KRISMAS LEH KUMTHAR ROPUI TAKA LAWM TUM

Isua Krista khawvel chhandamna tura alo pianna hriatrengna Krismas chu naktuk lawkah hian kan lo thleng leh dawn ta reng mai a. Hlim leh lawm taka inbuatsaihna nasa tak nen hman tum a ni. He hunpui lo thlengah hian mi tam tak ten Isua lo piang lawmna denchhenin mite thilpek an pe a, an rinna kawngah an inhlan thar a. Hetih lai hian kan veng Branch YMA, MHIP leh vengchhung Kohhran leh pawl engemaw zat te pawhin ṭanpuina an semchhuak bawk.

Dawrpui khawtlangah harsatna lian tham awm loin he hun hi kan thleng a, damlo pawnchhuak theilo erawh an awm nia hriat a ni, khawtlang boruak a nuam a, Dawrpui vengchhunga awm, Kohhran hrang hrangte Krismas hman tum dan i han thlir thuak thuak ang.

PRESBYTERIAN : Dawrpui Kohhranah hian chhungkua 390-ah member 1841 an awm mek a. Nakum 2018 hi Dawrpui Kohhran kum za tlina lawm turin an inbuatsaih mek bawk a ni. 

Kumin Krismas leh Kumthar hi Biak inah a huhoa hman a ni ang a. Krismas Ni (Dec ni 25) leh Kumthar Ni (Jan ni 1) chu Thingpui ruai kilho tum a ni a, Dec ni 26 leh Jan ni 2-ah te ruai ṭheh a ni ang. Krismas atan hian Vawk 5 leh Bawng 2 ruahman a ni a, Kumthar ruai atan Vawk 4 leh Bawng 1 (A len dan a zirin) ruahman a ni. Krismas ruai atan hian Pu John Rotluangliana te chhungin vawk an thawh a, Kohhranho an lawm hle.

Tin, hnamdang Biak in sa mekte leh Multipurpose satute tan Krismas ruai buatsaihsak an tum bawk.

Kohhran member 15 velin Krismas lai hian Chokihola, Barak Area-ah Crusade hmangin zin an tum. Zaikhawm - Lengkhawm leh Solfa a hranin neih a ni ang. Kum upa 70 chung lam leh damlo leh chaklo bik tan a bika ruai\hehna siam sak an ni bawk ang.

SALVATION  ARMY (BAZAR CORPS) : The Salvation Army, Bazar Corps, Dawrpui te chuan nakum hian an dincham kum 80-na an thleng dawn a, tunah hian kohhran member Sipai 600 chuang an awm. Krismas
programme chu Pathianni Thianghlimna Inkhawm a\angin neih a ni ang a, Krismas Ni-ah thingpui ruai an kilho ang.

Krismas tuk December ni 26-ah zaikhawmna a awm ang a, tlaiah ruai an \heh ang. Ruai atan nimin khan hnah la-in an hnatlang a, Vawk 1 leh Bawng 1 an talh dawn a, ke pali ei thei lo tan arsa leh sangha an siam bawk ang, sa ei thei lo tan Non Veg a awm bawk ang. 

Corps chhunga section hrang hrang Home League, Mens' Fellowship leh S.A.Y te Krismas pualin Corps chhung leh pawnlam chanhai zawkte hnenah luanchhuahna an nei a, S.A.Y te hian Carol neiin in 64 an tlawhchhuak bawk a ni. Young People (Y.P) Corps ten luanchhuahna an nei bawk.

UPC of Mizoram : Pu Chalbuanga (L) buildingah Biakin neiin Kohhran member-te pawh tisa leh thlarauah an in buatsaih ṭha thawkhat a, Krismas pawh urhsun taka hman an tum, ruai pawh a tuk hian Saron Venga an hmun lei tharah an ṭheh ang.

Kohhran dang kan hre thei mai lova, Dawrpui vengchhunga Biak In nei eng emaw zat an awm mek bawk a, anni pawh hian Krismas hi ruai nen hlim leh lawm taka lawm tumin an in buatsaih mek bawk niin kan lo hria