin, ramvachal tak, sa kap thei tak a ni a, ram lama chet tlat hi a nuam tih ber thin a ni. Sa engemawzat a kah bakah thil mak tak chu Silai vawikhat chiah hmet puakin Sanghal 3 a kap thlu thei a ni.
Kum 1968 khan Aizawl-ah lo chhukthlain tuna an chenna apa pek in leh lo Zion Street ah hian an cheng zui