Thisuk nei
06 December, 2009
7
comments
Thisuk kan tih hi miin thisen tam deuh bua emaw thil rapthlak deuh a hmuh emaw hian engmah hre lovin an tlu thin a, hei hi dawizep vang pawh a ni lova, thisen (mihring atanga) chhuak an hmuh hian hlauhna leh rapthlak tihna an nei a. An duh vang reng pawh ni lova thluak lam control-tu chak leh chak loha zir a ni zawk a. Hetianga engmah hre lova a lo tluk hian kaihthawh loh tur.A chhan chu mihring thisuka a awmna chhan kha thil rapthlak emaw thisen chhuak a hmuh emaw khan a taksaa chemical (damdawi chikhat) -in thisen zam len leh tet control-tu kha a chak thut a; chu chu Sympathetic Nerve a ni a. Khatia thil rapthlak tak a hmuh khan a lo sympathise a (tuarpui) ve a, thisen dawt kha a var ta huau mai a ni. Taksa puma vawi leh khata thisen dawt a len thut chuan malpui pahnihah ringawt pawh hian 5 lts chu a tling thei mai a. Chuvang chuan ke leh pum lamah gravity pull (a rihna)-in a luangthla thut mai a, chu veleh thluak lampang computer-in an power supply a tawp tih an hria a. A hmuh let lehna rang berin, kha mi kha a tluk tir ta tawp mai a. Khatia a khampheia a awm kha chuan thisen dawt var (lian) vek pawh nise thluak lamah a luang phei ve leh ta a, reiloteah an lo harh ve leh mai thin. Computer-a electric supply a tawp thut a, inverter/UPS -in a chhunzawm ang chiah hian thluaka khan thisen a hmuh vatna tur a ngaihtuahna avanga tlu an ni a. Kaitho lo la, amahin a tho leh mai ang.
Hetiang thisuk nei hi taksa a thil dik lo, lung na, kal na, chuap, thin engemaw dik loh vang a ni lova, thluak computer control-na buaithut vang a ni mai a ni. Hlauh tur a ni lova, natna dang siam thei pawh a ni chuang lo. Mak deuh chu- tlangval lianpui pawh thisen lak sak mai maia thisuk nei zuk awm thei a; Chuvangin, innuihsawh ngawt tur pawh a ni lova, an duh reng vang a ni lo tih hriat tur a ni.
- Dr Thangchungnunga, MS (Ortho)
thiseuk neiho chu kaitho tawh miah lo ila a that chu...ka harh hawk mai... tilawmawm thin e..
thiseuk a awm pawh ka hrelo e a!
haha, thiseuk maw??
Thisuk ka neilo hlauh vanneihthlak takin. Pu TC-a hi a tilawmawm thin e......kan la hriat ngai re² loh a ni.
Hei kaihthoh alo thalo nasa si a....Thisuk neih avangin kan bulah tu emo lo tlu palh ta se inti buaipui deuhvin kaithoh ka tum em² ang a.
A bengvar thlak hle mai....keicu ka neilo in ka hria....
Thisuk nei...Chhura nupui pawn, "A sen reng reng chu hlau rawh" a tih tak kha mawle :D
Post tha thei hle mai.
Mak deuh mai chu, kan sual ve lai khan ka ngam tehlul nen, tunah chuan ka fapa leh nupui an chiu tur pawh ka en ngam mang lo mawle.
Thisuk chu nei lo ve tak ka ni, thisen chhuak tih vel hi chu ka ngam ve hrim hrim. A thithun phei chu ka duh hlei hlei!