OPEN AIR PROG. & KUMTHAR HMUAH

[ 07 January, 2009 | 0 comments ]

Kumhlui Thlah Zan hian Dawrpui Branch KTP-te bul tumin Centenary School chungah Vengchhunga zaithiamte leh Mizoram pum puia zaia Pathianin a hman mekte sawmin Open Air Programme hlimawm tak hman a ni a. Zanlai Inkhawm (Mid-Night Service) dar 11-ah Biak Inah hman bawk ani a, chumi zawhah a huhovin Biak In compound-ah Kumthar hmuahna neiin fire works-te leikhawmin hlim takin hman ani a, chumi hnuah arsa kan leh chaw ei a ni.




BRANCH YMA HRUAITU THLANG DAWN

[ 04 January, 2009 | 0 comments ]

Kum 2009 Branch YMA Office Bearer thlanna chu 8th January 2009 (Ningani) zan hian Dawrpui Sikul Hall-ah neih a ni dawn ta. He inthlanna neih turah hian Branch Executive Committee chuan Nomination 14 (Pakua) a siam a, heng bakah hian Floor atangin mi 3 Nominate belh theih a ni ang. Heta tang hian Office Bearer tur 6 a ruala thlan chhuah tur a ni ang a, heng thlan chhuahte hian an nihna chanvo tur an in siam rem tawh ang. He inthlanna neih turah hian YMA member diktak te chauhin vote hi thlak theih a ni dawn a, chuvangin YMA Member-te chu a tam thei ang ber he inthlannaah hian kal theuh tur a ni e.
Heng a hnuaia mite hi Branch Executive Committee in a Nominate-te chu an ni e.
1] Pu Chhawnkima Pachuau 2] Pu H. Dingluaia 3] Pu Lalhlimpuia Khiangte
4] Pu Lalrammuana 5] Pu Lianzama Pachuau 6] Lalrinawma 7] Pu Malthantluanga
8] Pu Malsawmdawngliana 9] Pu PC.Zohmingthanga 10] Pu Rosangliana
11] Pu Rothuamliana 12] Pu Vanlalbika 13] Pu Vanlalchungnunga
14] Pu V.R Hmachhuana 15] Pu Ziakkima Pachuau
INTHLAN PROGRAMME
A hmun : Dawrpui Sikul Hall
A hun : 8.1.2009 (Ningani) 7:00 P.M
Chairman : Rev H.Zalawma (Returning Officer )
Hunserh : Upa Lalluaia
Inthlan : R.O kutah
Report : Secretary Report & Finance Report
Result puanna : R.O kutah

Ei leh in tui tak a awm ang

Inthlan buaipuitu turte
Returning Officer : Rev H.Zalawma
Polling Officers :
Pu H.Malsawma VCP. Pu R.Lianchhawna VC Secy Pi Vanlalhriati MHIP President Pi Tlangrokhumi MHIP Secy PuV.LallianaMUP President Pu Zadingluaia MUP Secretary

ELECTORAL ROLL CHUNGCHANG

| 0 comments ]

Electoral Roll a in thunthar duh zawng zawngte tunkar lo awm tur ni 6.1.2009 (Thawhlehni) ah Dawrpui School-ah in report tur a ni a.
Hemi ni vek hian Electoral Roll chungchanga Complaint nei leh paih tur nei te kan awm chuan a hmun ngai Dawrpui School-ah in report nghal tur a ni e.

KUMTHAR HMAN DAN

| 0 comments ]

Kumhlui leh kumthar thlah zanah Kohhran hrang hrang te zanlai inkhawm te neiin kumthar atana inhlanna hun te neiin kumthar hun hmasa chu hman a ni a.
UPC Mizoram chuan chuan 1, Jan 2009 khan nilenga Pathian fakna neiin tlai lamah ruai tui tak nen hun an hmang a.
Salvation Army, Bazar Corps chuan 1, Jan 2009 khan Corps inkhawm pangai neiin, Chawhnu lamah lenkhawmna hun te hman a ni a. Chuan 2, Jan 2009 khan zaikhawmna te neiin tlailamah -Vawk pum 1, Bawngsa 150 kgs leh Arsate siamin tlai dar 2:00 atangin ruai tui tak an theh a.
Dawrpui Presbyterian kohhran pawhin 1, Jan, 2009 khan kohhran inkhawmte neiin chawhnu lamah zaikhawmna neih a ni a. Chuan 2, Jan 2009 khan zaikhawmnate nei lehin tlai lamah Vawk 2, Bawng 2 leh Arsa leh sangha te siamin ruai tui tak an theh bawk.

LARRY Weds ROSIE

[ 30 December, 2008 | 3 comments ]

Larry leh Rosie (Sangi) te chu 29th December, 2008 (Thawhtanni) zing dar 8 khan Dawrpui Kohhran Fellowship Hall-ah Pastor Vanlalchhunga'n kut a suih tir ta. Biak Inah hian mo lawmna thingpui in a ni a, chawhnu dar 2 atangin Tourist Lodge, Chaltlangah Reception hman a ni.

DAWRPUI KOHHRAN KRISMAS 2008 RUAI

[ 27 December, 2008 | 0 comments ]