Dawrpui Khawtlang dinhmun
22 November, 2009
9
comments
Dawrpui Khawtlang dinhmun hi kan sawifo thin a, thenkhat thengathawngah a lut lo mai thei? Mahse, sawifo a ngai si a nih hi. Hengte hi lo zirbing ve teh u, engtin nge kan tih ang?1] Nov 14, 2009 (Inrinni) khan VC leh YMA Ex. Committee member leh Section OB ten nilengin Dawrpui vengchhunga Dawrkai an dawr bak a Varandah vela dawhkan leh thil zawrh dahchhuakte ti tawh lova, mipui tana hmunawl tam zawk kian ve tura ngenin nilengin an fangkual a. A tirah chuan an han ti ve mai a, reilote hnuah a ngaite bawkin an tizui leh mai a. Hah man a awm lo hle. Hemi chungchang hi kan VC ten an bawhzui zel dawn niin kan lo hria.
2] Sualna a pung nasa a, kan vengah rukruk leh ruihhlo zuar leh hmang thinte an huangtau hle a. Veng mipui nun a ralti ta lek lek mai! Kan YMA leh VC ten theihtawp an chhuah mek a, mipui ten kan theihna chin chinah i thlawp tlat zel ang u. Tunlai hian YMA lamin zan lam Duty a ruahman a, kartin Thawhlehni zan leh Zirtawp ni zan Duty hun a ruat a, hminghmerh in mahni Duty hun pawh an ruat a. Mahni Duty hun nana chu ngaipawimawh tlang ang u.
Tin, Nov 21, 2009 Inrinni khan VC huaihawtin khawtlang nun siamthat chungchangah kan vengchhung YMA, MUP, MHIP Leader KTP & SAY, FXB, SHALOM, VOLCOMH etc. Joint Commitee an nei a ni.
Tunhma Khawtlang Duty kan tih tak2 lai kha chuan boruak kha a nuam thin mawle. Khang hunlai kha a ngaihawm thei khawp mai . Mahse khatiang boruak nei leh tur chuan kan vai hian kan vei tlan a, tih takzet a kan beih a ngai dawn a ni. Tunah pawh zan 4/5 vel kan han duty a, boruak danglam chak zia chu a hmuh nghal theih a, kumtluan a kan ti theilo anih pawhin Christmas vuakvet chhoah tal hi chuan i tang mar pat teh ang u....
Keini pawh YMA lamin Thalai zawng zawng a ko khawm dawn a, min vaw vak dawn nge, min hau vak dawn nge, sweet min sem dawn nge Picnic ka rel dawn phei chu ka hre lo. Ti daih i la, Dawrpui khawtlang chuan Dinhmun te chu in ke rah na zawn kha a ni mai lo'mi? te ka tia
Kan veng hi chu vengdang ai pon kan tan nasat angai. A chhia atha zawng2 deuh thaw awmna. Mitin lo lawi luhna anih avang hian kan tan a ngai zual khop mai.
misual kha mahni kuta dan lek kawh loin, a chingfel tu turte police ho kutah hlan vat zel ang che u...mipuiin misual kan man te kan duh duha kan lo sawisa ve ngawt hi dan kalh a nih bakah veng hmingchhiat na a ni a nia...
E! Pulit kan vuak tir hrep zel ang, kawng min zawh khum ve palh ang tih kan hlau alom :)
Kan vuak zawi sa Pulit kan vuak tir leh ang chuuu!!
Zam reng2 loh tur, kan VC te an chak alawm! Hmanni lawk pawh khan Zion Street ah VC mike atangin Rampalailenga a au pawr hem2 lutuk! "Mizo tawng i hriatthiam chuan i inzawrhna atang khan kal sawn nghal rawh" te a tia, an hlau rap....
lenna tur hriat loh hi chuan zan lam duty hi a nuam viau a nia. krismas zan leh kumthar zana duty te hlei hlei a vanneihthlak.....ahhaha
Bungkawn a hot leh ngot ang, kumhlui thlah zan chu Ar kang ila tha ang Biak inah prog awm leh awm si lova....