INCHEINA
13 June, 2009
7
comments
- Vanhmingliana (Taua) Vankhama BuildingPawnlam langthei aia chhungril lam chei that hi kan Pathian duh dan pawh a ni. Chuvangin kan Pathian thu chuan, “In incheina chu pawn lam incheina, sam phiar te, rangkachak thi awrh te, silhfena inthuam te chu- nilovin, thinlunga mihring thuruk chu, rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni. “(1Petera 3:3,4) a ti a.
Heta samphiar a tihte hi kan mizo nu samphiarte nen tehkhin chi a ni lo, samphiar kak te kha a mawi a, a zahawm bawk. A sawi tum tak zawk chu, Aigupta hmeichhia, lal ina chengte tih dan leh an lalnu ngei Cleopatra sam phiar dan (a film in en chuan), sîn te te a phiarchhuah vek ang te kha a ni Bible hian a sawi ni. Hetiang hi a lan sexy vanga ti an ni. Lunghlu, rangkachak leh silver-a kan taksa chei vak mai hi milem biaknaah kan Pathian thu chuan a ngai bawk. A chhan chu Amah Siamtu Pathian aia a thil siam mai mai in a, mihring chu a rilru a pawh pen tam zawk thin avangin.
Eng anga tle, mawi leh nalh pawhin langthei lamah chuan inchei sa teh thin mah ila, thinlung thuruk, chhungrila takna tak tak a awm chuan si loh chuan sawt tehchiamna a nei chuang lovang.
Chuzawng aia pawi ber mai chu- Pathian thu incheinaa hman hi a ni. Tle ve vur mahse rangkachak tak tak ni lo chu a hlu miah lo ang hian, Thlarau Thianghlim pawlna tello Kristian nun chu reiloteah a zia dik tak a chhuah leh thuai thin. Engkim Hretu leh Hmutu tan chuan hlutna leh mawina tak tak reng a nei lo. Kan thawmhnaw tur dik tak kan inbel hian kan inhmeh ber!
Tunlaia ka ngaimawh deuh mai chu - Inneih Inkhawm-a (a bikin Biak Inah)hmeichhe thenkhat incheina hi. Fashion show vela tel tur ang khawpa an rawn inkhawm mai thrin hi a zialo ka ti hle. Biak In pawn lam, khawi lai Club vela a Reception-a hak tur awm tak tak Biak Ina an rawn pho lang thin hi ka vei ve riau... Orthodox deuh tlut teh ang. (LOL)
A sentence tawp ber hi ka thlawp tlat 'Kan thawmhnaw tur dik tak kan inbel hian kan inhmeh ber!'....nia...nalh keng kung ang chu ooo!!! (ngaih kawih theih ve)
Dik a lawm, incheina hi chu Fashion a nih loh chuan Dress a ni tlangpui, i sim tawh teh ang u.
Thawhchhuah nei mang si lovina manto ber ber kan hakte hian, nalh tih aiin mite nuihzat kan hlawh duh mah zawk, a dik khop mai. Thawhchhuah nei lo lo hi a ngam huai2 chu an la ni ta deuh2 a.
'Kristian kan ni' kan intih si chuan inchei dan tawk chu kan thiam turah ka ngai.
Inneihnaa Biak in chhunga hmeichhe thenkhat inchei uchuak deuhte hi chu an ngaimohawm khop ta mai. Mipa hi chu kan inchei ber chuan kawrchung hak bak a awm ltk lem lova, thekhat uchuak deuh lo awm zeuh chu awm mhse.
Nia adik alom...'Mitinin mahni duh dan dana inchei theihna right kan nei, mahse kan inhmeh vek lem lo.
Sam phiar chungchang Bible-in a sawi tum poh kan lo hriat phah a, a lawmawm e Pu Taua.
dik khawp mai, mahni duh dana inchei tur chuan zalenna kan nei..mahse incheina uchuak lutuk chu a awm. midangte tana mawi leh zahpui awmloh anga kan inbel hi mipangngai nihna a ni. Chuvangin mipangngai zawk te inchei dan zul zuina inchei hi a tlangpui a zawm hi a tha khawp mai.
A_es hi a fakawm teh mai ania. Pulpit, Lectern, Chair leh Fellowship Hall, etc. mil tur Dress code a nei hrang thlap a set kim in.
Haha, Lalruat le'h :)