Dawrpui Khawtlang Duty

-Vanhmingliana (Taua)

Dawrpui veng hi Mizoram capital Aizawl a sumdawnna hmunpui ber a ni a. Zoram khawtin aṭanga pan khawmtu pawh ngah ber a ni. Chumi a nih avang tak chuan he veng hi enkawl leh ven ngai bik a nihna chhan chu tlawhtu, lut leh chhuak an tam bik vang a ni ber.

Veng dangte angin a cheng leh awm ngai ngawt awm ni ila chuan duty tih angreng hi a ngai hauh lovang, Dawrpui a chengte hi misual leh ven ngai kan ni hauh lo. Kan sawi tak ang khan vengchhung alo ṭawp tak em avangin khawtlang ngaihtuahtu ber Branch YMA chuan khawtlang lo him leh lo thianghlim zawk nan ni 5 September 2018 tlai dar 3 khan vengchhung a Welfare hruaitute ko khawmin khawtlang duty a ṭul dan leh
kalphung tur a ruahman sak a, a lawmawm ṭhin hle mai. Hetiang ngaihsaktu YMA te hi awm talo se chuan Kristian Vanram Kawngzawh bu a “Lawilo Dawrpui” kha chu nep te a ni zawk ang.

Dawrpui vengchhung khawi lai mai pawh hi sumdawnna hmun a nih vek tawh avangin ruk ruk leh phalloh thil zawrh, misual tawm khawm, mi awm ṭha duhlo fuan khawmna hmun a ni lo thei lo. Veng dangah chuan an inhrechianga misual tan chance a awm lo, an man a, an phuar beta an vaw nek zel mai a ni. Chutiang mite chuan himna zawngin an lo tlan lut zela, chu chuan veng  chhung a ti him lovin a ti \awp ta em em \hin a ni.

Mi tlemte duty tura hlawh neia rawih tih mai loh chu tumah lawmman leh hlawh pek an awm lo. Hemi avang tak hian chhungtin a\anga duty tur thawhchhuah hi kan mawh \heuh a ni. Tuma ta bik a ni lova, tupawh rawk leh suam pawh tawk thei vek kan ni a. Tin, veng a nawm loh chuan keipawh ka nuamsa bik dawn lo tihna a ni a. Tin, kan ram khawpui laili ber anih angin kan ram darthlalang pawh a ni tel a ni. Ruihhlo ngaite an \hu nghuk nghuk a, mipa leh hmeichhia- \halai khaw eng pawh zah zo tawh lo, Pathian pawh zah tawh lo an awm suau suau mai hi, hnamdang mit hmuh ah pawh kan mualpho let der a ni. Hetiang ang renga awm hi India ram State khawi hmunah mah hmuh tur a awm ve si lo. Biakin ah te kalin nalh takin inchei mahila, kan bul lawka kan unaute chet dan hi hnamdangin an hmuh chhung hi chuan nangpawh i mawi thei bik chuang lo a nia!

Hawh u! Kan YMA hotute’n duty dan tur an rawn rel ang hian mahni hman leh theih dan zawn \heuh ah ram siam\ha turin tha thawh i tum \heuh ang u.

Sual zawng zawng hi kan um bo thei chuang lo tih chu a chiang. Mahse, mualpho thlak lutuk leh \awp lutuk zual hi chu a ven ve theih a nia. Misualte thilsual ti lo tura i zilh kha pulpit-tlanga thusawi ai mahin hna a thawk thei zawk tih hria ang che

I duty ve \hin ang u hmiang.