Kal (Kidney)
05 July, 2009
9
comments
- Dr Thangchungnunga, MS (Ortho)Kal (Kidney) hi taksaa organ (bung hrang)-ah chuan a pawimawh berte zing ami a ni a. A pawimawh em avang hian taksa tana thawk reng hi chu hmun thuma thena hmunkhat chauh a ni reng a. A dang zawng hi chu emergency-a reserve a ni a. Chuvang chuan taksa a chakloh em em leh a hah em em pawhin emaw natna avanga mut reng pawhin kal hi chu a thawk tha reng thin tlangpui. Kal hrim hrim thalo neih hi a hlauhawm reng a ni. A hnathawh ber chu taksaina kan mamawh loh thliar fel vek hnu a, zun-a paih chhuak tu-a a ni. Thil hrang hrang a paih rualin gas ang reng ammonia (zun a hinna chhan) te, bawlhlawh nawite a paih chhuak a. Heng neuh neuh hi a paih chhuah that loh chuan natna a siam thei a. A lar ber chu kala lung awm hi a ni. A lo insiam dan chu bawlhhlawh te tak te (etc.) Urinacid Crystal (darthlalang nawi) te ang hi a awm chuan an in belhchhah zel a, a lian telh telh a lungte-ah a lo chang ta thin a ni.
Mizote hi gout (mipa ruhseh) kan ngah em em a. Hmeichhiaah chuan kal leh mit-a lung awm in a lang chhuak tam ber thin. Engpawh nise, kala lung awm tawh leh nei mek emaw zai tawh pawh nise gout (urinacid crystal) vang a nih leh nih loh hi test ngei ngei a tha. An test thin loh avangin lung awm nawn leh hi an tam em em tih hriat a tha. Tin, i kal atha in, a thianghlim tawh tih hriatna awlsamber chu i zun kha a fim kar reng tur a ni. A sen rum chuan i taksaah tui a tlem tihna a ni a, i kal leh thildang tan pawh a tha lo a ni. Hetia a pawimawha reserve a awm teuh avang hian kal thlak pawh a thih theih phah thin a ni. I kal pakhat kha la mahse pakhat khan hmun thuma thena hmunkhat hmangin a la enkawl zo tho che a ni. Mahse i kal neih chhun a chhiat hlauh erawh chuan i buai vek a ni mai. Dialysis kan tih fo pawh hi kal thawk thalo thuah fai a, tihthianghlim a, a pangai anga thawk leh tura siam leh tirna tur khawl a ni ber. Dialysis tih lai chuan kal aiah khawl kha a thawk a, kal kha fai takin a thuah ta thin a ni.
Kal a thawh theih tawh loh tawh zet chuan a dan theih tawh loh a ni ber mai. Taksa vung tam tak hi kan hlau em em a, hlauh tur chu a nih laiin kal vanga vung i nih chuan zing thawhah mit te a bui a, a vung a zual thin. Tlai lama ke vung chi ho hi chu kal vang a ni lem lo tura dah phawt a tha.
Chuvangin kal tha/Dam rei i duh chuan tui thianghlim leh liquid lam chi reng reng in tam tur, zun a fim kar reng tur a ni. Kan blood Pressure control-tu pawimawh ber a ni bawk a, i zun a fim that chuan a hing nep deuh ang.
min rawnloin ka kal(kidney)thlalak te inlo pose a...poisa ka chawitir dawn che u..min dil ulang chuan ka uilo a..mahse minhrilhrelo hrim2 a...
Ka u paragraph hmasabera i BOLD lai tak a mi "taksaina" tih kha "taksa in a" tih tur a nih ka va ring zawk ve te ka lo ti vel ve mai mai kei mimawl hian.
Kan tui a hal hian kan dehydrate tawh tihna a ni a, i tui a hal viau chuan i kal(kidney) leh thisen khan oxygen leh mineral an lo mamawh viau tawh tihna a ni an tia chuvang chuan tui hi in deuh reng tur a ni awm in mithiam te leh zir sang zawk te chuan an sawi a ni awm e tih ngaihdan te ka lo nei ve mai mai a
A ngaihnawm khawp mai, Kal tello chuan a dam theih siloah. I ziaktha thei khawp mai.
A spare part avang viau anti bawk.
A_es hi a kal a tha lo niang, a bathroom a hing thei ltk.
A dik chiah mai, hriselna hi kan ngaih pawimawh ber tur a ni.
BJ..."taksaina" tih khi a dik ka ring ve mai mai.mizo tawng hi a har em a ni.....
Kal thlak hian a thlaktirtute hian hrisellohna eng emaw an nei duh an tih hi a dik em? mi sawi hi ka hre zeuh zeuh...
@Bja. Rawn sawi belh tur trangkai leh kan hriata poimoh si hi i hre kauh xel mai a....ron ti kauh zel roh...mi chik tak inih ka ring hrim2 bok, kan tihsual deuh lai min hrilh chat thei zel mai a!
'taksaina' tih khi chu htta sawi ang deuh khian a dik mai awm e ka ti deuh. Heti hian ziak ila kan hre thiam deuh mahna - taksa-ina
@Nunpuia. Pic hi chu mihring kal ani hlei nem, samak kal alom, i kal emo lo ti duh suh :)
@chhangte_II. Dr. TC-a hian a ziak tha thei khawp ania, keipon ka chhiar hmaih ngailo. Hriselna atana kan hriattur trangkai tak2 te a thlawnin min fah thin hi chu kan vannei hle a ni.
Not Bad Article. Ti ve hmiah teh ang.