Khawvel kalphung reng rengah, mimal an ni emaw pawl an ni emaw, an hming a lo lar viau tawh hi chuan sawisel pawh hi an lo chhuak thuai thin. Heng sawiseltute hian an han zawn ngat ngat chuan sawiselna, dik tak tak pawh an rawn phawrh teuh thei reng thin a ni.
Mizorama tlawmngai pawl kan neih len ber YMA pawh hian sawiselna tam tak a lo tawng tawhin a tawng mek zel bawk. Chung sawselna hrang hrangahte chuan “YMA hi awm ta lo se kan hnam ziarang hi a bo/danglam chuang lovang....... hmanlai angin Valupa hovin thlan chu kan lai mai dawn a lawm...... khawhar lenpui kan thulh chuang nang.... YMA awm lo pawhin Mizo nula leh tlangval tho a lawm kan nih, kan tihtur chu kan ti tho ang ..etc... chi hrang hrang a tam mai.

Heng zawng zawng hian dikna tam tak pawh a nei maithei, engemaw chen chu a kal pawh kan kal chhunzawm zel a rinawm. Amaherawhchu, YMA a tangkaina pawimawh em em chu kan hnam chin dan leh ziarang humhalh kawngah mawhphurtua a inngai tlat hi a ni. Mizote’n kan hnam ziarang humhalh tur hian YMA hi kan duh lo a nih pawhin eng pawl emaw ber chuan a mawh a lak a ngai hrim hrim a ni. Chuti a nih loh chuan mimal thatna leh thahnemngaihna mai chuan kan hnam hi a chhanhim zo lo ang.

Khawvel thang zelah hian hmasawnnain a ken tel changkannain a tihchhiat nasat ber thin chu hnam culture leh identity hi a ni fo thin. Hnamin culture leh identity ber a hloh tawh chuan chu hnam chu chimral a ni tawh tihna a ni. Mizote culture leh identity humhalh kawngah hian YMA hi a tangkai em em a, kan culture leh identity vawng nung tlat tura din ni mai awmin hma a la thin a ni. “YMA hi awm lo ta tak tak se, Mizote hi he khawvelah hian kan dam khawchhuak zo meuh lo ang tih a hlauhawm khawp ang”

Pu Lalfakawma, New Market chu 27 September, 2010 (Thawhtanni) chawhma dar 10:45 khan thinro avangin a boral a, atuk chhun dar 12:00-ah Dawrpui Thlanmaual vui liam a ni.

A chanchin : Pu Lalfakawma hi Pu Lalrema leh Pi Ngurhnuaii te fa 8 zinga a naupang ber dawttu a ni a. Kum 1967 March 5 khan Thingsul khuaah alo piang a. Kum 1997 khan Pi Ramdinthari nen inneiin fa 7 mipa 3 leh hmeichhia 4 an nei.
Pu Lalfakawma hi a awmna chin chinah a theih ang tawka Kohhran-ah inhmang ve

Mipa Upa lam tawh chuan zun harsatna emaw zun zawh hleihtheih loh emaw nei an tam thin a, hei hi a chhan pakhat chu, kan chi dahkhawlna bawm Prostate (Mizoin a hming kan nei lova, Prostate kan ti zel tawh mai ang chu) hi kan phing atanga dawt, zun kawng lo chhuak a bul takah hian bawm ip ang deuh pathum a awma chu chuan a dawt chu kil thumah a hual bet a, inpawla mipa chi a lo chhuah vak theih nan a khatin an awm reng a ni, he thil pathum hi cancer awm duhna pakhat a ni a. Cancer kher lo, mi tam tak buaina chu an lo lian lutuk emaw an kawr a chhah lutuk emawin an lo awm thei a, a pathuma an nek chep chuan zun kawng kha a zim ta thin a, alo zim chuan zun a kal tha theilo ta thin ani, hetiang hi kum upa lam 50 vel an pelh hian a awm duh a, a thente phei chu zai a paih a ngai thin, amah test-na pawh a awm a,

A chanchin : Lalsangliana Sailo hi Pu Rothangpuia Sailo leh Pi Lalthakimi Ralte te fa pathum zinga a milai ni turin ni 10.11.1987 khan Civil Hospital, Aizawl ah a lo piang a. A unaute chu:-

1. Nelson Lalthanpuia Sailo
2. Lallawmzuali Sailo te anni a.
Mary Mount School-ah zirna bul tanin Middle School a zo a, Mount Carmel School-ah HSLC 1st Div. ah a pass a. Class XII (Commerce) chu Govt. Mizo Higher Secondary School, Aizawl-ah a zo leh a, zirna sang zawk chhunzawm turin kum 2007 khan Kolkata-ah a chhuk thla a, National School of Hotel Management (Knowledge Campus) -ah Bachelor of Business Administration (BBA) chu 1st Division-ah a pass a ni.
Amah hi thuawih thei tak, nungchang tha leh hawihhawm tak ani a. Nu leh pa leh aia upate thu a awih thei

Khawvel hun inher zelah kan Mizo Nun Phung pawh dan rual lohin a danglam zel a, hmana awlsam tak kha tunah chuan alo harsa ta em em mai a. Kan Mizo-na dal ta leh kan nunphung chhe ta vek hial pawhin kan sawi thin. Chu kan dinhmun YMA huanga kan khung bik deuh kan sawi leh kan ziah tam pawl tak, mahse awmze awm vak chuang silo chungchang hi sawi i han tum teh ang. Ngaihtuahna chhiartuten lo seng zui ve teh u.

Tunge Thlan Lai Thin? : Mizo-te hi kan thih hnua thlan laia inphum thin kan ni a. Hmanlai ata tawh nausen (hlamzuih) pawh inphum thlap thlap thin kan ni a. Khawkhata val upa leh mi tlawmngai fal emaw duhsak awm bik deuh an thih phei chuan duhsakna entir nan an thlan tur hi thuk takin an laih sak thin a, a sawi uar deuh phei chuan “arsi lang khawpin” an ti thin. Chu chu Mizo nunze mawi tak zing ami a ni. Tunlaiah mihring kan tul em em theuh a, nilenga thlanlaihte pawh kan hman ta lo deuh a, Dawrpui khawtlang pawh hian hman atang khan zingkarah thlan kan lai thin a ni. Tun hma deuh kha chuan zing dar 6:00-ah chuan a kal

Global Warming kan tih intanna hi ni (sun) atanga nizung lo kal, tunhma anga atmosphere leh chhumte’n an lo lak kawi tam tawk loh vang leh mihring siam chawp chhan dang tam tak avanga khawvel lo lum ta lutuk hi a ni berin mithiamte’n an sawi.
Mizoram tunhma lum zawng chu 23.88° Celsius a ni thin a, kum 2005-ah meuh chuan 26.63°C laiah a lo kai ta. Aizawl khawpui chhung bikah ngat phei chuan kum 10 kalta chhunga a san belhna hi 0.28°C lai a tling pha a, heihi kum 50 lo kal tura khawvel pum lum belhna tura mithiamte’n an chhut lawk aia sang daih a ni. Zopa thil chik tak takte hian kan pi leh pu hun laia hunbi sawi nana sik leh sa an lo hmang mai thin a, a thleng dik deuh ziah bawk a. Khatiang hunbi kha vawiinah chuan a thleng dik hlei thei ta lo a ni an ti.
Fur hunlaiin khua a thal a, thal hun turah khua a cheng a, nipui hunah khua a lum tual tual a, thlasik pawh hi a vawt lo tual tual niin a lang. Hunbi mumal ta lo lutuk hian kan thlai tharchhuahah pawh nghawng a nei