DAWRPUI VENG LO INTAN DAN
19 April, 2009
14
comments
Dawrpui veng hi a hming ang mai hian, Dawrkai hmunpui leh chawhmeh zawrhna hmunpui (New Market) awmna a ni. Aizawl khawpuia veng laili tak a ni. Aizawl khawpui tia kan han hriat tak lo intanna hmun chu tuna Dawrpui Veng hi a ni. Mizorama Tan In (Jail) hmasaber awmna hmun a ni a, Lamsuaka leh Chala an khaihlumna hmun a ni bawk .
Aizawl Fort dinna Veng : British hovin Mizoram awp an tum a, Kulh an siam hmasakber, Aizawl Fort dinna Veng a ni. Dawrpui Veng hi Aizawl khawpui lo intandan a ni nghal a, tun hmain he Aizawl tlangah hian an lo awm tawh thin a, kum 1835 vellai khan Lal Savung’an a lo thut tawh a, kum 1957 vel lai khan Thanrum’an khua a lo siam tawh bawk a, mahse, Tanhril lamah a chhuksan leh nghal a. Heng hunlai pawh hian Aizawl tih hming hi an lo vuah tawh awma ani. Mahse, an pemchhuahsan leh thin avangin Aizawl khua tiha sawi tur a awm lo.
Aizawl Fort : Dawrpui Veng hi Aizawl Fort lo din tak atang leh Bawrhsap lo awm taka lo intan a ni. Sawrkar mi leh an chekkawite leh Sipaite awmna a nih avangin Civil mi an tlem a, Sawrkar Veng ruihin an lo ngai thin a ni. Zawi zawin Civil mi an lo pung ve zel a, Bawrhsapin Bazar hmun atana a han siam takah khan an lo pung chho ta em em a ni. AR : Kum 1890 khan tuna Assam Rifle hmunah hian Sipaite chuan Buk an sa a, an awm tan ta a, February ni 15 chuan Aizawl Fort sakna tur chu tihngheh a niin, ni 25 an sa tan ta a, Aizawl Fort hmun tak chu Baza Tlang kan tih, AR Ground chung, Gate pui Hmar lam tlang pawng hi a ni. Heta tang hian Dawrpui Veng, Sumdawnna hmunpui leh kan Aizawl khawpui hi a lo intan chho ta a ni.
Dawrpui tih hming lo put chhoh dan : Dawrpui tih hming a lo put chhoh takna hi chu 1910 Bazar neih kum hnu lam atang khan a ni. Dawrkai awmna hmun thil zawrhna leh hralhna hmun anih avangin Vai hovin Bara Bazar an ti thin a, Mizo tawngin Dawrpui kan lo ti chho ta zel a ni.
Hun hmasa a dawrpui Veng hrang hmingte : Tuna Dawrpui Veng hian, Lal ban hma leh VC neih hma chuan heng Dawrpui Vengthar, Zarkawt, Chanmari, Chhinga Veng, Saron Veng, Tuikual Veng, Dinthar Veng etc.. te hi a huam vek thin a. Mizoramah Lal ban a lo nih atang khan, Village Council neiin Veng hrang hrang ah an lo inhlawm hrang ta a ni.
Dawrpui Veng chhunga veng hming hrang hrang lo intan dan :
2. Zaiawn (Zion) street : Pu Thangruaia fanu Manpuii, Nula Zaithiam leh ngaihnobei tak a awm a, helai vengah hian an zai ho reng reng thin a. An zai lo hre thin Pu Liana chuan, “He lai Veng hi zaiawn veng anih hi” a ti thin a. Hun a lo kal zel a, Zaiawn Veng (Zion Street) an lo ti ta a ni.
3. Jail Veng : Jail hmasaber awmna a ni a, Ran Tan In (Jail) awmna hmasaber Veng a ni bawk a, chu vangin Jail Veng tih a lo ni ta reng a ni.
4. Pi Pu Tlang : Tuna Hospital quarter tlang, Dr. Biakkimate awmna bawr hi a ni a tunah chuan Hospital Quarter Veng ani ta ber a ni.
5. Canteen Kual : 1st Assam Rifle Canteen awmna Veng anih avangin Canteen Kual tih a lo ni ta a ni.
6. New Market : Bazar pui awmna Veng hi Bazar hmun atana 1965-ah tih thar anih avangin, henglai bawr vel hi New Market Veng anga sawi a ni ta ani.
7. Dawrpui West : 1989 khan, YMA in Dawrpui Veng tlak lam Bungkawn leh Hospital liam hi Dawrpui West tiin a vuah ta a ni.
8. Church Square : Kum 2000 khan Dawrpui Presbyterian Kohhran chuan hming phuahin Dawrpui Pastor quarter atanga Dawrpui School thleng hi Church Square tiin an vuah.
Naupan laiin Jail kha nu leh paten "Lung In" an tih thin khan a hlauhawm zual bikin ka hria
haha, nih hmel khopmai a....LUNG IN :)
PC hun laia zirlai hruaitute an man chhuah ngiata Atta lane-a mipui an pung khawm -lungin lungin an vawm..a changleh kan tlanchhe leh dur2...lung a leng khp mai kan la naupang viau naa kan la hre ve tlat nia :)
Bazar pheia bawng tla duah2 leh ek paih in kal pelh nawk hun laite, Chhota dar awm laite etc etc a tam mai...midang sawi ve leh hun atan khek teh ang :)
Tuna Millenium Centre awmna lai vela, Vantlang ekin (latrine) awm thrin kha... LOL... Town Bus-a chuan pah pawhin ek dawhna tin kha a lang thei a, mi an lo e thla zeuh zeuh lai pawh ka hmu tawh. Zing ni chhuah hmain Mirawng Veng (Tuithiang) ah an paih thrin lai te kha... Pu Lianthuama te nupain violin nen.. "Zarkawt pheiah sawn....'thlik thlawk...thlik..thlawk..Lianzampa khawlin a ti e....'" tia an zai ngawng ngawng lai te, Muanzuraia te tuikhuah kan chen ruk lai te... LOL
Information tangkai tak kan duh chi a nih hi. Midang Aizawla awm rei tawh deuh te chuan engatan mah an tilo maitheia mahse keichuan ka Perma bookmark hmiah. Thank you for the info.
a v tha veeeh.....
A bengvarthlak hle mai. A lawmawm e.
Ka han insawi thei hlak ang e. :) Lal Savunga hi ka pu pu leh a ni ve tlat mai..Aizawl lal hmasa ber tia sawi a ni nghe nghe. Ropuiliani leh Vanhnuailiana te pa hi a ni. Lallula tupa a ni.
Dawrpui hi in pi leh pute kha an ngaihtuahna an lo seng lo. Ka sawi awmzia chu mi hmasate khan ngaihtuahna an seng vak lo a nih hmel. Sumdawng kha a tam zawk an nih hmel a, thil dang an ngaihtuah hman lo pawh a ni mahna le. Tuna Hospital chungchanga in buaina pawh hi chutiang vel vang chu a niin ka hre ve
Electric Veng te sawidân chuan Rambuai a râltlante kha heng - Zârkawt, Dawrpui etc etc - ah lo awmin an sahthlâk sak niawmin an sawi zawk asin. Tin, Atta Lane(Zu Zawrhna) kha Hospital Veng tia thlâk kual ani zawk bawkin an sawi. Zârkawt leh Dawrpui Vengte hi 'Refugee Camp' an ti daih asin - A dik em?
Ka hriat loh lampang tak a ni. New Market Sa zawrhna hlui kha ka mitthla ah a la cham ruai ruai. Bazar Building sak hma te pawh kha....
Hriat zauna atana thil tangkai tak mai mai Asanga'n a rawn chhawp chhuak thin hi a lawm awm hle a ni. Keini thangtharte tan a hlu. Dawrpui mi tan chauh ni lovin kan knowledge zauna atan a poimoh ani......
Dawrpui veng intan dan te ku Zarkawt Veng pelh chiah in a lo intan mai a lawm....lol
A va informative ve..tha lutuk..thil tha deuh deuh hi i chhawp chhuak a.A tha e...ti zel rawh.Dawrpui Veng te chu Aizawl proper alawm.A dik em?.