Cheraw hmanga World Record
16 March, 2010
9
comments
Ruahman lawk angin March ni 12, 2010 (Zirtawpni) khan Mizoram chuan khawvel a la thleng ngai reng reng lo, a ruala Cheraw kan tam ber leh thui ber chu hlawhtling taka neiin mi 10736 hmangin World record thar a siam ta!
Cheraw hmangin Mizoramin world record thar a siam ta a ni tih hi March ni 12, 2010 (Zirtawpni) tlai dar 3:00 khan Guinness World Record aiawha lo kal Adjudicator-in Aizawl sipai lammuala lenglo Mizo mipui kalkhawm hmaah puangin Art & Culture Minister P.C. Zoram Sangliana hnenah certificate a hlan a, ri thei zawng zawng khawnga hlado chhama, tlangtlirin, ‘Lalpa’n thil ropui min tihsak e..” ti a, zaia lamin lawm zui nghal a ni.
Cheraw hmanga World Record siam tur hian hun rei tak atang tawhin inbuatsaihna kalpui a ni tawh a, fak selna tam tak karah March ni 12, 2010 (Zirtawpni) chhun dar 12:00 atangin A.R. Lammual bakah Sikulpuikawn leh Chanmari kawn inkarah Cheraw hmanga World Record siam tura inbuatsaihte chu inrem tanin vawi thum enchhinna neih a nih hnuah chawhnu dar 2:00-ah World Record siam turin Cheraw Kan pui chu neih a ni a, chumi hnuah vawikhat dang kan lehin A.R. Lammual lamah Zai leh lamin hun hman chhunzawm a ni a, chawhnu dar 3:00-ah Cheraw hmangin Mizoram chuan World Record thar a siam ta tih chu puan a ni ta a ni.
AR Lammuala hun hmannaah hian zaithiamten Mizo hnam hla hrang hrang an sak chu mipui lamin lama zawmin Zira Hnamte in a lo larpui tawh ‘Sudden Muanga, Champion of The World’ a sak chuan kalkhawmte a ti phur hle.
Cheraw hmanga World Record siam tur hian Dawrpui Veng pawh theihtawpin a inbuatsaiha, V/C, YMA leh nu leh pa leh khawtlang mipui tanrualna leh thawhho thatna avangin Bu sarih (7) kan thawhchhuahpui thei a, Bu 1-ah hian a khawngtu mi 8 leh a kantu mi 8 zel an awm a, bu tin viltu leh flag kengtu nen bu khatah mi 18 zel an awm a, engemaw avanga thlak ngai an awm palh thulha thlaktu tur mi 9 nen Dawrpui thalai 135 te chu Cheraw hmanga World Record siamnaah telin kan vengin Cheraw kan thiam leh khawng thiam thalai 135 chu chiang takin kan nei ta mek a ni.
Mi 135 lai in rawn thawhchhuak thei chu a va ropui ve! Congrats to all the participants...
Chuan in nula te khi an chhiatloh hlawm khi... Dawrpui blog ah te hian rawn comment ve thin se chuan, kan comment te pawh kan phur phah mahna... :D
Zawhna pakhat: Substitute 9 in neih ang khian midang pawn an neih hmel veka tiraw? Mak ka tih chu, world record video hran hran ka en hian a sira "substitute" ho lo ding ka hmu miahlo. An lam laiin an biru vek a mi tiang ho hi?
illusionaire, ilo leng thin a kan lawm takzet e. Kan saste hian comment an thiam lo niang, spelling diklo chu min rawn telephone thlap2 zel..
Substitute hi veng dangah an awm leh awmloh ka hre bik lemlo. Engemaw thutah a pawimawh tlats, kan hotuten ngaihtuahna chang an hria hi an fakawm ka lo ti ve ngot asin!
Dawrpui thalai 100 chuang fe in Cheraw an han thiam phah ania. Lap hlang lap hlang!
World record kan siam hi a lawmawm a, mahse mau a uihawm ka ti. But I guess, 'No pain, no gain.'
Tih daih ila, Papua New Guinea a kan awm lai khan, Filipinos ho khan cheraw an lo kan ve thin a chuan ka nu leh Filipino missionary nu pakhat nen natives ho an zirtir ve a, PNG Independence Day (date hre tawh leu) 1987 kum khan an kan ve ngei a lawm.
thlalak chu nalh hlawm hle mai a...:-) kan veng tana thawkchhuak te an fakom takzet a ni
Dawrpui veng nih hi a va nuam tak em! Lam kan thiam si.. Kan inlungrual si.. Kan hruaituten thalaite min phurpuiin min vil peih bawk si. In tawmawm hman lo pawhin sum leh pai talin thahnem kan la ngai zel te hian Dawrpui veng nih hlutna a ti zual. Hei ai veng nuam zawk hi vengdang awm ve maw!!!
Web-Admntor hi a fel hle mai... Kan veng information hi a chhuah tha thei khop mai pict.. nen. Pa nih tawh pawh in kan la beisei tlat dawn a nia.
@chicco. I sawi khi ka hre reng, thlalak poh ka hmuin ka hria. Papua New Guinea-a in awm lai kha chuan negro nopang dum nel² harh tak ang vel kha iniin ka hria, dik em? :)
@Mama Pachuau : A tawp a tawpah chuan in ron in ham tang ve thei ta hram maw....he site atan hian i ngaihtuahna leh i tha han thawh ve teh...
Branch YMA Komiti in cheraw a tel zawng2 te chaw eikhawm pui tura thu pass nachang kan hria kha a lawmawm kati.... :)