Home »

Pu PC Lalchhandama kan then ta

21 September, 2009 5 comments

Pu PC Lalchhandama (K- 52) Jail veng chu Lungna in September ni 19, 2009 (Inrinni) zing dar 9 khan a boral a, atuk September ni 20 khan Maj. Thanhliran a vuiliam.

A chanchin : Pu PC Lalchhandama, Band Secretary hi Major PC. Thansanga leh Maj. Kalkhami te fapa upa ber niin, an fa hming koh a ni a. Kum 1958 January ni 13 khan Palsang khuaah a piang a. Kum 1981 Feb., ni 12-ah K. Rozuali, d/o Laithangi, Electric Veng nen Thingsulthliah-ah an innei a ni.

A hna thawh : Sawrkar hna hrang hrang a thawh hnuah kum 2008 December ni 22 atang khan Private Secretary to Deputy Speaker, Mizoram Legislative Assembly-ah deputation a dah a ni a. Hei hi a hun tawp thlenga a hna chelh chu a ni.

Rawngbawlna lam :
  1. Bazar Corps-ah Band Secretary a ni a. Bazar Corps Band alo din leh theihnaah pawh hian amah hi hmalatu leh sulsutu ber a ni. Central Division Band dintute zing a mi a ni bawk.
  2. India Eastern Territorial Staff Band dintute zing a mi niin, tunah hian IET Band Master a ni mek bawk.
  3. India Eastern Territory Music Board member.
  4. Territorial ACSAL Asst. Executive Secretary.
  5. Bazar Corps-ah Rover Scout Asst. Leader.
  6. Bazar Corps Building Board Secretary.
  7. Aizawl North I Branch Bible Society Committee member
  8. Territory Council Member.
  9. Mizo Hnam ro Chawisang Pawl Gen. Head Qtrs. Secretary.
  10. Dawrpui Adventure Club President.
A thihdan : Amah hi pa inchengvawng tak niin, hriselna lam ngai pawimawh mi tak a ni a. Insawiselna pawh a nei ngai meuh lo. Inrinni (19 Sept) tuk zing dar 3 khan a thin a nat thu a sawi a. Zing dar 7 velah chuan Dr. Rosangluaia hnenah an nupain inentir turin an kal a, doctor an nghah mek laiin nikhaw hre lovin a tlu ta a. Tichuan, Dr. Rosangluaia ho chuan Casualty-ah zawn chhoh nghal niin damdawi in thawktuten theihtawp chhuahin an lo buaipui a. Amaherawhchu chelh zawh rual a ni ta lo. Hlim tak leh rinawm taka a theihtawpa rawngbawla a lo chawimawi thin a Lalpa hnenah chuan thlamuang taka chawl hlen turin a chatuan rammawi chu 19 Sept, 2009 (Inrinni) zing dar 9 khan min pan san ta a ni.

5 comments »

  • htta said:  

    Pu PC Lalchhandama (RIP) a kalsan tak a chhungte Pathianin awmpuiin thlamuan zel rawh se.

    Sep 25, 2009, 7:56:00 PM
  • ice said:  

    Pu Bawiha hi Zoram Rimawi hmasawnna tura mi tangkai tak a ni tih hi hrelo kan tam maithei, a thurawn fing tak takte avang ngawt pawhin zoram rimawi khawvelah hian hriatreng a ni tawh ang...a kalsan amah hmangaihtute Lalpa'n awm rawh se...

    Sep 28, 2009, 1:16:00 PM
  • htta said:  

    Corps tan a inhmang hle mai.... mi fel tak a ni dawn hi.

    Sep 28, 2009, 5:43:00 PM
  • burgerstud2005 said:  

    Kan pawl hlui...a thih dan kha ka khawngaih khawp mai...

    Oct 3, 2009, 12:16:00 AM
  • A_es said:  

    Pu Chhandama nun hi a mawi hlein ka hre thin. Khawtlang thil tihnaah poh hian tawng tam lem lo hian thahnem a ngai thei hle. Hman kumah khan YMA Day Section inelnaah khan Armed wrestling-ah Semi final-ah kan intum tawh a, khatatang khan ka hre ve chauh....kohhran inangloh chu inhriat loh palh poh hi awl tak ani....
    A kalsan tak a chhungte leh amah la mamawh em² tu an kohhran Pathianin awmpui zel rawh se. RIP

    Oct 6, 2009, 11:52:00 PM

    • Leave your response!

    Han sawi ve teh le.