Depression
07 November, 2010
3
comments
Rilru hah kan tih mai, Depression Sapin an tih hi khawpuiah hian a tam bik a. Tin, social (Vantlang) hriselna a that leh that loh enna ber chu mahni intihlum (Suicide) an tam em, rukru an tam em, pawngsual a hluar em, zu ngawl vei an tam em, drugs ngawl vei an tam em? tih te hi Vantlang hriselna (Social Health) enna ber a ni. Tuna kan dinhmun en hi chuan inawkhlum kan ngah em em a, pawngsual kan ngah bawk a, ngawlvei kan ngah bawk a. Tunhma a awm ngai lo, kum 70 chung lam inawkhlum pawh an tam ta mai.Hei hian kan vantlang hriselna (Mental health) rilru lam hrisel leh sel loh a ti lang a. Hetiang a tam chuan rinawmlohna corruption pawh a keng tel ngei ngei thin. Chuvangin, kan vantlang rilru hriselna chu a hniam hle tih i hre thei mai ang.
Engtia tih tur nge ni ang le? A bul berah chuan chhungkua a ni. Chhungkua atanga tan a ngai a, chhungkuaa Pathian biakna neih te, thu tha inhrilh te, kan inchhungah hah tak leh dik taka kan thawhchhuah ni lo pawisa kan hmang tur a ni lo, chaw ei huna haw kim vek te, tulna tak tak awm lem loa second hand thin mai mai te chin loh a tha. Tin, naupang te thu tha hrilh a, pawisa te hi duat tur, hah taka kan thawhchhuah a nih avangin zut mar a dah that hliau hliau tur. Mahse pawisa neih tam duhna rilru dik lo deuh lak luhna ang chi chu tih loh tur tih te mahni chhungkuaah sawi zin a tha.
Mahni eizawnna leh sum lakluh a zira nun thiam tur. Inneihna te, inthuamna te, mahni phaktawk zahpui lova, nun thiam a hun ta. Hnathawh a inang tawh lova, nun leh thil neih a inang put put tawh lo, tih te hi hrethiam ila, chantawka lawngawi i zir ang u.
- Dr Thangchungnunga, MS (Ortho)
Nu ho khan lo hre rawh u! Tulna awm lem lova Second Hand thin mai mai loh tur a nih chu.
Hei hi a tam zokin chhiar thei se ka va ti hle. Chhungkua atanga tan a ngai teh meuh mai. Pu TC-a, kan lawm e!
A va han tha tak em......zirna ngaisang tan chuan chhiar ve ngei chi a ni....hriatna a t pung e...